ဒီကနေ့ လတ်တလောမှာ ပြောစရာ ကိုးချက် (၂၄ ၊ စက်တင်ဘာ၊ ၂၀၁၂)

by Coral Arakan News Agency on Sunday, September 23, 2012 at 1:47pm · ဒီကနေ့ လတ်တလောမှာ ပြောစရာ ကိုးချက် (၂၄ ၊ စက်တင်ဘာ၊ ၂၀၁၂)

By Kyaw Zaw Oo

စစ်တွေ ၊ ၂၄ စက်တင်ဘာ ၂၀၁၂ ၊ Coral Arakan News ၊ (opinion ကဏ္ဍ)

(၁) တိုင်းရင်းသားရခိုင် နှင့် ဘင်္ဂါလီခိုးဝင်သူများကို တန်းတူ သဘောထား၍ ခေါ်ယူဆွေးနွေးခြင်း၊ ကြားဝင်ညှိနှိုင်းပေးခြင်း မှန်သမျှသည် အခြေခံ အနှစ်သာရအားဖြင့် မှားယွင်းသည်။ အဘယ်ကြောင့်ဆိုသော် ရခိုင်လူမျိုးများမှာ ပြည်သူများဖြစ်ကြပြီး ဘင်္ဂါလီခိုးဝင်သူများမှာ နိုင်ငံခြားသားများ ဖြစ်ပြီးသကာလ တန်းတူရပိုင်ခွင့်ရှိသူများ မဟုတ်ကြချေ။

(၂) မကြာသေးခင်က ဖြစ်ပွားခဲ့သော ဘင်္ဂါလီဆူပူမှု ကို ဖြေရှင်းရန်အလို့ငှာ ဘင်္ဂါလီတို့နှင့် တစ်စားပွဲတည်းထိုင်ဆွေးနွေးသော ရခိုင်လူမျိုး (နှင့် အခြားသော မြန်မာတိုင်းရင်းသား) တို့မှာ ရခိုင်လူမျိုးတို့၏ သိက္ခာကို ကြီးစွာကျဆင်းစေ၊ ရပိုင်ခွင့်တို့ကို များစွာဆုံးရှုံးစေသည်သာမက မြန်မာနိုင်ငံသား တိုင်းရင်းနွယ်ဖွားတို့၏ သားသမီးမြေးမြစ်တို့၏ အနာဂတ်ကို များစွာနစ်နာစေသူဖြစ်သည်။ ယခုနေပြည်တော်တွင် ကျင်းပခဲ့သော ‘ရခိုင်ဒေသ ရခိုင်ပြည်နယ်ရေရှည် တည်တံ့ ခိုင်မြဲသော ဖွံ့ဖြိုး တိုးတက်ရေး ဆိုင်ရာ အလုပ်ရုံဆွေးနွေးပွဲ’ ဆိုသည့် ဆွေးနွေးပွဲမှာ အလားတူ ဆွေးနွေးပွဲမျိုးဖြစ်သည်။

(၃) မောင်တောဘူးသီးတောင် မဲဆန္ဒနယ်များမှ တက်လာသည့် (ဘင်္ဂါလီ)အမတ် ဦးရွှေမောင် ကဲ့သို့သောသူများအား ယင်းဆွေးနွေးပွဲသို့ တက်ခွင့်ပြု၍ ‘တန်းတူရည်တူ’ ‘အပြန်အလှန် လေးစားမှု’ အစရှိသည့် မအပ်မရာ စကားလုံးများကို သုံးစွဲပြောဆိုခွင့်ပြုကာ ပြည်ထောင်စု သားများအား မထီမဲ့မြင်စော်ကားခွင့်ပြုမည့်အစား၊ ယခင်တစ်ကြိမ်က ဒေသခံပြည်သူများ စုပေါင်းလက်မှတ်ထိုးတောင်းဆိုခဲ့ကြသည့်အတိုင်း ဘင်္ဂါလီအမတ် များ၏ နိုင်ငံသားဖြစ်မှု စစ်မှန်ခြင်းရှိမရှိကိုသာ စစ်ဆေးပြီး ပယ်ဖျက်သင့်က ပယ်ဖျက် ရမည် ဖြစ်သည်။

(၄) နိမ့်ကျနေသော ဒေသခံတိုင်းရင်းသားများအား ပညာရည်မြှင့်တင်ရမည့်အစား ဘင်္ဂါလီများအား ပညာရေးမြင့်မားအောင်လုပ်ဆောင်ပေးရေးကိုသာ ပဋိပက္ခ ဖြေရှင်းရေးနည်းလမ်းတစ်ရပ်ပမာ ပြောဆိုနေကြသည့် နိုင်ငံတကာအဖွဲ့အစည်းများ၏ သဘောထားကို သံယောင်လိုက်ပြောဆိုခြင်းသည် မိမိလည်ပင်းကို မိမိ ကြိုးကွင်းစွပ်ခြင်းသာ ဖြစ်သည်။

