ကရင့်အမျိူးသားများ၏ ရင်ထဲမှ ပေါက်ဖွားလာသော KNU ကရင်အမျိူးသားအစည်းအရုံး

တနင်္ဂနွေနေ့ ၊ ဇူလိုင်လ ၁၂ ရက်၊ ၂၀၀၉
ဘွဲ့ သွေးနီ။
ဇွန်လ 18 ရက်နေ့ စွဲ့ ၊လာရီဂျေဂင် ၏ (ကရင်တပ်များ ဆုတ်ခွာနေရ ဆောင်းပါး) နှင့် ဇူလိုင်လ ၉ ရက်နေ့  စွဲ့  ဘရိုင်ယန် မက်ကာတန် ၏( ထိုင်း-မြန်မာ နယ်စပ်၌အနေ အထားသစ် တစ်ရပ်ပေါ်လာ) ဆိုသည့်  ဆောင်းပါးများ နှင့်စပ်လျဉ်း၍ ကရင်အမျိူးသားများ အမြင်ရှင်းလင်းစေ ရန် ဤဆောင်းပါးကို ရေးသားလိုက်ရခြင်းဖြစ်ပါသည်။
ဇွန်လ အတွင်း ကေအန်ယူ တပ်မဟာ ၇ အခြေခံစခန်းများကို ယာယီဆုတ်ခွာပြီး နောက် ပိုင်းတွင် ဆောင်းပါးရှင် လာရီဂျေဂင် က “မြန်မာအစိုးရကို လွတ်လပ်ရေးနှင့် ကိုယ်ပိုင်အုပ်ချုပ်ခွင့်အတွက် နှစ်ပေါင်း ၆၀ မျှ တိုက်ပွဲဝင်လာခဲ့သော KNLA အတွက် နိဂုံး၏ နိဒါန်းဖြစ်နိုင်ကြောင်း” ဟုဖေါ်ပြပါရှိ ခဲ့ပါသည်။ထိုနည်းတူ မြန်မာ့စစ်ရေးကျွမ်းကျင်သူ ဦးဝင်းမင်း ဆိုသူကလည်း မဇ္ဈိမကို ပြောရန်တွင် ''စစ်အစိုးရက DKBA ရဲ့ အကူအညီနဲ့ နယ်စပ်တလျှောက်ကို KNU လက်ထဲကနေ လုယူပြီး ထိန်းချုပ်နိုင်တော့မှာက သံသယ ဖြစ်စရာ မရှိပါဘူး'' ဟုဆိုထားပြန်ပါသည်။
ဇူလိုင် ၉ ရက်နေ့  စွဲ့  ဘရိုင်ယန် မက်ကာတန်၏ “ထိုင်း-မြန်မာ နယ်စပ်၌အနေ အထားသစ် တစ်ရပ်ပေါ်လာ” ဆိုသည့် ဆောင်းပါး တွင်လည်း “မြန်မာစစ်တပ်နှင့် ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် - DKBA တို့က အနိုင်ရရှိခဲ့ခြင်းကြောင့် မြန်မာစစ်အစိုးရသည် နှစ်ပေါင်း ၆ဝ အတွင်း ပထမဆုံးအကြိမ်အဖြစ် ထိုင်းနယ်စပ်ရှိ အဓိက အစိတ်အပိုင်းကို အခိုင်အမာ ထိန်းချုပ်နိုင်ပြီ” ဟူ၍ လည်းကောင်း“မြန်မာစစ်အစိုးရနှင့် DKBA တပ်ဖွဲ့တို့တွင် အလွန်ကြီးမားသော ရည်မှန်းချက်များ ရှိကြသည်။ မြဝတီမှ ယင်း၏ မြောက်ဘက် သံလွင်မြစ်နှင့် သောင်ရင်းမြစ်ဆုံရာ နေရာအထိ ထိုင်းနယ်စပ်တလျှောက်တွင် စီးပွားရေးဇုန်များ ထူထောင်မည့် အစီအစဉ်များ ကြာမြင့်စွာကတည်းကပင် ရှိသည်။
ယင်းတို့အထဲမှတခုကို မြဝတီမြို့ပြင်တွင် တည်ဆောက်မည်ဖြစ်ပြီး၊ နောက်တခုမှာ လှိုင်းဘွဲ့မြို့တွင် တည်ဆောက်မည်ဖြစ်သည်။
