၂% နှင့် သိန်းစိန်၏ဆေးမီးတိုများ

ကာတွန်းဘီရုမာ - ရွှေပြည်ဂျီး နီးအောင်လှမ်း (ကာတွန်းကို မိုးမခ မှပြန်လည်ကူးယူဖေါ်ပြသည်)

၁၉၈၈ အရေးခင်းစခါစ သမ္မတရာထူးတာဝန်ရခဲ့သော ဒေါက်တာမောင်မောင် ၏မိသားစုဝင်တချို့ ရာထူးနှင့် တာဝန်တွေတွက် သောကပူပန်လျက် မျက်ရည်ကျခဲ့ပါသည်။ သမ္မတသိန်းစိန်၏ မိသားစုများကမူ မျက်ရည် ကျဖို့ဝေးစွ ၀မ်းပန်းတသာဖြင့် ရွှေအိမ်မက်များ မက်လျက် ရည်မှန်းချက်ကိုယ်စီ ချမှတ်လိုက်ပါပြီ။ အဘယ် ကြောင့် ဆိုသော သိန်းစိန်၏မူတမျိုး၊ သူကိုယ်တိုင် လာဒ်မစား၊ သူ့ကိုဖားရန် ပေးကမ်းစရာမလို။ သို့သော် သူ့ကတော် နှင့် သားသမီးများက အပေးအကမ်းကို လက်ခံ၏။ သူကသားသမီးများကိုလည်းမှာထားသည် “ငါ့ကိုလာမပြောနဲ့ လာမတောင်းနဲ့၊ နင်တို့နည်းလမ်းရှာပြီး ကိုယ့်ဟာကိုရှာလုပ်” ။ သားသမီးကလည်း ပါးနပ် သည် ၀န်းကြီးချုပ်၏ သားသမီးဆိုတော့ ကျန်တဲ့ဝန်းကြီးဌာနတွေက လိုချင်တဲ့ ပါမစ် တွေကို အကုန်ချပေး ၏။

မေလ ၂၀၀၈ နာဂစ်ဆိုင်ကလုန်း ဧရာဝတီတိုင်း မြစ်ဝကျွန်းပေါ် ကိုဝင်ရောက်စဉ်က လူပေါင်း နှစ်သိန်း ကျော်သေပြီး သန်းချီပြီးအိုးမဲ့အိမ်မဲ့ ဖြစ်ဒုက္ခရောက်ခဲ့ပါသည်။ နိုင်ငံတကာမှ ပေးလှုသော ကယ်ဆယ်ရေး ပစ္စည်း များဖြင့် သိန်းစိန်သွားရောက်ခဲ့ပါသည်။ တ၀တ ရုံးတွင် ၀န်ကြီးချုပ်သိန်းစိန်၏ မိန့်ခွန်းကြောင့် တာဝန်ရှိသူ များအားလုံး အလုပ်ရှုပ်သွားပါသည်။ သူမိန့်ခွန်းမှာ-

“ ကျွန်တော်တော့ ပေးစရာရှိတာပေးပြီးပြီ၊ ခင်ဗျားတို့လည်းရအောင်ယူ”

အစည်းအဝေးပြီးသည်နှင့် တာဝန်ရှိသူများ လော်ရီကားများဖြင့် အလှုပစ္စည်းများကို ၀ိုင်းကျုံးတော့၏။ မအူပင် တွင် အလှုပစ္စည်းများ လုံးဝမရ။ ဘိုကလေးမှ မ၀တ ဥက္ကဌ ဦးစိုးသိန်း နှင့် ဇနီးဒေါ်ကြည်ကြည်မာ သည် နာဂစ်မတိုင်ခင်ကတည်းကချမ်းသာသော်လည်း နာဂစ်ပြီးနောက်ပိုင်း ပိုမိုချမ်းသာသွားပါသည်။ သူတို့ သိမ်းကြုံးရယူထားသော ကယ်ဆယ်ရေးပစ္စည်းများ ဂိုဒေါင်မဆံ့သဖြင့် ဖုန်ကြီးကျောင်းနှင့် မိခင် ခလေး စောင့်ရှောက်ရေးတွင်သွားသိမ်းထားပါသည်။ ရက်ပိုင်းအတွင်း သွပ်ပြားများ ရောင်းပြီး ချမ်းသာသွား၏။ နဂို ကတည်းက စီးနေသော ဆန်နီပစ်ကပ်ကား ကိုဂရုမစိုက်တော့။

ဒါတွေဟာ တိုင်းပြည်ကိုချစ်ပါတယ်ဆိုတဲ့ ယခုလက်ရှိ သမ္မတ သိန်းစိန်၏ စေတနာရင်းများဖြစ်ပါသည်။

