“င” လေးလုံးကို ဆောင်

၁။ “စည်းလုံးခြင်းရဲ့ အင်အား” ဝက်ဘ်ဆိုဒ်သို့ တပ်တွင်းနီးစပ်သူများနဲ့ အသိုင်းအဝိုင်း မိသားစုများမှ စစ်အာဏာရှင် မိသားစုများရဲ့ အတွင်းရေး သတင်းများကို ပေးပို့လာရာ စာဖတ်ပရိသတ်များအား ဖောက်သည် ချပေးလိုက်ရပါတယ်ခင်ဗျား။ ဗိုလ်ချုပ်ကြီး သူရရွှေမန်းရဲ့သား ဗိုလ်တိုးနိုင်မန်း (D.S.A - 42) ဟာ ဆေးအဆင့် နှိမ့်ချပြီးတော့ ထွက်ခွင့်ရအောင်ယူကာ စစ်တပ်မှ မကြာခင် ထွက်ခွါသွားတော့မယ်လို့ သိရှိရပါတယ်။ ဗိုလ်တိုးနိုင်မန်းတစ်ယောက် ရုရှားနိုင်ငံသို့ ပညာတော်သင် သွားရောက်ဖို့ မပါဝင်တာ အကြောင်းရှိမယ်လို့ ရုရှားရောက် အရာရှိများမှ သံသယဝင်နေချိန် ယခုတော့ “ဘွား” ကနဲ ဒီသတင်း ပေါ်ထွက်လာတာ ဖြစ်ပါတယ်။ သူ့အနေနဲ့ စစ်တပ်ထဲမှာ နေရတာကို ငြီးငွေ့နေလို့လား၊ ဒါမှမဟုတ် သူ့ရဲ့ညီအစ်ကိုဖြစ်သူ အောင်သက်မန်းလို ကုမ္ပဏီ သူဋ္ဌေးကြီးလုပ်ဖို့ အားကျလို့ဘဲလား ဆိုတာကိုတော့ သူနဲ့ မိသားစုဝင်တွေသာ အသိဆုံး ဖြစ်ပါလိမ့်မယ်။ တခြားသူတွေ ထွက်ခွင့်မရပေမဲ့ သူကတော့ သူပေါ့နော်။

၂။ ဗိုလ်သန်းရွှေရဲ့ အသည်းကျော် မြေးတော်ဖိုးလပြည့်ဟာ T.T.C မှာ အထက်တန်း ကျောင်းတက်စဉ်ကပင် တစုံတခုဖြစ်မှာစိုးရိမ်လို့ သူ့ကို နှစ်ပွင့်ဗိုလ်တစ်ယောက်နဲ့ ဗိုလ်မှူးအရာရှိတစ်ယောက်က အနီးကပ် Stand by စောင့်ကြပ် ကြည့်ရှုပေးခဲ့ရပါတယ်။ အဲ့ဒီ အရာရှိတွေဟာ Hand Phone နှစ်လုံးအား အမြဲဖွင့်ထားရပြီး ဖိုးလပြည့် တခုခုဖြစ်မှာကို အမြဲတမ်း စိုးရိမ်သောက ဖြစ်နေကြရရှာပါတယ်။ တခုခုဖြစ်ခဲ့ရင် သူတို့ရဲ့ပုခုံးပေါ်က အပွင့်လေးတွေ ပြုတ်ကျကာ ဇီဝိန်ချုပ်ငြိမ်းသွားမှာကိုတော့ ဗေဒင်မေးစရာ မလိုတော့အောင် သိနေကြပါတယ်။ အရေးထဲ စစ်အာဏာရှင်ကြီး ဗိုလ်သန်းရွှေ ဒေါသအမျက် ချောင်းချောင်းထွက်ရင် အပါးတော်မြဲ ငဖါးအုပ်စုက အဲဒီအရာရှိတွေကို ဖုန်းခေါ်ပြီး သူ့မြေးကို ဗိုလ်သန်းရွှေနဲ့ ဖုန်းပြောခိုင်းကာ အကြောလျော့အောင် ဖြေပေးရတယ်လို့ သိရပါတယ်။ တခါက မြေးလေး အိမ်သာတက်နေတုံးမှာပင် ဝမ်းမှန် မမှန်တောင် ဗိုလ်သန်းရွှေကို သတင်းပို့ ရသေးတယ်လို့ သိရပါတယ်။



