မြန်မာနိုင်ငံမှာ နိုင်ငံကူးလက်မှတ် သက်တမ်းကို အရင်က ၃ နှစ် သတ်မှတ်ခဲ့ရာက ဒီကနေ့ နိုဝင်ဘာလ ၁ ရက်နေ့က စတင်ပြီး နိုင်ငံကူးလက်မှတ် လျှောက်ထားသူတွေ၊ သက်တမ်းတိုး လျှောက်ထားသူတွေ အားလုံးကို ၅ နှစ်သက်တမ်း ရှိတဲ့ နိုင်ငံကူးလက်မှတ်တွေ ထုတ်ပေးတော့မှာ ဖြစ်ပါတယ်။
တချိန်က သင်္ဘောသားတွေအတွက် နိုင်ငံကူးလက်မှတ် သက်တမ်း ၅ နှစ်၊ အလုပ်သမားတွေအတွက် ၄ နှစ်နဲ့ အခြား နိုင်ငံကူး လက်မှတ် သက်တမ်း ၃ နှစ် သတ်မှတ်ထားရာက အခုတော့ အဆိုပါ အမျိုးအစား အားလုံး သက်တမ်း ၅ နှစ် သတ်မှတ်ထုတ်ပေးသွားမှာ ဖြစ်တယ်လို့ ယနေ့ထုတ် ကြေးမုံ သတင်းစာ မှာ ဖော်ပြထားပါတယ်။
အခုလို သက်တမ်း တိုး သတ်မှတ်ပေးလိုက်ပေမယ့် ပါ့စ်ပို့ လုပ်ရာမှာ ကုန်ကျစာရိတ်တွေကို တိုးမြှင့် ကောက်ခံသွားဖို့ မရှိဘူးလို့ လည်း ဆိုထားပါတယ်။
အခုဆိုရင် ပါ့စ်ပို့ လျှောက်ထားသူတွေဟာ တချိန်တုန်းကလို မြို့နယ်က အခွန်ကင်းရှင်းကြောင်း ပုံစံ ၁၇ နဲ့ ပြည်ပထွက်မယ့်သူတွေကို ထိုအခွန်ကင်းရှင်းကြောင်း ထောက်ခံသက်သေခံ ပုံစံ ၁၉ ဆိုတာတွေ မလိုအပ်တော့တဲ့အတွက် ပါ့စ်ပို့ လျှောက် ထားသူတွေအတွက် ပိုပြီး အဆင်ပြေမှာဖြစ်ပါတယ်။
နိုင်ငံကူး လက်မှတ် လျှောက်ထားသူတွေအနေနဲ့ ထုံးစံအတိုင်း နိုင်ငံသားမှတ်ပုံတင်၊ အိမ်ထောင်စု စာရင်းဝင် ( ပုံစံ- ၁၀ )၊ တက္ကသိုလ် ဘွဲ့ရ ဖြစ်ပါက ပညာရေး ကင်းရှင်းကြောင်း ထောက်ခံချက်၊ အသက် ၁၀ နှစ်အောက် ကလေးများဖြစ်ပါ က မွေးစာရင်းပါရှိရမှာဖြစ်ပြီး အငြိမ်းစား ၀န်ထမ်းများ ဖြစ်ပါက အလုပ်မှ အလုပ်မှ နုတ် ထွက်စာ သို့မဟုတ် ပင်စင်စားများ ဖြစ်ပါက ပင်စင်စာအုပ်ယူဆောင်လာရမှာဖြစ်တယ်လို့ သိရပါတယ်။
ဆက်စပ်သတင်း
ပုံစံ ၁၇ နှင့် ၁၉ ပယ်ဖျက်တော့မည်
No comments:
Post a Comment