UNFC-28+-07-2011

UNFC-28+-07-2011

ဟစ်တလာနှင့်မြန်မာ့ဆက်သွယ်ရေးHitlar talked about Myanmar Communication.flv

မြန်မာစစ်တပ်အချင်းချင်း မော်တာကျည်ဖြင့် အပြန်အလှန်ပစ်ခတ်ကြ

ကချင်ပြည်နယ်တောင်ပိုင်း မန်မော် (ဗန်းမော်)ခရိုင်၊ မန်ဂျေ(မံစီ)မြို့နယ် မုံခေါင်(Mung Hkawng)ကျေးရွာ၌ ဇူလိုင် ၂၈ ရက်တွင် မြန်မာစစ်တပ်အချင်ချင်း မော်တာကျည်ဆံဖြင့် အပြန်အလှန်ပစ်ခတ်သည်ဟု သိရသည်။

ဆားမှော်နယ်မြေခံ ခလရ (၁၀၅)၏ မုံခေါင်ရောက် လှုပ်ရှားစစ်ကြောင်းတစ်ခုသည် ဇူလိုင် ၂၇ ရက် နံနက်ပိုင်း မုံခေါင်အနီး ပန်ဆပ်(Pang Sap)ကျေးရွာ အောက်ပိုင်း၊ ကျွန်းသစ်စိုက်ကွင်းတွင် ကချင်လွတ်မြောက်ရေးအဖွဲ့ (KIA)၏ လုံခြုံရေးမိုင်း နင်းမိသည်။

ဇူလိုင် ၂၈ ရက် ဗုံးပေါက်သည့်နေရာတွင် နေရာယူနေဆဲ မြန်မာတပ်များအား KIA တပ်ရင်း ၂၇ က ပစ်ခတ် သွားပြီးနောက် မုံခေါင်ရှိမြန်မာတပ်နှင့် မြန်မာစစ်ကြောင်းတပ်များကြား မော်တာကျည်ဆံဖြင့် အပြန်အလှန် ပစ်ခတ် ကြခြင်းဖြစ်သည်ဟု KIA အရာရှိတစ်ဦးပြောသည်။

“အဲဒီစစ်ကြောင်းက မုံခေါင်ရွာထဲကို လက်နက်ကြီးနဲ့ လေးခါပစ်ထည့်လိုက်ကြတယ်တဲ့ မနေ့က ၂ နာရီခွဲလောက်မှာ မော်တာကျည်က စာသင်ကျောင်းနားမှာ တစ်ခု၊ ရပ်ကွက် ၄ မှာတစ်ခု၊ RCM (Roman Catholic Mission) ဘုရားရှိခိုးကျောင်းနားမှာ တစ်ခု၊ သူတို့(ခလရ၁၀၅)စစ်တပ် နားမှာတစ်ခု၊ ၁၀၅ တွေအချင်းချင်း၊ ဒီလိုနဲ့ မုံခေါင်ဘက်က ပြန်ပစ်လိုက်၊ ၂ ခေါက်တောင်” ကျောင်းစာသင်ချိန်တွင် ကျည်ပေါက်ကွဲသံကြောင့် အလန့်တကြား ၀ပ် ကြရသည်ဟု မုံခေါင်အထက်တန်းကျောင်းဆရာမတစ်ဦးနှင့် နီးစပ်သူများမှ တဆင့်သိရသည်။

မုံခေါင် တပ်စခန်းမှ တပ်ကူရောက် မ လာသည့်အတွက် မြန်မာတပ်အချင်းချင်း ရှေ့တန်းစစ်ကြောင်းက နောက်တန်းကို တမင်တကာ ပစ်လိုက်ပုံရသည်ဟု KIA အရာရှိက ထင်မြင်သည်။

မုံခေါင် ခလရ ၁၀၅ တပ်စခန်းနှင့် ၎င်းတို့ရှေ့တန်းစစ်ကြောင်းမှာ သုံးမိုင်ခန့် ကွာဝေးကြကာ မြေပြန့်တွင် ဖြစ်သည်ဟုလည်း သိရသည်။ သေကြေဒဏ်ရာရမှု ရှိမရှိ မ သိရပါ။

တောင်ကိုးရီးယားတွင် လူနှစ်ယောက်သေဆုံးခဲ့သည့် Boeing 747 လေယာဉ်ပျက်ကျမှု

တောင်ကိုရီး​ယား​ နိုင်ငံတွင် ကုန်တင် ​လေယာဉ်တစ်စင်း​ ပျက်ကျရာ လူ ၂ ဦး​ ​သေဆုံး​သွား​​ကြောင်း​ သိရသည်။

Boeing 747 အမျိုး​အစား​ ​လေယာဉ်သည် Asiana ​လေ ​ကြောင်း​လိုင်း​ပိုင် ဖြစ်ပြီး​ ​တောင်ကိုရီး​ယား​ ကမ်း​လွန်ရှိ ဂျီဂျူး​ ကျွန်း​အနီး​တွင် ပျက်ကျခဲ့​ခြင်း​ဖြစ်သည်။ နိုင်ငံ​တောင်ပိုင်း​တွင် ပျက်ကျသွား​​သော ​လေယာဉ်သည် အင်ချွန်း​မှတဆင့်​ တရုတ်နိုင်ငံရှိ ပူ​ဒေါင်သို့​ ဦး​တည်ပျံသန်ခဲ့​ခြင်း​ဖြစ်သည်။ ဇူလိုင်လ ၂၈ ရက်​နေ့​က ပျက်ကျခဲ့​​သော ​လေယာဉ်တွင် လိုက်ပါလာ​သော ​လေယာဉ်မှူး​ နှစ်ဦး​လုံး​ ​သေဆုံး​သွား​ခဲ့​သည်။ ဂျီဂျူး​​လေဆိပ်သို့​ မ​ရောက်မီ ​လေယာဉ်သည် ​ရေဒါမြင်ကွင်း​တွင် ​ပျောက်ကွယ်သွား​ခဲ့​ခြင်း​ဟု သိရသည်။

