Friday, December 16, 2011

ကလို့ထူးဘောအဖွဲ့နှင့် ပြည်ထောင်စု အစိုးရအဆင့်တို့ တွေ့ဆုံဆွေးနွေး

ဒီဇင်ဘာလ ၁၃ရက်။ စောသိန်းမြင့် (ကေအိုင်စီ)

မြန်မာအစိုးရ ကိုယ်စားလှယ်နှင့် ဒီကေဘီအေ ကလို့ထူးဘောအဖွဲ့တို့သည် ဒီဇင်ဘာလ ၁၁ရက်နေ့က ကရင်ပြည်နယ်၊ ဘား အံမြို့တွင် ပထမအကြိမ် ပြည်ထောင်စုအစိုးရအဆင့် တွေ့ဆုံဆွေးနွေးခဲ့သည်ဟု အစိုးရပိုင် ကြေးမုံသတင်းစာတွင် ယနေ့ ဖော်ပြထားသည်။

နိုဝင်ဘာလ ၃ရက်နေ့က ပြုလုပ်ခဲ့သည့် ပြည်နယ်အဆင့် ပဏာမ ဆွေးနွေး ပွဲမှ ရရှိခဲ့သည့် သဘောတူညီချက်အပေါ် အခြေခံ ကာ ပြည်ထောင်စုအဆင့် ငြိမ်းချမ်းရေးဆွေးနွေးမည့် အဖွဲ့၊ အဖွဲ့ခေါင်းဆောင် တောင်သာမြို့နယ် ပြည်သူ့လွှတ်တော် ကိုယ် စားလှယ် ဦးအောင်သောင်း ဦးဆောင်သည့် အဖွဲ့ဝင် ၇ဦးနှင့် ဒီကေဘီအေ ကလို့ထူးဘောအဖွဲ့မှ စောလားပွယ် ဦးဆောင် သည့် ငြိမ်းချမ်းရေး ဆွေးနွေးမည့် အဖွဲ့ဝင် ၆ဦးတို့ ယခုလို တွေ့ဆုံခဲ့ခြင်းဖြစ်သည်ဟု ကြေးမုံသတင်းစာက ဆိုသည်။

၎င်းတွေ့ဆုံမှုတွင် ယခင် ပြည်နယ်အဆင့် သဘောတူ လက်မှတ်ရေးထိုးခဲ့ကြသော ငြိမ်းချမ်းရေး တည်ဆောက်ရန်အတွက် ပဏာမ သဘောတူညီချက်များကို အတည်ပြုရန်၊ ကရင်ပြည်နယ်ကို ပြည်ထောင်စုအတွင်းမှ မည်သည့်အခါမျှ ခွဲမထွက်ရန်၊ ထာဝရငြိမ်းချမ်းရေး တည်ဆောက်ရန်အတွက် ဆွေနွေးမှုများ ဆက်လုပ်ရန် အပါအ၀င် အချက် ၆ပါ သဘောတူညီချက်ကို နှစ်ဦးနှစ်ဖက် သဘောတူ လက်မှတ်ရေးထိုးခဲ့ကြခြင်း ဖြစ်သည်။

အဆိုပါ တွေ့ဆုံမှုနှင့်ပတ်သက်ပြီး ကလို့ထူးဘောအဖွဲ့၏ ပြည်ပရေးရာတာဝန်ခံ ဗိုလ်မှူးစောလုံ့လုံက “သမ္မတက ချမှတ်ထား တဲ့ အချက် ၆ချက်ကို မူတည်ပြီးတော့ ကျနော်တို့က အကျေအလည် ဆွေးနွေးပြီး လက်မှတ်ထိုးလိုက်တယ်။ ကျနော်တို့ ဘက်က တင်ပြတဲ့အချက်တွေ ရှိတယ်။ သို့ပေမယ့် သူတို့လည်း ကျနော်တို့ တင်ပြတဲ့အချက်တွေ သမ္မတကို ပြန်တင်ပြမယ်။ အဲဒါပဲ။”ဟု ပြောသည်။

