တိုင်းရင်းများညီလာခံ စတုတ္တမြောက်နေ့  - (လော်ခီးလာ - ကော်သူးလေ)

တနိုင်ငံလုံး အပစ်အခတ်ရပ်စဲရေးအတွက် အားလုံး လက်ခံနိုင်မယ့် မူကြမ်းတခုရရှိဖို့ တိုင်းရင်းသား လက်နက်ကိုင်အဖွဲ့ ၁၇ ဖွဲ့ စုပေါင်းပြီး KNU ကရင်အမျိုးသားအစည်းအရုံး ထိန်းချုပ်နယ်မြေ လောခီးလာ (ခေါ်) လေးဝါးဒေသ မှာ ဆွေးနွေးနေကြ တာ လေးရက်ရှိသွားပြီ ဖြစ်ပါတယ်။ RFA သတင်းထောက် ကိုနေမျိုးထွန်းက တင်ပြထားပါတယ်။

ဘားအံ ဆွေးနွေးပွဲတွင် အပစ်အခတ် ရပ်စဲရေး လက်မှတ်ထိုးရန် မဖြစ်နိုင်သေး

မခ

ဇန်န၀ါရီ ၂၂ ရက် က ကျင်းပသည့် လောခီးလာ တိုင်းရင်းသားညီလာခံ တတိယနေ့ (ဓာတ်ပုံ – မေခ / ဧရာဝတီ)

အစိုးရနှင့် တိုင်းရင်းသား လက်နက်ကိုင် အဖွဲ့များ တွေ့ဆုံမည့် ဘားအံ ဆွေးနွေးပွဲတွင် အပစ်အခတ် ရပ်စဲရေး လက်မှတ်ရေးထိုး မည့် အချိန်ကို တိကျစွာထုတ်ပြန်နိုင်ဦးမည် မဟုတ်သေးကြောင်းနှင့် လက်မှတ်ထိုးရန် မဖြစ်နိုင်သေးကြောင်း တိုင်းရင်းသား ခေါင်း ဆောင်များက ပြောသည်။

ကရင်ပြည်နယ် ဘားအံမြို့တွင် အစိုးရနှင့် တိုင်းရင်းသား လက်နက်ကိုင်အဖွဲ့များ တွေ့ဆုံ ဆွေးနွေးပွဲကို လာမည့် ဖေဖော်ဝါရီလ အတွင်း ကျင်းပရန် ရှိကြောင်း သိရသည်။

“အဓိကကတော့ ဒီမှာက အပစ်အခတ်ရပ်စဲရေး စာချုပ် မူကြမ်းအပြည့်အစုံက ဒီမှာ မရနိုင်သေးဘူး။ ပါသင့်ပါထိုက်တာ၊ ပြင်ဆင် သင့်တာတွေ လောက်ပဲရဦးမယ်။ နောက်ညီလာခံတခု ပေါ်လာဦးမယ် မဆိုနိုင်သေးပေမယ့် နောက်ထပ် ဆွေးနွေးဖို့တော့ လိုဦး မယ်။ တကယ် သဘောတူလို့ရတဲ့ အထိ ဆွေးနွေး ရဦးမယ်။ အကုန်သဘောတူမှ ဦးအောင်မင်းတို့ဆီ ပြရမယ်။ သူတို့ကို ပြမယ် ဆိုရင်လည်း သူတို့ဘက်က ဖြုတ်ဦးမှာ”ဟု တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်ရေး အဖွဲ့(NCCT) အဖွဲ့ဝင် ဦးခွန်ဥက္ကာက ပြောသည်။

ဦးခွန်ဥက္ကာသည် ကရင်ပြည်နယ် ကရင်အမျိုးသား အစည်းအရုံး(KNU)ဌာနချုပ် လောခီးလာတွင် ဇန်န၀ါရီ ၂၀ ရက်က စတင် ကျင်းပနေသော တိုင်းရင်းသား လက်နက်ကိုင် အဖွဲ့များ ညီလာခံတွင် တက်ရောက်နေသူ ဖြစ်သည်။

ယခုညီလာခံ အပြီးတွင် မတက်ရောက်နိုင်သေးသည့် တိုင်းရင်းသား အဖွဲ့များနှင့် သက်ဆိုင်ရာ တိုင်းရင်းသား အဖွဲ့များကို အသေး စိတ် လိုက်လံ ရှင်းပြရန် စီစဉ်ထားကြောင်းလည်း သိရသည်။

“တိုင်းရင်းသား အဖွဲ့တွေကို လိုက်လံ ရှင်းပြဖို့အတွက် ဆိုင်ရာ တာဝန်တွေ၊ ဥပမာ မြောက်ပိုင်းဆို မြောက်ပိုင်း၊ တောင်ပိုင်းဆို တောင်ပိုင်း လိုက်ရှင်းပြဖို့ အတွက် ခွဲပြီး လုပ်ကြမယ်။ အကုန် သဘောတူညီချက်ရပြီး ဆက်လုပ်မှာကို။ ဒီမှာလည်း ထပ်ပြီး ညှိတာတွေလည်း ရှိလာနိုင်တယ်”ဟု ဦးခွန်ဥက္ကာ က ပြောဆိုသည်။

ယခုညီလာခံတွင် အပြီးသတ်၊ အချောသတ် ဆုံးဖြတ်ချက် တစုံတရာ ထွက်လာနိုင်မည်ဟု ဆိုသော်လည်း အချိန်အနည်းငယ် ထပ်မံ ဆွေးနွေးရန် လိုသေးကြောင်း ကချင် လွတ်လပ်ရေး တပ်မတော်(KIA) ဒု စစ်ဦးစီးချုပ် ဗိုလ်ချုပ် ဂွန်မော်ကလည်း ပြော သည်။

“တိုင်းရင်းသား ခေါင်းဆောင်ပိုင်းတွေနဲ့ ဒီစာတမ်းကို အတည်ပြုဖို့တော့ တစုံတရာ အစီအစဉ် အစည်းအဝေး တခုတော့ လိုမယ် ဆိုတဲ့ အကြမ်းဖျဉ်း ယူဆချက်ကတော့ ရှိပါတယ်။ ဘယ်လောက်လုပ်မလဲ၊ ဘယ်နေရာမှာ လုပ်မလဲ ဆိုတာကိုတော့ မဆုံးဖြတ် ရသေးပါဘူး”ဟုလည်း ၎င်းက ဆိုသည်။

ယင်းအပြင် အပစ်အခတ် ရပ်စဲရေး လက်မှတ်ထိုးရေးသည် ဘားအံတွင် မဖြစ်နိုင်သေးကြောင်း၊ အစိုးရနှင့် တွေ့မည့် ဘားအံ ဆွေးနွေးပွဲတွင် လက်မှတ်ရေးထိုးမည့် အစီအစဉ်များနှင့် စာကြမ်းများကို အတည်ပြုရန် ဆွေးနွေးမည် ဖြစ်ကြောင်း ဗိုလ်ချုပ် ဂွန်မော်က ပြောသည်။

“နှစ်ပေါင်း ခြောက်ဆယ်ကျော်ကြာတဲ့ ပြဿနာ တခုက ပထမ တချက်က အယူအဆတွေ ကွဲလွဲနိုင်တယ်။ ဒုတိယ တချက် က တော့ လက်ရှိ အနေအထားတွေ ကွဲလွဲနိုင်တယ်။ ဘာဖြစ်လို့လဲဆိုတော့ ဥပမာ အခု ကျနော်တို့က တချို့က လက်မှတ် ရေးထိုး ထား တယ်။ တချို့က လက်မှတ်ရေးထိုး မထားဘူး။ လက်မှတ်ကို ရေးထိုးမယ်လို့ အားလုံးက သဘောတူသော်လည်းပဲ ဘယ်အချိန်မှာ ရေးထိုးမလဲ၊ ဘယ်အချိန်မှာ အဆင်သင့် ဖြစ်မလဲဆိုတဲ့ အပိုင်းတွေကတော့ တဖွဲ့နဲ့တဖွဲ့ မတူညီနိုင်ပါဘူး။ အဲဒီတော့ မူ အပေါ်မှာ အခက်အခဲ ဖြစ်တာ မဟုတ်ဘဲနဲ့ လက်ရှိ အခြေအနေမှာ လက်တွေ့အကောင်အထည်ဖော်မယ့် အပိုင်းမှာ အခက်အခဲ ဖြစ်တာပဲ။ အဲဒီတော့ ဒီကိစ္စမျိုးက ညှိရပါတယ်။ ဒါကြောင့်မို့ အချိန်တွေ ယူရပါတယ်”ဟု ဗိုလ်ချူပ် ဂွန်မော်က ပြောဆိုသည်။

ယခုညီလာခံတွင် လက်ရှိ လုပ်ငန်းအဖွဲ့ NCCT အဖွဲ့ကို ဖျက်သိမ်း မသိမ်းနှင့် ထပ်မံ တိုးချဲ့ ဖွဲ့စည်းမည် မဖွဲ့စည်းမည်တို့ကို ဆုံးဖြတ် သွားရန် ရှိကြောင်း NCCT အဖွဲ့ဝင် ဖဒိုကွယ်ထူးဝင်းကလည်း ပြောသည်။

ဖဒိုကွယ်ထူးဝင်းက“NCCTလုပ်ငန်း အဖွဲ့ပါ။ အဖွဲ့တခုကို ကိုယ်စားပြု တက်ပေမယ့် တကယ်တမ်း ကိုယ်စားပြုတဲ့သူ က ကိုယ့်အဖွဲ့ကို ပြန်တင်ရတာတွေ ရှိတယ်။ NCCTအဖွဲ့ကို တိုင်းရင်းသားတွေ လက်ခံပါတယ်”ဟု ပြောသည်။