၂၀၁၀ ရွေးကောက်ပွဲတွက် သေချာပေါက်နိုင်ရေး ကို ဒေါင့်ပေါင်းစုံမှစိတ်ကြိုက်ပြင်ဆင်၏။ ၁၉၉၀ လိုအဖြစ် မခံနိုင်တော့။ ကြောင်းအမျိုးမျိုးကြောင့် ၂၀၁၀ မှာ ရှုံးခဲ့သည့်တိုင်အောင် ၀မ်းရေးတွက်မပူရလေအောင် သူ တကျုံးငါတစ်ပိုက် ၀ိုင်းဖဲ့ခဲ့သည့်ဒဏ်ကို ယခုသမ္မတသိန်းစိန် ခံနေရပါသည်။ သူခံရသည်မှာ ခေါင်းခဲရုံသာ ရှိပြီး တကယ်နစ်နာနေသည်မှာ ပြည်သူပြည်သားများဖြစ်ပါသည်။ အစိုးရသစ်တက်ခါစ နိုင်ငံတော်ဘတ် ဂျက် ငွေမလုံလောက်ခြင်းနှင့် စတင်ခဲ့သလို နိုင်ငံရေးပြသာနာများ တစ်ပုံတစ်ပင် စောင့်ကြိုနေပါသည်။ သမ္မတသစ်၏ ပထမဆုံး ပြည်ပခရီးစဉ်သည် တရုတ်နိုင်ငံဖြစ်လာ၏။ တရုတ်နိုင်ငံ ကိုအရင်ဆုံးပြေးကပ်သ ဖြင့် တရုတ်ကလည်း နည်းနည်းပိုပေးလိုက်၏။ ဂက်စ်ပိုက်လိုင်း၊ ရေအားလျှပ်စစ်စီမံကိန်း ခေါင်းစဉ်အောက် တွင် ဒေါ်လာသန်းပေါင်း ၅၇၀ ရခဲ့၏။ ထို့နောက် ကချင်ဒေသကို စစ်ရေးမြှင့်တင်လိုက်၏။ သို့သော် စစ်ရေး အခြေအနေမကောင်းသဖြင့် တဖက်လှည့်ပြီး ငြိမ်းချမ်းရေးခေါင်းစဉ်ဖြင့် ကစားပြန်၏။ မကစားလို့လဲ မရ။ ၂၀၁၁ ဖေဖေါ်ဝါရီလ တွင် တိုင်းရင်းသားလက်နက်ကိုင် ၁၅ ဖွဲ့စုစည်းပြီး United Nationalities Federal Council တိုင်းရင်းသားလူမျိုးများဖယ်ဒရယ်ကောင်စီ ကိုဖွဲ့ခဲ့သဖြင့် အစိုးရသစ်ကို ခြောက်ခြားစေခဲ့ပါသည်။ ကချင်ကို ငြိမ်းချမ်းရေး စကားပြောသောအခါ ကချင်ကလည်း UNFC မူအတိုင်း တိုင်းရင်းသားအားလုံး နှင့် ဆွေးနွေးမှလက်ခံမည်။ တစ်ဖွဲ့ခြင်းဆွေးနွေးခြင်းကို လက်မခံ။ တဖန် KNU ဆီသို့ ကိုယ်စားလှယ်လွှတ်ပြီး သွေးတိုးစမ်းသည်။ UNFC မူအတိုင်း တစ်သံထဲထွက်လာ၏။ စစ်အစိုးရ၏ အာဏာ ဆိုသော မာန်မာန ကို ထိခိုက်ခဲ့ပါပြီ။ DKBA ခွဲထွက် ဗိုလ်နှုတ်ခမ်းမွှေးကိုလည်းမတိုက်နိုင်၊ ကချင်စစ်မျက်နှာ မှာလည်းပြန်လန်ကျ၊ ရှမ်းပြည်မှာလဲ စစ်အစိုးရမှ အတုံးအရုံးကျ၊ စီးပွါးရေးကျဆင်းမှု့နှင့်အတူ နိုင်ငံတော် ဘတ်ဂျက်ငွေမလုံ လောက်ခြင်းကြောင့် တပ်ရင်းတပ်မ မှ ဖိအားပေးမှု့၊ ဗိုလ်ချုပ်များ နှင့် တပ်ရင်းတပ်မ တချို့တို့၏ အာဏာဖီ ဆန်မှု့များသည် သိန်းစိန်ကို များစွာခြိမ်းခြောက်နေသလို အာဏာရှင်သန်းရွှေ ကိုလည်း အကြပ်ရိုက်နေပါ သည်။

