လူသားစားမှုဖြင့် အရေးယူခံရသော ပါကစ္စတန် ညီနောင်
လူသားစားသူ ညီအစ်ကိုနှစ်ယောက် အား စာဂိုဒါမြို့တွင် ရုံးသို့ထုတ်လာစဉ်
လူသားစားမှုဖြင့် အရေးယူခံရသော
ပါကစ္စတန် ညီနောင်
by ကောင်းသစ်ရည်
Sunday, 17 April 2011
ယခုရက်သတ္တပတ် အစောပိုင်းတွင် အာရစ်ဖ် အာလီ (Arif Ali) နှင့် ဖားမန်း အာလီ (Farman Ali) တို့ညီအစ်ကို နှစ်ဦးအား ရဲက ဖမ်းဆီးခေါ်ဆောင်သွားသည်။
ထိုသူတို့သည် သချိုင်းမှ ခိုးယူခဲ့သော အလောင်းမှ အသားများအား ချက်ပြုတ် နေစဉ် ရဲများ ရောက်ရှိခဲ့ခြင်း ဖြစ်သည်။ ထိုသူနှစ်ယောက်အား အကြမ်းဖက်မှု ဆန့်ကျင်ရေး ဥပဒေဖြင့် တရားစွဲမည်ဟု ဒါရီယာခန်း ရဲတပ်ဖွဲ့ (Darya Khan) မှ ရဲအရာရှိ အာဗ္ဗဒူးရ် ရာမာန် (Inspector Abdur Rahman) ကပြောသည်။
ထိုညီအစ်ကိုနှစ်ဦးသည် ပါကစ္စတန်နိုင်ငံ ပန်ဂျာဘ် (Punjab) ပြည်နယ်နှင့် ကိုင်ဘာ ပတ်တွန်းဝှာ (Khyber Pakhtunkhwa) ပြည်နယ် တိုက်နယ်စပ်အနီးရှိ ဒါရီယာခန်း (Darya Khan) မြို့တွင် နေထိုင်သော အသေးစား လယ်ယာမြေပိုင်ဆိုင်သူများ (Small Scale Landowner) များဖြစ်သည်။
ထိုညီအစ်ကိုနှစ်ယောက် လူသားစားမှုပေါ်ပေါက်လာရခြင်းမှာ အသက် ၂၄ နှစ်အရွယ်ရှိ ကင်ဆာရောဂါဖြင့် သေဆုံးသွားသော အမျိုးသမီးတစ်ဦး၏ အလောင်းမြှုပ်နှံထားသော ဂူတွင် ခြေရာလက်ရာ ပျက်နေသည်အား မိသားစုများက သတိထားမိရာမှ စတင်ခဲ့သည်။ အလောင်းရှိမရှိ သေချာရန် ဂူအား ပြန်လည် တူးဖော်သောအခါ အလောင်းမရှိတော့သဖြင့် ရဲအား တိုင်ကြားခဲ့သည်။
ရဲများက ထိုသူများမည်သည့်အကြောင်းကြောင့် လူသားစားဖြစ်သွားရသည်အား ရှင်းလင်း စွာထုတ်ဖော်ပြောကြားခြင်း မရှိပါ။ ထိုသူနှစ်ယောက်သည် ကာယနှင့် ဥာဏ နှစ်ပိုင်းစလုံးတွင် သာမန်ဖြစ်ပုံပေါ်သော်လည်း သူတို့၏ အတူနေသော နှမတစ်ယောက်မှာ စိတ်မမှန်ပုံ ရသည်ဟု ပြောသည်။ မောင်နှမသုံးယောက်သည် အခြားလူများနှင့် မနီးသောအိမ်တွင်နေကြသည်။
ညီအစ်ကိုနှစ်ယောက်က လူသားမစားမီ ခွေးများအား ဖမ်းဆီးစားသောက်ခဲ့ကြောင်း ဝန်ခံသည်။
ပတ်ဝန်းကျင်ရှိ လူများသည် လူသားစားသည့်သတင်းကြောင့် တုန်လှုပ်သွားကြ ရသည်။
သူတို့လုံးဝ မထင်မှတ်သော ကိစ္စဖြစ်သည်ဟု ပြောကြသည်။
No comments:
Post a Comment