ဤစီမံကိန်များအတွက် ယခင်ထိုင်းအစိုးရများက ငွေအနည်းငယ်မျှသာ စိုက်ထုတ်ခဲ့ကြသော်လည်း နှုတ်ဖြင့်မူ ထောက်ခံခဲ့ကြပြီးဖြစ်သည်” ဟူ၍လည်းကောင်း“လှိုင်းဘွဲ့မြို့အနီးမှ နေရာတနေရာမှာ မယ်လဒုက္ခသည်စခန်းမှ ဒုက္ခသည်များကို နေရပ်ရင်းသို့ ပြန်လည်ပို့ဆောင်ရာတွင် အသုံးပြုနိုင်သော နေရာတနေရာအဖြစ် သတ်မှတ်ထားသည်” ဟူ၍လည်းကောင်း“နယ်ခြားစောင့်တပ်ဖွဲ့အဖြစ် အသွင်ပြောင်းရန် စစ်အစိုးရ၏ အစီအစဉ်ကို DKBA က လက်ခံလိုက်ခြင်း အကြောင်းရင်းတရပ်မှာ DKBA အနေဖြင့် စီးပွားရေးလုပ်ငန်းများကို ဆက်လက်ထိန်းသိမ်းထားရှိခွင့် ရှိမည်ဖြစ်ပြီး၊ ပိုမို၍ပင် ကြီးထွားလာနိုင်စရာ ရှိသောကြောင့် ဖြစ်သည်” ဟူ၍လည်းကောင်း ပါရှိပါသည်။
ဘရိုင်ယန် မက်ကာတန်၏ ဆောင်းပါးအချက်ပါ မြ၀တီမြို့ ပြင်၊ သောင်းရင်း နှင့် သံလွင် မြစ်ဆုံ၊ လှိုင်းဘွဲ့ မြို့  နယ် စသည့်နယ် မြေများတွင် စက်မှုဇုံ အဖြစ် ပြောင်းလဲဖန်တီးမည် ဟုဆိုသည့် နအဖ ၏ မက်လုံး ကို ပထမဦးဆုံး အနေဖြင့် ထောက်ပြရှင်းလင်းပြလိုပါသည်။ကရင်ပြည်နယ် သံတောင်မြို့  နယ်၌ ဖြစ်ခဲ့သော ဖြစ်ရပ်မှန် တစ်ခု နှင့်ထောက်ပြလိုပါသည်။ ၁၉၉၉-၂၀၀၀ ခုနှစ် ၀န်းကျင်တွင် နိုင်ငံတော် ၀န်ကြီးချူပ်ဟောင်း ဗိုလ်ချူပ်ကြီး ခင်ညွန့် ကရင်ပြည်နယ် သံတောင်ကြီးမြို့ ကို လာသွားပါသည်။
ရပ်မိရပ်ဖ ဒေသခံများကိုခေါ်ယူ တွေ့ ဆုံပြီး“မင်းတို့ သံတောင်ကြီးကို မြန်မာနိုင်ငံအောက်ပိုင်း အပန်းဖြေတောင် စခန်းမြို့ အဖြစ် ရှမ်းပြည်နယ် တောင်ကြီးမြို့  မေမြို့ တို့ လိုပြောင်းလဲပစ်ပေးမည်။ စီးပွားရေးလုပ်ငန်းများ၊ ဟိုတယ်နှင့်ခရီးသွားလာရေး ကမ္ဘာလည့်ခရီးသည်လုပ်ငန်းများ ဤအရပ်ဒေသ တွင် ပေါ်ပေါက်လာမှာဖြစ် တယ်၊ လျှပ်စစ်မီး ကိုလည်း ၂၄ နာရီ အချိန်ပြည့်သုံးစွဲ နိုင်ကြတော့မယ် ဖြစ်သလို သံတောင်- တောင်ငူ ကမ်းလမ်းကို နှစ်လမ်းသွား အဖြစ်ဖန်တီးပေးမယ်ဟု” ပြောပြီးပြန်သွား ပါသည်။
ဗိုလ်ခင်ည်ွန့်ပြန်သွားပြီးနောက် ဒေသခံလူအများစုက ကျွန်တော်တို့ ဒေသ ဖွံ့ ဖြိုးတိုးတက်တော့မယ် မြို့  ကြီးဖြစ်သွားတော့မယ်၊ အလုပ်အကိုင်တွေ ပေါတော့မယ် ဆိုပြီး ပီတိဖြစ်ကြပါတော့သည်။ ၂၀၀၀-၂၀၀၁ ခုနှစ်တွင် မြို့  ကို စတည်ရန် လုပ်ငန်းများကို စတင်အကောင်အထည်ဖေါ်ပါတော့သည်။ပထမဦးဆုံး သံတောင်ကြီး မြို့ အရှေ့ ဖက်ခြမ်း ဒေသခံ ပြည်သူတို့ ၏ မြေ ယာ အကုန် လုံး ကို စတင် သိမ်းယူပါတော့သည်။

