Friday, July 20, 2012

Mu-Yeh-Peh (ကရင့်ရာဇ၀င်ထဲက အလှဘုရင်မလေး မူးယယ်ဖဲ)

Mu-Yeh-Peh

ကရင်အမျိုးသားသီချင်းသံစဉ်ပြုစုခဲ့သူ စောသာအေးကြီး

 

ကရင်အမျိုးသားသီချင်းသံစဉ်ပြုစုခဲ့သူစောသာအေးကြီး

၁၉၃၀-၄၀ ခှနှစ်များတွင် ကရင်နှစ်သစ်ကူးနေ့၊ ကရင်အမျိုးသားသီချင်း၊ ကရင်အမျိုးသားအလံတော် ပေါ်ထွန်းရေးအတွက် "ဒေါကလူ" ၏ဥက္ကဌဖြစ်သူ ဆရာစံဘော်က အစီအစဉ်ပြုလုပ်၍ တောင်းဆိုရရှိခဲ့သည်။
ထိုသို့တောင်းဆိုရရှိခဲ့သော အခွင့်အရေး(၃)ခုအနက် ကရင်အမျိုးသားတစ်ရပ်လုံးကိုကိုယ်စားပြုသော ကရင်အမျိုးသားသီချင်းသည်လည်း အရေးပါလှကြောင်း တွေ့ရှိရပါသည်။ ကရင်အမျိုးသားသီချင်းကို စောစံဘနှင်စောသာအေးကြီးက ရေးသားတင်ပြခဲ့ရာ "ဒေါကလူ" အသင်းကြီးမှ ကရင်အမျိုးသားခေါင်းဆောင်ကြီးများက လက်ခံအတည်ပြုလိုက်သဖြင့် ကရင်အမျိုးသားသီချင်းဟူ၍ ပေါ်ပေါက်လာခဲ့သည်။

ကရင်အမျိုးသားသီချင်း
(အရှေ.ပိုးကရင်စာသားဖြင့်)
ယ်ုဖႜုံဆိုဒ် ယ်ုဝေ့ဟှေး
ဆ်ုလ်ုအ်ုဟှေဝ်ဍောဟ်ထုက်
ယ်ုအဲဍောဟ်ဏ်ု
ဏ်ုအဲဆ်ုတ၀်ဆ်ုလံင်
ဖႜုံမဲုဏ်ုအဲထုင်ဆိုင့်
ဏ်ုဆ်ုအ်ုဟှေဝ်ကိုဝ့်မိင်ဏှ်
ယ်ုအဲဍောဟ်မာၟ

(အနောက်ပိုးကရင်စာသားဖြင့်)
ယဖျိဨဆဵံဩယ၀့ဈဧ့
ပှလဵအဂ့ဩဒိဵထှု
ယအဲဵဒိဵနဵဩ
နအဲဵဆဵတီဩဆဵလီဨ
ပှမွံဩနအဲဵထိးဆဵႚ
နဆဵအဂ့ဨကိ႞မိဨနီဵ
ယအဲဵဒိဵမှ

(စကောကရင်စာသားဖြင့်)
ယပှဍ္ဎကလုာ်ယဲဧဿ
ပှဍ္ဎလဿအဂ့ဍ္ဎကတဿဿ်
ယအဲဢ်ဒိဢ်နဍ္ဎ
နအဲဢ်တဿ်တီတဿ်လိဍ္ဎ
တမှံဍ္ဎနအဲဢ်တူဿ်လိာ်
နတဿ်အဂံဍ္ဎကိးမိႜ
ယအဲဢ်ဒိဢ်မး.

(ကရင်အမျိုးသားသီချင်းအဓိပ္ပာယ်)

အို...ကျွန်ုပ် ကရင်အမျိုးသားအပေါင်းတို့
အကောင်းဆုံးသူအသင့်အား
ကျွန်ုပ် အလွန်ချစ်ခင်မြတ်နိုးပါ၏။
အသင်သည်ဖြောင့်မတ်ခြင်းကိုမြတ်နိုးတတ်၏
ဧည့်ဝတ်ကျေပွန်တတ်သူလည်းဖြစ်ပါ၏
သင်၏ကောင်းခြင်းအဖြာဖြာကို
ကျွန်ုပ်ချစ်ခင်မြတ်နိုးလှပေသည်။

(ကရင်အမျိုးသားသီချင်းသံစဉ်ပြုစုခဲ့သူစောသာအေးကြီး၏ ဘ၀ဖြစ်စဉ်မှတ်တမ်း)

လ ၁၉၀၂ခုနှစ်တွင် ပုသိမ်မြို့နယ်၊ မကြီးလဟာကျေးရွာတွင် မွေးဖွားခဲ့သည်။
လ ၁၉၂၂ခုနှစ်တွင် ပုသိမ်မြို့၊ တိုင်တစ်ရာအထက်တန်းကျောင်းတွင် (၁၀) တန်းအောင်မြင်ခဲ့သည်။
လ ၁၉၂၄ မှ ၁၉၂၇ခုနှစ်အထိ ရန်ကုန်ဂျက်ဆင်ကောလိပ်တွင် I.Sc အောင်ပြီး B.Sc (ပ)နှစ်အထိ သင်ကြားခဲ့သည်။

လ ၁၉၂၈ မှ ၁၉၃၂ခုနှစ်အထိ မန္တလေးစိုက်ပျိုးရေးကောလိပ်တွင် ဘွဲ့ရကျောင်းပြီးသည်အထိ ပညာသင်ကြားခဲ့သည်။
လ ၁၉၃၃ မှ ၁၉၄၀ခုနှစ်အထိ ပုသိမ်မြို့တွင်စိုက်ပျိုးရေးမြို့အုပ်အဖြစ် တာဝန်ထမ်းဆောင်ခဲ့သည်။
လ ၁၉၄၁ မှ ၁၉၄၆ခုနှစ်အထိ ပုသိမ်ခရိုင်စိုက်ပျိုးရေးဝန်ထောက်အဖြစ် တာဝန်ထမ်းဆောင်ခဲ့သည်။

လ ၁၉၄၇ မှ ၁၉၅၇ခုနှဏ်အထိ နိုင်ငံတော် ကောက်ပဲသီးနှံရောင်းဝယ်ရေးအဖွဲ့ (SAMB) တွင်အမှုဆောင်အရာရှိ (E.O) အဖြစ် တာဝန်ထမ်းဆောင်ခဲ့သည်။
လ ၁၉၅၉ခုနှစ်၊ အသက် (၅၇)နှစ်တွင် မြောင်းမြမြို့နယ်၊ ရေတွင်းရေကန်ရွာတွင် ကွယ်လွန်သည်။ ကရင်အမျိုးသားသီချင်းသံစဉ်ကို စောစံဘနှင့်အတူပြုစုခဲ့သည်။

ကရင်တစ်မျိုးသားလုံးစည်းလုံးညီညွတ်ရေးပြဿနာများ


တစ်ချိန်တုံးက အတော်ပင်စည်းလုံးညီညွတ်ခဲ့သော ကရင်လူမျိုးတို့သည် ကျွန်ုပ်တို့လက်ထက်သို့ ရောက်သောအခါ စည်းလုံးမှုအတော်ပင် ယိုယွင်းလာကြောင်း လေ့လာသိရှိရသည်။

တို့ကရင်လူမျိုးတွေ ပြန်လည်စည်းလုံးညီညွတ်ဖို့အတွက် ကရင်လူမျိုးတွေဟာ ကိုယ်ကရင်ဖြစ်ရတာကို ဂုဏ်ယူတတ်ရမည်။ ဂုဏ်ယူနိုင်ရပါမည်။ ဒီကနေ့ အခြေအနေအရ ကရင်လူမျိုးတွေရဲ့ အနေအထားကို ကြည့်ရသည်မှာ အားရစရာမရှိဘူးလို့ ပြောရမှာ ဖြစ်ပါသည်။ ကရင်တချို့လည်း ဒီလိုခံစားချက်မျိုးရှိတာ တွေ့ရပါသည်။ ကရင်လူမျိုးတွေဟာ ကိုယ်ကရင်လူမျိုးဖြစ်ရတာကို ဂုဏ်ယူရမှန်း သိတဲ့အချိန်မှာ ကရင်အမျိုးသားတွေရဲ့ အသိနဲ့ဘ၀ဟာ အရှိန်အဟုန်နဲ့ မြင့်မားတိုးတက်လာဖို့လိုပါတယ်။ ကရင်လူမျိုးတွေဟာ ကိုယ်ကရင်လူမျိုးဖြစ်ရတာကို ဂုဏ်ယူတတ်အောင် ကရင်တွေရဲ့ လူမှုဘ၀ကို မှန်မှန်ကန်ကန်သိလာမှ အဲဒီအသိက ကရင်တစ်မျိုးသားလုံးရဲ့ ဘ၀နဲ့အမြင်ကို ရှေ့တန်းရောက်အောင်တွန်းပို့ရမှာ ဖြစ်ပါတယ်။

