ပေါ့ပေါ့ပါးပါး စကားစမြည်၊ (အတွင်း၊ အပြင်၊)

လမိုင်းမကပ်ပေမယ့် သမိုင်းမပြတ်အောင်
မြင်တာလေးတွေ တင်ကာရေးရကောင်းမလား တွေးနေတုန်း …

ပြုံးစရာ ဖုန်းလာလို့ကိုင်လိုက်တော့
ကျောအယားကို တောသားသခင် ဘလော့ပိုင်ရှင်ခမျာ
ကုတ်ဖို့တောင်မအားလို့ ကျုပ်ပို့စ်များ တစ်ပုဒ်လောက် ကူနိုင်မလားဆိုပဲကိုး …

ကြံရာမရ ဆန်ကာချပြီးတွေးလိုက်တော့
အတွေးမစိုက် ရေးလိုက်ကြတဲ့ စီပုံး (c-box) တွေဖက် ရောက်ဖြစ်ပြန်သဗျ၊

ထားတော့၊ ထားတော့၊ တော်ကြာ ရွှေမန်းတင်မောင်လိုလို၊
သရော်စာရေးတဲ့ ဆရာလေး ပေးထားတဲ့ ရွှေရွှေ ဆိုသလိုနံမည်တွေနဲ့
အမှားတော့ ခံလို့မဖြစ်ချေဖူး၊

ခုန်ဝင်လိုက်တဲ့ တိုင်းရင်းညီအကိုတွေရဲ့ စီပုံးကို ရှုလိုက်တော့ …

အားလုံးပဲ မင်္ဂလာပါ တဲ့ဗျား၊ ….. (မင်္ဂလာရှိလိုက်လေ)
အော့ဆွန့်လားဆိုက် တဲ့၊ ……... (ကျက်သရေ ရှိလှသဗျ)
စည်းလုံးကြဖို့ ချိန်တန်ပြီ၊ …….. (မှန်လိုက်လေ)
စုစည်းဆောင်ရွက်ကြ၊ ………… (ဟုတ်တာပေါ့)
နဝတ လူဟောင်းတွေ တို့ထဲရောက်နေတယ်၊ ...(ဘာကြီးဘာလိမ့်)
ပြောချည်းမနေနဲ့ မင်းလည်းလုပ်အုံး၊ … (ဟေ၊ ဟုတ်သားကွ)
ဆရာကြီးစတိုင်နဲ့ လာမလုပ်နဲ့၊ .......... (ဟာ၊ ဒီလိုတော့ မဟုတ်ဖူးလေ)
မင်းက ဘာကောင်မို့လို့လဲ၊ ………....... (ဟ ဟ နေကြပါအုံး)
ဟေ့ကောင်၊ မင်းအကြောင်းဖေါ်ပြစ်လိုက်မယ်၊ … (ဟေ့ တော်ကြပါကွာ)
ဒီတော့ မင်းက @#% ဖြစ်လားကွ၊ *&%# မသား၊ … (ဟိုက် …)

ဆက်နေရင် အသက်သေချင်ချင် ဖြစ်လာလို့ ခုန်ထွက်လာခဲ့မိတယ်၊

ဒါနဲ့ကျုပ်လဲ အညောင်းမိ ခေါင်းချိမှာစိုးလို့
လမ်းလျှောက်ထွက် လာရပြန်သည်ကတမုံ့ ဆိုကြပါစို့၊

အဲ၊ တွေ့ပြီ တွေ့ပြီ ဒါပဲ ဒါပဲ၊
သင်္ကြန်သံချပ်မဟုတ်ပါ၊ တိုင်းရင်းသားညီအကိုများအဖွဲ့ရဲ့
လပတ်အစည်းအဝေး ကျုပ်တို့လမ်းထဲ ကျင်းပနေတာနဲ့ ကြုံနေတော့တာကိုးဗျ၊

အတွင်းမှာ ရန်ဖြစ်ပေမယ့်၊ အပြင်မှာ မှန်ကန်စစ်သန့်တဲ့ သူတွေနဲ့တွေ့ရရင်
အမောပြေ ရကောင်းရဲ့ဗျာ၊ မဖိတ်လည်း ဝင်ပြီးထိုင်ပြစ်လိုက်တယ်။

စပြီဗျာ အစည်းအဝေးကြီး၊
ဘောပင်ပျောက်နေတဲ့ သဘာပတိအဖွဲ့ဝင်တစ်ယောက်
အပြင်မှာ မိန်းမဆီဖုန်းဆက်နေတဲ့ ဥက္ကဋ္ဌဆီက သွားချေးပြီးပြန်အဝင်မှာ
အစီအစဉ်စာရွက်ပျောက်နေတဲ့ အခမ်းအနားမှူးက
ဆေးလိပ်တိုကို အမှိုက်ပုံးထဲ ပြစ်ထည့်ရင်း ကဲ၊ စပြီဟေ့ တဲ့ …
အဲ၊ မုဒိတာ .. မုဒိတာ .. ပွား … ပွား …