ညီလာခံ တတိယနေ့တွင် တိုင်းရင်းသား အဖွဲ့ငယ်များ တဖွဲ့ချင်းစီ စုစည်း၍ ဆွေးနွေးကာ အမြင် တခုချင်းစီကို တင်ပြ ကြရကြောင်း၊ ယင်းအပြင် လိုအပ်သည့် ပြင်ဆင်ရမည့် စကားလုံးများကို စာရင်းပြုစုထားကာ ပြင်ဆင်နိုင်ရန် စီစဉ်ထားကြောင်း ပြောကြား သော်လည်း ပြင်ဆင်ရန်စီစဉ်သည့် စကားလုံး အတိအကျနှင့် ဆွေးနွေးမှု အပြည့်စုံကို ရှင်းလင်း ပြောကြားခြင်း မရှိသကဲ့သို့ ဆွေးနွေးပွဲ ပြီးဆုံးမည့်ရက်ကိုလည်း အတိအကျ ပြောနိုင်ခြင်း မရှိသေးကြောင်း သိရသည်။

လောခီးလာ ညီလာခံကို မူလက ဇန်န၀ါရီ ၂၀ ရက်မှ ၂၂ ရက်အထိ ကျင်းပရန် စီစဉ်ထားသော်လည်း အဓိက ဆွေးနွေးနေသည့် အချက်များ မပြီးပြတ်သေးသောကြောင့် ညီလာခံရက် တရက် ထပ်မံတိုးထားသည်။

ပြန်ခေါက်ပါ...

ဒုတိယအကြိမ်မြောက် တိုင်းရင်းသားများညီလာခံ - ဒုတိယနေ့  (လော်ခီးလာ - ကော်သူးလေ) - ရုပ်သံ

ဒုတိယအကြိမ် တိုင်းရင်းသား တော်လှန်ရေးအဖွဲ့များ၏ ကွန်ဖရင့်တွင် ကေအဲန်ယူ ဥက္ကဌ၏ မိန့်ခွန်း

ဒုတိယအကြိမ် တိုင်းရင်းသား တော်လှန်ရေးအဖွဲ့များ၏ ကွန်ဖရင့်တွင် ကေအဲန်ယူ ဥက္ကဌ၏ မိန့်ခွန်း

ဇန်န၀ါရီ ၂၀ရက်၊ ၂၀၁၄ခုနှစ်။

ကရင်ပြည်နယ်၊ ဖားအံမြို့နယ်၊ ကရင်အမျိုးသားအစည်းအရုံး(KNU)ထိန်းချုပ်ရာနယ်မြေ လော်ခီးလာ (လေးဝါး)နေရာ၌ ယနေ့ ဇန်န၀ါရီ ၂၀ရက်နေ့၌ ကျင်းပသော ဒုတိယအကြိမ် တိုင်းရင်းသားလက်နက်ကိုင် တော်လှန်ရေးအဖွဲ့များ၏ ကွန်ဖရင့်တွင် သဘာပတိအဖြစ် ဆောင်ရွက်နေသည့် ကေအဲန်ယူ ဥက္ကဌ ဗိုလ်ချုပ်ကြီး မူတူးစေးဖိုး ပြောဆိုခဲ့သော မိန့်ခွန်းကို ကေအိုင်စီမှ ပြန်လည်ဖော်ပြလိုက်ပါသည်။

ကေအဲန်ယူ ကရင်အမျိုးသားအစည်းအရုံး
ဗဟိုဌာနချုပ်
ကော်သူးလေ

လေးစားအပ်ပါသော တိုင်းရင်းသားလက်နက်ကိုင် အဖွဲ့အစည်းခေါင်းဆောင်ကြီးများ၊ ကွန်ဖရင့် ကိုယ်စား လှယ်တော်များ၊ အဖွဲ့အစည်းအသီးသီးမှခေါင်းဆောင်များ၊ ကိုယ်စားလှယ်တော်များနှင့် လေ့လာသူအဖြစ် တက်ရောက်လာသော ကိုယ်စားလှယ်များခင်ဗျား -

ယနေ့ထူးမြတ်တဲ့ အခါသမယမှာ မင်္ဂလာအပေါင်းနဲ့ ပြည့်ဝလျက် ကိုယ်စိတ်နှစ်ဖြာ ချမ်းမြေ့ပါစေလို့ ဦးစွာ ဆန္ဒပြုပါတယ်။ တဆက်တည်းမှာလည်း ကေအဲန်ယူ ကရင်အမျိုးသားအစည်းအရုံးကိုယ်စား ကရင်ပြည် နယ်၊ လော်ခီးလားမှ တိုင်းရင်းသားလက်နက်ကိုင် ခေါင်းဆောင်ကြီးအားလုံးနဲ့တကွ အခြားတက်ရောက် လာသော ကိုယ်စားလှယ်တော်အားလုံးကို လှိုက်လှဲစွာ ကြိုဆိုနှုတ်ခွန်းဆက်အပ်ပါတယ်။

ယနေ့ လော်ခီးလားမှာ ကျင်းပပြုလုပ်တဲ့ တိုင်းရင်းသားလက်နက်ကိုင် အဖွဲ့များ၏ တစ်နိုင်ငံလုံးဆိုင်ရာ အပစ်အခတ်ရပ်စဲရေး ကွန်ဖရင့်ကို ထိပ်သီးခေါင်းဆောင်ကြီးများ လာရောက်တွေ့ဆုံရခြင်းရဲ့ အဓိက အကြောင်းအရင်းက နိုင်ငံရေး ဆွေးနွေးမှုများနဲ့ စစ်မှန်သည့် ပြည်တွင်းငြိမ်းချမ်းရေး တည်ဆောက်နိုင်ရန် အရေးကြီးဆုံး ခြေလှမ်းတစ်ရပ်ဖြစ်တဲ့ တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီမှုမှာ ပါသင့်တဲ့ နှစ်ဘက်တပ်တွေ ပဋိပက္ခမဖြစ်အောင် ဘယ်လိုထိန်းညှိကြမယ်။ လိုအပ်တဲ့ ယန္တရားတွေကို ဘယ်လိုတည်ဆောက်ရမယ်၊ စတဲ့ ကိစ္စရပ်များအပြင် တိုင်းရင်းသားလက်နက်ကိုင် အဖွဲ့အစည်းများအကြား စစ်မှန်တဲ့ ငြိမ်းချမ်းရေး တည်ဆောက်ဖို့အတွက် ဘယ်လိုဘုံသဘောတူညီချက်တွေ ချမှတ်ထားမယ်ဆိုတာ ကို ညှိနှိုင်းဖို့ပဲ ဖြစ်ပါတယ်။ ဒီအကြောင်းအရာတွေဟာ ပြင်ဆင်ပြောင်းလဲရန် လိုအပ်နေတဲ့ အနာဂတ် ဖွဲ့စည်းတည်ဆောက်ပုံ အခြေခံဥပဒေ အတွင်းမှာ ထည့်သွင်းရမယ့် တိုင်းရင်းသားလက်နက်ကိုင်အဖွဲ့များ၏ ထည့်သွင်းပြင်ဆင်မှုများလည်း ဖြစ်ပါတယ်။

ဒီပြင်ဆင်ချက်များကို ရရှိအောင် တိုင်းရင်းသားလက်နက်ကိုင်အဖွဲ့များ တစ်ဖွဲ့ချင်းစီရဲ့ဆန္ဒနဲ့ သဘောထား အမှန်များ ဖလှယ်ကြခြင်း၊ စိုးရိမ်မှုများကိုအပြန်အလှန် ပြောဆိုခြင်း၊ အပြန်အလှန် နားထောင်ခြင်းနှင့် တိုင်းရင်းသားအားလုံးရဲ့ ဘုံအကျိုးစီးပွားများကို လေးလေးနက်နက် ဖော်ထုတ်ကြခြင်းပဲ ဖြစ်ပါတယ်။ ဆွေးနွေးညှိနှိုင်းမှုကို ပုံပမာဖြင့် နှိုင်းရပါလျှင် စာသင်ခန်းတစ်ခုတည်းအတွင်း စစ်မှန်သည့် ငြိမ်းချမ်းရေး ဆိုင်ရာ နိုင်ငံရေးပညာများ အတူတကွ ဆည်းပူးနေကြခြင်းနှင့် အလားသဏ္ဍန်တူပါတယ်။ ငြိမ်းချမ်းရေး ဆိုင်ရာ နိုင်ငံရေးပညာ သင်ယူသူများအဖြစ် သဘောထားကြလျက် အချင်းချင်းအတွေ့အကြုံနှင့် အမြင်များ ကို လွတ်လွတ်လပ်လပ် ဖလှယ်ကြခြင်း၊ အချင်းချင်းအကြား မတူကွဲပြားမှု သင်ခန်းစာများ ရယူကြခြင်း၊ အမြင်များကို ပေါင်းစပ်ခြင်းမှတဆင့် အပြန်အလှန် နားလည်မှုများကို တိုးမြှင့်စေလျက် ဘုံသဘောတူညီမှု များ ရယူကြပြီး အတည်ပြုကြပါစို့ဟု နိုးဆော်ချင်ပါတယ်။

ညီလာခံအတွင်း ရရှိလာတဲ့ ဘုံသဘောတူညီချက်များနဲ့ အတည်ပြုချက်များကို ဘားအံမှာ ပြည်ထောင်စု ငြိမ်းချမ်းရေး ဖော်ဆောင်ရေးကော်မတီနဲ့ တစ်နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ (Nationwide Ceasefire Coordination Team)တို့ ဆက်လက်တွေ့ဆုံ ညှိနှိုင်းကြမှာ ဖြစ်ပါတယ်။ ၂၀၁၁ ခုနှစ်ကတည်းက စတင်ခဲ့ပြီး ယခုအချိန်အထိ ငြိမ်းချမ်းရေးဖြစ်စဉ်မှာ တွေ့ဆုံမှု အကြိမ်ကြိမ်မှတဆင့် ရရှိခဲ့တဲ့ သဘောတူညီချက်များကို အကောင်အထည်ဖော်နိုင်ရန် ဆင့်ကဲဆင့် သယ်ဆောင်သွားဖို့ အလွန်တရာ အရေးကြီးပါတယ်။