ယွန်ဟပ်သတင်း ​ ​အေဂျင်စီက ​လေယာဉ်ပျက်ကို ပြန်လည် ရှာ​ဖွေ ​တွေ့​ရှိထား​ပြီး​ဖြစ်​ကြောင်း​ ​ဖော်ပြခဲ့​သည်။ လက်ရှိတွင် ​လေယာဉ် ပျက်ကျရမှုနှင့်​ ပတ်သက်ပြီး​ စုံစမ်း​မှုများ​ ပြုလုပ်​နေဆဲ ဖြစ်ပြီး​ ရာသီဥတု ဆိုး​ရွား​မှု​ကြောင့်​ ဖြစ်နိုင်​ကြောင်း​ ​လေ့​လာသူများ​က ခန့်​မှန်း​ခဲ့​သည်။

တောင်ကိုရီး​ယား​တွင် ယခုသီတင်း​ပတ်အတွင်း​ မိုး​များ​ သည်း​ထန်စွာ ရွာသွန်း​လျက်ရှိသည်။ Boeing 747​လေယာဉ်များ​ကို ကုန်တင်​လေယာဉ်အဖြစ်​ရော၊ ခရီး​သည်တင် ​လေယာဉ် အဖြစ်ပါ သုံး​စွဲနိုင်သည်။ Jumbo Jet ဟု နာမည်​ပြောင် ​ပေး​ထား​​သော အဆိုပါ ​လေယာဉ်များ​သည် ဆယ်စုနှစ် ၄ ခုကြာ​အောင် ဆက်လက်သုံး​စွဲ​နေဆဲဖြစ်သလို Boeing ကုမ္ပဏီကလည်း​ အသစ်ထုတ်လုပ်​နေဆဲဟု သိရှိရသည်။

ပြည်နယ်ဝန်ကြီးအိမ်ယာများ အကုန် မပြီးစီးသေး

ဇူလိုင်လ ၃၀ရက်။ ကေအိုင်စီ

ကရင်ပြည်နယ် ဖားအံမြို့ရှိ ပြည်နယ်ကွင်း၏ လမ်းတစ်ဖက်ခြားနေရာတွင် ပြည်နယ်ဝန်ကြီးများ၏ အိမ်ယာများကို ဆောက် လုပ်နေဆဲဖြစ်ပြီး ယခုအချိန်ထိ ၀န်ကြီး ၄ဦးသာ နေထိုင်လျှက်ရှိသေးကြောင်း ဖားအံမြို့ခံများက ပြောဆိုနေကြသည်။

“ဘဏ္ဍာရေးနှင့် အခွန်ဝန်ကြီးဌာန၀န်ကြီး ဦးဝင်းထိန် အပါအ၀င် အဝေးကလာတဲ့ ၀န်ကြီး ၄ဦးတော့ နေနေပါပြီ။ ကျန်တဲ့အိမ် ယာတွေကတော့ မပြီးပြတ်သေးဘူးလေ။”ဟု ဖားအံမြို့ခံတစ်ဦးက ဆိုသည်။

၎င်းဝန်ကြီးအိမ်ယာများကို ရွေးကောက်ပွဲမပြီးခင်ကတည်းက ဆောက်လုပ်ခဲ့ခြင်းဖြစ်ပြီး ထိုအနီးတ၀ိုက်ရှိ လမ်းများကိုလည်း ကောင်းမွန်စွာ ပြန်လည် ပြုပြင်ထားကြောင်း သိရသည်။

အခြားမြို့ခံတစ်ဦးက “ဖားအံမြို့ ကရင်ပြည်နယ်ပွဲလုပ်တဲ့ သီရိကွင်းဒုံးစင်နဲ့ မျက်နှာချင်းဆိုင်တည့်တည့်မှာ ၀င်ပေါက်ရှိတယ်။ သူတို့လမ်းကို သေချာ ပြန်ဖောက်ထားတယ်။ လမ်းမကြီးနဲ့ ကန်သာယာအနောက် သွားမယ့်လမ်းအလယ်မှာပေါ့။ အရင်က ချုံ တွေကြီးပဲ။ အဲဒီမှာ ၀န်ကြီးအိမ်တွေပေါ့။ ခြံအကျယ်ကြီးပဲကိုး။”ဟု ပြောသည်။

အသစ်ဆောက်လုပ်သည့် ၀န်ကြီးအိမ်များမှာ အနည်းဆုံး ၉လုံးခန့်ရှိသည်ဟု သိရသည်။

ထို့အပြင် ယခင်က အစိုးရဧည့်ဂေဟာအဖြစ် ထားရှိခဲ့သည့် ရိပ်သာအဆောက်အဦး နှစ်ခုကိုလည်း ပြန်လည် မွမ်းမံပြင်ဆင်ကာ လွှတ်တော်ဥက္ကဌနေအိမ်ဟူ၍ ပြန်လည် သတ်မှတ်နေရာချထားကြောင်း မြို့ခံများက ပြောဆိုနေကြသည်။

နယ်ခြားစောင့် ၁၀ဦး KNLA တပ်မဟာ(၇)ထံ လာရောက်ပူးပေါင်း

ဇူလိုင်လ ၂၉ရက်။ စောသိန်းမြင့် (ကေအိုင်စီ)