ယခု သဘောတူညီလိုက်သည့် အချက် ၆ချက်ထဲတွင် ကလို့ထူးဘော ဒီကေဘီအေအနေဖြင့် တို့တာဝန်အရေးသုံးပါးကို ထာဝ စဉ် ထိန်းသိမ်းစောင့်ရှောက်ရန်၊ မူးယစ်ဆေးဝါးတိုက်ဖျက်ရေး ပြည်ထောင်စုအစိုးရနှင့် ပူးပေါင်းဆောင်ရွက်ရန်၊ ထာဝရ ငြိမ်း ချမ်းရေး တည်ဆောက်နိုင်ရေးအတွက် ဆွေးနွေးမှုများ ပြုလုပ်သွားရန် စသည့်အချက်များ ပါဝင်သည်။

ဗိုလ်ချုပ်စောလားပွယ် ဦးဆောင်သည့် ဒီကေဘီအေ ကလို့ထူးဘောအဖွဲ့သည် နအဖ စစ်အစိုးရ ကျင်းပပြုလုပ်ခဲ့သည့် ၂၀၁၀ ရွေးကောက်ပွဲကို ဆန့်ကျင်သည့်အနေဖြင့် အစိုးရကို ပြန်လည်ခုခံတော်လှန်ခဲ့ပြီး တနှစ်ပြည့်ရက် ရက်ပိုင်းအလိုတွင် အသစ် တက်လာသည့် ဦးသိန်းစိန် အစိုးရနှင့် အပစ်အခတ်ရပ်စဲရေးအတွက် ယာယီသဘောတူ လက်မှတ်ရေးထိုးလိုက်ခြင်းဖြစ်သည်။

ယင်းသို့ နှစ်ဦးနှစ်ဖက် သဘောတူညီချက်အရ ကရင်ပြည်နယ် မြ၀တီမြို့နယ်၊ ဆုံဆည်းမြိုင်ဒေသတွင် ယာယီ အခြေပြုစခန်း ဖွင့်လှစ်ခဲ့သော်လည်း ဗိုလ်ကြီးအေ၀မ်း ဦးဆောင်သည့် ဘုရားသုံးဆူအခြေစိုက် ကလို့ထူးဘောအဖွဲ့ဝင်များသည် ဘုရားသုံး ဆူမြို့တွင် ဆက်ဆံရေးရုံး ဖွင့်လှစ်ရန် ယခုလ ၈ရက်နေ့ကလည်း အစိုးရအာဏာပိုင်များနှင့် သွားရောက်ညှိနှိုင်းခဲ့ရာ မအောင် မြင်ခဲ့ပေ။

ဒီကေဘီအေ တပ်ဖွဲ့သည် မြိုင်ကြီးငူ ဆရာတော် ဦးသုဇန ဦးစီးဦးဆောင်မှုဖြင့် ၁၉၉၄ခုနှစ်တွင် ကရင်အမျိုးသားအစည်းအရုံး (ကေအဲန်ယူ)မှ ခွဲထွက်ကာ မြန်မာအစိုးရနှင့် ပြန်လည်ပူးပေါင်းသွားခဲ့သည့် အင်အားအကြီးဆုံးသော ကရင်ခွဲထွက်အဖွဲ့ ဖြစ် သည်။

သို့သော် ရွေးကောက်ပွဲ မတိုင်မီ ပြီးခဲ့သည့်နှစ် သြဂုတ်လတွင် ၎င်းဒီကေဘီအေ တပ်ရင်းတပ်ဖွဲ့ အများစုမှာ နယ်ခြားစောင့် တပ်-BGF အဖြစ်သို့ ပြောင်းလဲဖွဲ့စည်းခဲ့ပြီး လက်ရှိ အစိုးရစစ်တပ်၏ လက်အောက်ခံအဖြစ် ရပ်တည်လျှက်ရှိသည်။

ဂျပန်နိုင်ငံ( Refugee Coordination Committee Japan)မှကြီးမှူးကျင်းပသောခရစ္စမတ်ပွဲတော်Refugee Gospel Choirs Nihon Kogakuin Dance Group Refugee Children

