မဲဆောက်-မြ၀တီ ချစ်ကြည်ရေး တံတား ပြန်လည် ဖွင့်လှစ်

Submitted by admin on Monday, 5 December 2011--

ဒီဇင်ဘာလ ၅ရက်။ စောသိန်းမြင့် (ကေအိုင်စီ)

ထိုင်းနှင့် မြန်မာနှစ်နိုင်ငံကြား ဆက်သွယ်ထားသည့် မဲဆောက်-မြ၀တီ ချစ်ကြည်ရေးတံတားကို ယနေ့နံနက်(၇)နာရီခွဲတွင် နှစ် ဘက်အာဏာပိုင် များက ပြန်လည် ဖွင့်လှစ်လိုက်ပြီး ဖြစ်သည်။
အဆိုပါ တံတားကို မြန်မာအစိုးရဘက်မှ ၁နှစ်ကျော်ကြာ ပိတ်ထားခဲ့ပြီး ထိုင်း-မြန်မာနယ်စပ် ကုန်သွယ်ရေး အရေးကြီးသည့်အ တွက် ထိုင်းအာဏာပိုင်များက မြန်မာဘက်ကို သွားရောက်ညှိနှိုင်းရာမှ ယခုလို ပြန်လည်ဖွင့်လှစ်နိုင်ခြင်းဖြစ်ကြောင်း သိရသည်။
တံတား ပြန်လည်ဖွင့်လှစ်သည့် အခမ်းအနားကို နှစ်ဘက်အာဏာပိုင်များက တံတား၏အလယ်တွင် ယနေ့ ဖဲကြိုးဖြတ်ကာ ဖွင့်လှစ် ပေးခဲ့ပြီး တံတားဖွင့်ပွဲသို့ မြန်မာဘက်က မြို့နယ်အဆင့် နယ်ခြားကော်မတီ ဥက္ကဌ ဗိုလ်မှူးကြီး သက်ခိုင်ဦးနှင့် ထိုင်းဘက်ခြမ်းက ဗိုလ်မှူးကြီးအူကရစ်နို့ကန်ဖဲ ဦးဆောင်ဖွင့်လှစ်ပြီး ကရင်ပြည်နယ်ဝန်ကြီးချုပ် ဦးဇော်မင်း၊ စီးပွားရေးနှင့် ကူးသန်းရောင်းဝယ်ရေးဝန် ကြီး ဦးဝင်းမြင့်တို့ အပါအ၀င် ပရိဿတ် ၂၀၀ခန့် လာရောက်ခဲ့သည်ဟု ကိုယ်တိုင်သွားခဲ့သူတစ်ဦးက ပြောသည်။
ယခုလို နှစ်နိုင်ငံအတွက် ကုန်သွယ်ရေးတွင် အရေးကြီးသည့် တံတားအား ပြန်လည်ဖွင့်လှစ်လိုက်သည့်အပေါ် မြန်မာရွှေ့ပြောင်း အလုပ်သမားများနှင့် ကုန်သည်များက ကြိုဆိုလိုက်ကြသည်။
မြ၀တီမြို့ရှိ ကုန်သည်အမျိုးသမီးတစ်ဦးက “တံတားဖွင့်တော့ သွားရတာအဆင်ပြေတယ်လေ။ လှေနဲ့ကျတော့ အဆင်းအတက်နဲ့ စရိတ်ကုန်များတယ် မဟုတ်လား။ တံတားဘက်က ဆိုလို့ရှိရင် တောမောခ မပေးရတော့ဘူး။ လှေနဲ့ကျတော့ အသွားအပြန် ၁,၅၀၀ ကုန်ပြီ။ တောမောခ ၂၀လည်း ပေးရသေးတယ်။”ဟု ပြောသည်။
ချစ်ကြည်ရေးတံတားဖွင့်လှစ်ပြီးသည်နှင့် တဆက်တည်း မြန်မာစံတော်ချိန် ၈နာရီခွဲကျော်တွင် မြ၀တီမြို့နယ်တွင်းရှိ နယ်စပ်ကုန် သွယ်ရေးဇုံကိုလည်း အထူးစီးပွားရေးဇုံအဖြစ် အခမ်းအနားဖြင့် ဖွင့်လှစ်ခဲ့ရာ ထိုင်းအာဏာပိုင်များလည်း သွားရောက်အားပေး ကြည့်ရှုခဲ့သည်ဟု မြ၀တီမြို့ခံများက ပြောဆိုသည်။

