Thursday, August 25, 2011


ကျန်းမာရေးအတွက် ဘတ်ဂျက်ငွေနည်း

တနိုင်ငံလုံးလိုအပ်ချက်ရဲ့ တဝက်တောင် ဘတ်ဂျက် မရဘူးလို့ ဝန်ကြီးက ပြောကြားခဲ့

ကျန်းမာရေး စောင့်ရှောက်ဖို့ လိုအပ်ချက် တွေကို အမျိုးသားလွှတ်တော် အစည်း အဝေးမှာ မေးခွန်းမေးတာ၊ အဆိုတင် တာတွေကို လုပ်ခဲ့ပေမယ့် ဘတ်ဂျက်ငွေ အရနည်းတဲ့ အတွက် လိုအပ်သလောက် မလုပ်ပေးနိုင်ဘူးလို့ ကျန်းမာရေးဝန်ကြီးက ပြောကြားခဲ့ ပါတယ်။

ကျန်မာရေးဝန်ကြီး ဒေါက်တာဖေသက်ခင်က ကျန်းမားရေးကဏ္ဍတွေမှာ တနိုင်ငံလုံးအတွက် ကျပ်ငွေ သန်း ၈၀၀၀ လောက် လိုအပ်နေ ပေမယ့်လို့ ကျပ် သန်း ၃၅၀၀ လောက်ပဲ ရတယ်လို့ ပြောကြားသွားခဲ့ကြောင်း အမျိုးသား လွှတ်တော်အမတ် ဦးဖုန်းမြင့်အောင်က ဘီဘီစီကို ရှင်းပြပါတယ်။

ဆေးရုံဆေးခန်းတွေမှာ ဆေးဝါးမပြည့်စုံတာတွေ ဖြစ်နေရတာ မှန်တယ်ဆိုတဲ့ အကြောင်း လည်း ဝန်ကြီးက ပြောသွားတယ်လို့ ဦးဖုန်းမြင့်အောင်က ပြောပါတယ်။

အစိုးရ ကျန်းမာရေးဌာနတွေမှာ အများပြည်သူအတွက် ကျန်းမာရေး စောင့်ရှောင့်မှု အားနည်းတာနဲ့ ပတ်သက်ပြီး အမျိုးသားလွှတ်တော်အမတ် ဦးယုတင် အင်္ဂါနေ့က မေးခွန်းထုတ်ခဲ့တာ ဖြစ်ပါတယ်။

ဒီလို အခက်အခဲရှိတာကို ကျန်းမာရေးဝန်ကြီးက အရှိကို အရှိတိုင်း ပြောကြားခဲ့ပေမယ့် ဗုဒ္ဓဟူးနေ့ထုတ် သတင်းစာ မှာတော့ ဒီအကြောင်းတွေကို မဖေါ်ပြပါဘူး။

ဒုတိယကျန်မာရေးဝန်ကြီးဟောင်း ဒေါက်တာမြဦးကလည်း ကျန်မာရေးအတွက် ပိုမိုရင်းနှီး မြှုပ်နှံဖို့ လိုအပ်ကြောင်း အမျိုးသားလွှတ်တော်မှာ ဗုဒ္ဓဟူးနေ့ အဆိုတင်သွင်းတာကို လွှတ်တော်က လက်ခံတဲ့အတွက် ဆက်လက်ဆွေးနွေးရမယ့် အကြောင်းအရာ ဖြစ်နေတုန်းပဲ လို့ အမျိုးသားလွှတ်တော် အမတ်တွေက ပြောပါတယ်။
Posted by at

No comments:

Post a Comment

Subscribe to: Post Comments (Atom)