မြို့ မျက်နှာဖုံး ပေါက်ရောက်သော ဒေသခံ သုံးလေးဦး တို့ ၏မြေပိုင်များကို မပို့  မစို့ ငွေလေးပေး ရုံမှ လွဲ၍ ကျန်ဘယ်သူကမျှ မြေဖိုးများ မရကြပါ။ ထိုမြေများသည်လည်း ဒေသခံတို့  ၏ ဥယာဉ်ခြံ မြေများဖြစ် ကြသည်။ မြေယာအားလုံးကို ဗမာ့တပ်မတော်အား အလကား ပေးလိုက်ရပါတော့သည်။ ဥယာဉ်ခြံများဆုံးရှုံး၍ ပြည်သူများ စတင်ဒုက္ခရောက်ကြပါတော့သည်။
မည်သို့ ပင်ဖြစ်စေ ဗိုလ်ခင်ညွန့် လာပြောသွားခဲ့သလို အပန်းဖြေတောင်စခန်း မြို့ သစ်တည် ၍ မြေယာများဆုံးရှူံး ခဲ့ရ သည်ဆိုရင်လည်းပဲ ခံသာနေသာပေဦးမည်။သို့ သော်ထို သို့ မဟုတ်ခဲ့ပါ။ ဒေသခံကရင်လူထု တရပ်လုံးကို ဗိုလ်ခင်ညွန့်  ကိုယ်တိုင် စော်ကားစွာဖြင့် လာပြီး လိမ်လည်သွားခဲ့ ပါသည်။ အကြောင်းမူကား သူတို့ လာတည်သွားသောမြို့ သည် တောင်စခန်းမြို့ မဟုတ်ပါ။
ဗမာ့စစ်ဘုရင် တဦးဖြစ် သော ဘုရင့်နောင်မင်း တရား၏ ရုပ်ထုကိုစိုက်ထူ၍ ဘုရင့်နောင် အမည်နာမကို အဓိပါယ်ရှိစွာအသုံးပြုပြီး ထိုမြို့  သစ်ကို ဘုရင့်နောင်တပ်မြို့ ဟု ခေါ်တွင် အမည်နာမပေးထားပါသည်။
ဘယ်ဗမာဘုရင်မင်းက မှ ခြေမချခဲ့ဘူးသော သံတောင်ကြီးလို နေရာ၊ ဘုရင့်နောင်တပ်မြို့ မတည်ခင် သံတောင်ကြီးဒေသတွင် ကရင်လူမျိူး စစ်စစ်များသာ နေထိုင်ခဲ့ ကြပါသည်။ သို့ သော်ယခုအခါတွင်မူ ဗမာအများစု ထက် ၀က်နေရာ ၀င်ယူလာပြီး သွေးနော စနစ်တစ်ခု ကျယ်ပြန့် စွာ တွေ့ လာရ နေပြီဖြစ်သည်။ သံတောင်ကြီး အနီးနားမှာရှိတဲ့ ဂျော့စ်ကုန်း ဆိုတဲ့ ရွာလေးက ထက်ဝက်ပိုင်း သိမ်းခံရပါသည်။ ရွာနံ့ဘေးမှာ မိုင်းထောင် ထား၍ ၂၀၀၆ ခုနှစ်တွင် ဂျောစ်ကုန်း ရွာသား ညီကို နှစ်ဦး မိုင်းထိပြီး တစ်ဦးသေ တစ်ဦခြေပြတ် ခဲ့ပါသည်။

ဂျော့စ်ကုန်းရှိ အစိုးရမူလတန်းကျောင်းတွင် ကျောင်းဆရာမ အဖြစ် တာဝန် ထမ်းဆောင် နေသော ဆရာမ နော်ကလိုမူးသည်လည်း ဘုရင့်နောင်တပ်မြို့မှ ဗမာ့တပ်မတော်သားတစ်ဦး ရက်စက်စွာ ဓါးနဲ့ ခုတ်သတ်ပြီး ကိုယ်ပေါ်မှာ ပါသောရျွှေကိုလုယူသွားပါသည်။ တရားခံကိုပြန်မိပါရက်သားနဲ့  မည်သူမျှ တရားခံကိုခုံရုံးတင် စစ်ဆေးမှုမရှိပါ။ယခုအချိန်ဆိုလျှင် သံတောင်ကြီးတောင်စခန်းမြို့  ဆိုပြီးမြို့ အ၀င်မှာဆိုင်းဘုတ် တင်ထားရုံမှလွဲ ပြီး မြို့ တွင်းမှာ ဘာမှပြောင်းလဲမှု မရှိပါ။
ဘာစီပွားရေးလုပ်ငန်း၊ အလုပ်အကိုင်များလည်း ပေါမလာတဲ့ အပြင် နအဖ တပ်များ၏ လူအခွင့်အရေးချိူးဖေါက်မှုများကို အရင်ကထဲ ပိုခံကြရပါသည်။ လုပ်ကိုင်စားသောက်ရဒါ ပိုပြီးကြပ်တည်းလာပြီး နအဖ တပ်ကို လူထုတွေက အမြဲ ကြောက်နေ ကြရပါသည်။ဤအခြေအနေ ကို နှိုင်းယဉ်ခြင်းဖြင့် မြ၀တီမြို့ နယ်၊ သောင်းရင်း နှင့် သံလွင် မြစ်ဆုံ၊ လှိုင်းဘွဲ့ မြို့  နယ် စသည့်နယ်မြေများတွင် နေထိုင်ကြသော ကရင်လူမျိူးများအဖို့ သတိထားပြီး နားမယောင်မိဖို့  လွန်စွာ အရေးကြီးပါသည်။