တစ်ယောက်က ရဲရဲတောက် ထပြောတယ်၊
တို့တွေ ဒီကိုရောက်ဖို့ မရေတွက်နိုင်တဲ့ ညီအကိုမောင်နှမတွေ အသက်ပေး
ခဲ့ကြရတာ မေ့လို့ မဖြစ်ဖူး၊ တဲ့ ….. (ကြည့်ရတာ ကြိုးစားတော့မယ်ထင်တယ်)

နောက်တစ်ယောက်ကလည်း
တို့တတွေ စည်းစည်းလုံးလုံး ပူးပေါင်းလုပ်ကိုင်ကြရမယ်ကွ၊ ... (လေးစားစရာပဲ)

တက်တက်ကြွကြွ တစ်ယောက်က ထပြန်တယ်၊
တို့အသင်းကြီး ကမ္ဘာကျော်စေရမယ်၊ ….. (အားကျစရာပဲ)

ဒီမှာတင် ဖုန်းဆက်ပြီးသွားတဲ့ ဥက္ကဋ္ဌ ပြန်ဝင်လာပြီး ဗျန်း၊ ဗျန်း၊ ဗျန်း …
(ဒုံး၊ ဒုံး၊ ဒုံး … လို့ပြင်ဖတ်နိုင်ပါတယ်၊ တူမရှိပဲ လက်ဝါးနဲ့ စားပွဲရိုက်လိုက်လို့ပါ)

ဟုတ်ပြီ၊ ဟုတ်ပြီ စကြရအောင်ကွာ၊
ဟေ့ နေထူး၊ မင်းကိုရိုက်ဖို့ပေးလိုက်တဲ့ အဖွဲ့သားစာရင်းတွေကော ..
... မေ့လာတယ်ခင်မျ၊ ဆောရီး၊ ဆောရီး၊

ဒါနဲ့ ကျော်ခီ့၊ မင်း အဖွဲ့ရဲ့ လစဉ်ကြေးထည့်ပြီးပြီလား ..
... ဟဲဟဲ၊ ခဏနေပါအုံး ဥက္ကဋ္ဌကြီးရယ်၊

ဒါဆို ကဲ လေးကပေါ်၊ တို့အဖွဲ့ရဲ့ဘလော့ လုပ်တာပြီးပြီလား …
... အန် .. ခုမှပဲ သတိရတော့တယ်၊ ကန်တော့၊ ကန်တော့၊

မင်းတို့ကွာ … ၊ ကွာလာ တစ်ယောက်ကော၊ သူ့ကို သမိုင်းအကြောင်းတွေ
ရိုက်ဖို့ အရင်လက ပေးလိုက်တာ ဘယ်မလဲ၊
... သူ စာမေးပွဲရှိလို့ ဘီယာသောက်ရင်းလိမ့်ကျတာ လက်ခေါက်နေတယ်ခင်မျ၊
(အွန် … ကျုပ်လည်း အဓိပ္ပါယ် ပြန်ပေးလို့ မတတ်ဖူးဗျ)

ကဲ၊ ကဲ ဒီလောက်တောင် ဖြစ်နေကြတာ တော်ပြီကွာ၊ နောက်သုံးလပတ်
အစည်းအဝေးကျမှပဲ ဆက်ပြောကြတာပေါ့၊
ဟေ့၊ ဟေ့ မပြန်ကြနဲ့အုံးနော်၊ ဆိတ်တစ်ကောင် ပေါ်ထားတယ်၊

လုံးဖေါင်၊ လာ၊ လာ ငါတို့အပြင်းသမားတွေအတွက် ချေးခါးဖယ်ထားတယ်၊

ဟိုက်ရော … ပြီးသွားပြီဗျာ အစည်းအဝေး၊
ဟို .. အဲ .. ဟိုဒင်းက ဟိုဒါလည်း မရှိ၊ အဲ .. မဖြစ် …
ဟာ … ထားသာ ထားလိုက်ပါတော့ဗျာ …

ပြန်ထွက်လာချိန်မှာတော့ ကျုပ်လည်း
ဂေါ်ဇီလာနဲ့ ဒိုင်နိုဆောစပ်ထားတဲ့ အကောင်ကြီးလို
ကိုင်းကိုင်းကြီးကို ဖြစ်နေမိပါတော့တယ်၊

ရှေ့မှာက၊ တိုင်းရင်းသားညီအစ်ကိုတွေရဲ့ ရှေ့ရေးက
ရှင်းရှင်းလင်းလင်းကြီး မြင်နေရတယ်လေ …

အဲ၊ အင်မတန်ကိုရှင်းပြီး ဘာမှကို မတွေ့ရပါခင်ဗျား ….


စကားစမြည်ပဲနော၊ေ ပါ့ေ ပါ့  ပါး ပါးေ ပါ့  …………


စောဗညား
နောင်လုံ (ရှမ်းစု)

- လေပေါသွားတာ၊ ရေအရောများလို့ တေဇောအားတွေ နည်းကုန်တဲ့ B.E အရက်လို
ဖြစ်နေရင်တော့ … အဟမ်း … သည်းခံကြပါလေကုန်၊
- တိုက်ဆိုင်မှုများရှိရင်လည်း ထုံးစံအတိုင်း ဝိုင်းဖြဲကြပါလေသတည်း ပေါ့နော၊