Photo-KIC (ကေအဲန်အယ်လ်အေနှင့် လာရောက်ပူးပေါင်းသည့် BGF တပ်ဖွဲ့ဝင်များ)

ကရင်ပြည်နယ်၊ လှိုင်းဘွဲမြို့နယ် နယ်စပ်တနေရာတွင် အခြေစိုက်သည့် နယ်ခြားစောင့်တပ် တပ်ဖွဲ့ဝင် ၁၀ဦးသည် ယမန်နေ့က ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၇)ထံသို့ လာရောက်ပူးပေါင်းခဲ့ကြသည်။

နယ်ခြားစောင့်(၁၀၁၂)တပ်ရင်း၊ တပ်ခွဲ(၁)မှ တပ်ကြပ်ကြီး စောဒီ့ကျူ ဦးစီးသည့် တပ်ဖွဲ့ဝင် ၁၀ဦးသည် နယ်ခြားစောင့်အနေ ဖြင့် ဆက်လက် တာဝန်ထမ်းဆောင်လိုစိတ် မရှိတော့သောကြောင့် KNLA နှင့် ယခုလို လာရောက်ပူးပေါင်းခြင်းဖြစ်ကြောင်း စောဒီ့ကျူက ပြောသည်။

“ကျနော်တို့ လူမျိုးတွေကို အစိပ်စိပ်အမွှာမွှာဖြစ်အောင် ဖျက်ဆီးနေတဲ့ ဒီအစိုးရလက်အောက်မှာ မလုပ်ချင်တော့လို့ ကျနော်တို့ ညီအစ်ကိုတွေနဲ့ လာရောက်ပူးပေါင်းတာ ဖြစ်တယ်။ ကျနော်တို့တပ်ရင်းမှူး ဗိုလ်ဘိလည်း အစိုးရကို ပြန်တော်လှန်နေပြီလေ။ ဒါ ကြောင့် ကျနော်တို့လည်း တပ်ရင်းမှူးနဲ့အတူ အစိုးရကို ပြန်တော်လှန်ဖို့ ဒီလိုလုပ်တာပါ။”ဟု စောဒီ့ကျူက ပြောသည်။

အဆိုပါ နယ်ခြားစောင့်တပ်ဖွဲ့ဝင် ၁၀ဦးမှာ တပ်ကြပ်ကြီး ဒီ့ကျူ ၅၀နှစ်၊ ဒုတပ်ကြပ် ဖားဆွဲ့ ၄၀နှစ်၊ တပ်ကြပ် ဖားနို ၂၃နှစ်နှင့် တပ်သားများဖြစ်သည့် ဒီ့တို ၂၁နှစ်၊ ဖောကလူ ၁၉နှစ်၊ ဒီ့ကွီ ၁၈နှစ်၊ ဒို့ဝါး ၁၇နှစ်၊ တာ့ဘလယ့် ၁၆နှစ်၊ အယ်ခူ ၁၅နှစ်၊ မောင် သန်း ၁၃နှစ်တို့ဖြစ်ပြီး ၎င်းတို့နှင့်အတူ AR ၆လက်၊ မက္ကဇင်း ၂၄ချပ်၊ AR စက်လတ် ၁လက်၊ မက္ကဇင်း ၁ချပ်၊ 79 ၁လက်၊ ကျည် ၂၀လုံး၊ AK ၁လက်၊ မက္ကဇင်း ၂ချပ်၊ အီကွင့်မန့် ၅စုံ၊ စကားပြောစက် ၂လုံး ပါရှိသည်။

ကေအဲန်အယ်လ်အေနှင့် လာရောက်ပူးပေါင်းသည့် အဆိုပါ နယ်ခြားစောင့်တပ်ဖွဲ့ဝင်များသည် အစိုးရအား ပြန်လည် တော် လှန်ခုခံရန် အလွန် စိတ်အားထက်သန်လျှက်ရှိသည်ဟု ပြောသည်။

တပ်သားဒီ့တိုက “ဒီမှာ တရက်နှစ်ရက်နေပြီးရင် ခေါင်းဆောင်တွေ ညွှန်ကြားတဲ့အတိုင်း တပ်ရင်းမှူး ဗိုလ်ဘိဆီကို ပြန်သွားပြီး အစိုးရစစ်တပ်ကို ပြန်တိုက်မယ်။ ကြုံတွေ့ရမယ့် အခက်အခဲတွေကို ခံနိုင်ဖို့အတွက် ကျနော်တို့တွေ အားလုံး ပြင်ဆင်ထား တယ်။”ဟု ကေအိုင်စီကို ပြောသည်။

ထိုသို့ ရောက်ရှိလာသည့် ဘီဂျီအက်ဖ်တပ်ဖွဲ့ဝင် ၁၀ဦးအနက် ၄ဦးမှာ အသက်မပြည့်သေးသည့် ကလေးစစ်သားများဖြစ်၍ နှစ် ဦးနှစ်ဖက် ညှိနှိုင်းတိုင်ပင်ပြီး အဆိုပါ ကလေးစစ်သားများ၏ ရှေ့ရေးကို အကောင်းဆုံး စီစဉ်ဆောင်ရွက်သွားမည်ဟု ကေအဲန် အယ်လ်အေ တပ်မဟာ(၇)ရုံးထိုင်မှူး ဗိုလ်မှူးစောအယ်ဆဲဆဲက ကေအိုင်စီကို ယခုလို ပြောသည်။