နအဖ စစ်အစိုးရက ကရင်လူမျိူးများကို စေတနာနဲ့ ဖွံ့ ဖြိုး တိုးတက် အောင်လုပ်ပေးမည် ဆိုဒါ အရှူး ကလူကောင်းကို ကတိပေးနေသလိုမျိူးပဲ ဆိုဒါ သံတောင်ကြီးမြို့  မှ ဖြစ်ရပ်မှန် များကို သင်ခန်းစာယူကြဘို့ လိုပါသည်။
အများပြည်သူလက်ခံပြီး ရေးဆွဲထားတဲ့ ဖွဲ့  စည်းအုပ်ချုပ်ပုံ အခြေခံစည်းမည်းဥပဒေ အောက်၌ ကျင်းပပြီး တရားမျတ တဲ့ ရွေးကောက်ပွဲ မှ ပြည်သူလူထု က ရွေးချယ်တင် မြှောက်ထားတဲ့ အစိုးတရပ် မပေါ်ပေါက်သရွေ့ ၊ ကရင်လူမျိူး များကိုယ်ပိုင် ပြဌန်းခွင့်မရှိနေသေးသရွေ့  ဘယ်လိုအစိုးရမျိူးဖြစ်ဖြစ် တက်ပြီး မြန်မာနိုင်ငံကြီး ကို အုပ်ချုပ်နေပေ့စေ ကရင်လူမျိူးများအတွက် အကျိူးမရှိနိုင်ဘူးဆိုဒါ နားလည်သဘောပေါက်ထားဖို့  လိုပေသည်။
ဒီနေရာမှာ ဒီကေဘီအေ တပ်ထဲမှ ကိုယ်ကျိူး စီပွား အတွက်ကိုသာ ကြည့်တဲ့ လူတွေ အဖို့  ရေရှည်ကို မကြည့်ပဲ နားယောင်ပြီးဝမ်းသာမိမှာပါ။
တကယ်တော့ ဒီအစီအစဉ် မက်လုံးကြီး ဟာ ကရင်လူထု အတွက် သာ မက ဒီကေဘီအေ အတွက်ပါ မကောင်းတဲ့ လည့်ကွက်တစ်ခုပါ။ သံတောင်မြို့ နယ် သံတောင်ကြီးမှာ မြန်မာပြည်အောက်ပိုင်း အပန်းဖြေ တောင်စခန်းမြို့  တည်မည်ဆို ပြီး ဘုရင့်နောင် ရုပ်ထုစိုက်ထူကာ ဘုရင့်နောင်တပ်မြို့ ကို တည်ပြီး သွားခဲ့ပြီ ဖြစ်သလို မြ၀တီမြို့ နယ်၊ သောင်းရင်း နှင့် သံလွင် မြစ်ဆုံ၊ လှိုင်းဘွဲ့ မြို့ နယ်စသည်နယ်မြေများတွင် ဗမာစစ်ဘုရင် အလောင်းဘုရားမင်း ၏ ရုပ်ထုကို နေ ရာ အနှံ့ စိုက်ထူ၍ အလောင်းဘုရားတပ် မြို့  နှင့် တပ်နယ်မြေများ ဆို ပြီး ဗမာ့ စစ်တပ် မြို့  ကို တည်ကာ အနယ်နယ် အရရ မှ တခြားသော လူမျိူးအလုပ်လက်မဲ့များကို ဆွဲသွင်းမလာ နိုင်ဘူးလို့  ဘယ်သူ က အာမခံနိုင်မှာလဲ။
နအဖ စစ်တပ်ဟာ နယ်စပ်ဒေသကို စိုးမိုးနိုင်ပြီးရင် ထိုင်းနိုင်ငံနှင့် စစ်ကစားမည်ဆိုဒါ သေချာပြီးသား ဖြစ်သည်။ ထိုင်းနိုင်ငံသည် ဗမာ့တပ်မတော်အတွက် နံပါတ်တစ် ပြည်ပ ရန်သူ အဖြစ် အသိအမှတ်ပြုထားသည်။ ဒီနေရာ မှာ အဓိက အသုံးချခံရမှာ ဒီကေဘီအေဖြစ်ပါသည်။
