ဗိုက်ဆာလို့ လွယ်လွယ်ကူကူတွေ့ရာကို ခိုးယူမိသူတစ်ယောက်အား ၀ိုင်းရိုက်လို့ အသက်ပါပေးလိုက်ရတဲ့ မန္တလေးက

အဖြစ်အပျက်မှန်ပါ။ သူငယ်ချင်းကမေလ်းထဲက ပို့လာပေးတာ။ဝမ်းနည်းမိပါတယ် မစာနာတက်တဲ့ စိတ်ဓါတ်တွေပေါ့....

အချိန်က ညဦးပိုင်းအချိန်ပါ။ မတ်လ ၂၃ရက်နေ့ကပေါ့ ၊ မန္တလေးမြို့ ၂၆ ဘီလမ်း၊ အနောက်ဖက်ပိုင်၊ အမှတ်(၆)ရဲစခန်းပိုင်နယ်မြေအတွင်းမှာပါ။ သင်္ဂဇာချောင်းအရှေ့ဖက်ပိုင်းနဲ့ ပုလိုင်းရပ်ကွက်အ၀င်လမ်းတို့အကြားလို့ပြောလို့ရသလို ရွှေလောင်းရပ်ကွက်ထိပ်ကထွက်တော့ ၂၆လမ်းရဲ့တောင်ဖက်“------------” စတိုးဆိုင်မှာဖြစ်ခဲ့တဲ့ရင်နင့်ဖွယ်ရာဖြစ်ရပ်တစ်ခုပါ။အဲဒီဖြစ်ရပ်ကြောင့်မြန်မာပြည်မှာ တရားဥပဒေရဲ့အခန်းကဏ္ဍကအရေးမပါတော့သလိုလို။ဖြစ်ရပ်ကဒီလိုပါ။

အသက် ၄၅နှစ်နဲ့အသက် ၅၀ကြားဆိုပေမယ့် အစာရေစာငတ်ပြတ်နေတဲ့ဘ၀ဆိုတော့ လက်ရှိအသက်ထက်အိုစာတယ်ထင်ရတဲ့ အမျိုးသားကြီးတစ်ဦးက ၂၆ ဘီလမ်း၊တောင်ဖက်လမ်းမှာ အရှေ့ကနေ အနောက်သို့ လမ်းလျှောက်လာပါတယ်။ အဲဒီလိုသွားရင်း(------) စတိုးဆိုင်ရဲ့ လမ်းကျကျနေရာမှတော့ (ယခုခေတ်အခေါ်လူကြီးကပ်ခြင်း)ကန်တော့ခြင်းတွေကိုတွေ့ပါသတဲ့။ဆိုင်ဝန်ထမ်းတွေဈေးဝယ်တွေနဲ့ရှုပ်နေ တာမို့အဲဒီခြင်းတွေကိုဆိုင်ဝန်ထမ်းတွေက ဂရုမထားမိကြပါဖူး။ဒီလိုနဲ့ အစာရေစာမစားရတာကြာပြီဖြစ်တဲ့အမျိုးသားကြီးဟာ အဲဒီခြင်းကို ဆွဲယူပြီး စတိုးဆိုင်ကိုကျော်ဖြတ်ပြီးအနောက်ယွန်းယွန်းထိသယ်ယူသွာတာကို ဆိုင်ရှင်ရောဝန်ထမ်းတွေပါမသိလိုက်ဖူးတဲ့။

ဒါပေမယ့်အမျိုးသားကြီးကံဆိုးတာက စတိုးဆိုင်ရဲ့ ၃၊၄ အိမ်ကျော်လောက်မှာအဲဒီစတိုးဆိုင်ပိုင်ရှင်ရဲ့ အဖေက လမ်းဖက်ကိုထွက်ထိုင်ကာ သူ့သမီးဆိုင်ကိုအမြဲကြည့်နေတတ်တာပါ။ ဒီလိုနဲ့ အမျိုးသားကြီးနဲ့ စတိုးဆိုင်ပိုင်ရှင်ရဲ့အဖေတွေ့ကြတာပေါ့။ဆိုင်ရှင်ရဲ့အဖေက “ခင်ဗျားအဲဒါခိုးလာတာမဟုတ်လား”လို့မေးလိုက်ရော အမျိုးသားကြီးက ကြောက်ကြောက်ကန်ကန်နဲ့ ယူလာတဲ့ပစ္စည်းကိုသင်္ဂဇာချောင်းထဲလွင့်ပစ်လိုက်တယ်။ အဲဒီနောက်မှာဆိုင်ရှင်ရဲ့အဖေက အမျိုးသားကြီးကို ကြိုးနဲ့ချီတုပ်ပြီး တရစပ် တုတ်ကြီးနဲ့ လွှဲလွှဲပြီးရိုက်တော့တာပဲ။ အမျိုးသားကြီးက “ကျွန်တော်ဗိုက်ဆာလို့ လုပ်မိလုပ်ရာလုပ်မိတာပါ။ကျွန်တော်သူခိုးမဟုတ်ရပါဘူး။ခွင့်လွတ်ပေးပါ”လို့တောင်းပန်တယ်။ လမ်းမကြီးပေါ်မှာရပ်ကြည့်နေတဲ့သူတွေက ပြည့်နေပေမယ့် ဘယ်သူမှမပြောရဲကြဘူးလေ။တကယ့်ရှေးခေတ်က အိန္ဒိယရုပ်ရှင်ဇာတ်ကားထဲက ညှင်းပန်းနှိပ်စက်နေတဲ့ဇာတ်ဝင်ခန်းတစ်ခန်းလိုပါပဲ။