လေးစားအပ်တဲ့ ခေါင်းဆောင်ကြီးများနဲ့ ကိုယ်စားလှယ်တော်ကြီးများ ခင်ဗျား -
တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက် လက်မှတ်ရေးထိုးခြင်း အဆင့်ကနေ ဖြစ်ပေါ်လာတဲ့ နောက်ဆက်တွဲ အကျိုးဆက်အချို့ကို အလေးထား မီးမောင်းထိုး ဖော်ပြလိုပါတယ်။
၁။ နိုင်ငံရေးဆွေးနွေးမှု ဖြစ်မြောက်ရေးကို အာမခံချက် ရရှိခြင်း
၂။ တစ်ဖွဲ့ချင်းစီနဲ့ ရေးထိုးထားပြီဖြစ်သော သဘောတူညီချက်များကို ထပ်ဆင့်အတည်ပြုနိုင်ခြင်း
၃။ နှစ်ဘက်ပါဝင်သော အဆင့်မြင့် လုပ်ငန်းဖော်ဆောင်ရေး ကော်မတီနဲ့ ပိုမိုကျယ်ပြန့်သော ပါဝင်မှု စသည့် ကောင်းသောအကျိုးဆက်များ ဆောင်ယူလာမည်ဖြစ်ကြောင်း အသိပေးလိုပါတယ်။

လေးစားအပ်တဲ့ ခေါင်းဆောင်ကြီးများနဲ့ ကိုယ်စားလှယ်တော်ကြီးများ ခင်ဗျား -
ပြည်သူလူထုအတွက် သိသာမြင်သာတဲ့ ပြောင်းလဲမှုများကို အရှိန်ဟုန်မြင့်တင်လျက် အကောင်အထည် ဖော် လုပ်ဆောင်နိုင်ရန် အချိန်နဲ့ အခွင့်အရေးကို အမိအရ ဆုပ်ကိုင်ရန်လည်း ထပ်ဆင့်တိုက်တွန်း လိုပါတယ်။

အကြောင်းအရင်းကတော့ -
(၁) အမျိုးသားရေး တန်းတူညီမျှမှုနဲ့ ကိုယ်ပိုင်ပြဌာန်းခွင့် ရရှိရန် လက်နက်စွဲကိုင် တော်လှန်တိုက်ပွဲဝင်ခဲ့တဲ့ တိုင်းရင်းသားများနဲ့အတူ တစ်နိုင်ငံလုံးရှိ သန်း (၆၀)သော ပြည်သူပြည်သားများအတွက် အလိုအပ်ဆုံး သော အခြေခံအချက်များထဲမှာ တစ်ခုအပါအ၀င်ဖြစ်တဲ့ မြန်မာနိုင်ငံ၏ တိုင်းရင်းသားနိုင်ငံရေးပြဿနာများ ကို လက်နက်စွဲကိုင်လျက် ဖြေရှင်ကြခြင်းမှ စားပွဲဝိုင်းမှာ ဆွေးနွေးညှိနှိုင်းပြီး အဖြေရှာကြခြင်းဖြင့် နိုင်ငံရေး တည်ငြိမ်မှုမှတဆင့် ဖွံ့ဖြိုးတိုးတက်တဲ့နိုင်ငံတော်ကြီး ထူထောင်ခြင်းကို အားလုံးပါဝင်မှုနဲ့ ဖန်တီးလာနိုင်မည့် အတွက်ကြောင့်ပဲ ဖြစ်ပါတယ်။
(၂) တိုင်းရင်းသားအခွင့်အရေးဆိုင်ရာများ ကိုယ်ပိုင်ပြဌာန်းခွင့် ဘုံအကျိုးစီးပွားဆိုင်ရာ သဘောတူညီမှုများ ရရှိရန် နိုင်ငံရေးဒီရေ မြင့်ချိန်ဖြစ်ပါတယ်။

ဒီနေရာမှာ ကေအဲန်ယူ ကရင်အမျိုးသားအစည်းအရုံးရဲ့ ဥက္ကဌ တစ်ဦးအနေနဲ့သာမက ကရင်အမျိုးသား တော်လှန်ရေး စတင်ခဲ့တဲ့ အချိန်ကတည်းက သာမန်ရဲဘော်တစ်ဦးအဆင့်ကနေ လက်တွေ့ဖြတ်သန်းခဲ့ရတဲ့ အချက်တွေကို ထည့်သွင်းပြောပြချင်ပါတယ်။ ကျနော်ဟာ ဖက်ဒရယ်ပြည်ထောင်စု တည်ထောင်ရေး၊ ကိုယ်ပိုင်ပြဌာန်းခွင့်နဲ့ အမျိုးသားတန်းတူရေးအတွက် နှစ်ပေါင်း(၆၀)ကျော် မနားတမ်း လက်နက်ကိုင် တိုက်ပွဲဝင်ခဲ့ပါတယ်။ ဒီအခွင့်အရေးဆိုင်ရာ တောင်းဆိုမှုများကို အဖြေရှာတဲ့အခါ မြန်မာနိုင်ငံရဲ့ စစ်အုပ်ချုပ်မှု အဆက်ဆက်က လက်နက်နဲ့ ငြိမ်းချမ်းရေး လဲလှယ်ရန်နဲ့ ဥပဒေအတွင်း ၀င်ရောက်ရန်ဆိုတဲ့ တဖက်သတ် အမိန့်ပေး ရပ်တည်ခြင်းနဲ့သာ တုံ့ပြန်မှုကလွဲလို့ ဘာတစ်ခုမှ အဖြေမရခဲ့ပါဘူး။

ဒီအခြေအနေကို ဆန့်ကျင်လျက် ၂၀၁၁ခုနှစ်ကစပြီး သမ္မတ ဦးသိန်းစိန်ခေါင်းဆောင်တဲ့ မြန်မာအစိုးရက ငြိမ်းချမ်းရေးတည်ဆောက်ရာမှာ တန်းတူမှု၊ လွတ်လပ်မှု၊ တရားမျှတမှုကို အခြေခံထားရန် ငြိမ်းချမ်းသော နည်းလမ်းအားဖြင့် ညှိနှိုင်းဆွေးနွေးကြပြီး ပြဿာကို ဖြေရှင်းကြရန်၊ လက်တွေ့ဆန်သည့် ချဉ်းကပ်မှုဖြင့် အနာဂတ်ဖက်ဒရယ်ပြည်ထောင်စုကြီးကို တည်ဆောက်ကြရန် စသဖြင့် ပြောဆိုနေပြီဖြစ်ပါတယ်။ ဒါတွေဟာ လိုအပ်သော အတိုင်းအတာရှိတဲ့ ဆွေးနွေးညှိနှိုင်းမှုကို အခြေခံလျက် ဖြစ်ပေါ်နေသည့် ပြောင်းလဲမှုများကို မပြောနိုင်သေးသော်ငြားလည်း နည်းမှန်လမ်းမှန်ဖြင့် အစပြုသော ပြောင်းလဲမှုများလို့ ပြောနိုင်ပါမယ်။

ဒီကနဦး ဖြစ်ထွန်းမှုတွေ ပိုမိုအားကောင်းလာစေဖို့နဲ့ အောင်မြင်ခြင်းရဖို့ ရှေ့လုပ်ငန်းစဉ်အဆင့်တိုင်းမှာ ဒီကနေ့ဟာ အထူးအရေးကြီးတဲ့ တိုင်းရင်းသားတွေကနေ ဖော်ဆောင်ရမည့် နိုင်ငံရေးဆွေးနွေးပွဲကြီးနဲ့ နိုင်ငံရေးလုပ်ငန်းစဉ်လည်း ဖြစ်ပါတယ်။ တိုက်ကြခိုက်ကြပြီး အဖြေရှာခြင်းနည်းလမ်းဟာ တိုင်းပြည်နဲ့ ပြည်သူလူထုတွေ နစ်နာပါတယ်။ အနာဂတ် မျိုးဆက်တွေအတွက် ဆိုးမွေသာ ဖြစ်ပါတယ်။ ငြိမ်းချမ်းရေး အမွေအနှစ်ကို ထားရစ်နိုင်ဖို့နဲ့ အောင်မြင်မှုအားကောင်းနိုင်ဖို့ “မိမိ ကံကြမ္မာ မိမိသာ ဖန်တီးရမယ် (We shall decide our own political destiny)” ဆိုတဲ့ လမ်းညွှန်ချက်မူနဲ့ ကေအဲန်ယူ ကရင်အမျိုးသားအစည်း အရုံးကြီးရဲ့ အထင်ကရ အမျိုးသားခေါင်းဆောင်ကြီး စောဘဦးကြီး ချမှတ်ပေးခဲ့တဲ့ နိုင်ငံရေးဆိုင်ရာ ရည်မှန်းချက်များ အောင်မြင်မှုရရှိနိုင်သည့် အခြေခံအကြောင်းအရင်း (၃) ချက်ထဲမှ အချက် (၂)ချက်က ဘာပြောသလဲဆိုရင် -