အာစီယံ အလှည့်ကျ ဥက္ကဌ ထိုင်ခုံရရှိရန် နိုင်ငံရေးဖိအားကို လမ်းကြောင်းလွှဲရန် သိန်းစိန်သည် ဆေးမှီးတို များဖြင့် အစွမ်းကုန်ကြိုးစားနေပါသည်။ အကျဉ်းသားလွှတ်ပေးခြင်း၊ ဒေါ်အောင်ဆန်းစုကြည် ကို နယ်သွား ခွင့်ပေးခြင်း၊ မီဒီယာတင်းကြပ်မှု့ကို အနည်းငယ်မသိမသာ လျှော့ပေးခြင်း၊ ထိုမှတဆင့် ပြည်ပရောက် အ တိုက်ခံများကို မြန်မာပြည်ပြန်လာရန် ဖိတ်ခေါ်ခြင်း နှင့် ၂% ဆိုသောအခွန်ငွေလျှော့ပေါ့ခြင်းများဖြင့် သမ္မတသိန်းစ်ိန် အကြီးအကျယ်ကြိုးစားနေပါသည်။ ဒီကြားထဲ အတွင်းပိုင်းအရှုတ်ထုတ်များကလည်း ရှိ၏။ လာဒ်စားမှု့ဖြင့် ဗိုလ်ချုပ်တစ်ချို့ကို ဖြုတ်လိုက်သော်လည်း ရတက်မအေး၊ အကျယ်ချုပ်ဖြင့်ဖမ်းထား သော ဗိုလ်ချုပ်များ၊ စားဝတ်နေရေးဖြေရှင်းပေးရန် တောင်းဆိုလာသော တပ်ရင်းတပ်မများ၊ မကျေနပ်ချက်များကို Online ပေါ်သို့တင်နေသော လေတပ်၏အသံများသည် သမ္မတသိန်းစိန်နှင့် အာဏာရှင်သန်းရွှေ ကို အကြီးအကျယ် ခြိမ်းခြောက်နေပါသည်။

ပြည်ပရောက်အတိုက်ခံများပြန်လာရန် ဖိတ်ခေါ်ခြင်းကို နားမယောင်တတ်ရန်လိုပါသည်။ သိန်းစိန်ပြောကြား ချက်တွင် အပြစ်များကို လုံးဝ ပလပ်ခြင်းမဟုတ်၊ “ တော်ရုံတန်ရုံအပြစ်များကို” ခွင့်လွှတ်ပါသည်ဟု ပြော ထားခြင်းဖြစ်သည်။ အာဏာ ရှင်အစိုးရတွင် အပြစ်မရှိသူများကို အပြစ်ရှိကြောင်းလုပ်တတ်ပြီး တရား စီရင်ရေးစနစ်သည် တရားခံကို တရားလိုဖြစ်သို့၎င်း၊ တရားလိုကို တရားခံသို့၎င်း လုတ်တတ်၏။ ကိုယ်မကြိုက်တော့သော သစ္စာခံ တပည့် များကို ကြိုက်တဲ့ပုဒ်မတပ်နိုင်သလို မည်သူ့ကိုမဆို အမြင်ကပ် ပုဒ်မ တပ်နိုင်၏။ ဤတရားရေးစနစ်နှင့် အာဏာရှင် အုပ်ချုပ်မှု့အောက်တွင် တော်ရုံတန်ရုံ ဆိုသော အပြစ်များဖြင့် မည်သူမှမလွှတ်ကင်းနိုင်ပါ။ သမ္မတသိန်းစိန်၏ ကမ်းလှမ်းမှု့ စစ်မှန်ခြင်းရှိမရှိ ကချင်၊ ရှမ်း၊ ကရင်၊ ကယားပြည်နယ်များတွင် အရပ်သား များကို နှိပ်စက်နေသည့် ပေတံဖြင့်တိုင်းလျှင် သိသာ စွာ မြင်ရပါသည်။

ငြိမ်းချမ်းရေးစကားဆိုသော ဆေးမှီးတို လည်းမစွမ်းတော့။ အဘယ်ကြောင့်ဆိုသော မြန်မာအစိုးရမှပေး သော ငြိမ်းချမ်းရေးကို လက်နက်ကိုင်အဖွဲ့ တချို့များ နှစ် ၂၀ လောက်လက်တွေ့ မြည်းစမ်းခဲ့သည့် အရသာ ကို ကောင်းစွာသဘောပေါက်ခဲ့ပြီ။ ထို့ပြင်လက်ရှိတွင်လည်း တိုင်းရင်းသားများပေါ်ထားရှိသည့် သဘော ထားပြောင်းလဲမှု့မရှိဘဲ လူ့အခွင့်ရေးချိုးဖေါက်ခြင်းများရှိနေပါသဖြင့် အစိုးရသစ်အနေဖြင့် အပြောင်းအလဲ နှင့် ငြိမ်းချမ်းရေးကို လိုလားကြောင်း နိုင်ငံတကာမှ အသိအမှတ်မပြုနိုင်သေးပါ။ ထို့ကြောင့် အာစီယံအ လှည့်ကျ ဥက္ကဌနေရာကို ဆေးမှီးတိုများနှင့် မရနိုင်ကြောင်း သမ္မတသိန်းစိန် ကိုပြောလိုပါသည်။