၃။ T.T.C ကျောင်း ဘောလုံးပွဲတစ်ခုမှာ ဖိုးလပြည့်တစ်ယောက် ဘောလုံးပွဲကြည့်ဖို့ ရောက်လာလို့ ကျောင်းအုပ်ဆရာကြီးက သူထိုင်နေတဲ့ ထိုင်ခုံက အမြန်ထပြီး သူ့နေရာကို ဖိုးလပြည့်အား ပေးထိုင်ရတဲ့ ငဖါးဒုက္ခကလည်း မသေးလှဘူးလို့ သိရပါတယ်။ ဒါ့အပြင် ဖိုးလပြည့်တစ်ယောက် ဒီနှစ် အကယ်ဒမီဆုပေးပွဲ အခမ်းအနားကို ကြပ်ပြေးမှာ ကျင်းပခဲ့စဉ် ရှေ့ပြေး Point Patrol (ထိပ်နီ) လုံခြုံရေး ကား (၄) စီး ခြံရံပြီးတော့ ရောက်လာခဲ့တယ်လို့ သိရပါတယ်။ သူ့ရဲ့ဘောလုံးဝါသနာကို ဖြည့်ဆီးပေးနေတဲ့ မျိုးလှိုင်ဝင်းနဲ့အတူ ဘောလုံး လေ့ကျင့်ချင်တယ်ဆိုလို့ သုဝဏ္ဏဘောလုံးကွင်းကြီးနဲ့ ကုန်းမြင့်သာ ရန်ကုန်တိုင်းစစ်ဌာနချုပ် ဘောလုံးကွင်းအတွင်းက မီးဆလိုက်ကြီးတွေကို ည အချိန်မတော် ဖွင့်ပေးရတယ်လို့လည်း သိရပါတယ်။ သုဝဏ္ဏအားကစားကွင်း ဘေးနားမှာရှိတဲ့ အိမ်တွေက နိုင်ငံခြားဘောလုံးပွဲ ရှိတယ်လို့တောင် ထင်ယောင်ထင်မှား ဖြစ်ခဲ့ကြရပါသေးတယ်။



၎။ ဗိုလ်သန်းရွှေရဲ့ တပည့်ကျော် ကာကွယ်ရေးဝန်ကြီးဌာန ထုတ်လုပ်ရေး အရာရှိချုပ် ဒုတိယ ဗိုလ်ချုပ်ကြီးတင်အေးရဲ့သား ဗိုလ်ဥက္ကာအေး (တေဇ - ၂၅) ကတော့ ရန်ကုန်တိုင်း စစ်ဌာနချုပ်မှာ G – 2 စစ်ဦးစီးမှူး (ဒုတိယတန်း) တာဝန်ကို ထမ်းဆောင်နေဆဲမှာပင် အလုပ်ကြီး အကိုင်ကြီး အနေနဲ့ ကားပွဲစား (ဝယ်/ရောင်း) အလုပ်များအား တပည့်ကျော်များ မွေးကာ စီးပွားရေးသောင်းကျန်း လုပ်ကိုင်နေတယ်လို့ သိရှိရပါတယ်။ သူ့ရဲ့အဖေက ဦးပိုင်ကို ကိုင်ထားတာမို့ သူနဲ့ ရင်းနှီးချင်တဲ့သူတွေ များပါတယ်။

၅။ ငါ့အတွက်….၊ ငါ့ မိန်းမ အတွက်…..၊ ငါ့သားသမီး အတွက်….၊ ငါ့ ဆွေမျိုး အတွက်…. “င” လေးလုံးကို မလုပ်ရဆိုတဲ့ ဗိုလ်သန်းရွှေရဲ့ ညွှန်ကြားချက်ဟာ တပြေးညီထဲ မဟုတ်သလို ဒီအဆိုအမိန့်များဟာဖြင့် ပြည်သူတွေအတွက် ယုံတမ်းစကားသာ ဖြစ်ပါကြောင်း၊ တပ်မတော် အကြီးအကဲတွေဟာ အဲ့ဒီ “င” လေးလုံးကို ခါးဝတ်ပုဆိုးလို မလွတ်တမ်း ဆောင်ထားကြပါကြောင်း “စည်းလုံးခြင်းရဲ့ အင်အား ဝက်ဘ်ဆိုဒ်” မှ တင်ပြလိုက်ပါတယ်။