ဒုက္ခသည်များ ဆိုင်ရာ မဟာမင်းကြီးရုံး (UNHCR) ကနေ မလေးရှား အစိုးရရဲ့ အဆင့် (၆) ဆင့် စီမံကိန်းမှာ ပါဝင် ဆောင်ရွက်သွားမှာ မဟုတ်တဲ့အပြင် (UNHCR) ကဒ် ကိုင်ဆောင်ထားသူတွေ အနေနဲ့ (UNHCR) နဲ့ ဆက်သွယ်မှုပြုလုပ်ကြဖို့နဲ့ တရားဝင်ဖြစ်အောင် ဆောင်ရွက်ပေးနေကြတဲ့ အေဂျင့်တွေ၊ ကုမ္ပဏီတွေကို အလုပ်လုပ်ခွင့် တရားဝင် ရရှိရေးနဲ့ လွတ်လပ်စွာ သွားလာနေ ထိုင်နိုင်ဖို့ စတာတွေ အတွက် ပိုက်ဆံပေးစရာ မလိုတဲ့အပြင် အဆင့် (၆) ဆင့် စီမံကိန်းထဲမှာ ပါဝင် ဆောင်ရွက်ရန် မလိုဘူးလို့ ဒုက္ခသည်များ ဆိုင်ရာ မဟာမင်းကြီးရုံး (UNHCR) က ဒီကနေ့မှာ ထုတ်ပြန် ကြေညာလိုက်ပါတယ်။
မလေးရှားနိုင်ငံကို ရောက်ရှိနေကြတဲ့ တရားမဝင် နိုင်ငံခြားသား အလုပ်သမားတွေ အပေါ် အစိုးရရဲ့ မှတ်ပုံတင်ခြင်း၊ တရားဝင်အဖြစ် လုပ်ဆောင်ခြင်း၊ လွတ်ငြိမ်းချမ်းသာခွင့် စီစဉ်ခြင်း၊ စစ်ဆေးမှုများ ပြုလုပ်ခြင်း၊ အရေးယူခြင်းနှင့် နယ်နှင်ဒဏ်ပေးခြင်း စသည့်အဆင့် ၆ ဆင့်ကို အကောင်အထည်ဖော် ဆောင်ရွက်နေရာမှာ ဒုက္ခသည်တွေလည်း အကျူံးဝင်တယ်လို့ ဝန်ကြီးချူပ် နာဂျစ်က တရားဝင် ပြောဆိုထားပါတယ်။
အခုလိုမျိုး တရားဝင်နေထိုင်ခွင့် ရရှိဖို့အတွက် မလေးရှား ရင်းဂစ် ၃၀၀၀ မှ ၅၀၀၀ (မြန်မာငွေ ကျပ် ၇ သိန်းခွဲမှ ၁၃ သိန်း) ကြား ကုန်ကျမှာ ဖြစ်တယ်လို့ မဟာနန်း လုပ်ငန်းစုက ပြောပါတယ်။
ဒုက္ခသည်များဆိုင်ရာ မဟာမင်းကြီးရုံးကနေ အခုလို ထုတ်ပြန်ကြေညာလိုက်တဲ့အတွက်ကြောင့် မလေးရှားမှာ တရားမ၀င်ရောက်ရှိနေကြတဲ့ သိန်းနဲ့ချီတဲ့ မြန်မာတွေဟာ အများစုက ဒုက္ခသည်တွေ ဖြစ်တာကြောင့် မလေးရှား အစိုးရရဲ့ အဆင့် (၆) ဆင့်ပါ စီမံကိန်းဟာ သိပ်ပြီးတော့ ထိရောက်ဖွယ် မရှိဘူးလို့ အေဂျင့်တွေက ပြောပါတယ်။
အစောပိုင်း ကာလတွေက မလေးရှားနိုင်ငံမှာ တရားဝင် အလုပ်လုပ်ခွင့် ပါမစ် မရှိရင် အလုပ်ရှင်တွေက လက်မခံတော့ဘူး ဆိုပြီးတော့ သတင်းထွက်ပေါ်နေတာတွေ ရှိခဲ့ပါသေးပေမယ့် (UNHCR) က ခုလို ထုတ်ပြန် လိုက်တဲ့အတွက်ကြောင့် စိုးရိမ်ပူပန်မှု မရှိတော့ဘူးလို့ ဒုက္ခသည်တွေက ပြောဆိုနေကြပါတယ်။
MKO မှ ထုတ်ပြန်ကြေငြာချက်
၁။ MKO အဖွဲ့အစည်းသည် UNHCR လက်အောက်ခံအဖွဲ့အစည်းဖြစ်သည်နှင့်အညီ လုပ်ငန်းဆောင်တာများနှင့် ဒုက္ခသည်အရေးကို ကိုင်တွယ်ဖြေရှင်းရာတွင် UNHCR ၏ စည်းမျဉ်းဥပဒေအောက်မှာသာ ဆောင်ရွက်မည်ဖြစ်သည်။
၂။ မလေးရှားအစိုးရနှင့် တိုက်ရိုက်ညှိနှိုင်းဆွေးနွေးမှု ပြီးစီးသော UNHCR သည် အဖွဲ့ အစည်းအသီးသီးနှင့်ပူးပေါင်းပြီး ဒုက္ခသည်များ ရင်ဆိုင်ကြုံတွေ့နေရသော အခက်အခဲ ပြသနာများဖြစ်သည့် အလုပ်လက်မဲ့ပြသနာ၊ ထောင်ကိစ္စများ နှင့်စပ်လျဉ်း၍ UN ကဒ် ရှိသည်ဖြစ်စေ၊ မရှိသည်ဖြစ်စေ တာဝန်ယူ ဖြေရှင်းသွားမည်ဖြစ်သည်။
၃။ ဒုက္ခသည်တစ်ဦးသည် ရွှေ့ပြောင်းအလုပ်သမားနှင့် ဒုက္ခသည်သဘောတရားကို သိရှိနားလည်ရမည်ဖြစ်ပြီး ကုမ္ပဏီတစ်ခုခုဖြစ်စေ၊ အေဂျင်စီတစ်ခုခုဖြစ်စေ၊ အလုပ်ရှင်မှ ဖြစ်စေ တရားဝင်အလုပ်လုပ်ခွင့်ပါမစ်လုပ်ရန် တိုက်တွန်းလာပါက ငြင်းပယ် ရမည်ဖြစ် သည်။ ထိုသို့မဟုတ်ပဲ လက်ခံမိပါက ဒုက္ခသည်အဖြစ် အသိအမှတ်ပြုခံရခြင်းကို UNHCR က ပြန်လည်ရုတ်သိမ်းနိုင်ပြီး တတိယနိုင်ငံသို့ ထွက်ခွါမည့်အစီအစဉ်လည်း ပျက်ပြယ်သွားမည်ဖြစ်သည်။
၎။ တရားမ၀င် အလုပ်သမားများကို တရားဝင်ဖြစ်အောင် လုပ်ဆောင်မည့်အရေးနှင့်
ပတ်သက်သော သတင်းအချက်အလက်အသေးစိတ်ကို MKO အတွင်းရေးမှူးထံတွင်
(စောဒန်းနစ် ၀၁၉- ၇၇၇ ၈၃၀၃) ဆက်သွယ်မေးမြန်းနိုင်ပါသည်။
No comments:
Post a Comment