ကျွန်ုပ်တို့ကရင်လူမျိုးတွေဟာ မူလကတည်းက စည်းလုံးညီညွတ်သော လူမျိုးဖြစ်ပါသည်။ ''၀ံသာနုရက္ခိတတရား'' ဆိုတဲ့စကားကို မကြားဘူးကြပေမဲ့ မိမိလူမျိုးကို မိမိစောင့်ရှောက်ရမည် ဆိုတာကို ကိုယ်တိုင်သိပြီး ကိုယ်တိုင် အကောင်အထည်ဖော်ဆောင်ရွက်တဲ့ လူမျိုးတွေဖြစ်တယ်။ ဥပမာအားဖြင့် ကရင်လူမျိုးတွေဟာ ကိုယ့်လူမျိုးအချင်းချင်းကိုပဲ လက်ထပ်ထိမ်းမြားကြတယ်။ မောင်နှမ၀မ်းကွဲအထိ အချင်းချင်းလက်မထပ်ကြရဘူး။ မောင်နှမ သုံးဝမ်းကွဲပြီဆိုရင်တော့ လက်ထပ်ယူကြတယ်။ အဖေနှင့် အမေဘက်မျိုးတွေဟာ သိပ်ပြီးသွေးဝေးသွားလျှင် သူစိမ်းတွေလို ဖြစ်သွားနိုင်တာမို့ နီးစပ်အောင် ပြန်ပြီးလက်ထပ်ပေးကြတယ်။ ကရင်လူမျိုးတွေမှာ ဒီအခြေခံတွေက ရှိနေခဲ့ပြီဖြစ်တဲ့အတွက် အမြဲစည်းလုံးနေသော လူမျိုးဖြစ်တယ်လို့ ဆိုလိုချင်ပါတယ်။

ကရင်လူမျိုးတွေရဲ့ အချင်းချင်းအိမ်ထောင်ချပေးတဲ့နည်းသည် အမျိုးကိုထိန်းသိမ်းပြီး စည်းလုံးညီညွတ်ရေးကို တည်ဆောက်ခြင်းဖြစ်သလို တစ်မျိုးသားလုံး၏ ညီညွတ်ရေးကိုကြတော့ ကိုးကွယ်တဲ့ဘာသာက ထိန်းထားပြန်ပါသည်။ ဘိုးဘွားတို့၏ ပြောပြချက်အရ ကျွန်ုပ်တို့ ကရင်လူမျိုးတွေဟာ မူလက နတ်ကိုပဲကိုးကွယ်ကြပြီး နောက်ပိုင်းကျမှ ဒီနေ့ကိုးကွယ်နေကြတဲ့ ဘာသာတွေကို ကူးပြောင်းကိုးကွယ်ကြပါသည်။ ရှေးခေတ်က ကရင်တွေရဲ့ ထုံးဓလေ့နဲ့ ကိုးကွယ်မှုတွေကြောင့် ကရင်တွေဟာ စည်းလုံးညီညွတ်ခဲ့ကြတယ်။ ဗမာနဲ့မွန်ဘုရင်တွေရဲ့လက်အောက်မှာ အုပ်ချုပ်ခံတွေအဖြစ် နေကြရပေမဲ့ ဗမာ၊ မွန်တွေနဲ့ ဘာမှပြဿနာမဖြစ်ခဲ့ဘူး။ ပြဿနာကိုရှောင်တတ်တဲ့ လူမျိုးဖြစ်တဲ့အတွက် ကရင်လူမျိုးတွေရဲ့ဘ၀ဟာ အေးငြိမ်းတယ်။ လူမှုရေးဘ၀ တိုးတက်မှုအပိုင်းကြတော့ နိမ့်ကျတယ်လို့ ယူဆရပါတယ်။

ဒီလိုစည်းစည်းလုံးလုံးနဲ့ အေးအေးငြိမ်းငြိမ်းနေခဲ့ကြတဲ့ ကရင်တွေဟာ အင်္ဂလိပ်တွေ ဒီမြေပေါ်ခြေချတဲ့အချိန်ကစပြီး စည်းလုံးညီညွတ်ရေးဟာ တဖြည်းဖြည်းချင်း ယိုယွင်းပျက်စီးလာပါသည်။ အင်္ဂလိပ်တွေဟာ ကရင်တွေကို ပညာတတ်တွေဖြစ်အောင် စာတွေသင်ကြားပေးတယ်။ ကရင်စာပေကို တီထွင်ပေးခဲ့တယ်။ ပြည်သူ့ဝန်ထမ်းလုပ်ငန်းတွေမှာလည်း ပါဝင်နိုင်အောင် ဆောင်ရွက်ပေးခဲ့တယ်။ ဒါကိုကြည့်ခြင်းအားဖြင့် မှားသည်၊ မှန်သည်ကိုတော့ ပြောလို့မရပါ။ ကရင်စာပေကို တီထွင်ပေးလိုက်တဲ့အတွက် အင်္ဂလိပ်တွေကို ကျေးဇူးတင်ရမလို၊ သူတို့ရဲ့လုပ်နည်းလုပ်ဟန်ကိုလည်း သံသယဖြစ်မိပါသည်။

ကျွန်ုပ်တို့ကရင်လူမျိုးတွေဟာ ရှေးရှေးကာလထဲက ဘုရားကိုကိုးကွယ်လာခဲ့ကြတဲ့ သူတွေပါ။ အင်္ဂလိပ်တို့က မသိသလိုလုပ်ပြီး ကရင်တို့ရဲ့ ကိုးကွယ်မှုကို ယဇ်နတ်ပူဇော်တယ်လို့ ဆိုကြပါတယ်။ ဘိုးဘွားတို့က ဘုရားအလုပ်၊ တရားအလုပ် လုပ်ကြတဲ့အခါမှာ ပြင်ပ ပယောဂတွေ မနှောင့်ယှက်နိုင်အောင် ကျွေးမွေးခြင်းဖြစ်ပါသည်။ ကိုးကွယ်တာမဟုတ်ပါ။ အင်္ဂလိပ်တို့က အချို့သောကရင်လူမျိုးတွေကို ဘုရားသခင်နဲ့ထိတွေ့နိုင်အောင် လုပ်ပေးခဲ့သည်။

အင်္ဂလိပ်တို့က ကက်သလစ်ကောင်းတယ်၊ မက်သဒစ်ကောင်းတယ်၊ ဘက်ပ်တစ်ကောင်းတယ်၊ စနေသင်းကောင်းတယ် ဆိုပြီး တစ်ခုပြီးတစ်ခု ယူလာကြသည်။ ကရင်တွေကလည်း အမှန်ပြောပြီး အမှန်လုပ်ကြတဲ့လူတွေ ဖြစ်တဲ့အတွက် သူတို့ပြောတာကို ယုံပြီးအထင်ကြီးခဲ့သည်။ ခုတော့ အမြဲတမ်းလိုလို စည်းလုံးညီညွတ်ခဲ့ကြတဲ့ ကရင်တွေဟာ အကွဲကွဲအပြားပြား ဖြစ်ကုန်ကြသည်။ ကရင်လူမျိုးတွေမှာ ယုံကြည်ကိုးကွယ်မှု မတူညီဘဲရှိကြပါတယ်။ ဘယ်လိုအကြောင်းမျိုးနှင့် ကြံကြိုက်သည်ဖြစ်စေ ''နင်ဟာခရစ်ယာန်ကို ရှိခိုးတဲ့သူလား၊ ဗုဒ္ဓကိုရှိခိုးတဲ့သူလားလို့'' မေးတဲ့အမေးမျိုးဟာလည်း အထင်အမြင်လွဲပြီး ပြဿနာဖြစ်တတ်တာမို့ ရှောင်သင့်ပါတယ်။ မိမိနှစ်ခြိုက်ကိုးကွယ်သော ဘာသာကြီးကို လိုလားသောကြောင့် အခြား ဘာသာမတူသောသူတစ်ယောက်အား ''ဒို့ဘာသာထဲဝင်ပါလား'' ဆိုတဲ့အသုံးအနှုန်းဟာ ဆက်ဆံရေးကို ပျက်ပြားစေနိုင်ပါသည်။