(၁) ဆန္ဒအလျောက်ပေးခြင်းဖြင့် အောင်မြင်မှုရရှိနိုင်ခြင်း၊ (By voluntary gift)
(၂) အခြေအနေအရပ်ရပ်၏ တွန်းပို့မှုကြောင့် (By force of circumstances) အမျိုးသားနိုင်ငံရေးဆိုင်ရာ ရည်မှန်းချက်များ အောင်မြင်မှု ရရှိနိုင်ခြင်းတွေပဲ ဖြစ်ပါတယ်။

ဒီအချက် (၂)ချက်အပေါ် အခြေခံပြီး အောင်မြင်မှု အားကောင်းရေးအတွက် အစပြု ပြောင်းလဲနေသည့် ပကတိမြန်မာနိုင်ငံ၏ နိုင်ငံရေးအခြေအနေကို ထည့်သွင်းစဉ်းစားလျက် ထိလွယ်ရှလွယ် အခြေအနေကို ရဲရင့်မှု အပြည့်အ၀နဲ့ ဖြတ်ကျော်နိုင်ရန် အခြေခံအချက် တချို့ကို မီးမောင်းထိုး ဖော်ပြလိုပါတယ်။

- အမှားလုပ်မိမှာ အကြောက်ကြပါနဲ့။ အောင်မြင်တဲ့ ငြိမ်းချမ်းရေး ဖော်ဆောင်ရာမှာ ပါဝင်ရမယ့် ယန္တရား များနဲ့ သဘောတူညီချက်များကို ကဏ္ဍပေါင်းစုံနဲ့ ဘက်ပေါင်းစုံမှ အသိသက်သေများရဲ့ ရှေ့မှောက်မှာ ရဲရဲဝံ့ဝံ့ လက်မှတ်ထိုး သမိုင်းတင်ကြပါ

- လက်နက်ကိုင်အဖွဲ့များသည် နိုင်ငံရေးပြဿနာ ဖြေရှင်းနေချိန်အတွင်းမှာ ပြတ်သားတဲ့ နိုင်ငံရေးဦးဆောင် မှုအောက်မှာ နာခံမှုကောင်းသူများအဖြစ် ပြင်ဆင်လျက် အစပြုပြောင်းလဲမှုများအား ကျယ်ပြန့်၍ အဓိပ္ပါယ်ရှိ သော ပြောင်းလဲမှုအားများဖြစ်စေရန် ပံ့ပိုးပေးကြပါ။

- ကျနော်တို့ တစ်ဦးစီတိုင်းဟာ မိမိကိုယ်မိမိ ငြိမ်းချမ်းရေးဆိုင်ရာ နိုင်ငံရေးပညာသင်ယူသူများလို့ ရှုမြင် လျက် “မည်သည့် အနှောင်အဖွဲ့မှ မထားဘဲ၊ လွတ်လွတ်လပ်လပ် တွေးခေါ်ပြောဆိုလျက် ကောင်းသော အနာဂတ်ကို ဖန်တီးကြပါ”

- စိတ်ကောင်းစေတနာထားလျက် လုပ်ဆောင်ကြပါ၊ တာဝန်ယူမှုနဲ့ တာဝန်ခံမှုမဲ့တဲ့ လုပ်ရပ်များကို ရှောင်ရှားကြပါ။ ပဋိပက္ခကို အကြမ်းဖက် ဖြေရှင်းကြသည့် သမိုင်းဆိုးကို ပြန်ပြီး အသက်မသွင်းကြပါနဲ့။

- ထိတွေ့ဆက်ဆံခြင်း (Engagement)နှင့် ဆွေးနွေးညှိနှိုင်းခြင်း (Negotiation)ဖြင့် တစ်ဦးနှင့်တစ်ဦး အမြင်နဲ့ သဘောထားတွေကို ဖလှယ်နိုင်ကြခြင်းမှတဆင့် ယုံကြည်မှုကို တည်ဆောက်နိုင်မှာ ဖြစ်ပါတယ်။ ဒါကြောင့် ကောင်းမွန်သည့် ဆက်သွယ်ရေးလမ်းကြောင်းများကို ဖန်တီးလျက် ယုံကြည်မှုရအောင် လုပ်ဆောင်ကြပါ။

- နိုင်ငံရေးရဲ့ ဒီရေအတက်မှာ အားသွန်ခွန်စိုက်လျက် တိုင်းရင်းသားအားလုံး၏ ဘုံအကျိုးစီးပွား တိုးပွားအောင် အခွင့်အရေးကို အမိအရ ဆုပ်ကိုင်ရယူကြပါ။

- အမျိုးသမီး၊ လူငယ်တွေနဲ့တကွ အားလုံးပါဝင်ပြီး လက်တွေ့ဆန်သော အများသဘောတူညီမှုနဲ့ စုပေါင်း လုပ်ကိုင်ရေး အကန့်အသတ်ရှိတဲ့ လုပ်ငန်းဘောင်အတွင်း တိုင်းရင်းသားအားလုံး၏ စည်းလုံးညီညွှတ်မှုကို တည်ဆောက်ကြပါ။

နိဂုံးချုပ်အားဖြင့် တိုင်းရင်းသားလက်နက်ကိုင် အဖွဲ့များ၏ လိုင်ဇာကွန်ဖရင့်က ဖွဲ့စည်းခဲ့တဲ့ တစ်နိုင်ငံလုံး ဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ (Nationwide Ceasefire Coordination Team)က ပြင်ဆင်ထားတဲ့ တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်မူကြမ်းကို ပွင့်ပွင့်လင်းလင်း နဲ့ လေးလေးနက်နက် ဆွေးနွေးညှိနှိုင်းကြပြီး “အားလုံးပါဝင်တဲ့ သမိုင်းတွင်ရစ်မည့် တစ်နိုင်ငံလုံးဆိုင်ရာ အပစ်အခတ်ရပ်စဲရေး”ကို မဆုပ်မနစ်နဲ့ နောက်ကြောင်းပြန်မလှည့်ရန် သန္နိဌာန်ချလျက် တွေ့ဆုံညှိနှိုင်းခြင်း၊ ငြိမ်းချမ်းရေးအတွက် ပကတိအခြေအနေနဲ့ ကိုက်ညီတဲ့ အနာဂတ် ဖက်ဒရယ်ပြည်ထောင်စုကြီးကို ရဲရဲဝံ့ဝံ့နဲ့ အားသွန်ခွန်စိုက် ကြိုးစားတည်ဆောက်ကြပါစို့ဟု တိုက်တွန်းရင်း နိဂုံးချုပ်အပ်ပါတယ်။

ပြန်ခေါက်ပါ...

လော်ခီးလာ တိုင်းရင်းသားလက်နက်ကိုင် ညီလာခံ

လက်နက်ကိုင် တိုင်းရင်းသား အဖွဲ့များ၏ ဒုတိယ အကြိမ် ညီလာခံ စတင်ကျင်းပ

Written by ရွှေဟင်္သာ သတင်းဌာန

လက်နက် ကိုင်တိုင်းရင်း သားအဖွဲ့ (၁၇)ဖွဲ့မှ ကိုယ်စားလှယ် များနှင့် လေ့လာ သူပေါင်း တရာခန့်ရှိသည့် ကိုယ်စားလှယ် များသည် ကရင်အမျိုး သား အစည်းအရုံး (KNU) တပ်မဟာ (၇) စခန်း ဌာနချုပ် လေးဝါး (ခေါ်) လောခီးလာ စခန်း ၌ ဒုတိယ အကြိမ် သမိုင်းဝင် ညီလာခံ ကို ယနေ့ စတင် ကျင်းပ လိုက်ခြင်း ဖြစ်သည်ဟု အခမ်း အနားသို့ ရောက် ရှိနေ သော ရွှေဟင်္သာ သတင်း ထောက်မှ ဆိုပါသည်။

ရှေးဦးစွာ သဘာပတိ အဖြစ် (KNU) ဥက္ကဌမှ တာဝန်ယူပြီး အရန် သဘာပတိ အဖြစ်ပအိုဝ့် အမျိုးသား လွတ်မြောက် ရေးအဖွဲ့ချုပ် (PNLO) မှ ဥက္ကဌ ခွန်မြင့် ထွန်း နှင့် ပလောင်ပြည် လွတ်မြောက် ရေး တပ်ဦး (PSLF) မှ ဥက္ကဌ ဗိုလ်မှူး ကြီး တာ့အိုက်ဖုန်း တို့က တာဝန် ယူပြီး အခမ်း အနား စတင် ကြခြင်း ဖြစ်ပြီး ညီလာခံ အကျိုးဆောင် များအဖြစ် (PNLO) နာယက ဗိုလ်မှူးကြီး ခွန်ဥက္ကာ နှင့် (ALP) မှ စောမြ ရာဇာ လင်း တို့က ဆောင်ရွက် ကြ ပါသည်။

ညီလာခံ သို့ ကချင်ပြည် လွတ်လပ် ရေး အဖွဲ့ (KIO) ၊ ပလောင်ပြည် လွတ်မြောက် ရေး တပ်ဦး (PSLF)၊ ရှမ်းပြည် တိုး တက် ရေး ပါတီ (SSPP/SSA), ရှမ်းပြည် ပြန် လည် ထူထောင် ရေး ကောင်စီ (RCSS/SSA), ကရင်နီ အမျိုးသား တိုး တက် ရေး ပါတီ (KNPP), ကရင် အမျိုးသား အစည်းအရုံး (KNU), မွန်ပြည် သစ် ပါတီ (NMSP), ပအိုဝ့် အမျိုးသား လွတ် မြောက်ရေး အဖွဲ့(PNLO), ရခိုင်ပြည်လွတ်မြောက် ရေး ပါတီ (ALP), ချင်း အမျိုးသား တပ်ဦး (CNF), ဒီမိုက ရေစီ အကျိုးပြု ကရင့်အမျိုး သားတပ်မတော် (DKBA), ကရင် ငြိမ်းချမ်းရေး ကောင်စီ (KNU/KNLA-PC) အဖွဲ့ တို့ တက်ရောက် ခဲ့ကြပါသည်။