ပြီးရင်သေစရာ ရှိရင် နှစ်နိုင်ငံ နယ်စပ် ဒေသခံ ကရင်လူမျိုးများပဲဖြစ်မည်။ ထိုင်း-ဗမာ ပြသနာ ပေါ်တိုင်း ဒီကေဘီအေ က အသုံးချ ခံ ပစ္စည်း တစ်ခုအဖြစ်ပါဝင် ခဲ့မယ်ဆိုရင် ရေရှည်မှာ ထိုင်းလူမျိူးများ က ကရင်လူမျိူးများကို အမြင်ကပ်လာပြီး မုန်းလာနိုင်ဖွယ် ရှိပေသည်။ သို့ ဖြစ်ပါ၍ ကရင်ပြည်နယ်တွင်း စက်မှုဇုန် တည်ထောင်မည် ဆိုသော နအဖ အစီစဉ်နှင့် ထိုအစီစဉ်ကို ကြံစည်သူ တွေဟာ ကရင်လူမျိူးများကို တဖက်လည့်ပြီး ထပ်ပြီးဖျက်စီးပစ်မည့် အစီစဉ်တရပ်သာ ဖြစ်သည် ဆိုဒါ ပထမ အချက်အနေဖြစ် တင်ပြလိုပါသည်။
ဒုတိယ အချက်အနေဖြင့် ထောက်ပြလိုသည်မှာ တပ်မဟာ ၇ တိုက်ပွဲအပြီး “မြန်မာအစိုးရကို လွတ်လပ်ရေးနှင့် ကိုယ်ပိုင်အုပ်ချုပ်ခွင့်အတွက် နှစ်ပေါင်း ၆၀ မျှ တိုက်ပွဲဝင်လာခဲ့သော KNLA အတွက် နိဂုံး၏ နိဒါန်းဖြစ်နိုင်ကြောင်း” ဟူ၍ ဆောင်းပါးရှင် လေရီဂျေဂင် ၏ သုံးသပ်ချက် ကို ထောက်ပြချင်ပါသည်။ လေရီဂျေဂင် ဆောင်းပါးရှင်သည် KNU/KNLA ကျဆုံးတော့မည် ဟု ဆောင်းပါးများ ရေးခဲ့သည်မှာ ယခုမှမဟုတ်ပါ။
၁၉၉၅ ကေအန်ယူ ဗဟိုဌာနချူပ် ယာယီဆုတ်ခွာပြီးကတည်းက ကေအန်ယူ ပျောက်ကွယ်တော့မည်ဆို ဒါ သူ တဦးတည်းသာ မက ဗမာနိုင်ငံရေး လေ့လာသူ အတော်များများ၊ ဗမာ ဒီမိုကရေစီ နိုင်ငံရေးသမားများ၊ သတင်းမီယာများ အပါ အ၀င် ဤကဲ့သို့ သုံးသပ်ခဲ့ကြဘူးပါသည်။သို့ သော် ၁၄ နှစ် အကြာ ကေအန်ယူ ပျောက်မသွားတဲ့အပြင် နိုင်ငံတကာ စာမျက်နှာ မှာ နိုင်ငံရေးအရ အောင်မြင်မှု ရယုံမက တခြားတိုင်းရင်းသားများနှင့်ဒီမိုကရေစီ မဟာမိတ် များအကြား မှာ အဓိက ခရာ တစ်ခု အဖြစ် မြန်မာ့နိုင်ငံရေး တစ်ခုလုံး အပြောင်းအလဲ အတွက် အတိုက်အခံများ၏ ကျောရိုးသဖွယ် အရေးပါဝင်နေတယ်ဆိုဒါ ထင်သာမြင်သာရှိပြီးဖြစ်ပါသည်။
၂၀၀၇ ခုနှစ် မှ စ၍ ကေအန်ယူအတွင်း တော်လှန်ရေးအချောင်အမားများ၊ အမျိူးသားသစ္စာဖေါက်များ၊ ပဲ့ထွက်သွားခဲ့ဒါမှ လွဲ၍ ကေအန်ယူသည် အားလုံး ပုံမှန်အတိုင်းဖြစ်နေပါသည်။မကြာသေးမီဇွန်လ အတွင်း ကေအန်ယူ တပ်မဟာ ၇ ၏ အခြေခံစခန်းများကို မဟာဗျူဟာအရ ဆုတ်ခွာပေးခြင်းကို ကြည့်ပြီး ကေအန်ယူ ကျဆုံးတော့မည် ဟု ထင်ကြေးပေးသူများ သည် လက်တွေ့  အခြေအနေ တရပ်ကို အပေါ်ယံ ရှပ်ပြီး မှားယွင်းစွာ သုံးသပ်မှု များသာဖြစ်သည်ဟု ထောက်ပြလိုပါသည်။