FINAL RCCJ Holiday Concert_Poster

Monday, December 12, 2011

ရေတိုငြိမ်းချမ်းရေးဆိုရင် လုံး ဝ မကြိုက်


ကရင်အမျိုးသား အစည်းအရုံး KNU နဲ့မြန်မာ အစိုးရတို့ အကြားတွင် ဆောင်ရွက်နေသည့် ငြိမ်းချမ်းရေးဆိုင်ရာ အနေအထားများကို သိရှိနိုင်ရန်၊ လိုအပ်သည့်ကြားခံ အကျိုးဆောင် ကိစ္စရပ်များ ကူညီဆောင်ရွက်ပေးနိုင်ရန် အတွက် ကရင်ပြည်နယ် ဖားအံမြို့အခြေစိုက် က ရင်ငြိမ်းချမ်းရေး ကော်မတီ KPC အဖွဲ့၏ တာဝန်ရှိသူများနှင့် ပြည်သူ့လွတ်တော် ကိုယ်စား လှယ်တဦး၊ KNU ထိပ်တန်းခေါင်းဆောင်များနှင့် ထိုင်း-မြန်မာနယ်စပ်တွင် ဗုဒ္ဓဟူးနေ့က လာရောက်တွေ့ဆုံ ဆွေးနွေးခဲ့ကြသည်။

မြန်မာအစိုးရပြည်တွင်းငြိမ်းချမ်းရေးဖေါ်ဆောင်ရေး အဖွဲ့၏ အစီအစဉ်ဖြင့် လာရောက်သည့် KPC အဖွဲ့တွင်
- တောင်ကလေးဆရာတော် အရှင်ပညာသာမိ၊
- ဘုန်းတော်ကြီး အရှင်အဂ္ဂ
- ဖလုံ-စဝေါ် ဒီမိုကရက်တစ် ပါတီမှ ပြည်သူ့လွတ်တော်ကိုယ်စားလှယ် စောသိန်းအောင် တို့ ပါ ရှိသည်။

KNU ဘက်မှ အဖွဲ့၏ ငြိမ်းချမ်းရေးဖေါ်ဆောင်ရေးကော်မတီ အဖွဲ့ဝင် ၄ ဦးဖြစ်သည့်
- နော်စီ ဖိုးရာစိန်၊
- ဗိုလ်ချုပ်ကြီးမူတူးစေးဖိုး၊
- ပဒိုအားတိုး၊
- ပဒိုအောင်မော်အေး အပါအ၀င်

ဗိုလ်ချုပ်မဲအေ စိန်၊
ပဒိုလားစေး၊
ပဒိုသောသီဘွဲနှင့်
ပဒိုလှထွန်းတို့ တက်ရောက်ဆွေးနွေးခဲ့ကြသည်။

ဆွေးနွေးပွဲတွင် KPC အဖွဲ့၏ အဓိက သိရှိလိုသည့် ငြိမ်းချမ်းရေးဆိုင်ရာ ကိစ္စရပ်များကို KNU က ရှင်းပြခဲ့ကြောင်း၊

ကရင်တမျိုးသားလုံး အတွက် အစဉ်ထာဝရ တည်မြဲမည့် စစ်မှန်သောငြိမ်းချမ်းရေးကိုသာ လက်ခံမည်ဖြစ်ပြီး စစ်မှန်ခြင်း မရှိသည့် ရေတိုငြိမ်းချမ်းရေး လုံးဝပြုလုပ်မည် မဟုတ်ကြောင်းကို ကရင်ပြည်သူ လူထု တရပ်လုံးသိရှိနိုင်ရန်အတွက် KPC အဖွဲ့မှတဆင့် သတင်းစကား ပါးလိုက်သည်ဟု ဆွေးနွေးပွဲတွင် ပါဝင်သည့် ပဒိုအားတိုး က ဧရာဝတီသို့ ပြောသည်။

မကြာမီ မြန်မာအစိုးရ ကိုယ်စားလှယ်များနှင့် ငြိမ်းချမ်းရေး ဆိုင်ရာ ကိစ္စရပ်များ အတွက် ထပ်မံဆွေးနွေးရန် ရှိသော်လည်း နေ့ရက်နှင့် အချိန်ဇယား မသတ်မှတ်ရသေး ကြောင်း KNU အဖွဲ့၏ ထိပ်တန်း ခေါင်းဆောင်တဦးက ပြောသည်။

KPC အဖွဲ့ကမူ ယခုလ ၂၅ ရက်နေ့တွင် ကျရောက်မည့် ကရင်အမျိုးသားနှ စ်သစ်ကူးနေ့ နှင့် ခရစ်စမတ်နေ့ မတိုင်မီ မြန်မာအစိုးရ ကိုယ်စားလှယ် အဖွဲ့နှင့် KNU အဖွဲ့တို့ကို ထပ်မံတွေ့ဆုံ လိုသည့် ဆန္ဒရှိကြောင်း သဘောထားပေးခဲ့သည်။