(၅) တစ်ဘက်တွင် ဘင်္ဂါလီများကို သနားစဖွယ်သဏ္ဍာန်ဖြစ်အောင် ပုံဖေါ်ပြောပြကာ အခြားတစ်ဘက်တွင် ဘင်္ဂါလီများကို အခြအနေတူဒေသခံများထက် ပိုမိုအားကောင်း သထက်အားကောင်းအောင် လုပ်ပေးခြင်းကို ရခိုင်ပြည်သူများ ယနေ့ထက်တိုင် ခံစားနေကြရသည်။ ဥပမာအားဖြင့် မြို့ပြင်ရောက်နေသည်ဟု ဟုဆိုသော ဘင်္ဂါလီ ဒုက္ခသည်စခန်းများတွင် မီးထိန်ထိန်လင်း နေပြီး၊ မနေ့က စက်တင်ဘာလ (၂၃)ရက်နေ့ အထိ စစ်တွေမြို့တွင်း ရခိုင်ဒုက္ခသည်စခန်းများတွင် လျှပ်စစ် မသွယ်တန်းရသေးခြင်း မှာ အလားတူ အလွန်အမင်း မမျှတမှုမျိုး ဖြစ်သည်။

(၆) Organisation of Islamic Cooperation ခေါ် နိုင်ငံတကာအစ္စလမ်မစ်နိုင်ငံများ ပူးပေါင်းဆောင်ရွက်ရေးအဖွဲ့ (OIC) ရုံး စစ်တွေမြို့တွင်ဖွင့်လှစ်ခြင်းအားဖြင့် မလိုလား အပ်သော ပဋိပက္ခများ ပေါ်ပေါက်လာ လျှင်၊ ဒေသခံများသာမက ယင်းရုံးတွင် တာဝန် ထမ်းဆောင် သည့်သူများပါ ဒုက္ခရောက်နိုင်သည်။ စစ်တွေမြို့တွင် တင်းမာမှု ရေချိန်မြင့်မားဆဲ ဖြစ်သည်ဟု နိုင်ငံတကာ မီဒီယာများက အကြိမ်ကြိမ် ဖော်ပြထားပြီး ဖြစ်သည်။


(၇) OIC ကဲ့သို့သော လူ့အခွင့်အရေးဆိုင်ရာ ကြောင်သူတော်သည် လူသားချင်းစာနာထောက်ထားမှုဆိုင်ရာ လူ့အခွင့်အရေးဆိုင်ရာ အကြောင်းပြ ချက်များဖြင့် မြန်မာပြည်တွင်းရေးကို ၀င်ရောက်စွက်ဖက်ပိုင်ခွင့်မရှိပေ။ OIC ၏ လူ့အခွင့်အရေးဆိုင်ရာစံ (Cairo Declaration on Human Rights in Islam) သည် နိုင်ငံတကာလူ့အခွင့်အရေးစံကို လက်ခံသူများ၏ အပြင်အထန်ရှုတ်ချခြင်းကိုခံရသော ရှရီးယားလူ့အခွင့်အရေးစံဖြစ်သည်။ OIC အတွင်း အထူးသြဇာရှိသည့် ပင်မနိုင်ငံမှာ ပါကိစ္စတန်နိုင်ငံဖြစ်ပြီး၊ ပါကိစ္စတန်ထောက်လှမ်းရေးသည် တာလီဘန်ကဲ့သို့သော အဖွဲ့အစည်းများပေါ်ပေါက်လာအောင်ပျိုးထောင်ခဲ့သော အဖွဲ့အစည်းဖြစ်သည်။

(၈) OIC သည် နိုင်ငံတကာကလက်ခံထားသည့် အကြမ်းဖက်သမား ဝေါဟာရသတ်မှတ်ချက်ကို လက်ခံခြင်းမရှိပေ။ သဘောမှာ တစ်စုံတစ်ယောက်ကို နိုင်ငံတကာက အကြမ်းဖက်သမားဟု သတ်မှတ်သည့်တိုင် OIC က ၄င်းပုဂ္ဂိုလ်ကို အကြမ်းဖက်သမားအဖြစ် သတ်မှတ်ချင်မှ သတ်မှတ်မည်ဖြစ်သည်။

(၉) ထို့ကြောင့် တာဝန်ရှိသူများသည် OIC ကဏ္ဍကို ကယောင်ကတမ်း ကိုင်တွယ် ပြုမူလုပ်ကိုင်နေပါက၊ ပြည်သူများက OIC ၏ သရုပ်သကန်အမှန်ကို သိမြင်လာသည့် အချိန်တွင် သမိုင်းတရားခံအဖြစ် သတ်မှတ်ခြင်းကို ခံလာရနိုင်ပေသည်။

(ကျော်ဇောဦး)
ရဲရင့်(ကနေဒါ) ... 9/24/2012