“ဒီကေဘီအေကနေ နယ်ခြားစောင့် အသွင်ပြောင်းမယ့်အချိန်မှာ တပ်အင်အား မပြည့်တဲ့အတွက် အစိုးရက မဖြစ်မနေ အတင်း အဓမ္မ လိုက်လံစုဆောင်းခိုင်းလို့ ဒီကလေးတွေ ပါသွားတာဖြစ်တယ်။ ကျနော်တို့ ကေအဲန်အယ်လ်အေမှာ အသက်မပြည့်သေး တဲ့ ကလေးစစ်သားတွေကို လုံးဝ လက်မခံဘူး။ အဲဒါကြောင့် ဒီကလေးတွေ နားလည်အောင်ရှင်းပြပြီးတော့ သူတို့အတွက် အ ကောင်းဆုံး စီစဉ်ပေးမှာပါ”ဟု ပြောသည်။

ကေအဲန်အယ်လ်အေ တပ်မဟာ(၇)တွင် ယခုလ ဇူလိုင်လအတွင်း နယ်ခြားစောင့်တပ်-BGF ၂၆ဦး လက်နက်ခဲယမ်းများနှင့် အတူ လာရောက်ပူးပေါင်းခဲ့ပြီး ၎င်းအထဲတွင် တပ်ကြပ်ကြီး ၄ဦး ပါဝင်သည်ဟု ကေအဲန်အယ်လ်အေမှတ်တမ်းအရ သိရသည်။

ဒေါ်ဆွေဇင်ထိုက်နဲ့ တွေ့ဆုံမေးမြန်းခန်းVOA's Interview with Former Actress, Daw Grace

ဇူလိုင်လ စတုတ္ထပတ် RFA ရုပ်သံသတင်းအစီအစဉ်

VOA Burmese TV Magazine - July Fourth Week

ဆက်ကြေးမပေးနိုင်၍ ဘုရား သုံးဆူ လူထုအချို့နေအိမ် များမှ ရှောင်တိမ်းနေကြ

Friday, 29 July 2011--

ဇူလိုင်လ ၂၉ ရက်။ နန်းသူးလေ (ကေအိုင်စီ)

ကရင်ပြည်နယ်၊ ဘုရားသုံးဆူမြို့တွင် လက်နက်ကိုင်အဖွဲ့တစ်ဖွဲ့က ပြီးခဲ့သည့် ရက်သတ္တပတ်မှစ၍ ရပ်ကွက်လူကြီးများမှတ ဆက်ကြေးများ တောင်းခံပြီး ဇူလိုင်လကုန် နောက်ဆုံးထားကာ ပေးခိုင်းသည့်အတွက် ယခုဆိုလျှင် မြို့ခံတချို့မှာ မိမိတို့၏ နေ အိမ်များမှ ရှောင်တိမ်းနေကြသည်ဟု သိရသည်။

ဘုရားသုံးဆူမြို့၊ ရပ်ကွက်(၃)နေ ပရိဘောဂလုပ်ငန်းရှင်တစ်ဦးက “ရပ်ကွက်တခုတည်းကို ဘတ် လေးသိန်းတောင်းတယ်။ ကျနော်တို့က ဘယ်လိုပေးနိုင်မလဲ။ အခုတလော လုပ်ငန်းကလည်း မကောင်းတော့ အဆင်မပြေဘူး။ ဒီ ၇လပိုင်းအကုန်မှာ ပေးခိုင်းတော့ အခုဆိုရင် ငွေကြေးအတန်အသင့် ရှိသူတွေတောင် ရှောင်ပြေးကုန်ကြပြီ။”ဟု ပြောသည်။

မွန်သတင်းဌာနတွင် ဖော်ပြချက်အရ ရာမညအမည်ရှိ ၎င်းလက်နက်ကိုင်အဖွဲ့သည် ရပ်ကွက်လူကြီးထံ တယ်လီဖုန်းမှတဆင့် ဆက်ကြေးကောက်ခံကာ ဇူလိုင်လအကုန်တွင် ပေးဆောင်ခိုင်းခဲ့ပြီး မပေးဆောင်ပါက မြို့အတွင်း မီးရှို့ပစ်မည်ဟု ခြိမ်းခြောက် ပြောဆိုသေးသည်ဟု ဒေသခံတစ်ဦးက ပြောသည်။

၎င်းက “မွန်အဖွဲ့တစ်ဖွဲ့ကနေ ရပ်ကွက်လူကြီးဆီမှာ ဖုန်းဆက်ပြီး ဆက်ကြေးတောင်းတယ်။ ဒီလကုန်ရင်ပေးရမယ်တဲ့။ မပေး ရင် မြို့တွင်းထဲမှာ မီးရှို့မယ်။ ဒါမှမဟုတ် တစ်ခုခုလုပ်မယ်ဆိုပြီးပြောသွားတယ်။ ဒါကြောင့် တချို့လူတွေဆို နီးစပ်တဲ့မြို့တွေ၊ ထိုင်းနိုင်ငံဘက်နဲ့ မြန်မာပြည်အောက်ဘက်ကို ရှောင်သွားကြတယ်။”ဟု ဆိုသည်။

ဘုရားသုံးဆူမြို့တွင် လူအများစုသည် ပရိဘောဂလုပ်ငန်းကို လုပ်ကိုင်ကြပြီး လတ်တလော လုပ်ငန်းများ အဆင်မပြေမှုကြားမှ ယခုလို ဆက်ကြေးတောင်းခံလာမှုအပေါ် ပစ်ခတ်မှုများဖြစ်လာမည်စိုး၍ အချို့ဈေးသည်များပင် ဆိုင်ခန်းများ ပိတ်ထားကြ သည်ဟု သိရသည်။