ကျောင်းသား တပ်မတော် (ABSDF) အဖွဲ့ကမူ လေ့လာသူ အဖြစ် ကိုယ်စားလှယ် (၃) ဦး တက်ရောက် ခဲ့ပါသည်။ထို့ ပြင် လားဟူ ဒီမိုကရက် တစ် ယူနီယံ (LDU),“ဝ” အမျိုးသား အစည်းအရုံး (WNO), ရက္ခိုင် တပ်မတော် (AA), ရခိုင် အမျိုးသား ကောင်စီ (ANC), မိုင်းလား အဖွဲ့ (MNDAA) သို့ အသီးသီး တက်ရောက် ခဲ့ကြသည်။

“ဝ” ပြည် သွေးစည်း ညီညွတ်ရေး တပ်မတော် (UWSA) ကမူ ဖိတ်စာ နောက်ကျ သဖြင့် ပြန်လည် သုံးသပ်ချိန် နှင့် ဘာသာပြန်ချိန် မရသဖြင့် ယခု ညီလာခံသို့ တက် ရောက်လာ နိုင်ခဲ့ခြင်း မရှိတော့ ကြောင်း ပြောရေး ဆိုခွင့်ရှိသူ ဦးအောင်မြင့်က ဆိုပါသည်။

ညီလာခံ အစီစဉ်အရ ပထမနေ့ တွင် တစ်နိုင်ငံ လုံး အပစ် အခတ် ရပ်စဲရေး ညှိနှိုင်းရေး အဖွဲ့ (NCCT) မှရေးဆွဲ ထား သည့် အပစ်အခတ် ရပ်စဲရေး စာချုပ် မူကြမ်း အား တင်သွင်းပြီး ပညာရှင်များ နှင့်အတူ အဖွဲ့ အစည်း ကိုယ်စား လှယ် များက သုံးသပ် ဆွေးနွေး သွားကြရန် ရှိပါသည်။

ထိုတင်ပြ ချက်အား တစ် နိုင်ငံလုံး အတိုင်းအတာ အပစ်အခတ် ရပ်စဲရေး စာချုပ် မူချော ဖြစ်လာနိုင်ရန် အတွက် တိုင်းရင်းသားလက်နက်ကိုင် အဖွဲ့ များ၏ ဘုံ သဘော တူညီချက် တစ်ခု ချမှတ် နိုင်ရန် ဆွေးနွေး ကြရမည်ဖြစ် ပါသည်။

ဒုတိယ အကြိမ်မြောက် လက်နက်ကိုင် တိုင်းရင်းသား အဖွဲ့များ၏ ဒုတိယ အကြိမ် ညီလာခံ သည် နိုင်ငံရေး ဆွေးနွေး မှုများမှ တဆင့် စစ်မှန် သည့်ပြည်တွင်း ငြိမ်းချမ်းရေး တည်ဆောက် နိုင်ရန် အရေးကြီးသည့် ခြေလှမ်း တစ်ရပ် ဖြစ် ကြောင်းသဘာပတိ ဖြစ်သူ KNU ဥက္ကဋ္ဌ မူတူး ဆေးဖိုး မှအဖွင့် မိန့်ခွန်းတွင် ထည့် သွင်း ပြောကြား ခဲ့ပါသည်။

အစီစဉ် အရ ညီလာခံ ဆုံးဖြတ်ချက် များကို သက်ဆိုင်ရာ မိခင် အဖွဲ့အစည်း များအားပြန်လည် တင်ပြ၍ သဘော တူ ညီချက် ရယူကြမည် ဖြစ်သည်။ ဤကဲ့သို့ အပြန်အလှန် အကြေအလည် ဆွေးနွေး ကြပြီးမှ တိကျသော နိုင်ငံရေး ဆွေး နွေးမှု မူဘောင် (Political Framework) ဖြင့် အစိုးရ ကိုယ်စား လှယ်များ နှင့် တစ်နိုင်ငံလုံး အတိုင်းအတာ အပစ် အ ခတ်ရပ်စဲရေး စာချုပ် လက်မှတ် ရေးထိုးသည့် ကိစ္စကို ဆွေးနွေး ကြမည် ဖြစ်ပါသည်။

တိုင်းရင်း သား အဖွဲ့များ သည် တိကျသော နိုင်ငံရေး ဆွေး နွေးမှု မူဘောင် (Political Framework) သဘောတူ ပြီးမှ အပစ်အခတ် ရပ်စဲရေး စာချုပ်ကို လက် မှတ် ရေးထိုးနိုင် မည် ဖြစ်သလို တစ်နိုင်ငံ အတိုင်းအတာ အပစ်အခတ် ရပ်စဲ ရေးလက်မှတ် ရေးထိုး ပြီးမှသာ နိုင်ငံရေး ဆွေးနွေးမှု အပိုင်းအား ဆက်လက် အကောင် အထည် ဖော်သွားရန် ဖြစ် သည်ဟု ပြည်ထောင်စု ငြိမ်းချမ်း ရေး ဖော်ဆောင် ရေး အဖွဲ့ဝင်များ မှ ဆိုနေပါသည်။

ညီလာခံ ကျင်းပရေး ကော်မီတီ သည် ညီလာခံမှ ဆုံးဖြတ် လိုက်သည့် သဘော တူညီချက် များကိုညီလာခံ ပြီးဆုံး သည့် ညနေ (၄) နာရီခွဲ တွင် သတင်းစာ ရှင်းလင်းပွဲ တစ်ရပ် ကျင်းပပြီး မီဒီယာ များအား အသိပေး သွားမည် ဖြစ်ပါ သည်။ 

http://www.phophtawnews.org/burmese/index.php/news/internal-news/item/1007-2014-01-20-10-21-08.html

ပြန်ခေါက်ပါ...

အဖွဲ့သားများစည်း ဝေးကိုတက်ရောက်ကြပါရန်

အဖွဲ့သားများစည်း ဝေးကိုတက်ရောက်ကြပါရန်

2014 -1-5. Karen New Year in Japan Tokyo

ဂျပန်နိူင်ငံတွင်ကရင်နှစ်သစ်ကူးကို

Karen Era 2753. Year

15th Anniversary of

Karen New Year celebration

ကို  5-1-2014နေ့တွင် Tokyo japan ကျင်းပပြုလုပ်

ခဲ့ပါသည်

ကေအဲန်ယူ ကရင်အမျိူးသားအစည်းအရုံး ထုတ်ပြန်ကြေငြာချက် အမှတ် ၁/၂၀၁၄

KNU Press Released _Burmese_

Document Sample: Click To View Full Document

KNU Press Release _Karen_Document Sample: Click To View Full Document

KNU Press Release _English_Document Sample: Click To View Full Document

အပြည့်အစုံသို့ ....

ကရင်ကျောင်းသားကွန်ယက်အဖွဲ့ ညီလာခံ ပြည်တွင်း၌ ပထမဆုံးအကြိမ် ပြုလုပ်နိုင်ခဲ့

ဇန်န၀ါရီ ၆ရက်၊ ၂၀၁၄ခုနှစ်။ စောခါးစူးညား

အပစ်အခတ် ရပ်စဲရေးကာလ ကရင်ပြည်နယ်အတွင်း သွားလာမှုများ အနည်းငယ် လွတ်လပ်လာသည့်အပေါ် ထိုင်း-မြန်မာနယ် စပ်အခြေစိုက် ကရင်ကျောင်းသားကွန်ယက်အဖွဲ့(KSNG)၏ (၂)နှစ်တစ်ကြိမ် ညီလာခံကို ကရင်ပြည်နယ်၊ ပိုင်ကျြုံမို့နယ် ထီးက ဟောကျေးရွာ၌ ပထမဆုံးအကြိမ်အဖြစ် ဇန်န၀ါရီ ၂ရက်မှ ၄ရက်နေ့အထိ ပြုလုပ်ကျင်းပခဲ့သည်။

KSNG ဥက္ကဌအသစ် နော်ပရီဆဲလာတောက “အခုက ကျမတို့ (မြန်မာ)ပြည်တွင်းမှာ သွားလာရတာ နည်းနည်း အဆင်ပြေလာ ပြီဆိုတော့ ကရင်ဒေသမှာ တစ်ခါမှ မလုပ်ဖူးသေးတဲ့ ဒီညီလာခံကို သွားလုပ်ဖြစ်သွားတဲ့သဘောပါ။ အခုလို သွားလုပ်တော့ တွေ့ သွားတဲ့ လူငယ်နဲ့ ဒေသခံလူကြီးတွေ ကျမတို့ကို အတော်လေး အားပေးတာတွေ့ရတယ်”ဟု ဆိုသည်။

သုံးရက်ကြာ ကျင်းပခဲ့သည့် ၎င်းညီလာခံတွင် ထိုင်း-မြန်မာနယ်စပ်ရှိ ကရင်ဒုက္ခသည်စခန်းများမှ KSNG အဖွဲ့ဝင် ကိုယ်စားလှယ် များ၊ ယခင် KSNG အဖွဲ့ဝင်ဟောင်းများနှင့် အကြံပေးပုဂ္ဂိုလ်များ စုစုပေါင်း ၁၀၀ခန့် တက်ရောက်ခဲ့ကြပြီး ညီလာခံကာလအတွင်း KSNG နှစ်ကုန်အစည်းအဝေးနှင့် ကော်မတီအသစ် ပြန်လည်ရွေးကောက်တင်မြှောက်ခြင်းကို ပြုလုပ်ခဲ့ကြသည်။

