ဦးသိန်းစိန် လာရန်ရှိသဖြင့် အာနန္ဒာဘုရား ရှိ ဆိုင်ခန်းများ ပိတ်ခိုင်းထား

THURSDAY, JUNE 7, 2012 အဂ္ဂမဟာ ဒီမိုဖက်တီး ==================================== နိုင်ငံတော်သမတ လာရောက်ရန်ရှိသဖြင့် ပုဂံဒေသ အာနန္ဒာဘုရား အနီးရှိဆိုင်ခန်းများအား သက်ဆိုင်ရာက သုံးရက် ပိတ်ခိုင်းထားကြောင်း ပုဂံဒေသခံများကပြောသည်။ “ ဒီနေ့ (ဇွန်လ ၇ ရက် ) က စပိတ်ရတာ သုံးရက်ပိတ်ခိုင်းတယ်။ သမတ လာလို့ ဆိုင်ပိတ်ရတယ် ဆိုတာ သမတကြီးကို မေးလိုက်ချင်တယ် ဆင်းရဲ မွဲတေမူ ပပြောက်ရေးလားလို့ ” အဆိုပါဘုရားအနီး ဆိုင်ဖွင့်ထားသူတစ်ဦး က ပြောသည်။ သမတဦးသိန်းစိန်သည် ပခုက္ကူတံတားဖွင့်လှစ်ရန်အတွက် ဇွန်လ ၉ရက်နေ့  တွင်ပုဂံဒေသ သို့ လာရောက်ရန်ရှိကြောင်း အာဏာပိုင်နှင့်နီးစပ်သူများက ပြောသည်။ “ ဒီလုပ်ရန်ကြောင့် ပြုပြင်ပြောင်းလဲရေးလုပ်နေတဲ့ သမတကို ပြည်သူတွေ မညိုညင်စေချင်ဘူး။ ဒီလို လူကြီးလာမှ အလုပ်လုပ်ပြတဲ့ ခေတ်တွေလည်း ကုန်သင့်ပါပြီ ”ဟု ပုဂံဒေသခံ ခရီးသွားလုပ်ငန်း လုပ်ကိုင်နေသူတစ်ဦးက မှတ်ချက်ပြုသည်။