ဒါကိုကြည့်ခြင်းအားဖြင့် ကရင်လူမျိုးတွေရဲ့ စည်းလုံးညီညွတ်ရေးဟာ အင်္ဂလိပ်တွေ မြန်မာပြည်ထဲ ၀င်ရောက်လာတဲ့အချိန်ကစပြီး ယိုယွင်းပျက်စီးလာတယ်လို့ ဆိုရခြင်းဖြစ်ပါတယ်။ အင်္ဂလိပ်တွေက ပညာရှင်တွေဖြစ်တယ်။ တော်တယ်။ သူတို့ မြန်မာပြည်ကို လာကြတဲ့အခါမှာ ဘာသာစကားဆိုင်ရာ ကျွမ်းကျင်သူ၊ ကိုးကွယ်မှုဆိုင်ရာ ကျွမ်းကျင်သူ၊ မြန်မာအရေးကျွမ်းကျင်သူ၊ ကရင်အရေးကျွမ်းကျင်သူ ဆိုပြီး ပါလာကြတယ်။ ဒီတော့ သူတို့ဟာ တစ်ကယ်တမ်း ကရင်တွေကိုချစ်တယ်ဆိုရင် ကရင်လူမျိုးရဲ့ ရေရှည်အကျိုးအတွက် တစ်ခုတည်းသောစာပေကိုသာ တီထွင်ပေးရမှာဖြစ်ပါတယ်။ အခုတော့ သူတို့က ကရင်စာပေအမျိုးမျိုးကို တီထွင်ပေးခဲ့သည်။ အဲဒီအချိန်တုံးက ကျွန်ုပ်တို့ကရင်လူမျိုးမှာ ''ဖလုံ'' စာပေဆိုတာ ရှိနေနှင့်ပြီးဖြစ်တယ်။ မွန်စာပေကို အခြေခံထားတဲ့ ကရင်စာပေဟာ အသံစုံတယ်လို့ သိရပါတယ်။ ဒီစာပေကို အင်္ဂလိပ်တွေက ဘာလို့မဖော်ထုတ်ရတာလဲ။ သူတို့သာလျှင် ကရင်လူမျိုးတွေအတွက် ကယ်တင်ရှင်ဖြစ်တယ် ဆိုတဲ့အချက်ကို ပါးစပ်ကမပြောထုတ်ဘဲ သိသွားအောင်လုပ်ခြင်းဘဲဖြစ်သည်။ အခုတော့ စာပေ (၃) ခုကွဲသွားပြီ။ နောက်ထပ်အကွဲကြီးကွဲသွားဖို့ သမိုင်းဆိုင်ရာအချိန်ပိုင်းက စောင့်နေလျက်ရှိပါသည်။

အချုပ်အားဖြင့် ဆိုရလျှင် စာပေများတာဟာ မကောင်းဘူးလို့ပြောရင် လုံလောက်ပြီ ထင်ပါတယ်။ ''တစ်ခုထဲကိုမြဲမြဲကိုင်'' ဆိုတဲ့ ပုံပြင်တွေလည်း ရှိနေပြီးဖြစ်သည်။ ဒါကြောင့် တစ်မျိုးတည်းသောစာပေကို တီထွင်ဖော်ထုတ်ဖို့ လိုအပ်တာအမှန်ပင်။ ဒီလိုမှမဟုတ်ရင် ဗုဒ္ဓဘာသာဝင်နှင် ခရစ်ယာန်ဘာသာဝင် ကရင်အတော်များများဟာ ကရင်ဘ၀ပျောက်ကွယ်သွားဖို့ရှိတယ်လို့ ထင်ပါသည်။ တစ်ခုတည်းသော စာပေဖြစ်ပေါ်လာမယ်ဆိုလျှင် ကရင်လူမျိုးတွေ တစ်နေ့တစ်ခြား ပိုစည်းလုံးလာမည် ဖြစ်ပါသည်။
(မှတ်ချက်။ ။မှတ်သားမိသော ဘိုးဘွားမိဘတို့ပြောပြချက်အရ ပြန်လည်ဖော်ပြခြင်းဖြစ်သည်။)

ဒေါ်အောင်ဆန်းစုကြည် စက်တင်ဘာ အမေရိကန်ပြည်ထောင်စုသို့ ရောက်မည်

.

ဒေါ်အောင်ဆန်းစုကြည်စက်တင်ဘာအမေရိကန်ပြည်ထောင်စုသို့ရောက်မည်......။

အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ စက်တင်ဘာလအတွင်း အမေရိကန်ပြည်ထောင်စုဆီ လာရောက်ဖို့ရှိပါတယ်။

အမေရိကန်အခြေစိုက် Atlantic Council က ပေးတဲ့ တတိယအကြိမ်မြောက် “ကမ္ဘာ့နိုင်ငံသား” ဆုလို့ဆိုရမယ့် “Global Citizen Award” ကို လက်ခံရယူဖို့အတွက် လာရောက်မှာဖြစ်တဲ့အကြောင်း Atlantic Council ရဲ့ ပြောရေးဆိုခွင့်ရှိသူ အမျိုးသမီး တာလင်းန် အာနာနီယန် (Taleen Ananian) က ဗွီအိုအေကို အတည်ပြုပြောဆိုပါတယ်။ ဆုပေးပွဲအခမ်းအနားကို စက်တင်ဘာလ ၂၁ ရက်နေ့ကျရင် နယူးယောက်မြို့မှာ ကျင်းပမှာပါ။

ဒီမိုကရေစီနဲ့ လူ့အခွင့်အရေးအတွက် သန္နိဋ္ဌာန်အခိုင်အမာနဲ့ လုပ်ဆောင်မှု၊ လွတ်လပ်မှုနဲ့ လူသားဂုဏ်သိက္ခာ တို့ရဲ့ နိုင်ငံတကာ အမှတ်သင်္ကေတဖြစ်မှုတို့အတွက် ဒေါ်အောင်ဆန်းစုကြည်ကို ဒီဆုချီးမြှင့်တာဖြစ်တဲ့ အကြောင်း Council ရဲ့ ထုတ်ပြန်ချက်ထဲ မှာ ဖော်ပြထားပါတယ်။

ဒေါ်အောင်ဆန်းစုကြည်နဲ့အတူ ဆုချီးမြှင့်ဖို့ ရွေးချယ်ခံရသူတွေထဲမှာတော့ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဟောင်း ဆဒကို့ အိုဂတ (Sadako Ogata)၊ အမေရိကန်နိုင်ငံခြားရေးဝန်ကြီးဟောင်းနဲ့ နိုဘဲလ် ငြိမ်းချမ်းရေးဆုရှင် ဟန်နရီ ကစ်ဆင်းဂျား (Henry Kissinger)၊ အမေရိကန်ဂီတသမားနဲ့ လူသားအရေး လှုပ်ရှားသူ ကွင်စီ ဂျူံးစ် (Quincy Joines) တို့ လည်း ပါဝင်ပါတယ်။

ပြီးခဲ့တဲ့နှစ်က ဆုရှင်တဦးဖြစ်ပြီး အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF ရဲ့ အမှုဆောင်ညွှန်ကြားရေး မှူး ခရစ္စတင်းန် လာဂါ့ဒ် (Christine Lagarde) က ဒေါ်အောင်ဆန်းစုကြည်ကို ဆုပေးအပ်မှာဖြစ်ပါတယ်။

Atlantic Council ကို အတ္တလန်တိတ်သမုဒ္ဒရာ တဖက်တချက်မှာရှိတဲ့ နိုင်ငံတွေအကြား ပူးပေါင်းဆောင်ရွက်မှု နဲ့ အပြည်ပြည် ဆိုင်ရာလုံခြုံရေးတို့ကို တိုးမြှင့်ဆောင်ရွက်နိုင်ဖို့အတွက် ရည်ရွယ်ပြီး ပါတီစွဲမရှိတဲ့အဖွဲ့တဖွဲ့အဖြစ် ၁၉၆၁-၆၂ ခုနှစ်က ဖွဲ့စည်းခဲ့ တာပါ။

ဒေါ်အောင်ဆန်းစုကြည်ဟာ ဇူလိုင်လ ၂၂ ရက်နေ့ကနေ ၂၇ ရက်နေ့အထိ အမေရိကန်ပြည်ထောင်စု၊ ၀ါရှင် တန် ဒီစီမြို့တော်မှာ ကျင်းပမယ့် ၁၅ ကြိမ်မြောက် အေအိုင်ဒီအက်စ်ရောဂါ တိုက်ဖျက်ရေးဆိုင်ရာ နိုင်ငံတကာ ညီလာခံရဲ့ ဇူလိုင်လ ၂၆ ရက်နေ့ အစီအစဉ်တခုမှာလည်း ဗွီဒီယိုကနေတဆင့် မိန့်ခွန်းပြောကြားဖို့ရှိပါတယ်။