အဘယ်ကြောင့်ဆိုသော် ယနေ့  ဆုတ်ခွာပေးထားသော နယ်မြေ များတွင် ကေအန်ယူတပ်များ က ဆက်လက် ပြီး ပြောက်ကျား စနစ်ဖြစ် ပုံမှန်လုပ်ရှားနေ၍ အတွင်းပိုင်း မြို့ တွင်းအနီးဆုံးနေရာများအထိ ထိုးဖေါက် နေပြီး ဖြစ်သည်။ထို့ ပြင် ကေအန်ယူ ကရင် ခေါင်းဆောင် တဦး၏ အဆိုအရ “တပ်မဟာ ၇ ကိစ္စသည် မာနယ်ပလော ကိုဆုတ်ခွာပေး ခဲ့စဉ်တုံးက ကြုံတွေ့  ခဲ့ရဒါ နဲ့  စာ ရင် အသေးအမွှားလေးပဲ ရှိတယ်။ ကျွန်တော်တို့  ခေါင်း ကို အေးအေးထားပြီး အလုပ်လုပ်နေတယ်” ဟုဆိုပါသည်။
ကေအန်ယူ ခေါင်းဆောင် ကြီးများသည် ကရင့်တော်လှန်ရေး ၏ နှစ်ပေါင်း ၆၀ ကျော် စစ်ရေး၊ နိုင်ငံရေး ဖြတ်သန်းမှူ အတွေ့  ကြုံများစွာ ရှိသူများဖြစ်ကြသည်။ယခုလက်ရှိ ကေအန်ယူ တပ်မဟာ ၆ ကိုထိုးစစ်ဆင်မှု အစတွင် KPF (သူမူးဟဲ) လက်နက်ချအုပ်စု နှင့် ဒီကေဘီအေတပ်သား အများအပြား ကေအန်ယူ တပ်မဟာ ၆ သို့ တဖွဲ့  ဖွဲ့  မိခင် ကေအန်ယူ ကရင်မျိူးသားအစည်းအရုံး သို့ ပြန်လာပူးပေါင်းနေ သည်ကို ကြည့်ခြင်းဖြင့် ကေအန်ယူ ၏ စစ်ရေးနိုင်ငံရေး သည် မြန်မာ့နိုင်ငံရေး အပြောင်းအလဲကြီးလမ်းဆုံ လမ်းခွ တွင်၊ ဘက်ပေါင်းစုံ ဖိအားများကြားမှ တည်ငြိမ်စွာ ရပ်တည်ပြပြီး တဖက်တွင် ကိုယ့်ဆန့်  ကျင်ဘက် အုပ်စုတွေ ကို ဖြစ်ပေါ်လာသော အခြေအနေ အချိန်အခါ ပေါ်မှာ အချိန် ကိုက် ဖဲ့ထုတ်စည်းရုံးနိုင်ဒါ တွေဟာ နိုင်ငံရေးနှင့် စစ်ရေး များ၌ ကျွမ်းကျင် ရင့်ကျက် နေသော ကေအန်ယူ တည်း ဟူသည် ကို ရှင်းရှင်းလင်းလင်း မြင်တွေ့  နေရပါသည်။
ထို့ အပြင် ကေအန်ယူ၏ အတွင်းပိုင်းတပ်မဟာများ ဖြစ်သော တပ်မဟာ ၁၊ တပ်မဟာ ၂၊ တပ်မဟာ ၃၊ တပ်မဟာ ၅ ၏ ထက်ဝက်ကျော် နေရာ တို့ ၏ အနေ အထားကို မာနယ်ပလောရှိစဉ်ကာလ နှင့် ယာယီဆုတ်ခွာပေးပြီး ကာလ အခြေအနေ များကို ကြည့်ပြီး ယှဉ်ထိုးကြည့်မယ်ဆိုရင် ကေအန်ယူတပ်များ မတုန်လှုပ်ပဲ ပုံမှန် လုပ်ရှား နေသည်ဆိုဒါ တွေ့ မြင်ကြရမှာ ဖြစ်ပါသည်။ တပ်မဟာ ၃ ဆိုရင် ရန်ကုန်-မန္တလေး ကမ်းလမ်းမနှင့် ရထားလမ်း တို့ တွင် တရက်ခရီး လောက်တောင်မရှိ သွားလာလှုပ်ရှား၍ ရနေပါသည်။ တပ်မဟာ ၂ ဆိုရင် နေပြည်တော် ကို တရက်တည်း ခြေလျင်ခရီးဖြစ် သွားရောက်နိုင်သော နေရာများဖြစ်သည်။ ထိုမျှ လောက် နောက်ခံတိုင်းတပါး နယ်ခြားမရှိ အတွင်းပိုင်းကျ သော ကေအန်ယူ တပ်များသည် ကေအန်ယူ၏ နိုင်ငံရေး စစ်ရေး စည်းရုံးရေးလုပ်ငန်းများကို ပုံမှန်ုလှုပ်ရှား နေနိုင် နေကြသည် ကို တွေ့ ရမှာ ဖြစ်ပါသည်။