၂% ဆိုသောအခွန်လည်း အများစုစိတ်မ၀င်စား။ ယခု အစိုးရ၏ ဘတ်ဂျက်လိုငွေသည် ဘီလျံပေါင်း ၂၂၀၀ ရှိ၏ ( ၁ဘီလျံ = သန်းတစ်ထောင်)။ တိုင်းသူပြည်သားများမှ ၂% အစား စစ်ဗိုလ်ချုပ် တွေဆီမှ ၅၀% ပြန် တောင်းလျင် ဘဏ္ဍာရေးပြသာနာများပြေလည်မည်။ ကျဉ်းထဲကျပ်ထဲရောက်နေတဲ့ ဘဏ္ဍာရေးပြသာနာ ကို တိုင်းသူပြည်သားထံမှ လျော့ဈေးဖြင့် ၂% ပရိုမိုးရှင်းလုပ်ပြီး အခွန်တောင်းသော သမ္မတသိန်းစိန်၏ ဖြတ်ထိုး ဥာဏ်ကိုတော့ စိတ်ထဲမှာ အနည်းငယ်အသိမှတ်ပြုမိပါ၏။ အဘယ်ကြောင့်ဆိုသော ပရိုမိုးရှင်းကိုလည်းအ ခွင့်ကောင်းယူမည့် လုပ်ငန်းရှင်တစ်ချို့ရှိနိုင်သလို တစ်ချို့သောပြည်သူများလည်း စိတ်ဝင်စား၏။ ပြည်သူ များအခွန်ဆောင်နိုင်အောင် လျှော့ပေါ့ခြင်းကို ကျေးဇူးတင်ပါသည်။ တဖက်တွင်လည်း ပြည်သူများကိုဆွဲ ဆောင်ရန် အခွန်ရုံး နှင့် ပြည်ပရှိမြန်မာသံရုံးများ ၀န်ဆောင်မှု့မြှင့်တင်ရန် အများကြီးလိုသေး၏။ ၂% နှင့် ၆လ ဆိုသော အတိုင်းတာနှင့် ကြုံတွေ့ရမည့် ဌာနဆိုင်ရာလုပ်ထုံးလုပ်နည်း၊ သံရုံးများ၏ ခေတ်နောက်ဆွဲ ၀န်ဆောင်မှု့လုပ်ထုံးလုပ်နည်းကို ကြည့်ပြန်သော် အခွန်ဆောင်ခြင်စိတ်သည် အောက်ဆုံးအဆင့်တွင်သာရှိ ပြီး သက်သာသည့်ငွေနှင့် တွေ့ကြုံရမည့် အခက်အခဲများ၊ ပြသာနာများနှင့် ယှဉ်လျှင် သက်သာတာ နှင့် စိတ်ညစ်တာကို လုံးဝမကာမိ။ ၂% အခွန်ကို ဒီနှစ်အတွင်း ဆောင်မည့်ပြည်သူတစ်ချို့အတွက် အနည်းနှင့် အများ သိန်းစိန် အသက်ရှုချောင်မှာတော့ သေချာပါသည်။

“ မြန်မာပြည်အပြောင်းအလဲနှင့်တိုးတက်ရေးကို မြင်ခြင်သော ပြည်သူများ

အာဏာရှင်သက်ဆိုးမရှည်ရန် ဒီချိန်တွင် အခွန်မဆောင်ဘဲနေကြရန်တိုက်

တွန်းလိုပါသည်။”

မိမိတို့ပေးလိုက်သော အခွန်ငွေများသည် ပြည်သူမလိုလားသော အာဏာရှင်အစိုးရ သက်ဆိုးရှည်စေသည့် အပြင် ၄င်းငွေများဖြင့် ပြည်သူများကိုပြန်လည် သတ်ဖြတ် ညှင်းစဲ အနိုင်ကျင့်ခြင်းကို အားပေးရာရောက်ပါ သည်။ ရပ်လုနီးပါးဖြစ်နေသော အာဏာရှင်အစိုးရ၏ အုပ်ချုပ်ရေးယန္တာယား ပြိုလဲရန်တွက် ပြည်သူများအား လုံးပါဝင်ကူညီကြရန် ပန်ကြားအပ်ပါသည်။

ဖူးဒို

သြဂုတ်လ ၃၀၊ ၂၀၁၁