ကျနော်တို့မှာ ညီညွတ်ရေး မရှိကြဘူး

#fullpost {display:none;}
Monday, 02 February 2009 17:50 ဧရာဝတီ
ဗိုလ်မှူးချုပ် ဂျော်နီသည် ကရင် အမျိုးသား လွတ်မြောက်ရေး တပ်မတော် (KNLA) တပ်မဟာ ၇ ၏ တပ်မဟာမှူး ဖြစ်သည်။ ဘားအံခရိုင် အတွင်းရှိ တပ်မဟာ ၇ နယ်မြေများသည် KNLA ၏ အရေးအပါ ဆုံးသော နယ်မြေများ ဖြစ်သည်။ ဗိုလ်မှူးချုပ် ဂျော်နီသည် ၂ဝဝ၇ ဇန်နဝါရီလမှ စတင်ပြီး တပ်မဟာမှူး အဖြစ် တာဝန်ပေး ခံခဲ့ရသည်။ဧရာဝတီနှင့် ဆက်သွယ် မေးမြန်းခန်းတွင် ဗိုလ်မှူးချုပ် ဂျော်နီက KNLA ၏ နိုင်ငံရေး အဖွဲ့ ဖြစ်သော ကရင် အမျိုးသား အစည်းအရုံး (KNU)၊ မြန်မာ့ ဒီမိုကရေစီ အရေး လှုပ်ရှားမှုတို့နှင့် ပတ်သက်ပြီး ပြောပြခဲ့သည်။
မေး။ ။ ၂ဝဝ၉ ခုနှစ်မှာ ဘာတွေလုပ်မလဲ။
ဖြေ။ ။ ကျနော်တို့ ၂ဝဝ၉ ထဲမှာ သံဃာတော်တွေ၊ ကျောင်းသားတွေ၊ ပြည်တွင်း ပြည်ပက အတိုက်အခံ တွေနဲ့ ပိုပြီး လက်တွဲရမယ်၊ စစ်အစိုးရရဲ့ ၂ဝ၁ဝ ရွေးကောက်ပွဲကို သပိတ်မှောက်ရမယ်။ ဘာကြောင့်လဲလို့ ဆိုတော့ ရွေးကောက်ပွဲမှာ စစ်အစိုးရက နိုင်သွားရင် ကျနော်တို့ စစ်ဖိနပ်အောက်က လွတ်တော့မှာ မဟုတ်ဘူးလေ။
မေး။ ။ လက်နက်ကိုင် ပဋိပက္ခနဲ့ ပတ်သက်ပြီး မဟာဗျူဟာ ဘယ်လိုချထားသလဲ။
ဖြေ။ ။ နိုင်ငံရေးကို နိုင်ငံရေးနည်းနဲ့ပဲ ဖြေရှင်းရမယ်။ ဒါကြောင့် ကျနော်တုိ့က စစ်အစိုးရကို အမြဲတမ်း တံခါးဖွင့် ထားပါတယ်။ စစ်အစိုးရက ဂရုမစိုက်ဘူး ဆိုတော့ ကျနော်တို့က လက်နက်ကိုင်ပြီး တိုက်နေရတာပါ။ကျနော်တို့ကို ဗမာစစ်တပ်က လာတိုက်ရင် ကျနော်တို့ ပြန်တိုက်ရမှာပဲ။ ကျနော်တို့ လက်နက် ကိုင်ထားတယ်ဆိုတာ ဗမာတွေကို တိုက်ဖို့ မဟုတ်ဘူးလေ၊ ကျနော်တို့က မဟာဗမာ စစ်အာဏာရှင် စနစ်ကို တိုက်နေတာပါ။ကျနော်တို့က လက်နက်ကိုင် တိုက်ပွဲကို ဆက်ပြီး ဆင်နွှဲသွားမယ်။ စစ်အစိုးရက လာတိုက်ရင် ကျနော်တို့က ပြန်တိုက်မှာပဲ။
မေး။ ။ KNU ထဲမှာ ဖြစ်နေတဲ့ အကွဲအပြဲတွေနဲ့ ပတ်သက်ပြီး ဘာပြောချင်ပါသလဲ။
ဖြေ။ ။ တယောက်နဲ့ တယောက် နားလည်မှု မရှိကြတာ ကျနော်တို့ရဲ့ အားနည်းချက်ပဲ။ ကျနော်တို့မှာ ညီညွတ်ရေး မရှိကြဘူး။ တော်လှန်ရေး ကြာလာတာနဲ့အမျှ စစ်အစိုးရက ဝင်ပြီး သွေးခွဲတဲ့အတွက် ကျနော်တို့ရဲ့ ရဲဘော်တွေ စစ်အစိုးရဆီမှာ လက်နက် ချကြတာပဲ။သိတဲ့အတိုင်း ရန်သူက ကျနော်တို့ကို နေ့တိုင်း သွေးခွဲဖို့ ကြိုးစားတယ်။ ဒါကို ကျနော်တို့ သိသိကြီးနဲ့ သွေးခွဲ ခံနေကြတယ်။ ဥပမာ (KNU ကနေ ခွဲထွက်သွားတဲ့) ဗိုလ်ချုပ် ထိန်မောင် ဆိုရင် ရန်သူက သူ့ကို သွေးထိုး နေတယ်ဆိုတာ သူ ကောင်းကောင်း သိတာပဲ။ ဒါပေမယ့် သူ ခွဲထွက်သွားတယ်။ ဒါ ရန်သူက တော်လို့ မဟုတ်ဘူး၊ ကျနော်တို့ ညံ့လို့ ဖြစ်တာတွေပဲ။ကျနော်တို့ကတော့ ကျနော်တို့ သမိုင်းကို အကောင်းဆုံး ဖြစ်အောင် ကိုယ်တိုင် ရေးကြရမှာပဲ။