စက်တင်ဘာလမှာ ဒေါ်အောင်ဆန်းစုကြည် အမေရိကန်ပြည်ထောင်စုဆီ လာရောက်မယ်ဆိုရင်တော့ ရာစုနှစ်လေးပုံတပုံနီးပါး အတွင်း ပထမဆုံး အမေရိကန်ခရီးစဉ်ဖြစ်ပါလိမ့်မယ်။ ဒီ့မတိုင်ခင်ကတော့ မြန်မာ့ အိမ်နီးချင်း ထိုင်းနိုင်ငံနဲ့ ဥရောပနိုင်ငံတချို့ဆီ ခရီးထွက်ခဲ့ပါသေးတယ်။
( ဓာတ်ပုံ Atlantic Council Web site
Atlantic Council မှချီးမြှင့်သော ကမ္ဘာ့နိုင်ငံသားဆု၊ (Global Citizen Award) ဆုရှင်များ။ ဒေါ်အောင်ဆန်းစုကြည်၊ Henry Kissinger, Sadako Ogata, Quincy Joines )

By ဗွီအိုအေ(မြန်မာဌာန)
သစ်ထူးလွင်
( ဓာတ်ပုံ Atlantic Council Web site
Atlantic Council မှချီးမြှင့်သော ကမ္ဘာ့နိုင်ငံသားဆု၊ (Global Citizen Award) ဆုရှင်များ။ ဒေါ်အောင်ဆန်းစုကြည်၊ Henry Kissinger, Sadako Ogata, Quincy Joines )

အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ စက်တင်ဘာလအတွင်း အမေရိကန်ပြည်ထောင်စုဆီ လာရောက်ဖို့ ရှိပါတယ်။
အမေရိကန် အခြေစိုက် Atlantic Council က ပေးတဲ့ တတိယ အကြိမ်မြောက် “ကမ္ဘာ့နိုင်ငံသား” ဆုလို့ဆိုရမယ့် “Global Citizen Award” ကို လက်ခံရယူဖို့အတွက် လာရောက်မှာဖြစ်တဲ့အကြောင်း Atlantic Counci...l ရဲ့ ပြောရေး ဆိုခွင့်ရှိသူ အမျိုးသမီး တာလင်းန် အာနာနီယန် (Taleen Ananian) က ဗွီအိုအေကို အတည်ပြုပြောဆိုပါတယ်။ ဆုပေးပွဲအခမ်းအနားကို စက်တင်ဘာလ ၂၁ ရက်နေ့ကျရင် နယူးယောက်မြို့မှာ ကျင်းပမှာပါ။

ဒီမိုကရေစီနဲ့ လူ့အခွင့်အရေးအတွက် သန္နိဋ္ဌာန်အခိုင်အမာနဲ့ လုပ်ဆောင်မှု၊ လွတ်လပ်မှုနဲ့ လူသားဂုဏ်သိက္ခာ တို့ရဲ့ နိုင်ငံတကာ အမှတ် သင်္ကေတဖြစ်မှုတို့အတွက် ဒေါ်အောင်ဆန်းစုကြည်ကို ဒီဆုချီးမြှင့်တာဖြစ်တဲ့ အကြောင်း Council ရဲ့ ထုတ်ပြန်ချက်ထဲ မှာ ဖော်ပြထားပါတယ်။



ဒေါ်အောင်ဆန်းစုကြည်နဲ့အတူ ဆုချီးမြှင့်ဖို့ ရွေးချယ်ခံရသူတွေထဲမှာတော့ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဟောင်း ဆဒကို့ အိုဂတ (Sadako Ogata)၊ အမေရိကန်နိုင်ငံခြားရေးဝန်ကြီးဟောင်းနဲ့ နိုဘဲလ် ငြိမ်းချမ်းရေးဆုရှင် ဟန်နရီ ကစ်ဆင်းဂျား (Henry Kissinger)၊ အမေရိကန်ဂီတသမားနဲ့ လူသားအရေး လှုပ်ရှားသူ ကွင်စီ ဂျူံးစ် (Quincy Joines) တို့ လည်း ပါဝင်ပါတယ်။

ပြီးခဲ့တဲ့နှစ်က ဆုရှင်တဦးဖြစ်ပြီး အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF ရဲ့ အမှုဆောင်ညွှန်ကြားရေး မှူး ခရစ္စတင်းန် လာဂါ့ဒ် (Christine Lagarde) က ဒေါ်အောင်ဆန်းစုကြည်ကို ဆုပေးအပ်မှာ ဖြစ်ပါတယ်။

Atlantic Council ကို အတ္တလန်တိတ်သမုဒ္ဒရာ တဖက်တချက်မှာရှိတဲ့ နိုင်ငံတွေအကြား ပူးပေါင်း ဆောင်ရွက်မှု နဲ့ အပြည်ပြည် ဆိုင်ရာလုံခြုံရေးတို့ကို တိုးမြှင့် ဆောင်ရွက်နိုင်ဖို့အတွက် ရည်ရွယ်ပြီး ပါတီစွဲ မရှိတဲ့အဖွဲ့တဖွဲ့အဖြစ် ၁၉၆၁-၆၂ ခုနှစ်က ဖွဲ့စည်းခဲ့ တာပါ။

ဒေါ်အောင်ဆန်းစုကြည်ဟာ ဇူလိုင်လ ၂၂ ရက်နေ့ကနေ ၂၇ ရက်နေ့အထိ အမေရိကန်ပြည်ထောင်စု၊ ၀ါရှင် တန် ဒီစီမြို့တော်မှာ ကျင်းပမယ့် ၁၅ ကြိမ်မြောက် အေအိုင်ဒီအက်စ်ရောဂါ တိုက်ဖျက်ရေးဆိုင်ရာ နိုင်ငံတကာ ညီလာခံရဲ့ ဇူလိုင်လ ၂၆ ရက်နေ့ အစီအစဉ်တခုမှာလည်း ဗွီဒီယိုကနေတဆင့် မိန့်ခွန်းပြောကြားဖို့ရှိပါတယ်

စက်တင်ဘာလမှာ ဒေါ်အောင်ဆန်းစုကြည် အမေရိကန်ပြည်ထောင်စုဆီ လာရောက်မယ်ဆိုရင်တော့ ရာစုနှစ်လေးပုံတပုံနီးပါး အတွင်း ပထမဆုံး အမေရိကန်ခရီးစဉ်ဖြစ်ပါလိမ့်မယ်။ ဒီ့မတိုင်ခင်ကတော့ မြန်မာ့ အိမ်နီးချင်း ထိုင်းနိုင်ငံနဲ့ ဥရောပနိုင်ငံတချို့ဆီ ခရီးထွက်ခဲ့ပါသေးတယ်။
 

၆၅ နှစ်မြောက် အာဇာနည်နေ့ အထိမ်းအမှတ် ဥသြဆွဲခြင်း အခမ်းအနား


Burma VJမှ
၂၀၁၂ ခုနှစ် ဇူလိုင်လ ၁၉ ရက်နေ့မှာ ကျရောက်တဲ့ ၆၅ နှစ်မြောက် အာဇာနည်နေ့ အခမ်းအနားမှာ ကျဆုံးသွားပြီဖြစ်တဲ့ အာဇာနည်ခေါင်းဆောင်ကြီးများကို အောက်မေ့ သတိရတဲ့အနေနဲ့ ဝမ်းနည်းခြင်း အထိမ်းအမှတ် ၁ မိနစ်တိတိ ဥသြဆွဲအခမ်းအနားကို အမျိုးသားဒီမိုကရေစီအဖွဲ့ချုပ် ရွှေဂုံတိုင်ရုံးချုပ်မှာ ပြုလုပ်ခဲ့ပြီး အဖွဲ့ချုပ် အဖွဲ့ဝင်တွေ၊ ပြည်သူလူထုတွေနဲ့ ဒီမိုကရေစီရေး စိတ်ဝင်စားတဲ့ လူငယ်တွေ အများအပြား တက်ရောက်ခဲ့ကြပါတယ်။ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ ကျဆုံးသွားသည့် နံနက် ၁၀း၃၇ မိနစ် တိတိ အချိန်တွင် ဝမ်းနည်းခြင်းအထိမ်းအမှတ် ၁ မိနစ် ဥသြဆွဲတဲ့ အခမ်းအနား ပြုလုပ်နေစဉ်အတွင်း အများပြည်သူလူထုနှင့် ယာဉ်သွားယာဉ်လာများမှ မိမိတို့ ရောက်ရှိရာ နေရာများတွင် ရပ်တန့်၍ ဂါရဝပြု အလေးပြုခဲ့ကြပြီး မော်တော်ယာဉ်များမှ ဝမ်းနည်းခြင်း အထိမ်းအမှတ်အဖြစ် ကားဟွန်းများကို ပြိုင်တူတီးမှုတ်ပြီး ဂုဏ်ပြုခဲ့ကြပါတယ်။