မြို့ခံတစ်ဦးက “တံတားဖွင့်ပြီးတာနဲ့ ကုန်သွယ်ရေးဇုံဘက်ကို လူကြီးတွေ သွားကြတာပဲ။ ထိုင်းဘက်ကတော့ ကား ၅စီးလောက် ၀င်လာတယ်။”ဟု ကေအိုင်စီသို့ ပြောသည်။
မဲဆောက်-မြ၀တီတံတားကို ထိုင်းဘက်ခြမ်းမှ သောင်ရင်းမြစ်ကမ်းထိန်းနံရံ တည်ဆောက်မှုကြောင့် ဟူသော အကြောင်းပြချက်ဖြင့် ၂၀၁၀ခုနှစ် ဇူလိုင်လ ၁၈ရက်နေ့တွင် မြန်မာအာဏာပိုင်များက တစ်ဖက်သတ် ပိတ်ပစ်ခဲ့ခြင်းဖြစ်သည်။
၎င်းတံတားမပိတ်ခင်က တလအတွင်း နှစ်နိုင်ငံ တရားဝင်ကုန်သွယ်မှုမှာ ထိုင်းကုန်ပစ္စည်းတင်သွင်းမှု ဘတ်သန်း ၃,၀၀၀ဖိုးအထိ ရှိ ပြီး ကုန်သွယ်ရေးတံတား ပိတ်လိုက်သည့်နောက်ပိုင်း ထိုင်းမှ မြန်မာပြည်သို့ ကုန်ပစ္စည်းတင်သွင်းမှု ဘတ်သန်း ၇၀၀ခန့်သာရှိတော့ သည်ဟု ထိုင်းကုန်သည်ကြီးများအသင်း၏ မှတ်တမ်းများအရ သိရသည်။
တံတားပိတ်ထားသည့် ကာလအတွင်း မြန်မာကုန်သည်များက တရားမ၀င် လမ်းကြောင်းမှ အဓိကထား သယ်ယူပို့ဆောင်နေရသ လို မြန်မာအာဏာပိုင်များက ထိုင်းကုန်ပစ္စည်းတင်သွင်းခြင်းကို တားမြစ်ပိတ်ပင်မှုများလည်း ရှိခဲ့ကြောင်း ကုန်သည်များက ပြောဆို သည်။
ထိုင်း-မြန်မာနယ်စပ် ချစ်ကြည်ရေး ကုန်သွယ်မှုတံတားကို ၁၉၉၇ခုနှစ်၊ သြဂုတ်လ ၁၅ရက်နေ့က စတင် ဖွင့်လှစ်ခဲ့ပြီး ထိုင်းနိုင်ငံ ဘက်မှ အကုန်ကျခံ တည်ဆောက်ပေးခဲ့ခြင်း ဖြစ်သည်။

 

မဲဆောက်မြ၀တီတံတား ပြန်ဖွင့်ပြီ

~

ဓာတ်ပုံများ - ဧရာဝတီ။
ထိုင်းမြန်မာနယ်စပ် မဲဆောက်မြ၀တီ တံတားကို ယနေ့နံနက် ၇ နာရီခွဲခန့်က မြန်မာဘက်က ပြန်ဖွင့်ပေးလိုက်သဖြင့် တနှစ်ခွဲခန့် ရပ်နားထားရသည့် ဤဒေသ၏ တရားဝင် ကုန်သွယ်ရေးလုပ်ငန်းများ ပြန်လည် စတင်ခဲ့သည်။
ဖွင့်ပွဲကို တံတားအလယ်တွင် ပြုလုပ်ခဲ့ပြီး မြန်မာနှင့်ထိုင်း ဘက်မှ မြို့နယ်အဆင့် နယ်ခြားကော်မတီ ဥက္ကဌ ဗိုလ်မှူးကြီး သက်ခိုင်ဦး၊ ထိုင်းဘက်မှ ဗိုလ် မှူးကြီးအူကရစ်နို့ကန်ဖဲတို့က ဖဲကြိုးဖြတ်၍ ဖွင့်လှစ်ပေးခဲ့သည်။