သည့်ပြင် ဘ၀ကပေး လာသည့် နိုင်ငံရေး၊ စစ်ရေး အတွေ့  အကြုံများဖြင့် နအဖ တပ်များကို ထိထိရောက်ရောက် တန်ပြန်တိုက်ခိုက်နိုင်ခဲ့ သည် ဆိုဒါ နအဖ ထိပ်ပိုင်းတပ်မှူးတစ်ဦး ဖြစ်သော ဗိုလ်မှူးချူပ်ကောင်းမြတ် က တပ်မဟာ ၂ တပ်စိတ်လေးတစိပ်၏ လက်ချက်ဖြင့် ကျဆုံးသွားသည်ကိုက သက်သေတစ်ခု ဖြစ်နေပါသည်။
ထို့ ပြင် ဖရီးဘားမား ရိန်းဂျားအဖွဲ့ ၏ မကြာသေးခင် က ပြောဆိုချက်အရ အတွင်းပိုင်းနှင့် ထိုင်းမြန်မာနယ်စပ် တလျှောက် နအဖ တပ်စခန်း ၁၀၀ အနက် ၃၀ ကို မကြာသေးခင်က ပိတ်ပစ်ခဲ့  သည်ဟုဆိုထားပါသည်။ အကြောင်းမဲ့ ပိတ်ပစ်ဒါတွေ မဟုတ်ပါ။ ကေအန်အယ်လ်အေ တပ်များ၏ ပြောက်ကျား ပစ်ခံရ မှုများ၊ ရိတ္ခာကြားဖြတ် ဖြတ်တောက်ခံရမှု နှင့် တူ နောက်လိုက် ရိက္ခာ ကိုဘယ်လိုမှ ရှေးတန်းသို့ မပို့  နိုင်သောကြောင့်ဖြစ်သည်။ကေအန်ယူ တပ်မဟာ ၇ သည်လည်း မဟာဗျူဟာ အသစ်တစ်ခုသို့  အခြေအနေ ၏ တောင်းဆိုမှုနဲ့ အညီ အကွက်ရွေ့ လိုက်ပြီး ဖြစ်နေသည်။
ဤကဲ့သို့  ကေအန်ယူ၏ အခြေအနေ အချိန်အခါ နှင့် အညီ ညင်သာစွာ ပြောင်းလဲ လှုပ်ရှားနေမှု များကို ကြည့်ခြင်းဖြင့် ကေအန်ယူ ကရင်အမျိူးသားအစည်းအရုံးသည် နိုင်ငံရေးနှင့် စစ်ရေး ၌ တည်ငြိမ် စွာ ရှိနေဆဲ ဖြစ်သည်ကို ထောက်ပြ နေပါသည်။အနာဂါတ်တွင် ကရင်တမျိူးသားလုံး ၏ ခိုင်မာသော အမျိူးသားအကျိူးစီပွား အတွက် နှင့်အတူ မြန်မာပြည်တွင်း ဗမာအပါ အ၀င် တိုင်းရင်းသားညီကိုအားလုံး ပါဝင်ပြီး ရေရှည်မှာ အေးခြမ်းသာယာ တည်ငြိမ် သော တိုင်းပြည်တစ်ခု မြန်မာပြည် တွင်းမှာ ပုံဖေါ်နိုင်ရေးအတွက် အတိုက်အခံအားလုံးနှင့် အတူ ဟန်ချက်ညီ စွာဖြင့် ကရင်အမျိူးသားများ အသက်သွေးပေါင်းများစွာ ပေးဆပ်ပြီး အစဉ် ကြိုးစား အားထုတ်ခဲ့ပြီးဖြစ်သလို ယခုလည်း ရှေ့ တလှမ်းတိုး ဆက်လက်ချီတက်နေဆဲ ဆိုဒါ တွေ့  မြင်ကြရမှာ ဖြစ်ပါသည်။
နောက်ဆုံးအချက် အနေဖြင့် ဖေါ်ပြလိုသည်မှာ မြန်မာပြည် အုပ်စိုးသူ အစိုးရ အဆက်ဆက် သည် ကရင်အမျိူးသားထုကို ကိုယ်စားပြုသော KNU ကရင်အမျိူးသားအစည်းအရုံး နှင့် ဖြစ်ပေါ်နေတဲ့ နိုင်ငံရေးပြသနာများကို နိုင်ငံရေး နည်းလမ်းဖြင့် ဘယ်သောအခါမှ တရားမျတစွာ ပြသနာ များကို ဖြေရှင်းရန်မကြိုးစားခဲ့ပေ။ အထက်စီးမှနေပြီး ကရင်အမျိူးသားထုကို ရန်သူ သဖွယ် ဆက်ဆံ၍ အမြစ်ပြတ်ချေမုန်းရေးလမ်းစဉ် ကို တစိုက်မတ်မတ် အကောင်အထည်ဖေါ်လာ ခဲ့သည်မှာ ကိုလိုနီ လက်အောက်မှ လွတ်မြောက်ပြီး ကတည်းက ဖြစ်သည်။