ယခုနှစ် ညီလာခံ၌ KSNG ဥက္ကဌအဖြစ် နော်ပရီဆဲလာတော၊ ဒုဥက္ကဌ စောဆာ့ကဆော၊ အထွေထွေအတွင်းရေးမှူးအဖြစ် စော လေးပွယ်၊ တွဲဘက်အတွင်းရေးမှူးအဖြစ် နော်ဗစ်တိုးရီးယားဘောနှင့် ဘဏ္ဍာရေးမှူး စောခယ် အပါအ၀င် KSNG ၏ အဓိကဌာန သုံးခုဖြစ်သော ရုံး၊ ပညာရေးနှင့် မီဒီယာဌာနမှူးတို့ကို ရွေးချယ်တင်မြှောက်ခဲ့ကြသည်။

မီဒီယာဌာနမှူးအဖြစ် ရွေးကောက်ခံရသူ စောလောဒူးက “ဒီတစ်ကြိမ် ရွေးချယ်တင်မြှောက်ပွဲက အရင် လုပ်ရိုးလုပ်စဉ်အတိုင်းပါ ပဲ။ အရွေးခံရတဲ့သူအားလုံးက မဲပေးလို့ တက်လာတဲ့သူတွေပေါ့။ ထူးခြားတာက ပြည်တွင်းမှာသွားလုပ်တာပေါ့နော်။ လုပ်ငန်းနဲ့ ပတ်သက်လို့ကတော့ KSNG ချမှတ်ထားတဲ့ လုပ်ငန်းစဉ်အတိုင်း ကျနော်တို့ ဆောင်ရွက်သွားမှာပါ”ဟု ကေအိုင်စီသို့ ပြောသည်။

၎င်း KSNG သည် ၂၀၁၃ခုနှစ်က ပြည်တွင်းရှိ ကရင်အမျိုးသားအစည်းအရုံး(KNU) ထိန်းချုပ်နယ်မြေ သထုံ၊ ညောင်လေးပင်နှင့် ဖာပွန်ခရိုင်များ၌ စိုက်ပျိုးရေး၊ ဖယောင်းတိုင်နှင့် ဆပ်ပြာချက်လုပ်နည်း စသည့် အသက်မွေးဝမ်းကျောင်းဆိုင်ရာ အတတ်ပညာ များကို ကျောင်းသားကျောင်းသူများအား ရက်တိုသင်တန်းများ ပို့ချပေးခဲ့ပြီး ယခုနှစ်အတွင်း ထိုခရိုင်များသို့ ထပ်မံ သွားရောက် ရန်ရှိသေးကြောင်း သိရသည်။

ထို့အပြင် ယခင်က မသွားဖူးသေးသော KNU ဘိတ်/ထားဝယ်ခရိုင်ရှိ ဒေသအချို့ရှိ ကရင်ကျောင်းသားကျောင်းသူများကို ချစ်ကြည်ရေးအဖြစ် ယခု ၂၀၁၄ခုနှစ်အတွင်း တွေ့ဆုံသွားရန်ရှိသည်ဟု နော်ပရီဆဲလာတောက ဖြည့်စွက်ပြောဆိုသည်။ ထို့အ ပြင် လာမည့် KSNG ညီလာခံကို ကရင်ပြည်နယ်အတွင်း၌ပင် ဆောင်ရွက်သွားရန် လျာထားသကဲ့သို့ အဖွဲ့ရှေ့လုပ်ငန်းကိုလည်း ပြည်တွင်းကရင်ဒေသ၌ပင် ကျယ်ပြန့်အောင် တိုးချဲ့ဆောင်ရွက်သွားမည်ဟုလည်း သူမက ဆက်လက်ပြောဆိုသည်။

ထိုင်း-မြန်မာနယ်စပ်ရှိ ဒုက္ခသည်စခန်းများနှင့် ပြည်တွင်းပြည်ပရှိ ကရင်ကျောင်းသူကျောင်းသားများ အချင်းချင်း ဆက်သွယ်ကာ အတွေ့အကြုံ၊ ဗဟုသုတများ ဝေငှကြရန် ရည်ရွယ်၍ KSNG ကို ၁၉၉၆ခုနှစ်၊ ဇူလိုင်လ ၆ရက်နေ့၌ မယ်လဒုက္ခသည်စခန်းတွင် စတင် ဖွဲ့စည်းခဲ့ပြီး ၎င်းတို့၏ရွေးကောက်ပွဲများကို ယခင်နှစ်များက ဒုက္ခသည်စခန်းများ၌သာ အလှည့်ကျ ပြုလုပ်လေ့ရှိခဲ့သည်။

သမ္မတနှင့် ကာချုပ်တို့နှင့် တွေ့ဆုံရန် KNU ခရီးစဉ်စတင်

ဇန်န၀ါရီ ၃ရက်၊ ၂၀၁၄ခုနှစ်။ စောခါးစူးညား

ကရင်အမျိုးသားအစည်းအရုံး(KNU) ဥက္ကဌ ဗိုလ်ချုပ်ကြီး စောမူတူးစေးဖိုး ဦးဆောင်သော ကိုယ်စားလှယ်အဖွဲ့ ၁၀ဦးကျော်သည် မြန်မာအစိုးရ သမ္မတ ဦးသိန်းစိန်နှင့် ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်တို့နှင့် သွားရောက်တွေ့ဆုံဆွေးနွေးရန် ယနေ့ညနေ ၄နာရီကျော်တွင် ထိုင်း-မြန်မာနယ်စပ်မှ ထွက်ခွါသွားပြီဖြစ်သည်။

KNU တွဲဘက်အတွင်းရေးမှူး(၂) ပဒိုမန်းမန်းမန်းက “အခုခရီးစဉ်မှာ KNU ဟာ အထူးသဖြင့် သမ္မတနဲ့ ကာကွယ်ရေးဦးစီးချုပ်ကို နေပြည်တော်မှာ တွေ့ဆုံဖို့ရှိတယ်။ အပစ်အခတ်ရပ်စဲရေးနဲ့ ရှေ့ဆက်နိုင်ငံရေး ဆွေးနွေးဖို့အတွက် ဘယ်လိုသွားမလဲဆိုတာ ဆွေးနွေးသွားမှာပါ”ဟု ကေအိုင်စီသို့ အတည်ပြု ပြောဆိုသည်။

ယခုခရီးစဉ်၌ KNU ဥက္ကဌ ဗိုလ်ချုပ်ကြီးစောမူတူးစေးဖိုး၊ အထွေထွေ အတွင်းရေးမှူး ပဒိုစောကွယ်ထူးဝင်း၊ ကာကွယ်ရေးဌာန တာဝန်ခံ ပဒိုစောရောဂျာခင်၊ ဗဟိုအလုပ်အမှုဆောင် ပဒိုစောတာဒိုမူးနှင့် စစ်ထောက်ချုပ် ဗိုလ်ချုပ်စောအိုင်းဇက် အပါအ၀င် တပ်မှူးအချို့ လိုက်ပါသွားပြီး ငြိမ်းချမ်းရေးလုပ်ငန်းစဉ်၊ တစ်နိုင်ငံလုံးဆိုင်ရာ အပစ်အခတ်ရပ်စဲရေး လုပ်ငန်းစဉ်နှင့် နိုင်ငံရေး ဆွေး နွေးပွဲဆိုင်ရာများကို မြန်မာအစိုးရနှင့် ဆွေးနွေးမည်ဖြစ်သည်ဟု ယနေ့ထုတ်ပြန်သည့် KNU ကြေညာတွင် ဖော်ပြပါရှိသည်။

၎င်း KNU ကိုယ်စားလှယ်အဖွဲ့သည် ရန်ကုန်သို့ အရင်ဦးစွာရောက်ရှိမည်ဖြစ်ပြီး မနက်ဖြန် ဇန်န၀ါရီ ၄ရက်နေ့တွင် မြန်မာငြိမ်းချမ်း ရေးစင်တာမှ ၀န်ကြီးဦးအောင်မင်း ဦးဆောင်သည့်အဖွဲ့နှင့် တွေ့ဆုံပြီးနောက် ၅ရက်နှင့် ၆ရက်နေ့များတွင် သမ္မတတို့နှင့် တွေ့ဆုံ သွားမည်ဖြစ်ကြောင်း သိရသည်။

ယခု ခရီးစဉ်တွင် တစ်နိုင်ငံလုံးဆိုင်ရာ အပစ်အခတ်ရပ်စဲရေး လုပ်ငန်းစဉ်အဆင့်ဆင့်၌ လက်နက်ကိုင်တပ်ဖွဲ့ဝင်များ၏ အခန်း ကဏ္ဍကိုလည်း သက်ဆိုင်ရာ တပ်မတော် အကြီးအကဲများ၊ အစိုးရအဆင့်မြင့်အရာရှိများနှင့် တွေ့ဆုံဆွေးနွေးပြီး ရလဒ်များကို KNU အဖွဲ့အစည်းနှင့် တိုင်းရင်းသားအဖွဲ့အစည်းများထံသို့ ပြန်လည်ချပြကာ သတင်းထုတ်ပြန်သွားမည်ဟုလည်း အဆိုပါကြေ ညာချက်တွင် ဖော်ပြထားသည်။

ပဒိုမန်းမန်းမန်းက “တိုင်းရင်းသားလက်နက်ကိုင် အဖွဲ့အားလုံးနဲ့ အစိုးရအကြား အပစ်အခတ်ရပ်စဲရေး သဘောတူစာချုပ်တွေမှာ တပ်ပိုင်းဆိုင်ရာဟာ အဓိကဖြစ်တဲ့အတွက် လာမဲ့ လော်ခီးလာ(KNU ဌာနချုပ်)မှာ လုပ်မယ့် တိုင်းရင်းသားလက်နက်ကိုင်အဖွဲ့ များ ညီလာခံထဲမှာ ဆွေးနွေးကြရင် အထစ်အငေါ့ မရှိအောင် ဒီခရီးစဉ်မှာ ပြေလည်မှု တစုံတရာရရှိဖို့ ညှိနှိုင်းတဲ့သဘောလည်း ပါပါတယ်”ဟု ပြောဆိုသည်။