ကရင်အမျိုးသားအစည်းအရုံး KNU သည် အမျိုးသား တန်းတူရေးနှင့် ကိုယ်ပိုင်ပြဌာန်းခွင့် ရရှိရေးအတွက် ၁၉၄၉ ခုနှစ်ဇန်န၀ါရီလ ၃၁ ရက်နေ့မှစ၍ အစိုးရ အဆက်ဆက်ကို တိုက်ပွဲ ၀င်လာခဲ့သည်မှာ ၆၂ နှစ်ရှိပြီ ဖြစ်သည်။

ကရင်ပြည်နယ်ရှိ ကရင်ငြိမ်းချမ်းရေးကော်မတီ KNU နှင့် တွေ့ဆုံ

ဒီဇင်ဘာလ ၉ရက်။ စောခါးစူးညား (ကေအိုင်စီ)

ဘားအံမြို့ အခြေစိုက် ကရင်ငြိမ်းချမ်းရေးကော်မတီ-KPC နှင့် ကရင်အမျိုးသားအစည်းအရုံး-KNU တို့သည် ဒီဇင်ဘာလ ၇ရက်နေ့က ထိုင်း-မြန်မာနယ်စပ်တနေရာတွင် ငြိမ်းချမ်းရေးကိစ္စနှင့် ပတ်သက်၍ တွေ့ဆုံဆွေးနွေးခဲ့ကြသည်။

ထိုတွေ့ဆုံပွဲတွင် KNU ဘက်မှ အထွေထွေ အတွင်းရေးမှူးချုပ် နော်စီဖိုးရာစိန် အပါအ၀င် ငြိမ်းချမ်းရေးဖော်ဆောင်ရေး ကော်မတီဝင် ၃ဦးနှင့် KPC ၏ ဦးဆောင်အဖွဲ့ဝင် ၃ဦးတို့ အချိန် သုံးနာရီကြာ ဆွေးနွေးခဲ့ကြသည်ဟု သိရသည်။

ယင်းသို့ ဆွေးနွေးရာတွင် KPC ဘက်က အဓိက သိလိုသည့် မြန်မာအစိုးရနှင့် KNU တို့ တွေ့ဆုံဆွေးနွေးခဲ့သည့် ငြိမ်းချမ်းရေး ကိစ္စကို ရှင်းပြခဲ့သည်ဟု ဆွေးနွေးပွဲတွင် ပါဝင်ခဲ့သူ KNU ၏ ဗဟိုသစ်တောဌာနတာဝန်ခံ ပဒိုစောအားတိုးက ကေအိုင်စီသို့ ပြောသည်။

“KNU ဟာ မြန်မာအစိုးရနဲ့ တွေ့ဆုံခဲ့စဉ်က ငြိမ်းချမ်းရေးအကြောင်းနဲ့ အပစ်ခတ်ရပ်စဲရေး စတဲ့ကိစ္စ သူတို့ (KPC)ကို တဆင့် ချင်း ရှင်းပြခဲ့တယ်။ (မြန်မာအစိုးရနဲ့)ကျနော်တို့ လုပ်ခဲ့တဲ့ ငြိမ်းချမ်းရေးဆွေးနွေးပွဲဟာ ပြည်တွင်းမှာရှိတဲ့ လူထုတွေရဲ့ အမြင်သဘောထား၊ အကြံဥာဏ်နဲ့ တင်ပြမှု စတာတွေ သိဖို့လည်း လိုတယ်လေ။”ဟု သူက ပြောဆိုသည်။

ယခင်လ နိုဝင်ဘာလ ၁၉ရက်မှ ၂၀ရက်နေ့အထိ KNU နှင့် မြန်မာအစိုးရသည် ထိုင်းနိုင်ငံ၊ ချင်းရိုင်းမြို့တွင် ငြိမ်းချမ်းရေး ဖော်ဆောင်ရေးအတွက် တွေ့ဆုံခဲ့ကြပြီး (၁)အပစ်အခတ်ရပ်စဲရေး (၂)ဆက်ဆံရေးရုံးများ အပြန်အလှန် ထားရှိရေး (၃)လက်နက်မပါဘဲ နယ်မြေကျော်ဖြတ်ခွင့်ပြုရေး (၄)တိုင်းရင်းသားအားလုံးနှင့် အဖွဲ့ပေါင်းစုံ ပါဝင်သည့် ဗဟိုအဆင့် ဆွေးနွေးပွဲအတွက် နေရာ၊ သတ်မှတ်ရေး စသည့်အချက်လေးချက်ကို ပဏာမအဆင့် သဘောတူညီခဲ့ကြသည်။

