ကလောမြို့ ပလောင်ရွာများတွင် လေမုန်းတိုင်းတိုက်၍ လူ (၅၀) ကျော်သေဆုံး

၂ ရက် မေ ၂၀၁၃ ခုနှစ်

မေ ၁ ရက်နေ့ ညပိုင်း ၁၁ နာရီတွင် ရှမ်းပြည်တောင်ပိုင်း ကလောမြို့နယ် ညောင်ကုန်းရွာ (ပလောင်ရွာ) တွင် လေမုန်းတိုင်း နှင့် အတူ မိုးပြင်းထန်စွာရွာချသောကြောင့် လူနေအိမ် (၄၇) လုံးပျက်စီးပြီး တောင်ပါတ်ရွာတွင်လည်း အနည်းဆုံး (၅၀) ဦးခန့် အသက်ဆုံးရှုံးပြီး၊ ရွာသား (၇၀)ကျော်ခန့် ဒဏ်ရာရရှိသွားကြောင်း သတင်းရရှိပါသည်။

''ည လူတွေအိပ်ချိန်မှာ ဖြစ်တာဆိုတော့ ကျတော်တို့လန့်ကုန်ပြီးတော့ ကြောက်နေခဲ့တာ အသံမျိုးစုံပဲကြား ရတယ် ဘာတွေဖြစ်သွားမှန်းမသိလိုက်ဘူး၊ မိုးလင်းတော့သိလိုက်ရတာက အိမ်တွေလည်းပျက်စီး တချို့အိမ်များဆို သွပ်မိုးအကုန်ပျောက်ကုန်တော့တာ ရှာလို့တောင်မရတော့ဘူး'' ညောင်ကုန်းရွာသားတစ်ဦးမှ ပြောဆိုသည်။

သေဆုံးသွားသော ၅၀-ဦးခန့်တွင် အများစုမှာ တောင်ပါတ်ရွာတွင် ရွှေတူးရန်လာကြသည့် အခြားအရပ်က ရွှေလုပ်သားများဖြစ်ကြောင်းလည်း ရွာသားတစ်ဉ်ီးမှ အတည်ပြုပြောဆိုပါသည်။

ယင်းကိစ္စနှင့်ပါတ်သက်ပြီး ကလောမြို့နယ် မြို့နယ်အုပ်ချုပ်ရေးအဖွဲ့မှ ယနေ့နံနက်ပိုင်းတွင် လာရောက်လေ့လာပြီး ဓါတ်ပုံမှတ်တမ်းများ ရယူသွားကြောင်းနှင့် အကူအညီပေးရေးကိစ္စကိုမူ တစ်စုံတစ်ရာ ပြုလုပ်ပေးမည်ဟုပြော ဆိုခြင်း မရှိကြောင်းလည်း သိရသည်။
--------------------------

သတင်းနှင့်လူ့အခွင့်အရေးမှတ်တမ်းဌာန
တအာင်းကျောင်းသားနှင့်လူငယ်များအစည်းအရုံး

မှတ်ချက်။ ။ဤသတင်းနှင့်ပါတ်သတ်ပြီး မေးမြန်းစုံစမ်းလိုပါက 09-493 6505/ ကလောမြို့ညောင်ကုန်းရွာ ဦးကူးဆွေး ထံနှင့် 09-49609602 မအောင်ငဲထံသို့လည်းကောင်းမေးမြန်းစုံစမ်းနိုင်ပါသည်။