အဆိုပါအဖွဲ့သည် ယခင်ကလည်း ဘုရားသုံးဆူမြို့အနီးရှိ ကရင်နှင့် မွန်လူမျိုးများ နေထိုင်သည့် ကျေးရွာအချို့နှင့် ရာဘာ ခြံများတွင် ဆက်ကြေးကောက်ခံလျှက်ရှိပြီး မြို့ပေါ်တွင် ကောက်ခံခြင်းမှာ ပထမဦးဆုံးအကြိမ်ဖြစ်ကြောင်း မွန်သတင်းထောက် တစ်ဦးက ရှင်းပြသည်။

ရာမညအဖွဲ့ခေါင်းဆောင် ဗိုလ်မှူးကြီးနိုင်ရှောင်သည့် ပြီးခဲ့သည့် ၂၀၁၀ခုနှစ်၊ အောက်တိုဘာလ ၂၆ရက်နေ့တွင် စစ်အစိုးရထံ လက်နက်ချခဲ့ပြီး ကျန်ရှိနေသည့် အဖွဲ့ဝင်အချို့မှ ယခုလို ဆက်ကြေး ဆက်လက် တောင်းခံနေခြင်း ဖြစ်သည်။

ဘုရားသုံးဆူမြို့တွင် အဓိကအားဖြင့် ရပ်ကွက်(၄)ခုရှိရာ ယခု ဆက်ကြေးအတောင်းခံရသည့် ရပ်ကွက်မှာ ငွေကြေးတတ်နိုင် သူ အများစု နေထိုင်သည့်ရပ်ကွက်ဖြစ်ပြီး ဇွန်လ ၁၄ရက်နေ့က ၎င်းရပ်ကွက်နေ ဦးအောင်တင်ဝင်း၏ ရွှေဆိုင်နှင့်တွဲလျှက် ကုန် စုံဆိုင်ကို မျက်နှာဖုံးစွပ်လက်နက်ကိုင် ၇ဦးခန့်က လက်နက်ကြီးငယ်များဖြင့် ဝင်ရောက်ပစ်ခတ်ခဲ့ပြီး မီးရှို့ဖျက်ဆီးခဲ့သည်။

ပြီးခဲ့သည့် ဇွန်လက ဘုရားသုံးဆူမြို့မဈေးအနီးရှိ စစ်ဖက်ရေးရာလုံခြုံရေးတပ်ဖွဲ့ (စရဖ)ရုံးကို အမည်မသိ လက်နက်ကိုင်တပ်ဖွဲ့ ၀င်များ ၀င်ရောက်ပစ်ခတ် တိုက်ခိုက်မှုများကြောင့် မြို့ခံအချို့ ထိခိုက်သေကြေကြသည့်အပြင် ဘုရားသုံးဆူမြို့ခံ ၃၀,၀၀၀ခန့် မှာ ယနေ့အချိန်ထိ ထိတ်လန့်နေကြဆဲဖြစ်သည်။

ကရင့်တော်လှန်ရေးသမား ၅၀ခန့် သတ်ဖြတ်ခဲ့ကြောင်း ထုတ် ဖော်ပြောဆိုလာသူ စောမွန်းဆာ

မိမိကိုယ်ကို စစ်ရာဇဝတ် ကျူးလွန်သူဟု ထုတ်ဖော်ပြောဆိုခဲ့သူ ဦးထူးထူးဟန်ကဲ့သို့ပင် သြစတြေးလျနိုင်ငံတွင် နေထိုင်သည့် ကရင်အမျိုးသားတဦးဖြစ်သူ စောမွန်းဆာကလည်း စစ်ရာဇဝတ်မှု ကျူးလွန်ခဲ့ကြောင်း ထပ်မံ ပြောဆိုလာပြန်သည်။

ကရင့်တော်လှန်ရေးသမား ၅၀ခန့်ကို သတ်ဖြတ်ခဲ့ကြောင်း

ထုတ်ဖော်ပြောဆိုလာသူ စောမွန်းဆာ

အသက် ၄၄နှစ် အရွယ်ရှိသည့် စောမွန်းဆာသည် သြစတြေးလျား နိုင်ငံသားအဖြစ် ခံယူထားသူ ဖြစ်ပြီး သူ၏၀န်ခံချက်ကို ဆစ်ဒနီ မော်နင်းဟာ ရဲလ်က Sydney Morning Herald တွင် ဖော်ပြပါရှိသည်။

၁၉၈၄ခုနှစ်မှ ၁၉၉၇အထိ ကေအဲန်ယူတွင် တာဝန်ထမ်းဆောင်စဉ်အတွင်း မြန်မာစစ်တပ် သူလျှိုအဖြစ် ဆောင်ရွက်ချိန်တွင် ကရင့်တော်လှန်ရေးသမား ၅၀ခန့် သတ်ဖြတ်ခဲ့သည်ဟု ထုတ်ဖော်ပြောဆိုထားသည်။

ကရင်တော်လှန်ရေးသမားအချင်းချင်း သွေးကွဲအောင် သတင်းမှား ဖြန့်တာ၊ အပြစ်မဲ့ သူများကို အပြစ်ရှိအောင် လုပ်ကြံဖန်တီးမှုတွေကို လုပ်ဆောင်ခဲ့သည့်အပြင် စစ်အစိုး ရထံ သတင်းပေးသည့်အလုပ် လုပ်ဆောင်ရာတွင်လည်း တိရိစ္တာ ကုန်သည် အဖြစ် ဟန်ဆောင်ခဲ့သည်ဟု ဆိုသည်။


မြန်မာစစ်တပ်မှ ကရင်လူမျိုးများကို သတ်ဖြတ်မှု၊ မုဒိမ်းကျင့်မှုတွေကို ကိုယ်တိုင် မြင်တွေ့ခဲ့ရပြီးနောက် စစ်တပ် သူသျှိုအလုပ်ကို စွန့်လွတ်ရပ်ဆိုင်းလိုက်ပြီးမှ ဒုက္ခသည် စခန်းမှတဆင့် သြစတြေးလျားကို ရောက်ရှိလာသူဖြစ်သည်ဟု ပြောဆိုထားသည်။

