... ကျွန်တော်တို့ အနေနဲ့ ဒီလိုပြုပြင်ပြောင်းလဲရေး လုပ်ငန်းတွေကို ဆောင်ရွက်ရာမှာ သမ္မတကြီး မိန့်ကြားခဲ့တဲ့အတိုင်း ရှင်းလင်းမြင်သာမှု၊ ရိုးဖြောင့်မှန်ကန်မှုတို့နဲ့ အားလုံးပါဝင်နိုင်အောင် လက်ကမ်းဖိတ်ခေါ်လျက်ရှိပါတယ်။ ကျွန်တော်တို့ အကြံပေးအဖွဲ့ဆိုရင်လည်း မကြာခင်က အင်ဒိုနီးရှားမှာ အာဆီယံပြည်သူ့ဖိုရမ်ကို တက်ရောက်ခဲ့ပြီး နယ်စပ်ကလာတဲ့ သဘောထားဆန့်ကျင်သူ မြန်မာအုပ်စုတွေနဲ့လည်း တွေ့ဆုံခဲ့ပါတယ်။ သူတို့ကိုမြန်မာနိုင်ငံမှာ အမှန်တကယ် ပြုပြင်ပြောင်းလဲမှုတွေ စတင်နေပြီဆိုတဲ့ သတင်းအချက်အလက်တွေကိုလည်း
ပေးခဲ့ပါတယ်။ ပြည်တွင်းမှာရှိတဲ့ သဘောထားဆန့် ကျင်သူတွေကိုတော့ အထူးပြောစရာမလိုတော့ပါဘူး ...
... နိုင်ငံရေးအကျဉ်းသားကိစ္စနဲ့ ပတ်သက်ပြီး ကျွန်တော်တို့ရဲ့ တရားဝင်ရပ်တည်မှုအရ နိုင်ငံရေးအကျဉ်းသား ဆိုတာ မရှိပါဘူး။ အရေးပေါ်စီမံရေး အက်ဥပဒေဆိုတာက ကျွန်တော်တို့သာမက ဗြိတိသျှဥပဒေကို ဆက်ခံတဲ့ မလေးရှား၊ စင်ကာပူနိုင်ငံတို့မှာလည်း ရှိပြီးသားဖြစ်ပါတယ် ...
... လွတ်ငြိမ်းချမ်းသာခွင့်ကိစ္စဟာ သမ္မတရဲ့ ဥပဒေလုပ်ပိုင်ခွင့် အာဏာအတွင်းမှာပဲ ရှိပါတယ်။ သင့်လျော်တယ်လို့ သမ္မတကြီးက ယူဆတဲ့အချိန်ကျရင် ဒီကိစ္စကို ကိုင်တွယ်ဖြေရှင်းဖွယ်ရှိပါတယ်။ ကျွန်တော်တို့နိုင်ငံမှာ နိုင်ငံရေး ပြုပြင်ပြောင်းလဲမှုကို စတင်ပြုလုပ်ကာစဖြစ်တဲ့အတွက် တည်ငြိမ်မှု အထူးလိုအပ်နေသေးတာကို လူကြီးမင်းတို့ အသိပဲဖြစ်ပါတယ်။ ...
... Friends of Myanmar ကိစ္စနှင့်ပတ်သက်ပြီး အနောက်နိုင်ငံကြီးတွေက Friends of Burma လို့  ဒီဆွေးနွေးပွဲကို အမည်တပ်ခေါ်ဝေါ်နေဆဲဖြစ်ပါတယ်။ ဆွေးနွေးပွဲဆိုတာ အပြန်အလှန် ယုံကြည်မှုရှိမှ အောင်မြင်နိုင်မှာ ဖြစ်ပါတယ်။ နာမည် အခေါ်အဝေါ်လေးတခုကိုတောင် လိုက်လျောဖို့ ခက်နေတဲ့နိုင်ငံတွေနဲ့ တွေ့ဆုံဆွေးနွေးဖို့ မြန်မာအစိုးရဘက်က နှောင့်နှေးတွန့် ဆုတ်နေတာ မဆန်းလှပါဘူး။ ဒီကိစ္စက မြန်မာနိုင်ငံခြားရေးဝန်ကြီးနဲ့သာ တိုက်ရိုက်သက်ဆိုင်ပေမယ့် ကျွန်တော့်အနေနဲ့  ပုဂ္ဂိုလ်တစ်ဦးချင်းရဲ့ ပုဂ္ဂလိကအမြင်နဲ့ တင်ပြရရင် အောင်မြင်တဲ့ တွေ့ဆုံဆွေးနွေးမှု ဖြစ်ပေါ်ရေးက နှစ်ဦးနှစ်ဘက် စိတ်အေးချမ်းသာ သက်တောင့်သက်သာ လက်ခံနိုင်မယ့် အခြေအနေ ပတ်ဝန်းကျင်တစ်ရပ်ကို ဖန်တီးပေးနိုင်ဖို့ အရေးကြီးမယ်ထင်ပါတယ် ...
ဦးကိုကိုလှိုင်
နိုင်ငံရေးအကြံပေးအဖွဲ့ ခေါင်းဆောင်
The Flower News, Vol 7, NO. 18, မေလ ၁၇ ရက်၊ ၂၀၁၁ မှ ကောက်နုတ်ဖော်ပြသည်။ ကုလ အထူးကိုယ်စားလှယ် ဗီဂျေ နမ်ဘီးယား သို့ ဦးကိုကိုလှိုင်၏ ပြောကြားချက်ဖြစ်ပါသည်။
No comments:
Post a Comment