KPC အနေဖြင့် စစ်မှန်သည့် ငြိမ်းချမ်းရေးကို လိုလားသည့်အပေါ် ငြိမ်းချမ်းရေးဆွေးနွေးမှု တိုးတက်စေရန်အတွက် ကြားခံအ ဖြစ် တတ်စွမ်းသမျှ ကြိုးစားဆက်သွယ် ကူညီပေးမှုများ ပြုလုပ်ပေးမည်ဟု KPC ဘက်က ဆွေးနွေးခဲ့ကြောင်း သိရသည်။

ထို့အပြင် ယခုလ ၂၅ရက်နေ့တွင် ကျရောက်မည့် ၂၇၅၁နှစ်မြောက် ကရင့်နှစ်သစ်ကူး မတိုင်ခင် KNU က ၎င်းတို့အနေဖြင့် မြန်မာအစိုးရနှင့် တွေ့ဆုံရာတွင် ကရင်တမျိုးသားလုံး ငြိမ်းချမ်းရေးရရှိရန်အတွက် ကြာရှည်တည်မြဲပြီး မှန်ကန်မည့် ငြိမ်းချမ်း ရေးကိုသာ လက်ခံမည်ဖြစ်ကြောင်း၊ မဟုတ်မမှန်သည့် ရေတိုငြိမ်းချမ်းရေးကို လက်ခံမည် မဟုတ်ကြောင်း ကရင်ပြည်သူလူထု တရပ်လုံးအား KPC အဖွဲ့မှတဆင့် သတင်းစကားများ ပြောကြားလိုက်သည်ဟု သိရသည်။

ဆက်လက်၍ ပဒိုစောအားတိုးက “မြန်မာအစိုးရကို ကျနော်တို့နဲ့ ထပ်တွေ့ဖို့ လုပ်ထားတာရှိတယ်။ KNU အနေနဲ့တော့ အီးစီ (ဗဟို)ကော်မတီနဲ့ ကျနော်တို့ KNU ရဲ့ အဖွဲ့ဝင် ၇ဦးပါတဲ့ ငြိမ်းချမ်းရေးဖော်ဆောင်ရေးကော်မတီနဲ့ ပြန်ဆွေးနွေးပြီး တိကျတဲ့ လုပ်ငန်းစဉ်တွေ ချမှတ်ပြီးမှ မြန်မာအစိုးရကို အကြောင်းပြန်မယ်။”ဟု ဖြည့်စွက်ပြောဆိုသည်။

Karen Peace Committee-KPC ကို ကရင်လူမျိုးများအချင်းချင်း စည်းလုံးညီညွှတ်ရေးနှင့် မြန်မာပြည်ငြိမ်းချမ်းရေးကို ရှေးရှု၍ လွန်ခဲ့သည့် နှစ်အနည်းငယ်က ကရင်ပြည်နယ်၊ ဘားအံမြို့တွင် ဖွဲ့စည်းခဲ့ပြီး ဦးဆောင်အဖွဲ့ဝင် ၉ဦး ရှိသည်ဟု သိရသည်။

၎င်း KPC အနေဖြင့် KNU နှင့် ငြိမ်းချမ်းရေးကိစ္စအပေါ် တွေ့ဆုံခြင်းမှာ ပထမအကြိမ်သာ ရှိသေးသော်လည်း နှစ်ဖက်ကျေနပ်မှု များ ရရှိခဲ့ကြောင်း ကေအဲန်ယူက ပြောသည်။

ယခင်က ကေအဲန်ယူထံ ငြိမ်းချမ်းရေးကိစ္စ လာရောက်ချဉ်းကပ် ကမ်းလှမ်းခဲ့ဖူးသည့် အခြားပြည်တွင်း ကရင်အဖွဲ့တစ်ဖွဲ့မှာ ဒေါက်တာစိုင်မွန်သာ၊ ဒေါက်တာရီဘက်ခါထင်တို့ ပါဝင်သည့် ရန်ကုန်အခြေစိုက် Karen Development Committee-KDC အဖွဲ့ဖြစ်သည်။