သူ၏ ပြောဆို ၀န်ခံချက်နှင့် ပတ်သက်ပြီး အတည်ပြုနိုင်ခြင်း မရှိသေးပေမယ့်လည်း သူဟာ တပ်ကြပ်ကြီး အဆင့်ဖြင့် ကေအဲန်ယူ တပ်မဟာ ၄လက်အောက်ခံ တပ်ရင်း ၁၂တွင် တာဝန်ထမ်း ဆောင်ခဲ့သူတဦး ဖြစ်သည်။

သူ၏ ပြောဆိုချက်နှင့် ပတ်သက်ပြီး သြစတြေးလျား အခြေစိုက် ကရင်အဖွဲ့ချုပ် (AKO) က မှန်ကန်မှုမရှိကြောင်း ငြင်းဆိုထားသည်။ စောမွန်းဆာသည် ၁၉၉၈ခုနှစ်တွင် ကေအဲန်ယူမှ ထွက်ခဲ့ပြီး ဒုက္ခသည်စခန်းတွင် နေထိုင်ကာ ၂၀၀၆ခုနှစ်တွင် သြစတြေး လျားနိုင်ငံကို ရောက်ရှိ အခြေချနေထိုင်ခဲ့သူ ဖြစ်သည်။

ယခုအခါ စောမွန်းဆာသည် သြစတြေးလျားနိုင်ငံ ကွင်းစလန်းပြည်နယ် ဘရစ်ဘန်းမြို့ တွင် ဇနီးနှင့် သားသမီး ၅ဦးနှင့် အတူ အခြေချနေထိုင်ပြီး စစ်ရာဇ၀တ်မှု ကျူးလွန်သူ ဟု ထုတ်ဖော် ပြောဆိုခဲ့သူ ကိုထူးထူးဟန်သည်လည်း အဆိုပါမြို့တွင်ပင် အခြေချနေ ထိုင်လျှက်ရှိသည်ဟု သိရှိရသည်။

အမေရိကန်နိုင်ငံ၊ နီဘာ(လ်)စကာပြည်နယ်၊ အိုမဟာမြို့က ကရင့် နေ့ထူးနေ့မြတ် ဖိတ်ကြားလွာ ကရင့်ရိုးရာ ချည်ဖြူဖွဲ့ ဖိတ်ကြားလွာ ကရင့်အမျိုးသား အာဇာနည်နေ့ ဖိတ်

အမေရိကန်နိုင်ငံ၊ နီဘာ(လ်)စကာပြည်နယ်၊ အိုမဟာမြို့က ကရင့် နေ့ထူးနေ့မြတ် ဖိတ်ကြားလွာ ကရင့်ရိုးရာ ချည်ဖြူဖွဲ့ ဖိတ်ကြားလွာ ကရင့်အမျိုးသား အာဇာနည်နေ့ ဖိတ်

စာမတတ်တဲ့ လယ်သမားကို​ အာဏာပိုင်နဲ့ စီးပွားရေးသမား လိမ်လည်ပြီး လယ်သိမ်းယူ

Published on July 31, 2011

ဧရာဝတီတိုင်း ကျိုက်လတ်မြို့နယ် မြန်မာကရင်စုကျေးရွာမှာ အာဏာပိုင်တွေနဲ့ စီးပွားရေးသမားတွေ ပူးပေါင်းပြီး စာမတတ်တဲ့ လယ်သမားတွေရဲ့ လယ်ကို လိမ်လည်သိမ်းယူမှု ဖြစ်ပွားခဲ့ပါတယ်။

ကျိုက်လတ်မြို့နယ် မြန်မာကရင်စုရွာမှာနေတဲ့ ကိုအောင်စိုးနဲ့ မောင်နှမသုံးဦးပိုင် လယ်မြေကို စီးပွားရေးသမားနဲ့ ဒေသခံအာဏာပိုင်တွေ ပူးပေါင်းသိမ်းယူတာ ဖြစ်ပါတယ်။

ကိုအောင်စိုးနဲ့ မောင်နှမတွေဟာ မြန်မာကရင်စုရွာမှာရှိ သူတို့ရဲ့ ဘိုးဘွားပိုင် လယ်မြေ ၆ ဧက လုပ်ခဲ့လာတာ နှစ်ပေါင်းများစွာ ရှိနေပေမယ့် အာဏာပိုင်က စာမမတ်တဲ့ ကိုအောင်စိုးကို လက်မှတ်အတုနဲ့ နိုင်ငံတော်က လယ်မြေ သိမ်းယူကြောင်း ပြောခဲ့ပါတယ်။

အဲဒီလယ်ထဲ ဆက်လုပ်နေတဲ့ ကိုအောင်စိုးကို ပိုင်နက်ကျူးလွန်မှုနဲ့ တရားစွဲဆို ထောင်ချခဲ့တဲ့ အပြင် ပြီးခဲ့တဲနှစ် ဆောင်းစပါး ရိတ်သိမ်းပြီးလို့ စပါးကို လယ်ထဲကနေ အိမ်ကိုသယ်ယူချိန် အာဏပိုင်တွေက ဖမ်းဆီးခဲ့ပါတယ်။

မိမိလယ်မြေက စပါးကို သိမ်းဆည်း သယ်ယူနေတာကို အာဏာပိုင်တွေက ခိုးမှုနဲ့ဆိုပြီး ကိုအောင်စိုးကို ကျိုက်လတ်မြို့နယ် ရဲစခန်းမှာ ပြီးခဲ့တဲ့ မေလကစပြီး ချုပ်နှောင်ထားတယ်လို့ ကိုအောင်စိုးရဲ့ညီ ကိုကိုကြီးက ပြောပါတယ်။