ပြီးခဲ့သည့် ဒီဇင်ဘာလ ၃၁ရက်နေ့က အစိုးရဘက်က ပြည်ထောင်စုဝန်ကြီး ဦးအောင်မင်း၊ လူဝင်မှုကြီးကြပ်ရေးဝန်ကြီးဌာန ၀န်ကြီး ဦးခင်ရီတို့ပါဝင်သော အဖွဲ့သည် KNU ခေါင်းဆောင်အချို့နှင့် ထိုင်း-မြန်မာနယ်စပ်တွင် တွေ့ဆုံခဲ့ကြောင်း ကေအဲန်ယူ အသိုင်းအ၀ိုင်းများထံမှ သိရသည်။

ယခုခရီးစဉ်အပြီး ဇန်န၀ါရီလ ၂၀ရက်နေ့တွင် KNU ဖားအံခရိုင်အတွင်းရှိ လော်ခီးလာ(လေးဝါး)ဌာနချုပ်၌ ဒုတိယအကြိမ် တိုင်း ရင်းသားလက်နက်ကိုင်အဖွဲ့များ ညီလာခံကို ကျင်းပသွားမည်ဖြစ်ပြီး ကေအဲန်ယူနှင့် အစိုးရတို့၏ ၂၀၁၄ခုနှစ်အတွင်း ပထမဆုံး တွေ့ဆုံခြင်းဖြစ်သည်။

နှစ်သစ်ကူးနေ့သည် စည်းလုံးညီညွှတ်မှုနေ့ဟု ကေအဲန်အယ်လ်အေ စစ်ဦးစီးချုပ် ပြောကြား

ဇန်န၀ါရီ ၂ရက်၊ ၂၀၁၄ခုနှစ်။ စောခါးစူးညား

ကရင်သက္ကရာဇ် ၂၇၅၃ခုနှစ် နှစ်သစ်ကူးနေ့သည် ကရင်တမျိုးသားလုံး၏ စည်းလုံးညီညွှတ်မှုကို ပြသသည့်နေ့ဖြစ်ကြောင်း ကရင်ပြည်နယ်၊ မြ၀တီမြို့နယ် ရွှေကုက္ကိုမြိုင်ကျေးရွာ၌ ယမန်နေ့က ပြုလုပ်သည့် စုပေါင်းနှစ်သစ်ကူးနေ့ပွဲတော် အခမ်းအနား တွင် ကရင်အမျိုးသားလွတ်မြောက်ရေးတပ်မတော်(KNLA) စစ်ဦးစီးချုပ်က ပြောကြားလိုက်သည်။

စစ်ဦးစီးချုပ် ဗိုလ်ချုပ်ကြီးစောဂျော်နီက “ဒီနှစ် ပြုလုပ်တဲ့ ကရင်နှစ်သစ်ကူးနေ့ထူးနေ့မြတ်မှာ ကရင်ပြည်သူတွေကော၊ ကရင် လက်နက်ကိုင်အဖွဲ့ပေါင်းစုံနဲ့ပါ သိုက်သိုက်ဝန်းဝန်း ကျင်းပခွင့်ရတာ ဂုဏ်ယူမိသလို ဒီနေ့ဟာ ကရင်အမျိုးသားတွေရဲ့ စည်းလုံးညီ ညွှတ်မှုနေ့လည်း ဖြစ်ပါတယ်”ဟု ပြောကြားသွားခဲ့သည်။

မြန်မာပြည်၏ နှစ်ပေါင်း ၆၀ကျော်ကြာ ပြည်တွင်းစစ်ကြောင့် ကရင်ပြည်နယ်အတွင်းရှိ ကရင်လူမျိုးများသည် ကရင်နှစ်သစ်ကူး နေ့ကို အဖွဲ့စုံညီစွာ မကျင်းပနိုင်ခဲ့ကြသော်လည်း ယခုနှစ်တွင် ပထမဦးဆုံးအကြိမ် စုပေါင်းကျင်းပနိုင်သည်မှာ ဂုဏ်ယူစရာဖြစ် ကြောင်းလည်း ဗိုလ်ချုပ်ကြီးစောဂျော်နီက ဆက်ပြောသည်။

ယခု ၂၇၅၃ခုနှစ် နှစ်သစ်ကူးနေ့မှာ ၂၀၁၄ခုနှစ်၊ ဇန်န၀ါရီ ၁ရက်နေ့တွင် ကျရောက်ခြင်းဖြစ်ပြီး ရွှေကုက္ကိုမြိုင်ကျေးရွာ၌ ကျင်းပ သော နှစ်သစ်ကူးနေ့ပွဲတော်ကို မြ၀တီ၊ ကော့ကရိတ်၊ လှိုင်းဘွဲ၊ ဖားအံနှင့် ကြာအင်းဆိပ်ကြီး မြို့နယ် (၅)ခုအနေဖြင့် စုပေါင်းပြု လုပ်ကျင်းပကြခြင်းဖြစ်ပြီး ကရင်အမျိုးသားအစည်းအရုံး(KNU) အပါအ၀င် KNU/KNLA ငြိမ်းချမ်းရေးကောင်စီနှင့် နယ်ခြားစောင့် တပ်-BGF(ကရင်ပြည်နယ်)တို့က ဦးစီးဆောင်ရွက်ခဲ့ကြခြင်းဖြစ်သည်။

၎င်းနှစ်သစ်ကူးပွဲတော်သို့ KNU စစ်ဦးစီးချုပ် ဗိုလ်ချုပ်ကြီးစောဂျော်နီ၊ ပဒိုစောအားတိုး၊ BGF တိုက်နယ်(၃)မှူး ဗိုလ်မှူးကြီးစောချစ် သူ၊ ဗိုလ်မှူးစောမုတ်သုန်၊ ဒီမိုကရေစီအကျိုးပြုကရင်အမျိုးသားတပ်မတော်(DKBA)မှ ဗိုလ်မှူးစောကျော်သက်တို့အပြင် ကရင် ပြည်နယ်အစိုးရအဖွဲ့မှ ၀န်ကြီးများ၊ လွှတ်တော်အမတ်၊ နယ်ခြားစောင့်တပ် ညွှန်ကြားရေးမှူး ဗိုလ်ချုပ်မောင်မောင်အုန်း၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီးဦးခင်ရီ၊ သမ္မတရုံးဝန်ကြီး ဦးအောင်မင်းနှင့် မြန်မာငြိမ်းချမ်းရေးစင်တာမှ အဖွဲ့ဝင်များ အပါအ၀င် လူထုပရိဿတ် တစ်သောင်းခန့် တက်ရောက်ခဲ့ကြသည်။

အခမ်းအနားသို့ ကရင်အမျိုးသားအစည်းအရုံး၊ တောင်ကလေးဆရာတော် ဦးပညာသာမိ၊ KNU၊ KNU/KNLA ငြိမ်းချမ်းရေး ကောင်စီ၊ ပြည်နယ်ဝန်ကြီးချုပ်ဦးဇော်မင်း၊ ကရင်ပြည်နယ် နယ်ခြားစောင့်တပ် ကွပ်ကဲရေးအဖွဲ့၊ ကရင်နီမျိုးနွယ်စုများက ပေးပို့ လာသည့် သ၀ဏ်လွှာများကို ဖတ်ကြားခဲ့ကြသည်။

ဝန်ကြီးဦးအောင်မင်းက “အခု ကျနော်တို့ သမ္မတကြီး ဦးသိန်းစိန်နဲ့ တိုင်းရင်းသားလက်နက်ကိုင်အဖွဲ့တို့ ဖော်ဆောင်နေကြတဲ့ ငြိမ်းချမ်းရေးဖြစ်စဉ်ဟာ မပြီးဆုံးသေးသည့်အတွက် ဆက်လက်ပြီးတော့ တညီတညွှတ်တည်း ဆောင်ရွက်ကြဖို့ တိုက်တွန်းချင်ပါ တယ်”ဟု အခမ်းအနားအပြီးတွင် သတင်းထောက်များကို ပြောဆိုခဲ့သည်။

ထို့အပြင် စစ်ဝတ်စုံအပြည့် ၀တ်ဆင်ထားကြသည့် ကေအဲန်ယူ အပါအ၀င် ကရင်လက်နက်ကိုင်အဖွဲ့ဝင် အင်အား ၂၀၀ခန့်က ၎င်းကရင်နှစ်သစ်ကူးနေ့ အခမ်းအနားတွင် ကရင်အမျိုးသားအလံတော်ကို ကိုင်ဆောင်ကာ ဂုဏ်ပြုချီတက်ခဲ့ကြပြီး ကရင်အမျိုး သားသီချင်းကို သံပြိုင်သီဆိုကာ အမျိုးသားအလံတင် အစီအစဉ်ကို ပြုလုပ်ခဲ့ကြသည်။ ဒီဇင်ဘာ ၃၀ရက်မှ ဇန်န၀ါရီ ၂ရက်နေ့အ ထိ ပြုလုပ်ကျင်းပသည့် အဆိုပါပွဲတော်၌ ကရင်ရိုးရာ ဒုံးအကပြိုင်ပွဲ၊ လက်ဝှေ့ပြိုင်ပွဲ အပါအ၀င် ကရင်ခေတ်ပေါ်ဂီတပွဲတော်၊ ဇာတ်သဘင်နှင့် ရိုးရာယဉ်ကျေးမှု အခင်းအကျင်းများကို ပြသထားသည်။