မဲသူခိုး ပူတင် ကို ဆန့်ကျင်ရေး မော်စကို မှာ လူ ၅ သောင်းကျော် တက်

Sunday, December 11, 2011

ရုရုားပြည်သူတွေ အာဏာရှင် ကို လက်မခံတော့ပါ။ မြန်မာ စစ်ခေါင်းဆောင်တွေလို တသက်လုံး အာဏာရှင် လုပ်မဲ့ ပူတင် ကို ရုရှားပြည်သူတွေ နှင်းတောထဲမှာ ကြံ့ကြံ့ခံ ပြီး ဆန့်ကျင် ဆန္ဒပြနေကြပြီ။ ပူတင် ကို ပူတင်းလုပ်ဖို့ ရုရှား ပြည်သူတွေ ရဲရဲဝံ့ဝံ့ လမ်းမပေါ် ထွက်ပြီး ဆန္ဒထုတ်ဖော်နေကြပြီ။ နိုင်ငံအ၀ှမ်း မှာ ဆန္ဒပြကြဖို့ ရုရှား အတိုက်အခံ ခေါင်းဆောင်တွေ က ရုရှားပြည်သူ ကို တိုက်တွန်းနိုးဆော်ထားကြသည်။ စိန့်ပီတာစဘတ် နဲ့ မော်စကို မှာ ဆန္ဒပြတဲ့ သူ သောင်းချီ ရှိခဲ့ကြောင်း ရုပ်မြင်သံကြား သတင်းများတွင် ဖော်ပြထားကြသည်။

တရုတ်ကြီး ပေါက်ဖေါ်က ဆွဲဆောင် စည်းရုံးနေသမျှ သိန်းစိန်တို့ သဘောကျ

စည်းလုံးခြင်းရဲ့အင်အား သတင်းစာမျက်နှာမှရယူသည်။


ဗိုလ်ချုပ်ကြီးမင်းအောင်လှိုင်နဲ့ တရုတ်ကာကွယ်ရေးဦးစီးချုပ် + တရုတ်ထုတ် J 10 တိုက်လေယဉ်

အမေရိကန်နိုင်ငံခြားရေးဝန်ကြီး မြန်မာနိုင်ငံကို လာရောက်လည်ပတ်တာခဲ့တာမို့ တရုတ်နိုင်ငံအနေနဲ့ စိုးရိမ်မှုတွေများပြီး မြစ်ဆုံ စီမံကိန်းရပ်ဆိုင်းခံရတဲ့ ဒေါသကို မြိုချကာ ဦးသိန်းစိန်အစိုးရကို ဆွဲဆောင် စည်းရုံးနေတဲ့ သတင်းအား စစ်ရုံးနဲ့ နီးစပ်သူများက စည်းလုံးခြင်းရဲ့အင်အား ဝက်ဘ်ဆိုဒ်သို့ သတင်းပေးပို့လာပါတယ်။ တရုတ်အစိုးရက K.8 လေယာဉ်ထုတ်လုပ်တဲ့ စက်ရုံကို ဝယ်ယူခွင့် ပြန်လည်ခွင့်ပြုလိုက်ကြောင်း သိရပါတယ်။ K.8 လေယာဉ် ထုတ်လုပ်တဲ့ စက်ရုံဟာ မိတ္တီလာမြို့မှာ ရှိပါတယ်။ ယခင်က အမေရိကန်အစိုးရက ကန့်ကွက်ထားလို့ ခေတ္တဆိုင်းငံ့ထားတယ်လို့ သိရပါတယ်။ ဆက်လက်ပြီး တရုတ်က ဆွဲဆောင် စည်းရုံးတဲ့အနေနဲ့ နောက်ဆုံးပေါ် တရုတ်နိုင်ငံထုတ် ဂျက်တိုက်လေယာဉ် (J-10) ကိုရောင်းပေးမယ်ဖြစ်ကြောင်း မကြာသေးမီကလေးကမှ တရုတ်နိုင်ငံကို သွားရောက်လည်ပတ်ခဲ့တဲ့ တပ်မတော် ကာကွယ်ရေးဦးစီးချုပ် မင်းအောင်လှိုင်ရဲ့ ခရီးစဉ်မှာ ပြောလိုက်တယ်လို့ သိရှိရကြောင်း သတင်းပေးပို့လာပါတယ်။