Saturday, 11 June 2011
ဇွန်လ ၁၁ရက်။ ကေအိုင်စီ
နယ်စပ်ကုန်သွယ်လမ်းဖြစ်သည့် မြ၀တီ-ကော့ကရိတ် တောင်ပေါ်ကားလမ်းတွင် မိုးရွာပြီး မြေပြိုသဖြင့် ကုန်ပစ္စည်းတင်ဆောင် သည့် ကားများနှင့် ခရီးသည်တင်ကားများ လမ်းပိတ်ခဲ့ရကြောင်း မြ၀တီမြို့ခံများက ပြောသည်။
တောင်ပေါ်ကားလမ်း တစ်တောင်ကွေ့တစ်နေရာ (Photo - KIC)
အဆိုပါ မြေပြိုမှုမှာ ကားတန်းများ မဆင်းခင် ဖြစ်ပွားဟန်ရှိပြီး လူများ၊ ကားများ ထိခိုက်မှုမရှိဘဲ ခရီးသွားလာရေးသာ အဟန့်အ တားဖြစ်ရခြင်းဖြစ်သည်။
လက်ရှိအချိန်တွင် တောင်ပေါ်လမ်း၌ ပြိုကျနေသည့် မြေသားများကို ရှင်းလင်းရန် တောင်ပေါ်ကားလမ်းပြင်ဆင်ရေး တာဝန် ယူထားသည့် AK ကုမ္ပဏီမှ လမ်းပွင့်သွားရန်အတွက် လုပ်ဆောင်သွားမည်ဖြစ်ကြောင်း သိရသည်။
အဆိုပါကားလမ်းမှာ နှစ်စဉ် မိုးရွာသွန်းချိန်တိုင်း ယခုလို မြေပြိုနေကျဖြစ်ပြီး ယမန်နှစ်က ဖြစ်ပွားခဲ့သည့် ကားလမ်းတောင်နံရံ မြေသားပြိုကျမှုကြောင့် ခရီးသွားများ ထိခိုက်သေဆုံးမှု ရှိခဲ့သည်။
No comments:
Post a Comment