စတိုးဆိုင်ရှင်ရဲ့အဖေ ကဦး-----------တဲ့။ သူက အဲဒီနယ်က မီးသတ်တပ်ဖွဲ့ထဲမှာလည်းပါသလို ဆိုင်ရာလူကြီးတွေကိုလည်း ခါးပိုက်ထဲထည့်ထားတဲ့သူလို့ အဲဒီနယ်ကသတ်မှတ်ထားတဲ့သူပါ။ သူကလက်ကုန်လွှဲပြီးအားပါးတရရိုက်နေတာကို ဘေးကကြည့်နေတဲ့သူတွေရော ဆိုင်ဝန်ထမ်းတွေကပါ မလုပ်ပါနဲ့သေသွားပါလိမ့်မယ်လို့ပြောတော့ အဲဒီဆိုင်ရှင်ရဲ့အဖေက “သူတို့ပါဓာတ်ပုံရိုက်ထားကြစမ်း၊အလိုတူအလိုပါတွေဖြစ်မယ်၊ဆွဲစိတဲ့အထဲပါသွားမယ်”လို့ပြောသတဲ့။ ဒီလိုနဲ့ပတ်ဝန်းကျင်ကလည်းမပြောဝံ့ပဲငြိမ်ကျသွားတာပေါ့။

သူကတော့ဘေးကိုပြောရင်းအရိုက်မပျက်ဘူး။အဲ . . .နောက်တော့ အောက်က အရိုက်ခံနေရတဲ့အမျိုးသားကြီးငြိမ်ကျသွားတော့မှ အမှတ်(၆)ရဲစခန်းကိုဖုန်းဆက်ပြီး“ဒီမှာသူခိုးမိထားလို့ဆုံးမထားတယ်”ဆိုပြီးရဲကိုတိုင်ချက်ဖွင့်တယ်။တဆက်ထဲသူကလည်း “နိဗ္ဗာန်သုခ” နာမှုကူညီရေးအသင်းကကားကိုသူကိုယ်တိုင်သွားယူတယ်။ဒီလိုနဲ့ အမှတ်(၆)ရဲစခန်းကရောက်လာတော့ လဲနေတဲ့အမျိုးသားကြီးကို ဆွဲထူပြီး မျက်နှာကိုလက်သီးနဲ့တစ်မျိုး တုတ်နဲ့ တစ်ဖုံ ထပ်ဆုံးမကြတယ်။

“ကျွန်တော်တို့တော့ ဒီမြင်ကွင်းကိုကြည့်ပြီးမျက်ရည်တောင်ကျမိတယ်။တကယ်စိတ်မကောင်းပါဘူး”လို့ဘေးနားကရပ်ကြည့်နေတဲ့ ကောင်လေးတစ်ယောက်ကမျက်ရည်ဝဲပြီးပြောပါတယ်။

“ကျွန်မကတော အားမတန်လို့ မာန်လျော့နေရတာ၊စိတ်ထဲမှာတော့မကျေနပ်ဘူး”လို့ အမျိုးသမီးတစ်ဦးကလာကြည့်ရင်းပြောပါတယ်။

နောက်ဆက်တွဲအနေနဲ့ကတော့ မတ်လ၂၄ ရက်နေ့မှာ ခြင်းခိုးယူမိလို့ အရိုက်ခံခဲ့ရတဲ့အမျိုးသားကြီးလည်းမန္တလေးအထွေထွေရောဂါကုပြည်သူ့ဆေးရုံကြီးမှာဆုံးသွားပါတယ်။

တကယ်တော့ ကန်တော့ခြင်းတစ်ခြင်းဟာမြန်မာငွေနဲ့ ရှစ်ထောင်ကျပ်၊တစ်သောင်းကျပ်ဝန်ကျင်တန်ဖိုးလောက်သာရှိတဲ့ တန်ဖိုးနည်းကန်တော့ခြင်းလေးတွေပါ။ အဲဒီခြင်းကိုခိုးယူမိတဲ့ အမျိုးသားကြီးက“၀ဋ်ကြွး”လို့ဆိုရလေမလား။

တရားဥပဒေမှာခိုးသူကိုသတ်ရမည်လို့မပါသော်ငြားသူတို့ကသူ့ကိုသတ်ခဲ့လေပြီ။

သတ်သူတို့က ဆုံးမသည်ဟုပဲဆိုကြသော်ငြား ဥပဒေကိုလက်တစ်လုံးကြားဘယ်လိုစခန်းသွားဦးမည်မသိ။ တစ်ဖက်ကအသက်ပေးခဲ့ရသူက မထင်မရှားအညတရ တစ်ယောက်ဖြစ်သော်ငြား“လူတစ်ဦးတစ်ယောက်”ဟု စာနာမိ၊ကိုယ်ချင်းစာမိ၊မြင်မိပါက ရင်နင့်ဖွယ်ရာဖြစ်ရပ်တစ်ခုပင်မဟုတ်ပါလား။