ဒီလိုလက်နက်အားကိုးပြီး လူမျိူးတစ်မျိူး ကိုဖြစ်စေ၊ တိုင်းသူပြည်သားအားလုံးကို ဖြစ်စေ နိုင်ထက်စီနင်း ဆက်ဆံလိုသည့် ဗမာ့တပ်မတော်၏ အတွေးအခေါ်များ ကို ပယ်ဖျက်ရန် အချိန်ကျပြီ ဖြစ်သည်။ ဗမာ့တပ်မတော်မှ ခေါင်းဆောင်ကြီးများ က သူတို့ ၏ ရှိရင်းစွဲ မဟာဝါဒီ အတွေး အခေါ်များကို ဖျောက်ဖျက်ပစ်ရန်၊ အဆုံးသတ်ရန် လိုအပ်နေပြီဖြစ်သည်။
တကယ်တော့ ကေအန်ယူ ကရင်အမျိူးသား အစည်းအရုံးကြီး နှင့် ကရင်အမျိူးသားတို့ ၏ ခုခံ တော်လှန် စစ်ကြီးသည် မြစ်ဝှမ်းကျွန်းပေါ်ဒေသမှ ပေါက်ဖွားလာဒါမဟုတ်သလို၊ ပဲခူးရိုးမမှ ပေါက်ဖွား လာဒါ လည်းမဟုတ်ပါ။ အရှေ့ တိုင်းမာနယ်ပလောဌာနချုပ် မှာ ပေါက်ဖွား လာဒါလည်းမဟုတ် သလို တပ်မဟာ ၇ ဌာနချုပ်မှာ ပေါက်ဖွားလာ ဒါလည်းမဟုတ်ပါ၊ ကမ္ဘာမှာ သက်တမ်းအရှည်ဆုံး တခုတည်းသော နှစ် ၆၀ ကျော် ကေအန်ယူမှ ဦးဆောင် သော ကရင်လူမျိူးတို့  ရဲ့  ခုခံတော်လှန်စစ်ဟာ ကရင်အမျိူးသားများ၏ ရင်ထဲမှ ပေါက်ဖွားလာခြင်း သာဖြစ်သည်ဆိုဒါ ဗမာ့တပ်မတော်အရာရှိများ သဘောပေါက် နားလည်ထားဘို့ လိုနေပြီ ဖြစ်ပါသည်။
ကရင်လူမျိူးတို့ ၏ မွေးရာပါအခွင့်အရေးများ ဆုံးရှုံးနေ သရွေ့ ၊ တန်းတူအခွင့်အရေး နှင့် ကိုယ်ပိုင် ပြဌန်းခွင့် မရှိနေသရွေ့ ကာလပတ်လုံး ကရင့်ခုခံတော်လှန်စစ်ကြီး ဟာ အစဉ်အမြဲ ရှိနေဦးမည်ဆိုဒါ ယုံမှားသံသယမရှိ ဗမာ့တပ်မတော် ခေါင်းဆောင်ကြီးများ နားလည်ထားစေချင်သည်။
တိုင်းပြည်ကို လက်ရှိ အုပ်ချုပ်နေသော ဗမာ့တပ်မတော် ခေါင်းဆောင်ကြီးများ တိုင်းပြည်၏ ရေရှည် အကျိူးကို ကြည့်ပြီး စစ်မှန်သော၊ လွတ်လပ်၍ တရားမျှတသော၊ အပြန်အလှန်လေးစား အသိအမှတ်ပြုသော တွေ့  ဆုံဆွေးနွေးမှုများ ကို စတင် အကောင်အထည်ဖေါ်ပြီး တပ်မတော် အစိုးရ၏ ဒို့  တာဝန် အရေးသုံးပါး ထဲက တစ်ခုဖြစ်သော တိုင်းရင်းသားစည်းလုံးညီညွတ်ရေး ဒို့ အရေး ဆိုသည့် ဆောင်ပုဒ် ကို အပြောနဲ့ အလုပ် ညီစွာ ဖြင့် မြန်မာနိုင်ငံ အတွင်း စစ်မှန်သော တိုင်းရင်းသား စည်းလုံးညီညွတ်ရေး ကို လက်တွေ့ အကောင်အထည်ဖော်ဆောင် ခြင်းမှ ဒီမိုကရေစီ နိုင်ငံတော်သစ် တစ်ခုဆီသို့  မြန်မာပြည်တွင်းမှ ဗမာ အပါအ၀င် တိုင်းရင်းသားအားလုံး အတူတကွ ချီတက် လုပ်ဆောင်ရန် အချိန်ကျရေက် နေပြီ ဖြစ်ကြောင်း ရေးသားတိုက်တွန်းလိုက်ပါသည်။

သောသီခို ဘလော့မှ ကူးယူဖေါ်ပြပါသည်