“ကျနော်တို့ စပါးကို ကျနော်တို့ ပြန်ဖမ်းတာပေါ့နော်။ ရဲအုပ်သီဟကျော်ရယ်၊ မြန်မာကရင်စု အုပ်ချုပ်ရေးမှူး ဦးစိန်မြင့်ရယ်၊ ဦးသောင်းစိန်နဲ့ အပေါင်းအပါတွေက ကျနော့်အကို ကိုအောင်စိုးကို လာခေါ်သွားတယ်။ ကျနော်က လိုက်ပြီး မေးတဲ့အခါကျတော့ ဒုရဲအုပ် သီဟကျော်က ကျနော့်ကို ပြောတယ်။ မင်းအကို အောင်စိုးကို ၃၇၉ နဲ့ အထက်က အမိန့်ကျလို့ သူတို့ ဖမ်းရတာတဲ့။ လုပ်ကြံပြီးတော့ လယ်ယာမြေကို လက်မှတ်အတုနဲ့ သိမ်းဆည်းလိုက်တယ် ဆိုပြီးတော့ ပိုင်နက် ကျူးလွန်မှုနဲ့ သူတို့က ကိုအောင်စိုးကို ထောင်ချထားပြီး ခိုးမှုနဲ့ အခု ထပ်ပြီးတော့ စွဲထားတယ်။ ကျနော့်အကို ကိုအောင်စိုးက စာမတတ်ဘူး။ လက်ဗွေပဲ နှိပ်တယ်။ အဲဒါကို မြန်မာကရင်စု အုပ်ချုပ်ရေးမှူး ဦးစိန်မြင့်နဲ့ ဦးသောင်းစိန်နဲ့ ဒုရဲအုပ် သီဟကျော်က လက်မှတ်အတုလုပ်ပြီး မြို့နယ်က လူတွေ အကုန်လုံးကို လိမ်ပြီး လုပ်နေတော့။ ကျနော်တို့က အခု ခိုးမှုလည်း မြောက်နေတယ်၊ ကျနော့်အကိုက ထောင်လည်း ကျသွားလို့ နစ်နာနေပြီ။ ဒါကြောင့်မို့ ကျနော်က အခုလို တိုင်ရတာပါ။”

ကိုအောင်စိုးကို ချုပ်နှောင်ထားပြီး သူ့ဇနီး မကြည်ကြည်ခင်ကိုပါ အကျိုးဖျက်စီးမှုနဲ့ ခိုးမှုစတဲ့ အမှုနှစ်မှုနဲ့ ထမ်မံ တရားစွဲထားပါတယ်။

မကြည်ကြည်ခင်မှာ လူမယ် ကလေးငယ် ၂ ယောက်နဲ့ ကိုယ်ဝန်ရင့်နေပြီမို့ အာမခံနဲ့ ပြန်လွတ်ပေးထားတယ်လို့ မကြည်ကြည်ခင်က ပြောပါတယ်။

“ကျမတို့ ဥစ္စာကို သူတို့က သိမ်းဆည်းပြီးတော့ မတော်မတရား လုပ်ကြံပြီးတော့ လက်မှတ်အတုနဲ့ ကျမယောက်ျားက လယ်ယာမြေကို အပ်ပါတယ်ဆိုပြီး ရုံးတင်လိုက်တယ်။ အခုတခါ ကျမတို့က ကျူးကျော်ပါတယ် ဆိုပြီးတော့ ကျမတို့ကို ခိုးမှုနဲ့ရော ကျူးကျော်မှုနဲ့ပါ ပြန်လုပ်ထားတယ်။ ကျမတို့မှာ အချုပ်ထဲ ချုပ်ခံရတဲ့သူနဲ့ အပြင်မှာ အာမခံ ထားရတဲ့သူနဲ့။ ကျမမှာလည်း ကလေးနှစ်ယောက်ရှိတယ်။ နောက်ထပ်လည်း ကိုယ်ဝန်ကြီးနဲ့ ဆိုတော့ စားဝတ်နေရေးကလည်း မပြေလည်ဘူးလေ။ ကျမယောက်ျားကလည်း မရှိဆိုတော့ ကျမဘ၀ အခက်အခဲကို မနည်းကို ကြိုးစားနေရပါတယ်။”

ဒီလို မတရား ပြုလုပ်ခံရတာနဲ့ ပတ်သက်ပြီး သက်ဆိုင်ရာ၊ မြို့နယ်တွေအထိ တက်ရောက် တိုင်ကြားပေမယ့်လည်း သူ့တို့အမှုကို အရေးယူ ဆောင်ရွက်ပေးမှု မရှိဘူးလို့ ကိုကိုကြီးက ပြောပါတယ်။

ဒီလို အရေးမယူပေးတာဟာ မြန်မာကရင်စုရွာ အာဏာပိုင်တွေက လိမ်လည်ပြီး လက်မှတ်အတုနဲ့ သိမ်းဆည်းထားတာကြောင့် ဖြစ်တယ်လို့ သူက ပြောပါတယ်။

လက်ရှိမှာတော့ မိမိပိုင်လယ်မြေထဲ ၀င်ရောက်လုပ်ကိုင်လို့ မရတော့ဘဲ စီပွားရေးသမားနဲ့ ကျေးရွာအုပ်ချုပ်ရေးမှူး ငှားရန်းထားတဲ့ သူတွေက ၀င်ရောက် လုပ်ကိုင်နေတဲ့အတွက် စားဝတ်နေရေး ကျပ်တည်း ကုန်တယ်လို့ မကြည်ကြည်ခင်က ပြောပါတယ်။