ပွဲတော် တက်ရောက်ခဲ့သူ ကရင်အဆိုတော် စောထူးဝါးက “ဒီနေ့ နှစ်သစ်ကူးနေ့မှာ ကျနော်တို့ကရင်တွေ စုံစုံညီညီ လာကြတာ ကိုတွေ့ရတော့ အရမ်းဝမ်းသာတယ်။ ဒီလိုပဲ ကရင်အမျိုးသားတွေအကြားမှာ အရင်က အချင်းချင်း အပြစ်တွေမြင်ခဲ့ကြတာတွေ ကို သင်ပုန်းချေပြီး တသွေးတည်းတသားတည်းဖြစ်ဖို့ ဒီနှစ်သစ်မင်္ဂလာမှာ ကျနော် ဆုမွန်ကောင်း တောင်းလိုက်ပါတယ်”ဟု ကေအိုင်စီသို့ ပြောသည်။

၂၀၁၄ခုနှစ်၊ ဇန်န၀ါရီလ ၁ရက်နေ့တွင် ကျရောက်သည့် ၂၇၅၃ခုနှစ်၊ ကရင်နှစ်သစ်ကူးနေ့ ပွဲတော်ကို ထိုင်း-မြန်မာနယ်စပ်ရှိ ကရင်ဒုက္ခသည်စခန်းများ၊ ပြည်တွင်းရှိ ကရင်လူမျိုးများရှိရာ ဒေသများနှင့် ပြည်ပရောက် ကရင်လူမျိုးများကလည်း အသီးသီး ကျင်းပပြုလုပ်ခဲ့ကြသည်။

၂၇၅၃ -ခုနှစ် (၁၅) ကြိမ်မြောက် တိုကျို ဂျပန် ကရင်အမျိုးသား နှစ်သစ်ကူးပွဲတော် ဖိတ်ကြားလွှာ 

          

         ကရင်အမျိုးသားနှစ်သစ်ကူးပွဲတော်ကို ဂျပန်နိုင်ငံ တိုကျို တွင် ကရင်မိသားစု စုံလင် စည်ကားစွာ ကျင်းပမည် ဖြစ်ပါသောကြောင့် ကရင်တိုင်းရင်းသား ညီအကို မောင်နှမ များနှင့် ရင်းနှီခင်မင် ရပါသော မိတ်ဆွေ အပေါင်းတိုကို နွေးထွေးစွာဖြင့် ဖိတ်ကြားနှိးဆော်အပ်ပါသည်။

        အားလုံးကို ကြိုဆိုလျှက်

ကရင်နှစ်သစ်ကူးပွဲ ကျင်းပရေးကော်မတီ

နေ့ ရက်။ ။ ၂၀၁၄ ဇန်န၀ါရီ လ ၅ ရက် (တနင်္ဂနွေ နေ့ )

အချိန် ။ ။ နေ့ လည် ၁း၀၀ နာရီ မှ ညနေ ၆၀၀ နာရီထိ

နေရာ ။ ။〒170-0013 Seiko Sunshine Building B1 Floor 1-30-6 Higashi-Ikebukuro, Toshima-ku

カレン歴2753年、第（15）回カレン民族正月

式典招待状

　2013年も残るところわずかとなってまいりました。

日頃は私共カレン民族の為に御尽力頂き本当に有難うございまし

た。私たちカレン民族の正月を祝う式典及び祝宴を下記日時、場所にて行うこととな

りました。

　日頃お世話になっている皆様方とも是非ご参加頂き、共に祝って頂きたくご招待申

し上げます。

敬意を払って、

カレン民族主催委員会

日　　　　－　2014年1月5日（日曜日）

時間　　　－　13：00　時　～　18：00　時　

場所　　　－〒170-0013　豊島区東池袋1-30-6　セイコサンシャインビルB1階　

    

Dear All Friends,

              We, Karen Peoples in Japan will held our Karen New Year Ceremony on comming 5th January 2014 . So please come and Join together with us for this occasion.

              We hope that New Year will be pleasured for all of you. We are looking to see all of you.

Best Regards,

Karen Organization in Japan.

Date: : 2014 /1 /5

Time: : 1:00 PM to 6:00 PM

Place: :〒170-0013 Seiko Sunshine Building B1 Floor 1-30-6 Higashi-Ikebukuro, Toshima-ku.

 

ကရင်နိုင်ငံတော် သီချင်း

December 15, 2013 Sunday

By မင်းစိုးစံ

 ကျက်သရေမင်္ဂလာအပေါင်းနဲ့ ပြည့်ဝနိုင်ကြပါစေလို့ ဦးစွာပထမ ဆန္ဒပြုလိုက်ပါတယ်။
မိတ်ဆွေတစ်ယောက်က ကရင်နိုင်ငံတော်သီချင်းရဲ့ စာသားတွေကိုသာတွေ့ပြီး သံစဉ်မရှိဘူးလား ဆိုလို့ အချိန်ပေး
ပြီးရှာခဲ့ပါတယ်။
ကျုပ်အနေနဲ့ ကရင်နိုင်ငံတော်သီချင်းလို့ ပြောပေမယ့် ၀ါရင့်ကရင်နိုင်ငံရေးသမားတစ်ယောက်က ငါတို့ကရင်တွေ
မှာ နိုင်ငံတော်သီချင်းမရှိဘူးကွ လို့ပြောတဲ့အတွက် ကျုပ်သိသလောက် ရှင်းလင်းပြောပြပါရစေ။

ဒီကရင့်နိုင်ငံတော်သီချင်း ကို မော်ဖိုးကေ အသံလွှင့်ရုံရှိခဲ့စဉ်အခါတုန်းက အသံထုတ်လွှင့်မှု စတင်တာနဲ့ ပထမဦး
ဆုံးလွှင့်ပေးခဲ့တာကို အမှတ်ရနေပါတယ်။ တခါ စခန်းတိုင်းမှာ မနက်ရုံးတက်ချိန်နဲ့ ညနေရုံးဆင်းချိန်တွေမှာ အသံ
ချဲ့စက်တွေတပ်ဆင်ထားပြီး ဖွင့်ပေးတာမို့ လမ်းလျှောက်နေသူတွေအားလုံးဟာ ရပ်ပြီးနေကြရပါတယ်။
သီချင်းသံတိတ်သွားတော့မှ လူတွေအားလုံး သွားလာလှုပ်ရှားကြရပါတယ်။
အဲဒီလိုစည်းကမ်းတကျဖြစ်အောင် KNU တပ်ထိန်းတွေက လမ်းဆုံလမ်းခွတွေမှာ ရပ်ပြီးသတိပေးကြပါတယ်။
အဲဒီလို စခန်းတိုင်းအတွက်စနစ်တကျနဲ့ တချိန်တည်းတခါတည်းဖြစ်အောင် မော်ဖိုးကေအသံလွှင့်ဌာန ကနေပြီး
တိုက်ရိုက်စီစဉ်ပေးတာဖြစ်ပါတယ်။ 

နောက်ပြီး ရုပ်ရှင်ရုံတွေမှာ ပိတ်ကား(မြင်ကွင်းကျယ်)ပဲဖြစ်ဖြစ် VIDEO ရုံတွေပဲဖြစ်ဖြစ် ရုပ်ရှင်မပြခင်မှာ ရုံထဲကလူ
တွေအားလုံး မတ်တပ်ရပ်ပြီး အလေးပြုကြရပါတယ်။
အဲဒါအပြင် သီချင်းစာသားရဲ့ ခေါင်းစဉ်မှာကိုက ကရင့်နိုင်ငံတော် သီချင်းလို့ ထင်ထင်ရှားရှားကြီးရေးထားတာမို့ ကျုပ်က အဲဒါတွေအားလုံးကို ခြုံငုံပြီး ကရင့်နိုင်ငံတော်သီချင်းဆိုပြီး ဖေါ်ပြပေးခဲ့တာဖြစ်ပါတယ်။
အဲဒီတော့ ကရင့်နိုင်ငံတော်သီချင်း မရှိဘူးလို့ပြောခဲ့တဲ့ ကရင့်နိုင်ငံရေးသမားတစ်ယောက် ဘယ်လိုဆုံးဖြတ်မလဲ
ဆိုတာကတော့ တစ်ပိုင်းပေါ့လေ။

အခုတော့လည်း အားလုံးဟာ လွမ်းစရာတွေဖြစ်ကျန်ခဲ့ပြီလို့များပြောရမလား မသိတော့ပါဘူး။ အမျိုးသားနေ့ အ
ခမ်းအနားတွေမှာ ကရင့်နိုင်ငံတော် သီချင်းကိုမကြားရတာအတော်ကြာခဲ့သလို အလေးပြုတာလည်းမမြင်ရတာ
ကြာလှပါပြီ။
အောက်က ရုပ်သံဖိုင်ကတော့ ကရင်အမျိုးသားနှစ်သစ်ကူးနေ့မှာ ဂုဏ်ပြုတပ်ဖွဲ့က ကရင့်နိုင်ငံတော်သီချင်းနဲ့ စစ်
ရေးပြချီတက်ဂုဏ်ပြုနေတာဖြစ်ပါတယ်။

ကရင့်နိုင်ငံတော် သီချင်းရဲ့ သံစဉ်ကိုလိုချင်တဲ့ မိတ်ဆွေအနေနဲ့ ကြေနပ်နိုင်လိမ့်မယ်လို့ မျှော်လင့်ပါတယ်။
ဒီနှစ်ကရင့်အမျိုးသားနှစ်သစ်ကူး ပွဲတော်မှာ ကရင်လက်နက်ကိုင်တပ်ဖွဲ့တွေ အားလုံးပေါင်းပြီး စစ်ရေးပြကြမယ် လို့
သိရပါတယ်။

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး