ဦးကျော်ဆန်း ရာထူးကနေ နှုတ်ထွက်ရပြီ ဆိုတဲ့ သတင်းတွေ ထွက်နေပါတယ်။
ဟုတ်ပါတယ်၊ သြဂုတ်လ ၁၂ ရက်နေ့ အစိုးရသစ်ရဲ့ ပထမဦးဆုံး သတင်းစာ ရှင်းလင်းပွဲမှာ ငိုပြခဲ့တဲ့ ဇာတ်လိုက်ကျော် ပြန်ကြားရေးဝန်ကြီး အကယ်ဒမီ ဦးကျော်ဆန်း ဖြစ်ပါတယ်။
ပြန်ကြားရေးဌာန အရာရှိကြီးတယောက်ကတော့ ``ဒီနေ့ ၀န်ကြီး ရုံးတက်ပါတယ်။ မျက်နှာတော့ မကောင်းဘူး။ နှုတ်ထွက်ရမယ်ဆိုတဲ့ သတင်းကတော့ ရုံးထဲမှာ ပြန့်နေတယ်´´လို့ ဆိုပါတယ်။
``သိရသလောက်တော့ အဲဒီနေ့က ငိုပြတာကြောင့် လို့ ကြားပါတယ်´´ လို့ သူက ထပ်ပြောပါတယ်။
ပြန်ကြားရေးက ထုတ်ဝေတဲ့ ဒီကနေ့ထုတ် သတင်းစာတွေမှာတော့ အသွင်ပြောင်းမှုတချို့ကို တွေ့ရမှာပါ။ ၀ါဒဖြန့်စာတချို့ကို နောက်ကျောဖုံးမှာ မထည့်ဘဲ အတွင်းစာမျက်နှာထဲ ပြောင်းထည့်လိုက်တဲ့အပြင် BBC, VOA, RFA, DVB စတဲ့ အသံလွှင့်ဌာနတွေကို ပေါ်တင် တိုက်ခိုက်တာတွေလည်း ဖြုတ်ထားပါတယ်။ ဟိုတုန်းကတော့ အဲဒါတွေက နောက်ကျောဖုံးမှာ နေ့စဉ် နေရာရတဲ့ ကြော်ငြာတွေ ဖြစ်ပါတယ်။
စည်သူ
(လတ်တလော သိရသမျှဖြစ်ပါသည်။)
No comments:
Post a Comment