ဇွန်လ ၂၄ရက်၊ ၂၀၁၃ခုနှစ်။ စောခါးစူးညား(ကေအိုင်စီ)
တောင်ကိုးရီးယားနိုင်ငံ၊ ဂယောင်ဂီဒိုဟွာဆောင်းနိုင်ငံခြားအကျဉ်းသား ထိန်းသိမ်းရေးစခန်းတွင်တစ်လကျော် ဖမ်းဆီးထိန်း သိမ်းခံထားရသည့် တောင်ကိုရီးယားနိုင်ငံ အခြေစိုက် ကရင်လူငယ် အစည်းအရုံး-KYO(ကိုရီးယားဌာနခွဲ)၏ ဥက္ကဌ စောလှိုင်မျိုး သိမ်း (ခေါ်)မင်းမင်းသိမ်းကို လာမည့် ဇွန်လ ၁၈ရက်နေ့တွင်စီရင်ချက်ချရန်ရှိပြီး အမှုနိုင်မည့် အလားအလာရှိသည်ဟု သိရသည်။
KYO (ကိုရီးယားဌာနခွဲ)၏ အတွင်းရေးမှူး စကက်နက်မိုးက“ကိုရီးယားမှာ ဒီလိုအမှုမျိုး တခါမှ မရှုံးဖူးသေးတာရယ်၊ ကရင်အမျိုးသားတော်လှန်ရေးရဲ့ စစ်မှန်တဲ့ ယုံကြည်မှုရယ်၊ နောက်အမှုလိုက်ပေးနေတဲ့ ရှေ့နေက ဒီအမှုက အခြေအနေ ကောင်းတယ်ဆိုတဲ့အတွက် အမှုနိုင်ဖို့ အလားအလာများပါတယ်လို့ဆိုလိုခြင်းဖြစ်ပါတယ်”ဟု ကေအိုင်စီသို့ ပြောသည်။
ကိုရီးယားအစိုးရမှ တရားမ၀င် အလုပ်လုပ်သည်ဟူ၍စောလှိုင်မျိုးသိမ်းကို အင်ချွန်းပြည်နယ်၊ အင်ချွန်း လူဝင်မှု ကြီးကြပ်ရေး ဌာနမှ ဖမ်းဆီးခဲ့ပြီးနောက် မေလ ၁၄ရက်နေ့တွင် ၎င်း၏အမှုကို စီရင်ချက်ချမှတ်ရန်ရှိသော်လည်း စီရင်ချက်မချနိုင်ဘဲရက်ရွှေ့ ဆိုင်းခဲ့ရသည်ဟုလည်း စကက်နက်မိုးက ပြောသည်။
ဆက်လက်၍ မြန်မာ့ဒီမိုကရေစီနှင့်လူ့အခွင့်ရေးအတွက်သော်လည်းကောင်း၊ကရင်အမျိုးသားတော်လှန်ရေးအတွက်သော် လည်းကောင်းအမှန်တကယ် ဆောင်ရွက်ခဲ့သောကြောင့် ကိုရီးယားအစိုးရမှစွပ်စွဲထားသည့် အမှုကို စောလှိုင်မျိုးသိမ်းက ၎င်း၏လူ့အခွင့်အရေး အမျိုးသမီးရှေ့နေ လီဆမ်ဟီး၏ ဆောင်ရွက်မှုဖြင့် ပြီးခဲ့သည့် ၂၀၁၂ခုနှစ်၊ ဇူလိုင်လ ၂၆ရက်နေ့က အမှုကိုတစ်ကြိမ်အနိုင်ရခဲ့ပြီး ဖြစ်သည်။
စောလှိုင်မျိုးသိမ်း ဖမ်းဆီးခံထားရမှုအပေါ်လာမည့်ရုံးချိန်းရက်တွင် တရားရုံး၌ တင်ပြရန် အမှုလိုက်ပေးသူရှေ့နေက KYO (ကိုရီးယားဌာနခွဲ)မှတဆင့် ဒေသအသီးသီးရှိကရင်အဖွဲ့အစည်းများထံသို့ (၁) KNU လှုပ်ရှားမှုဖြင့် ပြစ်ဒဏ်ကျခံရမှု ရှိမရှိ၊ (၂) ကရင်လူမျိုးဖြစ်သောကြောင့်လူ့အခွင့်ရေးချိုးဖောက်ခံခဲ့ရမှုနှင့် မီဒီယာများတွင် ဖော်ပြခံခဲ့ရမှုရှိမရှိ (၃) ဒုက္ခသည်အဖြစ် ကရင် လူမျိုးများကို လက်ခံထားသည့် နိုင်ငံနှင့် စာရွက်၊ အင်တာနက်စာမျက်နှာအထောက်ထားများရှိပါက ပို့ပေးပါရန် စသည်တို့ကို မေလအတွင်း၌အီးမေးလ်ဖြင့် ပေးပို့အကူအညီ တောင်းခဲ့သေးသည်။