မေး။ ။ KNU ထဲမှာ ညီညွတ်မှု ရဖို့အတွက် ဘာလုပ်မလဲ။
ဖြေ။ ။ ကျနော်တို့ အမြဲတမ်း သတိထားနေရမယ်။ ဘာဖြစ်လို့လဲ ဆိုတော့ ရန်သူက ကျနော်တို့ကို အမြဲတမ်း သွေးခွဲနေတယ်လေ။ ရန်သူ ပြောတာကို နားယောင်လို့ မရဘူးနော်။ ကျနော်တို့မှာ ကိုယ်ပိုင်မူဝါဒ ရှိတယ်။ ကျနော်တို့ရဲ့ မူဝါဒအတိုင်း ရပ်တည်မယ်ဆိုရင် ကျနော်တို့ လိုချင်တဲ့ ပန်းတိုင်ကို သေချာပေါက် ရောက်မှာပဲ။ပဒိုမန်းရှာ တို့လိုမျိုး ကျနော်တို့ ခေါင်းဆောင် တွေက ပြည်သူလူထု အတွက် အကောင်းဆုံး လုပ်သွားခဲ့ ကြတာပဲ။ ကျနော်တို့က မပြီးပြတ်သေးတဲ့ တာဝန်တွေကို ဆက်ပြီး ထမ်းဆောင်ရမယ်။ ကျဆုံးသွားကြတဲ့ ကျနော်တို့ရဲ့ ခေါင်းဆောင်တွေဟာ အင်မတန်ကို မြင့်မြတ်တဲ့ ခေါင်းဆောင်တွေ ဖြစ်ပါတယ်။ကျနော်တို့ ဆက်မလုပ်ဘူး ဆိုရင် ကရင်ပြည်သူ လူထုအတွက် အသက်ပေး စွန့်လွှတ်သွားတဲ့ ကျနော်တို့ ခေါင်းဆောင်တွေ၊ ရဲဘော်တွေကို ကျနော်တို့ သစ္စာဖောက်ရာကျတယ်။
မေး။ ။ KNU ကနေ ခွဲထွက်သွားတဲ့ အဖွဲ့တွေကို ဘာပြောချင်သလဲ။
ဖြေ။ ။ ကျနော်တို့က KNU ကနေ ခွဲထွက်သွားတဲ့ သူတွေကို အမြဲတမ်း တံခါးဖွင့်ထားမှာ ဖြစ်ပါတယ်။ သူတို့ပြန်လာပြီး ကျနော်တို့နဲ့ လက်တွဲလုပ်မယ် ဆိုရင်လည်း ကျနော်တို့က အမြဲတမ်း ကြိုဆိုမှာ ဖြစ်ပါတယ်။
မေး။ ။ ကရင် တိုင်းရင်းသားတွေရဲ့ ရည်ရွယ်ချက်တွေ ပြည့်ဝဖို့အတွက် အရေးကြီးဆုံး အချက်က ဘာဖြစ်မလဲ။
ဖြေ။ ။ ကျနော်တို့တွေ ညီညွတ်ရမယ်။ ကျနော်တို့တွေ တယောက်နဲ့ တယောက် နားလည်ရမယ်၊ လေးစားရမယ်။ ရန်သူက သွေးထိုးလာတာတွေကို ဘာမှ နားထောင်နေစရာ မလိုဘူး။ ကျနော်တို့ ချစ်ချစ်ခင်ခင် လုပ်ကိုင်မယ်ဆိုရင် ကျနော်တို့ လိုချင်တဲ့ ပန်းတိုင်ကို ရောက်မှာပဲ။
မေး။ ။ မြန်မာပြည်နိုင်ငံရေး အပြောင်းအလဲ တွေဖြစ်ဖို့ သံတမန် နည်းလမ်းအရ ကြိုးပမ်းနေတာတွေကို ဘယ်လိုမြင်သလဲ။
ဖြေ။ ။ နိုင်ငံတကာက ဖိအားပေးနေတာတွေက မှန်တဲ့လုပ်ရပ်ပဲ။ ဒါပေမယ့် ကျနော်တို့ကတော့ လုပ်စရာရှိတာ ဆက်လုပ်ရမှာပဲ။ ကျနော်တို့ ကိုယ်တိုင်ကပဲ မြန်မာပြည် လွတ်မြောက်ရေးအတွက် အဓိကကျတယ်။ နိုင်ငံတကာ အင်အား တခုတည်းကိုပဲ အားကိုးလို့ မဖြစ်ဘူး။မြန်မာပြည်မှာ အဖိနှိပ် ခံနေရတဲ့သူတွေ မှန်သမျှ ဒီမိုကရေစီရေး လှုပ်ရှားမှုထဲမှာ ပါဝင်ဖို့ တာဝန် ရှိပါတယ်။ တာဝန်ရှိတယ် ဆိုတာကို နားလည်မယ်၊ ကိုယ်တိုင် ဝင်ပြီး ဆောင်ရွက်မယ် ဆိုရင် ကျနော်တို့ တော်လှန်ရေး အောင်မြင်ဖို့ဆိုတာ မဝေးတော့ပါဘူး။