နိုင်ငံရေးအကျဉ်းသား အမြန်ဆုံးလွှတ်ရန် ဘန်ကီမွန်း တိုက်ရိုက်ဖုန်းဆက် တောင်းဆို

Published on July 30, 2011

မြန်မာနိုင်ငံထဲ အကျဉ်းထောင်တွေထဲမှာ မလွတ်မြောက်သေးဘဲ ကျန်ရှိနေတဲ့ နိုင်ငံရေး အကျဉ်းသားအားလုံးကို အမြန်ဆုံးပြန်လွှတ်ပေးဖို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက မြန်မာနိုင်ငံခြားရေးဝန်ကြီး ဦးဝဏ်ဏမောင်လွင်ကို တယ်လီဖုန်းနဲ့ တိုက်ရိုက် ဆက်သွယ်ပြောကြားပြီး ထပ်မံ တောင်းဆိုခဲ့တယ်လို့  ကုလသမဂ္ဂက သတင်းထုတ်ပြန် လိုက်ပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အစိုးရ ကိုယ်စားလှယ် အလုပ်သမားဝန်ကြီး ဦးအောင်ကြည်တို့​​ တွေ့​ဆုံမှုအပေါ် ကြိုဆိုလိုက်ပြီးနောက် ရက်ပိုင်းအတွင်း မစ္စတာဘန်ကီမွန်းက ခုလို တယ်လီဖုန်းဆက်ပြီး ပြောကြားခဲ့တာလည်း ဖြစ်ပါတယ်။

နိုင်ငံရေးအကျဉ်းသားတွေ အားလုံး ပြန်လွှတ်ပေးတာဟာ မြန်မာအစိုးရ လုပ်ဆောင်နိုင်တဲ့ တခုတည်းသော အရေးအကြီးဆုံး အလုပ်ဖြစ်တယ် ဒါကိုမြန်မာအစိုးရက လုပ်ဆောင်ဖို့ နိုင်ငံတကာအသိုင်းအ၀န်းက မျှော်လင့်နေတာ ဖြစ်တယ်လို့ မစ္စတာဘန်ကီမွန်းက ပြောတဲ့အကြောင်း ကုလသမဂ္ဂ သတင်းမှာ ဖော်ပြပါတယ်။

မြန်မာနိုင်ငံခြားရေးဝန်ကြီးနဲ့ မစ္စတာဘန်ကီမွန်း တယ်လီဖုန်းနဲ့ ဆက်သွယ် ပြောကြားရာမှာ မြန်မာအစိုးရအဖွဲ့သစ် ကြေညာထားတဲ့ ပြုပြင်ပြောင်းလဲရေး အစီအစဉ်တွေကို သူ့ အနေနဲ့ လူသိရှင်ကြား ကြိုဆိုတဲ့တယ်လို့ အတွင်းရေးမှူးချုပ်က အလေးထား ပြောကြားခဲ့ကြောင်း ဘန်ကီမွန်းရဲ့  ပြောခွင့်ရသူက ပြောပါတယ်။

မြန်မာအစိုးရဟာ ခုဆိုရင် အကောင်အထည် ပြနိုင်တဲ့ ဆောင်ရွက်ချက်တွေ လုပ်ဆောင်နေပြီး နိုင်ငံကို ငြိမ်းချမ်းတဲ့၊ ဒီမိုကရေစီကျတဲ့၊ ချမ်းသာကြွယ်ဝတဲ့ နိုင်ငံဖြစ်အောင် ရှေ့ခရီးဆက် လှမ်းနိုင်မယ်လို့ မျှော်လင့်တယ်လို့လည်း အတွင်းရေးမှူးချုပ်က ဆိုပါတယ်။

ဒါ့အပြင် တိုင်းရင်းသားလက်နက်ကိုင် အဖွဲ့တချို့နဲ့ အစိုးရတပ်တွေ အကြား လတ်တလော ဖြစ်ပွားနေတဲ့ အကြမ်းဖက် တိုက်ခိုက်မှုတွေနဲ့ တိုက်ပွဲတွေကြောင့် အရပ်သားတွေ ထိခိုက်မှုကို စိုးရိမ်ပူပန်ကြောင်းနဲ့ အစိုးရအနေနဲ့ အခြေအနေကို ငြိမ်းချမ်စွာဖြေရှင်းဖို့ လိုတယ်လို့ လည်း မစ္စတာဘန်ကီမွန်းက ဦးဝဏ်ဏမောင်လွင်ကို ပြောကြားခဲ့တယ်လို့ သိရပါတယ်။

ဘန်ကီမွန်းရဲ့ ပြောဆို တိုက်တွန်းချက်တွေကို မြန်မာဝန်ကြီးက ဘယ်လို တုံ့ပြန်ပြောဆိုခဲ့တယ် ဆိုတာတော့ မသိရသေးပါဘူး။ မြန်မာနိုင်ငံတွင်းက အကျဉ်းထောင် အသီးသီးမှာ အကျဉ်းကျခံနေရတဲ့ နိုင်ငံရေးအကျဉ်းသားပေါင်း နှစ်ထောင်ကျော် ရှိတယ်လို့ လူ့အခွင့်အရေးအဖွဲ့တွေက ယုံကြည်ထားပေမယ့် မြန်မာ အစိုးရ အဆက်ဆက်ကတော့ မြန်မာနိုင်ငံမှာ နိုင်ငံရေးအကျဉ်းသား မရှိဘူးလို့ ပြောဆိုနေဆဲ ဖြစ်ပါတယ်။