စောလှိုင်မျိုးသိမ်းသည် ဒုက္ခသည်အဖြစ် တောင်ကိုရီးယားအစိုးရထံနိုင်ငံရေးခိုလှုံခွင့်တောင်းခံထားသူဖြစ်ပြီး ဥပဒေအရ နိုင်ငံရေးခိုလှုံခွင့် တောင်းခံစဉ်ကာလအတွင်း အလုပ်လုပ်နေသည့် ၎င်းအား ၂၀၁၃ခုနှစ်၊ ဧပြီလ ၂၂ရက်နေ့၌ အန်ဆန်းမြို့နယ်၊ ရှီဝှာစက်မှုဇုံရှိ ကားပစ္စည်းအပိုစက်ရုံမှ အစိုးရအာဏာပိုင်များကသွားရောက်ဖမ်းဆီးခဲ့ခြင်းဖြစ်သည်။
KYO (ကိုရီးယားဌာနခွဲ)သည် ကရင့်အမျိုးသားခေါင်းဆောင်စောဘဦးကြီး၏ မူလေးချက်ကို အခြေခံ၍ ၂၀၀၉ခုနှစ်တွင် စတင်ဖွဲ့စည်းခဲ့သည်။ ထို့နောက် ၎င်းအဖွဲ့သည် ကိုရီးယားအစိုးရထံသို့ နိုင်ငံရေးခိုလှုံခွင့် လျှောက်ခဲ့ရာ အစိုးရက ခွင့်ပြုချက် မပေးဘဲယခုအချိန်ထိ ငြင်းပယ်ထားဆဲဖြစ်သည်။
တောင်ကိုရီးယားနိုင်ငံတွင် လက်ရှိနေထိုင်သည့်KYO(ကိုးရီးယားဌာနခွဲ)အဖွဲ့ဝင်များသည် ကိုရီးယားအစိုးရမှပေးထားသည့် တရားစွဲ A4 စာရွက်ဖြင့် သုံးလတစ်ကြိမ်တံဆိပ်တုံးထုပြီး နေထိုင်နေရသည်။
တိုက်ပွဲများကြောင့် လူကုန် ကူးခံရမှုကို တွန်းအားပေးသလို ဖြစ်လာကြောင်း KWAT ပြော
ဇွန်လ ၅ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)
မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) တို့အကြားတကျော့ပြန် တိုက်ပွဲများ ပြန်လည်ဖြစ်ပွားသည့် ကာလအတွင်းကချင်အမျိုးသမီးများအား တရုတ်နိုင်ငံဘက်ခြမ်းသို့လူကုန်ကူးခံရအောင် တွန်းပို့ပေးသလိုဖြစ်နေကြောင်းထိုင်းနိုင်ငံအခြေစိုက် ကချင်အမျိုးသမီးအစည်းအရုံး-ထိုင်းနိုင်ငံ(KWAT) ယနေ့ ပြောကြားလိုက်သည်။
ကချင်ပြည်နယ်နှင့် နယ်နိမိတ်ခြင်း ထိစပ်နေသော တရုတ်-မြန်မာနယ်စပ်တစ်လျှောက်ရှိ နေရာဒေသများတွင် လူကုန်ကူးမှုများတိုးပွားလာလျက်ရှိကြောင်း KWAT မှ ယနေ့ရက် ဇွန်လ၅ရက်နေ့က ထုတ်ဝေသည့် စာမျက်နှာ ၂၈မျက်နှာပါ “ချောက်ကမ်းပါး သို့ တွန်းပို့ခံရခြင်း”အမည်ရှိ အစီရင်ခံစာအုပ်တွင်ထိုသို့ ဖော်ပြထားခြင်းဖြစ်သည်။
KWAT ၏ ပြောခွင့်ရသူ မဂျူလီယာမရစ်က “တိုက်ပွဲပြန်ဖြစ်လို့ထွက်ပြေးတိမ်းရှောင်လာရတဲ့ကြားထဲမှာ အကူအညီ အလုံအလောက် မရတာတွေ၊ စားဝတ်နေရေး မပြေလည်တာတွေကြောင့်အမျိုးသမီးငယ်လေးတွေအနေနဲ့ လူကုန်ကူးခံရမှုဖြစ်အောင်တွန်းပို့ပေးသလို ဖြစ်နေပါတယ်”ဟု ကေအိုင်စီသို့ ပြောသည်။
တိုက်ပွဲများ ပြန်လည်ဖြစ်ပွားသည့် ၂၀၁၁ ဇွန်လမှစ၍ လူကုန်ကူးမှု ၂၄မှုကို ကူညီကယ်တင်နိုင်ခဲ့ပြီး လူကုန်ကူးခံရသူ မိန်းကလေးငယ်များအနက် သုံးပုံတစ်ပုံမှာ အသက် ၁၈နှစ်အောက်အရွယ်များသာဖြစ်ကြောင်း KWAT ကပြောဆိုသည်။
“လူကုန်ကူးခံရလို့ လက်လှမ်းမီသလောက် ကယ်တင်နိုင်ခဲ့တဲ့အမှုတွေကတော့ အများအားဖြင့် သွေးဆောင်ဖြားယောင်းခံရတာ၊လုပ်အားခ ခေါင်းပုံဖြတ်ခံရတာ၊ တရုတ်မယားအဖြစ်နဲ့ရောင်းစားခံရတဲ့သူတွေ များပါတယ်”ဟု မဂျူလီယာမရစ်က ပြောဆိုသည်။
ထို့အပြင် တရုတ်-မြန်မာနယ်စပ်တစ်လျှောက်ဒုက္ခသည်များအနေဖြင့် မြန်မာအစိုးရ၏ ပိတ်ပင်တားဆီးမှုကြောင့်အလုပ်လက်မဲ့ နှုန်း မြင့်မားလာခြင်းနှင့် နိုင်ငံတကာမှလူသားချင်းစာနာမှုဆိုင်ရာ အကူအညီများနည်းပါးနေခြင်းတို့ကြောင့် စားဝတ်နေရေးများကြပ်တည်းလာကြပြီး အိမ်တွင်းအကြမ်းဖက်မှုများ သိသာစွာတိုးလာကြောင်းလည်း KWAT က ဆိုသည်။
လူကုန်ကူးခံရမှုများမှာ ကချင်ပြည်နယ်သာမကရှမ်းပြည်နယ်အတွင်း၌လည်း ဖြစ်ပေါ်နေပြီး ၂၀၁၂ခုနှစ်၊ ဇန်န၀ါရီလမှ သြဂုတ် လအတွင်း တရုတ်နိုင်ငံသို့လူကုန်ကူးခံရသည့်အမှုပေါင်း ၆၁မှုရှိခဲ့ပြီး အများစုမှာအမျိုးသမီးများဖြစ်ကြောင်း မြန်မာနိုင်ငံ လူကုန်ကူးမှုတားဆီးနှိမ်နင်းရေးအဖွဲ့၏ ထုတ်ပြန်ချက်အရ သိရသည်။
မြန်မာအစိုးရနှင့် တရုတ်အစိုးရတို့အကြား ၂၀၀၉ခုနှစ်ကချုပ်ဆိုခဲ့သော လူကုန်ကူးမှု ပူးပေါင်းတိုက်ဖျက်ရေး အစီအစဉ်ကိုအကောင်အထည်မဖော်နိုင်ခြင်းနှင့် တရုတ်နိုင်ငံဘက်မှအတင်းအဓမ္မ လက်ထပ်ထိမ်းမြားခံရမှုကို လူကုန်ကူးမှု ပြစ်မှုအဖြစ် ပြဌာန်းနိုင်မှု မရှိခြင်းတို့ကြောင့် လူကုန်ကူးခံရမှုကို ထိန်းချုပ်ရန်ခက်ခဲနေသေးကြောင်းလည်း သိရသည်။
KWAT ကို ၁၉၉၉ခုနှစ်၊ စက်တင်ဘာလ ၉ရက်နေ့တွင်စတင်ဖွဲ့စည်းခဲ့ပြီး အမျိုးသမီးနှင့် ကလေးသူငယ်များ၏ ဘ၀ကိုစွမ်းရည် မြှင့်တင်ပေးခြင်း၊ ကျန်းမာရေးကူညီစောင့်ရှောက်ခြင်း၊ နိုင်ငံရေး အမြင်ဖွင့်သင်တန်းပို့ချခြင်းနှင့်ပြောင်းရွှေ့အလုပ်များကို ကူညီ ထောက်ပံ့ပေးခြင်းလုပ်ငန်းများလုပ်ဆောင်လျှက်ရှိသည်။
.JPG)