ဖွင့်ပွဲ တက်ရောက်သည့် မြန်မာနိုင်ငံ စီးပွားရေးနှင့် ကူးသန်း ရောင်းဝယ်ရေး ဒုဝန်ကြီး ဦးဝင်းမြင့်က "အခုလို တံတား ပြန်ဖွင့်ပေးလိုက်တဲ့ အတွက် ထိုင်းနဲ့မြန်မာ နှစ်နိုင်ငံ နယ်စပ် ကုန်သွယ်ရေးကို ပြန်လည် ပြုလုပ်နိုင်တော့မှာ ဖြစ်တယ်။ ထိုင်း-မြန်မာနယ်စပ် ကုန်သွယ်ရေးဟာ မြန် မာနိုင်ငံရဲ့ ဒုတိယ အကြီးဆုံး ကုန်သွယ်ရေးဇုံ ဖြစ်တယ်" ဟု ပြောသည်။
တံတားပြန်ဖွင့်သည့်အတွက် နှစ်ဖက်အစိုးရ တာဝန်ရှိသူများကို အထူး ကျေးဇူးတင်ရှိသည်ဟု ထိုင်းကုန်သည်ကြီး နိုင်ဆူချိုင်းက ပြောသည်။
"မြန်ဘက်က တံတားကိုပိတ်ထားတာ တနှစ်ခွဲ ရှိတော့မယ်။ တံတားတလပိတ်ရင်ထိုင်းဘက် ကဘတ်သန်း ၃ ထောင်လောက် ကုန်သွယ်မှု ဆုံးရှုံးတယ်။ တနှစ်ခွဲနီးပါး ဆိုတော့ ဘီလီယံနဲ့ ချီးပြီးဆုံးရှုံးတယ်။ လုပ်ငန်းရှင်တွေနဲ့ ဆက်စပ် မှီခိုသူတွေလည်း အခက်အခဲ ဖြစ်ကြရတယ်။ ဒီနေ့ကစပြီး ကုန်စည်တွေ မြန်မာဘက် စပို့ပြီ ဖြစ်လို့ ပုံမှန် ကုန်သွယ်ရေး အနေအထားကို ပြန်ရောက်လာတဲ့အတွက် အားလုံး ပျော်ရွှင်နေကြတယ်" ဟု ၎င်းက ပြောသည်။
ယနေ့နံနက်ကစ၍ နှစ်ဖက် ကုန်စည်ပို့ဆောင်သည့် မော်တော်ယာဉ်များ အပြန်အလှန် ပြေးဆွဲနေသည်ကို တွေ့ရသည်။
မြ၀တီရှိ ရွှေမြန်မာ ခရီးသည် ပို့ဆောင်ရေး မှန်လုံ ကားငယ်များလည်း မြ၀တီမဲ ဆောက်ခရီးစဉ်ကို ပြေးဆွဲနေသည်။
မြ၀တီမြို့မှကုန်သည်တဦးဖြစ်သည့် မရီက "တံတား ဖွင့်လိုက်တော့ပြဿနာတွေ နည်းသွား တယ်လို့ ပြောရမယ်။ မြ၀တီကနေ မဲဆောက် ကားစီးရုံပဲ။ အရင်လို ကားတတန် လှေတတန် အလုပ် မရှုပ်တော့ဘူး။ တရားဝင်ကုန်သွယ်ရေး ပြန်ဖွင့်လိုက်တဲ့အတွက် ထိုင်းကုန်နဲ့မြန်မာ ကုန်တွေကို အရင်လို အောက်လမ်းကနေ ခိုးသယ်စရာ မလိုတော့ဘူး။ ထိုင်းနဲ့ကုန်သွယ်ရာ မှာလည်း မြန်မာကုန်သည်တွေ နစ်နာမှုမရှိတော့ဘူး" ဟု ပြောသည်။
တံတားဖွင့်ပွဲ အပြီးတွင် မြန်မာဘက်ခြမ်းမြ၀တီတွင် ပြုလုပ်သည့် အထူးစီးပွားရေးဇုံ ဖွင့်ပွဲသို့ ကရင်ပြည်နယ် ၀န်ကြီးချုပ် ဦးဇော်မင်း၊ ထိုင်းနိုင်ငံခြားရေး ၀န်ကြီး၏ အကြံပေးပုဂ္ဂိုလ် Mr Phronphong Nopphalit ဦးဆောင်သည့် နှစ်ဘက် ခေါင်းဆောင်များ သွားရောက်ခဲ့ကြသည်။

မဲဆောက်မြ၀တီ တံတားကို နယ်စပ်လုံခြုံရေး အကြောင်းပြချက်ဖြင့် မြန်မာအာဏာပိုင်များက ယမန်နှစ် ဇူလိုင်လ ၁၈ ရက်နေ့က စတင်ပိတ်ခဲ့သည်။

အရှည်မီတာ ၄၂၀ ရှိသည့်ချစ်ကြည်ရေးတံတားကို ၁၉၉၇ ခုနှစ်သြဂုတ်လ ၁၅ ရက်နေ့တွင် စတင် ဖွင့်လှစ်ခဲ့ခြင်းဖြစ်ပြီး တံတားတည်ဆောက်မှုနှင့် ကုန်ကျစရိတ်ကို ထိုင်းနိုင်ငံဘက်က တာဝန်ယူခဲ့သည်။