ကရင့်ရိုးရာဒုံးအက














ကရင့်ရိုးရာဒုံးအက

ကရင်လူမျိုးတို့၏ဘ၀ ကရင်လူမျိုးတို့၏ အလှကို ထင်ဟပ်ဖော်ကျူးသော အကတစ်မျိုးကို ပြပါဟုဆိုလျှင် ကရင်လူမျိုးတို့ မြတ်နိုးခင်တွယ်သော ဒုံးအကကိုပြရပေလိမ့်မည်။ ဒုံးအကသည် စုပေါင်း၍ သွက်လက်မြူးကြွသော စည်းလုံးညီညွတ်မှုကို အခြေခံသည့်အကဖြစ်သည်။ ကရင်လူမျိုးတို့ ညီညွတ်သော အစဉ်လည်းတက်ကြွသော စိတ်ဓာတ်ကို ဒုံးအကတွင် မြင်တွေ့နိုင်သည်။ တက်ကြွညီညွတ်သော လူမျိုး၏ မြူးကြွလှုပ်ရှားသော အကဟူ၍ ဆိုနိုင်သည်။

ကရင်မျိုးနွယ်စုနှင့်ဒုံး အက
ကမ္ဘာပေါ်ရှိ တိုင်းပြည်နိုင်ငံအသီးသီးမှ လူမျိုးအသီးသီးတို့သည် ကိုယ်ပိုင် ယဉ်ကျေးမှုအကများ ရှိကြသည်။ နိုင်ငံနှင့် လူမျိုးကိုလိုက်၍ ယဉ်ကျေးမှုအရ ကိုယ်ပိုင်အကများ၊ တူရိယာများလည်းရှိကြပေသည်။ ယင်း ကိုယ်ပိုင်အက ယဉ်ကျေးမှုကို အမျိုးသားဟန်၊ အမျိုးသားမာန်တို့ဖြင့် ထိန်းသိမ်းခြင်းမြှင့်တင်ခြင်း ပြုကြကုန်သည်။

ကရင်လူမျိုးတို့သည်လည်း ရိုးရာ ကိုယ်ပိုင်ယဉ်ကျေးမှုဖြစ်သည့် ဒုံးအကသည် လူမျိုးနှင့်အတူ တည်ရှိလာခဲ့သည်။ လူမျိုး၏ ယဉ်ကျေးမှု ကိုယ်ပိုင် အမွေအနှစ်အဖြစ်လည်း အစဉ်အဆက် ထိန်းသိမ်း၍ ပြန်လည်ဖော်ထုတ်ခြင်း ခေတ်နှင့်စနစ်တို့ကို ထင်ဟပ်နိုင်သော မြှင့်တင်ခြင်းကိုလည်း ပြုမြဲရှိကြသည်။ ကရင်ဒုံးအကမှာမြူးကြွ၍ ကိုယ်၊လက်၊ခြေ၊ ခေါင်း တစ်ကိုယ်လုံး လှုပ်ရှား၍ လျင်မြန်စွာ ကခုန်ရသည်။ ပမာနှိုင်းသော် ကရင်ဒုံးအက၏ လှုပ်ရှားမှုသည် အနောက်တိုင်းမှ အအေးဒဏ်များကာကွယ်နိုင်ရန် မြူးတူးလှုပ်ရှားသော အကမျိုးနှင့် ဆင်တူသယောင်ရှိနေပေသည်။

ဒုံးအက၏မူလအစ
ကရင်ဒုံးအကသည် လူမှုရေးလုပ်ငန်းများကို စုပေါင်းဆောင်ရွက်ရာမှ အစပြု၍ဖြစ်ပေါ်ခဲ့သည်ဟု ရှေးဘိုးဘွားဘီဘင်တို့က အဆိုပြုထားရစ်ခဲ့ကြသည်။ ကခြင်း ခုန်ခြင်းမပြုနိုင်ခဲ့သည့် အစဦးပိုင်းတွင် သီဆိုခြင်းကိုစခဲ့သည်။ ယင်းမှတီးမှုတ်ခြင်း ထို့နောက်သီဆိုခြင်းနှင့် တွဲ၍ တီးမှုတ်ခြင်း ရှိလာ၏။ ထိုသို့သီဆိုခြင်း တီမှုတ်ခြင်း တွဲလာ၍ မရှေးမနှောင်းပင် ကခုန်ခြင်းကိုပါ တွဲ၍ သီဆိုကခုန်လာခဲ့ကြသည်။

သမိုင်းအရ ကရင်လူမျိုးများသည် ပါးမီးယား ကုန်းပြင်မြင့်မှ ဆင်းသက်ခဲ့ပြီး အဆင့်ဆင့် ပြောင်းရွေ့လာခဲ့ရာ ဂိုဘီသဲကန္တာရကို ဖြတ်ကျော်ပြီး တိဗက်ကုန်းပြင်မြင့် အရှေ့တရုတ်ပြည် ယန်စီကျန်မြစ်အနီး တောတောင်များတွင် နှစ်ပါင်းများစွာ အခြေစိုက် နေထိုင်ခဲ့သည်ဟုဆိုသည်။ ထိုဒေသများတွင် နေထိုင်ခဲ့စဉ် တောင်ယာများကို အဓိက လုပ်ကိုင်စားသောက်ကြသည်။ တောင်ယာမှ စပါးရိတ်သိမ်း၍ တလင်းများတွင် စပါးများကို ခြွေချနယ်သည့်အခါ အမျိုးသား အမျိုးသမီးတို့က ညီညီညာညာ တေး၊ ကဗျာ၊ လင်္ကာများကိုသီဆိုကြသည်။ ထို့သို သီဆိုရာတွင် အမျိုးသားအချို့က ကောက်နှံစပါးသီးနှံများကို ပိုမိုကောင်းမွန်၍ ပိုမိုထွက်ရှိခြင်းကို ၀မ်းမြောက်ဝမ်းသာ ကခုန်ကြသည်။

မျိုးမည်ထွေပြား ဒုံးအကများ
ကရင်ဒုံးအကသည် ခေတ်အလိုက် လူနေမှုစနစ်ကို ထင်ဟပ်၍ တိုးတက်ပြောင်းလဲလာခဲ့ပြီး ထိုသို့ပြောင်းလဲမှုတွင် ဒုံးအမျိုးအစားကို လိုက်၍ တည်ရှိနေကြသည်။ ခေတ်နှင့် စနစ်တို့၏ အချိန်အခါအရလည်း ဒုံးအမျိုးအစားများကို ခွဲခြား၍ ခေါ်ဝေါ်ကြသည်။

(၁) ရှေးဟောင်းဒုံးအက (တုင်ၟယှာထူ့ (သို့) တုင်ၟယှာၟလ်ုဖႜုံ)
ရှေးဦးဆုံးကာလအားဖြင့် စစ်ကြိုခေတ်မတိုင်မီအထိ ကပြသောဒုံးများကို (တုံယှာလ်ုဖႜုံ) ရှေးဒုံးအကအဖြစ် သတ်မှတ်ကြသည်။ ရှေးဒုံအကသည် ရှေးအခါကပင် အမျိုးသားကြီးများသာ ကပြလေ့ရှိရာ ယုခုအခါမှာလည်း အသက် ၄၀ ကျော် ၅၀ ရှိ အမျိုးသားတို့က ရှေးဖြစ်ဟောင်း အောက်မေ့ဘွယ်အဖြစ် ကပြလေ့ရှိသည်။ အခေါ်အဝေါ်အားဖြင့်လည်း သက်ကြီးဒုံးဟူ၍ ခေါ်ကြသည်။ ခေတ်ပေါ်ဒုံးများသည် အပျိုလူပျိုတို့သာ ကခွင့်ရှိသော စည်းကမ်းရှိရာ အိမ်ထောင်ကျ၍ သီဆိုကပြမှု ၀ါသနာထက်သန်သူတို့က သက်ကြီးဒုံးတွင် ၀င်ရောက်ကပြကြသည်။ ပရိသတ်များလည်း ယနေတိုင် နေရာပေး အားပေးနေဆဲရှိ၏။

(၂) ဇာတ်လမ်းဒုံး (ခေါ်) ဦးခေါင်းစွပ်ဒုံး (တုင်ၟထင်းပုံ)
တိရစ္ဆာန် ဦးခေါင်းရုပ် တစ်မျိုးမျိုးစွပ်ပြီး ကသောဒုံးများကို ဦးခေါင်းစွပ်ဒုံး ခေါ်ခြင်းဖြစ်သည်။ မျောက်ဦးခေါင်းစွပ်ဒုံး၊ ကျွဲဦးခေါင်းစွပ်ဒုံး၊ သမင်ဦးခေါင်းစွပ်ဒုံးနင့် မိကျောင်းဦးခေါင်းစွပ်ဒုံးဟူ၍ ရှိပြီး အမည်နှင့်ယှဉ်၍ ဇာတ်လမ်းဝတ္ထု ကပြကြရာတွင်-
(၁) မျောက်ဒုံး (တုင်ဆ်ုအုဂ်) - ရာမလ္ခဏာဇာတ်လမ်း
(၂) ကျွဲဒုံး (တုင်ၟပ်ုဏာ) - နံကရိုင်းကျွဲမဇာတ်လမ်း
(၃) သမင်ဒုံး (တုင်ၟထ်ုရဲ) - သုဝဏ္ဏသာမဇာတ်လမ်း
(၄) မိကျောင်းဒုံး (တုင်ၟသ်ုမး) - ရှင်မွေးလွန်းနှင့် မင်းနန္ဒာဇာတ်လမ်း
ထို့အပြင် ကပြသော ဇာတ်လမ်းအရ အမည်နာမတွင်လာသော ဒုံးအမျိုးအစားလည်း ရှိသေးသည်။ ဆဒ္ဒန်ဆင်မင်းဝတ္ထုခင်း၍ ကပြသောဒုံးကို (တုင်က်ုဆင့်အွာ) ဆင်မင်းဒုံးဟူ၍လည်းကောင်း ဝေသန္တရာ ၀တ္ထုခင်း၍ ကသောဒုံးကို (တုင်ဝိသန္တ၀်) ဟူ၍လည်းကောင်း ခေါ်ဆိုကြသည်။ တေမိဝတ္ထု၊ ဒွေးမယ်နော် ၀တ္ထုများကိုလည်း သီချင်းစပ်ဆို သီကုံးကပြလေ့ရှိသည်။

(၃) သူ့သဘောသူဆောင်သောဒုံး (တုင်ၟစင်က်ုဍယ်)
ကရင့်အခေါ် (စင်က်ုဍယ်) ဆိုသောစကားသည် ဖြစ်ချင်တာဖြစ် (သို့မဟုတ်) သဘောရှိ ဟူ၍ အဓိပ္ပာယ်ရသည်။ သိုကြောင့် ထိုဒုံးကိုကရာတွင် သီချင်းကို ညီညီညာညာ ဆိုကြသော်လည်း ကကွက်တွင် ကချင်တာက ရွှေ့ချင်တာရွှေ့ ဆုတ်ချင်တာဆုတ် ထချင်တာထ ထိုင်ချင်တာထိုင် မင်းသားအက ဇော်အက လူပြက်က သန်ရာသန်ရာက၍ သူ့သဘော သူဆောင်နေခြင်းဖြစ်သည်။ သို့ရာတွကင် စည်းကျ၍ သီချင်းဆုံးသောအခါ ပြိုင်တူရပ်၍ ပြိုင်တူလက်ခုပ်တီးကြသည်။ ထိုအကသည် ဟာသမြောက်စေရန် အဆိုတစ်မျိုး အကတစ်မျိုးဖြင့် ပရိသတ်များ တ၀ါးဝါးနှင့် သဘောတွေ့ မနောခွေ့ရသော အကဖြစ်သည်။

(၄) အမင်္ဂလာဒုံး (တုင်ၟက်ုရေင်ၟဏီ့)
တုင်က်ုရေင်ၟဏီ့ (ခေါ် ) အမင်္ဂလာဒုံးသည် ဘုန်းကြီးပျံပွဲတွင် ကလေ့ရှိသော ဒုံးဖြစ်သည်။ ဘုန်းကြီးပျံပွဲမှတပါး ကခွင့်မရှိသာ အကန့်အသတ်ဖြင့် သတ်မှတ်ချက်ရှိသည်။ ဒုံးကိုယာယီဖွဲ့စည်းပြီး လူသူများ မမြင်သောရနေရာတွင် တိုးတိုးတိတ်တိတ် ကျိတ်၍ ဒုံးတိုက်သင်ကြားရသည်။ ဒုံးအဖွဲ့သားတို့သည် ရုပ်ဖျက်ထားကြသည်။ မျက်နှာကိုအိုးမဲသုတ်၍ မျက်ကွင်းကို ထုံးဖြူများ ကွင်းထားကြသည်။ ခါးတောင်းကျိုက်သူ ခြေထောက်တွင် ခြူဆွဲထားသူ လည်ပင်းတွင် ခလောက်ဆွဲသူ အမျိုးမျိုး ဟာသလုပ်၍ ဘုန်းကြီးပျံ ဈာပနာရှိရာသို့ ၀င်ရောက်ပြီး ကပြကြသည်။

ဒုံးကရာတွင် ဘုန်းကြီးပျံ အလောင်းစင်ပြာဿဒ်ကို အပျော်သဘောဖြင့် ရွှေ့လိုရွှေ့ တဖန်ထမ်းယူပြီး ရွာပြင်တစ်နေရာရောက်အောင် ယူဆောင်သွားတတ်သည်။ ထိုအခါ ဘုရားဒကာ ပွဲဒကာတို့က တောင်းပန်ချော့မော့ပြီး သူတို့တောင်းသော ငွေကြေးကို ဆုအဖြစ်ပေးရသည်။ သူတို့ကျေနပ်မှ အလောင်းစင် ပြာဿဒ်ကို နေရာတွင် ပြန်ရွှေ့ထားကြသည်။ အမင်္ဂလာဒုံးသည် ဟာသတစ်မျိုးဖြစ်အောင် ရုတ်တရက်ထွင်ကသော ဒုံးဖြစ်သည်။

(၅) မောင်ရို့ဒုံး (တုင်ၟမင်ယိုဝ့်)
၁၉ ရာစုခေတ်နှောင်း၊ ၂၀ ရာစုခေတ်ဦးတွင် ကရင်ဒုံးအကသည် တစ်မျိုးပြောင်းလဲလာခဲ့သည်။ ထိုပြောင်းလဲမှုသည် ဆန်းသစ်သော ပြောင်းလဲမှုအဖြစ် ယနေ့တိုင် ထင်ရှားလာခဲ့ပေသည်။်။ မောင်ရို့ဒုံးများ ကပြလာသောအခါ သီကုံးသော သီချင်းများက ဆန်းသစ်၍ ခေတ်မီလာသည်။ အထူးသဖြင့် ထောက်ပြသတိပေး ပညာပေးဆုံးမခြင်း ဆန်ဆန်ရှိလာသည်။

ဒုံးကရန် ဒုံးအဖွဲ့သားအားလုံးက ညီညီညာညာထိုင်၍ နေရာယူပြီးသည့်အခါ ဒုံးခေါင်းဆောင်လုပ်သူက မောင်ရို့ မောင်ရို့ ဟူ၍တိုင်လေသည်။ ထိုအခါ ဒုံးအဖွဲ့သားတို့က လေ့လေ့ လေ့လေ့ ဟူ၍ ပြန်ဆိုလေသည်။ ထိုသို့ မောင်ရို့ မောင်ရို့ အစချီ အချက်ပေး သီဆိုခြင်းကို စွဲပြီး မောင်ရို့ဒုံး (တုင်ၟမင်ယိုဝ့်) ဟူ၍ ဖြစ်ပေါ်လာလေသည်။ မောင်ရို့ဒုံးသည် မျက်မှောက်ခေတ်တွင် ရေပန်းအစားဆုံးဖြစ်နေ၍ ခေတ်ဒုံးအဖြစ် အသိအမှတ်ပြုထားကြလေသည်။

(၆) ကလေးသူငယ်ဒုံး (တုင်ၟဆ်ုဃှီ့ဖေါဟ်)
ကလေးသူငယ်ကသော ဒုံးဖြစ်၍ ယဉ်ကျေးမှု မောင်မယ်လေးဒုံးဟူ၍ ခေါ်ကြသည်။ အထူးသဖြင့် လူမှုဝန်ထမ်း အကြိုမူလတန်းကျောင်းများမှ သားသား မီးမီးတို့က ကပြလေ့ရှိရာ မိဘများ နှလုံးပီတိကြည်မွေ့ရသော ဒုံးအကဖြစ်သည်။

(၇) အမျိုးသမီးပျိုဒုံး (တုင်ၟဆ်ုဃှီ့မူး)
ဤဒုံးမျိုးမှာ အမျိုးသမီးတို့နှင့်သာ ဖွဲ့စည်းပြီး ကလေ့ရှိရာ အမျိုးသမီးပျိုဒုံးဟူ၍ ခေါ်ကြသည်။ အမျိုးသမီးများဒုံးသည် သစ္စာမတည်သော ယောက်ျာတို့၏အကြောင်း ကတိမတည် သစ္စာမခိုင် ချစ်နှလုံးသားတွင် အလေးအနက် မရှိတတ်ခြင်းကို သီချင်းများ သီကုံးစပ်ဆိုလျက် ရှိတတ်ပြန်သည်။

(၈) လူပျိုဒုံး (တုင်ၟဆ်ုဃှီ့ခွါ့)
လုပျိုဒုံးသည် အမျိုးသား လူပျိုများတို့ဖြင့်သာ ဖွဲ့စည်း၍ ကသောဒုံးဖြစ်သည်။ အမျိုးသား လူပျိုဒုံးသည်လည်း အမျိုးသမီးတို့ သစ္စာမတည် ဖောက်လွဲဖောက်ပြန်တတ်ဖြင်းကို သီချင်းသီကုံးစပ်ဆိုလျက် ရှိတတ်ပြန်သည်။

(၉) အပျိုလူပျိုဒုံး (တုင်ၟမူးဏင်ဖူသးခွါ့)
အမျိုးသား အမျိုးသမီးအချိုးကျ ပါဝင်ဖွဲ့စည်း၍ ကသောဒုံးကို အပျိုလူပျိုဒုံးဟူ၍ ခေါ်ကြသည်။ အမျိုးသား အမျိုးသမီး အချိုးကျဖွဲ့စည်းခြင်းသည် ကြည့်၍ကောင်းရုံသာ မဟုတ်ပဲ ကကြိုးကွက် ဖော်ရာတွင် ပိုမိုဆန်းပြား၍ ကောင်းမွန်စေရန်ဖြစ်သည်။
ခေတ်နှင့်အညီ
မျက်မှောက်ခေတ်တွင် ယဉ်ကျေးမှုဒုံးသည် ဆန်းသစ်သော တီထွင်မှုများ ရှိလာပြီး ခေတ်နှင့်အမီ လိုက်လာ၍ ဒုံးလောကတွင် ရေပန်းအစားဆုံးဖြစ်သည်။ အကနှင့် တေးသီချင်းများကို ဆန်းသစ်အောင် တီထွင်လာခြင်းသာမက ၀တ်စားဆင်ယင်မှုမှာလည်း အမျိုးသားရိုးရာဝတ်စုံကို ပို၍လှပသေသပ်စေရန် အထက်အောက်ပနံလိုက် အရောင်များလည်း တင့်တယ်အောင် ရွေးချယ်ဆင်မြန်းလာကြသည်။

ယဉ်ကျေးမှုဒုံးသည် အကနှင့် ကကြိုးကကွက်များကို ဦးစားပေးသလို တေးသီချင်းကိုလည်း အဓိကထား၍ ထိထိမိမိ သီကုံးစပ်ဆိုလေ့ရှိသည်။ အထူးသဖြင့် စစ်မှန်သော ကိုယ်ပိုင်ယဉ်ကျေးမူကို ထိန်းသမ်းဖော်ထုတ်ရေး ယဉ်ကျေးမူအခြေခံ၏ ပဓာနအကျဆုံးဖြစ်သည့် စာပေပညာကို သင်ကြားတတ်မြောက်ရေး အချင်းချင်းသွေးစည်းရေးနှင့် လူမျိုးဂုဏ် ထိန်းသိမ်းမြှင့်တင်ရေးကိုလည်း တ်ုက်တွန်းသီဆိုကြသည်။ ထို့အတူပြိုင်ပွဲဝင်ဒုံးများ ပြည်ထောင်စုနေ့သို့ တက်ရောက်တင်ဆက်သော ဒုံးများတွင် တိုင်းရင်းသား စည်းလုံးညီညွတ်ရေး အဖျက်သမားချေမှုန်းရေး သွေးခွဲစနစ် တိုက်ဖျက်ရေးစသည့် အကြောင်းအရာများကို ရေးစပ်၍ ပညာပေးတိုက်တွန်း သီဆိုလျက် အကကိုလည်း သွက်လက်မြူးကြွ လှုပ်ရှား၍ ကကြသည်။

ခေတ်ကို မျက်မှောက်ပြုလျက်
ကရင်ဒုံးအကသည် တသမတ်တည်း တည်နေခြင်းကား မရှိပါချေ။ ခေတ်ကာလအခြေအနေကိုလိုက်၍ အဟောင်းများ ချုပ်ငြိမ်းပြီး အသစ်များ ပေါ်ထွန်းလျက်ဟူသော နိယာမတရားနှင့်အတူ ကရင်ဒုံးအကသည်လည်း ခေတ်နှင့်အညီ ပြောင်းလဲသစ်လွင်လာခဲ့သည်။ ဆန်းသစ်သော တီထွင်မှုများလည်း ရှိလာ၍ ဒုံးအကသည် တဟ်ခေတ်မှတစ်ခေတ် အသွင်များ အနှစ်သာရများ ပြောင်းလဲလာခဲ့သည်။

သို့ရာတွင် ခေတ်ကိုထင်ဟပ်၍ (တုင်ၟဆ်ုဃှီ့လာ) ယဉ်ကျေးမှုဒုံးများက ရေပန်းစားနေသော်လည်း ရှေးဖြစ်ဟောင်း အောက်မေ့ဖွယ်အဖြစ် ရှေးဟောင်းဒုံးအက (တုံယှာလ်ုဖႜုံ) ကိုလည်း တစ်ခါတစ်ရံ ပြန်လည်တင်ဆက်ကပြကြသည်။ ရှေးဟောင်းဒုံးသည် ကရင်လူမျိုးတို့၏ ရှေးဖြစ်ဟောင်းကို တမြေ့မြေ့ ပြန်လည်လွမ်းဆွတ်သော အကနှင့်သီချင်းတို့က ထိထိမိမိ သီဆိုကပြလေ့ရှိသည်။

မြန်မာနိုင်ငံ လွတ်လပ်ရေးနေ့ အထိမ်းအမှတ်ပြုသည့် ၁၉၄၈ ခုနှစ် ပထမအကြိမ်တွင် တိုင်းရင်းသားအကများ ကပြတင်ဆက်ရာ၌ ထိုစဉ်က ဘားအံမြို့နယ် ကော့မကယ်ရွာမှ ရှေးဟောင်းဒုံး (တုင်ၟယှာလ်ုဖႜုံ) ကို ရန်ကုန်မြို့တွင် သွားရောက်တင်ဆက်ခဲ့ရာ လွတ်လပ်ရေးဒိုင်းဆု ဆွတ်ခူးရရှိခဲ့ပြီး ယနေ့တိုင် ဂုဏ်ယူမဆုံး ပြောဆိုမြဲရှိသေးသည်။

မျက်မှောက်ခေတ်
မျက်မှောက်ခေတ် ဒုံးအကသည် ယဉ်ကျေးမှုဒုံးဖော်ထုတ်ရေးနှင့် ဖျော်ဖြေရေးတို့အပြင် ကရင်လူမျုိုးတို့အား သီချင်းဖြင့် ပညာပေး သတိပေးရာတွင် ထိရောက်လျက်ရှိနေသည်။ သီချင်းမှ ဖြစ်ပေါ်သော အသိပေးပညာမှုသည် ကရင်လူမျိုးတို့၏ သဘာဝက အထူးနှစ်ခြိုက်လျက်ရှိသည်။

အကနှင့် တေးသီချင်းများကို ဆန်းသစ်အောင် တီထွင်မှုရှိသော်လည်း မူလယဉ်ကျေးမှု မထိခိုက်ရေးကို အထူးကြပ်မထားကြသည်။ လွပ်ရေးရရှိပြီး နောက်ပိုင်းကာလတွင် ကရင်ဒုံးအကသည် အမျိုးသားကိုယ်စားပြုသော အကအဖြစ် တည်ရှိလာခဲ့သည်။ ကရင်လူမျိုးတို့ ပွဲတော်တိုင်းသည် ကရင်ဒုံးအကသည် မပါလျှင် မစည်ကားသလို အမျိုးသားအတွက် ကိုယ်စားပြုရာမှာလည်း ဒုံးအကထက် ထိရောက်သောအက မရှိသေးချေ။ ဒုံးအကသည် ကရင်လူမျိုးတို့ နှလုံးသည်းပွတ်ဟူ၍ ခေါ်ဆိုနိုင်သလို ကရင်လူမျိုးတို့အား ရှေ့ဆောင်စည်းရုံးရာမှာလည်း စွမ်းအားထက်မြက်လှသည်။ နိုင်ငံတော်အရေးဆိုင်ရာ လှုပ်ရှားမှုများတွင် ဒုံးအက၏ရှေ့ဆောင်မှုသည် အထိရောက်ဆုံးနှင့် အကျယ်ပြန့်ဆုံးနေရာယူခဲ့သည်။

ဒုံးပြိုင်ပွဲမှသည်
ကရင်ဒုံးအကများသည် တိုးတက်မြင့်မားလာခြင်း အခြေခံသည် ဒုံးပြိုင်ပွဲများကို ပြုလုပ်ပေးနိုင်ခြင်း ဖြစ်သည်။ ဒုံးအကနှင့် ယှဉ်တွဲလေ့ရှိသော (ရာဓနာ) ခေါ် (ဆုတောင်းပတ္ထနာ) ပြုခြင်းသည်လည်း ခေတ်မီဆန်းသစ်သော ဆုတောင်းသီချင်များ သီဆိုလာကြသည်။

ယနေ့ပြည်နယ်အတွင်း ပြည်နယ်နေ့အထိမ်းအမှတ် ကရင်နှစ်သစ်ကူးပွဲတော်တွင် ဒုံးအကပြိုင်ပွဲများကို တခမ်းတနား ထည့်သွင်းကျင်းပပြီး ဒုံးများ၏ အရည်အသွေးကို ဆန်းစစ်လျက်ရှိသည်။ ဒုံးအဖွဲ့များသည် တစ်ရွာတစ်ဖွဲ့ တစ်ဖွဲ့တစ်မျိုး တေးသီချင်းဆန်း အကြောင်းအရာအဖုံဖုံ ကကြိုးကကွက် အလှည့်အပြောင်းမျိုးစုံနှင့် မရိုးနိုင်ရှိနေသလိုအချို့က ဒုံးအကထက် တေးသီချင်းသီဆိုခြင်းကို နားထောင်မှတ်သားလေ့ရှိသည်။

အစနှင့်အဆုံး ဆုမွန်တောင်းခြင်း
မျက်မှောက်ခေတ် ပြိုင်ပွဲဒုံးများသည် ပြိုင်ပွဲကရန် အစတွင်လည်းကောင်း က၍ပြီးဆုံးသည့်အခါတွင်လည်းကောင်း ပရိသတ်များအား ဆုတောင်းပတ္ထနာပြုခြင်း၊ ဆန္ဒပြုခြင်း၊ တောင်းပန်ခြင်းကို ဦးစားပေးကြသည်။ ပရိတ်သများအား ခွန်းဆင့်ခြင်းနှင့် ခွင့်လွတ်ရန် ပန်ကြားခြင်းလည်းဖြစ်သည်။ အများဆုံး အသုံးပြုလေ့ရှိသော ဆုတောင်းပတ္ထနာများမှာ .........
-အောဆွန်းလားဆိုက် (အ်ှဆံင်းလာၟဆါ်) = ကျန်းမာရွှင်လန်းပါစေ
-ရှူးမောက်လားဆိုက် (ဃှူးမုက်လာၟဆါ်) = ချမ်းမြေ့အေးချမ်းပါစေ
-ဒေါက်ပိုင်လားဆိုက် ( ဍုဂ်ပါင်လာၟဆါ်) = ကုံလုံပြည့်စုံပါစေ
-ပလယ်တော်လားဆိုက် ( ပႜယ်တ၀်လာၟဆါ်) ခွင့်လွတ်နိုင်ကြပါစေ
-ဖေးဂိုင်းဖေးဗျာလားဆိုက် ( ဖှေ်ဟှါင်ၟဖှေ်္ဘျာလာၟဆါ်) = အားပေးသမှုပြုကြပါ
-ကျိုက်သရိထောင်းထော့လားဆိုက် ( ကျာ်သြီ့ထင်းထ၀့်လာၟဆါ်) = ကျက်သရေတိုးတက်ပါစေ စသည်များဖြစ်၏။
ဖော်ပြပါ ဆုမွန်တောင်းခြင်းသည် အချို့အ၀က်သာ ဖြစ်သည်။ အများစုသုံးခြင်းမှာ အေားဆွန်းလားဆိုက် ( အ်ှဆါန်းလာၟဆါ်) ကျန်းမာရွှင်လန်းပါစေဟူသော ဆုတောင်းခြင်းဖြစ်သည်။ အဆိုပါဆုတောင်းစကားသည် ဒုံးကရာတွင် သုံးစွဲနေခြင်းသာ

ကရင့်တူရိယာ ပစ္စည်းများ


ကရင့်တူရိယာ ပစ္စည်းများ

ကရင်လူမျိုးတို့သည် အဆို၊ အက၊ အတီး၊ အမှုတ်တို့ကို ၀ါသနာ ထုံကြသည့်အလျောက် ကိုယ်ပိုင်တူရိယာများကိုလည်း တီထွင်ပြုလုပ်လေ့ရှိသည်။ အချို့သော တူရိယာပစ္စည်းများသည် တီးမှုတ်ရန်အသုံးပြုခြင်းအပြင် အမျိုးသား အထိမ်းအမှတ်၊ ရိုးရာယဉ်ကျေးမှု အမွေအနှစ်အဖြစ် အမြတ်တနိုး သိမ်းဆည်းလေ့ရှိကြသည်။ ကရင်လူမျိုးတို့၏ ကိုယ်ပိုင်တူရိယာပစ္စည်းများကို ဖော်ပြရသော် -
(၁) ကလို (ခေါ်) ဖားစည်၊ (၂)ခွေ (ခေါ်) တံပိုး၊ (၃) ပီဘာ (ခေါ်) ပြွေ (သံစုံပြွေ)၊ (၄) ဂိန် (ခေါ်) မိကျောင်းလျှာ တူရိယာတစ်မျိုး၊ (၅) ဏာဒိန် (ခေါ်) စောင်းကောက်၊ (၆) ပေါ်ကူး (ခေါ်) ၀ါးပတ္တလား၊ (၇) သောင့်ထွန် (ခေါ်) သောတု (ခေါ်) တယော၊ (၈) ထာ့ (ခေါ်) အိုးစည်ရှည်၊ (၉) ခနာ (ခေါ်) ဗျတ်စောင်းငယ်တစ်မျိုး။




(၁)ကလို (ခေါ်) ဖားစည်
ကလို (ခေါ်) ဖားစည်မှာ အမျိုးသား အထိမ်းအမှတ် ယဉ်ကျေးမှု အမွေအနှစ်အဖြစ် အမြတ်တနိုး သိမ်းဆည်းထားလေ့ရှိသော တူရိယာပစ္စည်းဖြစ်သည်။

ဖားစည်ပြုလုပ်ခြင်း

ယေဘုယျအားဖြင့် ဖားစည်ကိုသတ္တုဖြင့် သွန်းလုပ်ထားကြသည်ဟု နားလည်ထားကြသည်။ ဖားစည်သွန်းလုပ်ခြင်းကို တတ်သိနားလည်သူတို့က ပဉ္စရူပခေါ် သတ္တုငါးမျိုးဖြစ်သော ရွှေ၊ ငွေ၊ ကြေးနီ၊ ခဲနှင့်သွပ်တို့ဖြင့် သွန်းလုပ်ရသည်ဟုဆို၏။ ဖားစည်၏ မြည်ဟီးအသံ သာယာစူးရှမှုအရ ထိုအဆိုသည် မှန်ကန်နိုင်ပေသည်။
ဖားစည်၏အသံသည် သာယာ၍ အေးမြသည်။ ငြိမ့်ညောင်းခြင်းမရှိသော်လည်း စူးရှ၍ထည်ဝါနေသည်။ အသံထွက်ထုံ၍ ခပ်အုပ်အုပ်ဖြစ်သော်လည်း အသံလှိုင်းများ ဝေးစွာ၍လွင့်ပြေးသည်။ လျှိုကြားမြိုင်ကြောတွင် တီးခတ်ပါက အသံပို၍ပြေးသည်။ တောတောင်များရှင်းနေလျှင် အသံမှာဟိန်း၍ ရှည်လျားနေသည်။ ရှေးအခါက စာဆိုများအရ ဖားစည်သံသည် သုံးယူဇနာ အဝေးကပင်ကြား
နိုင်သည်ဟုဆို၏။ ဖားစည်၏ လိုချင်သောအသံ အသံလွင်လွင်လေး ဖြစ်စေရန်မှာ ပဉ္စရူပခေါ် သတ္တုငါးမျိုးဖြစ်ကို အချိုးကျ သွန်းလုပ်နိုင်မှသာ ရရှိနိုင်သည်ဆိုကြသည်။

(၂)ခွေ (ခေါ်) တံပိုး
ခွေ (ခေါ်) တံပိုးတူရိယာသည် ပါးစပ်ဖြင့် မှုတ်ရသော တူရိယာပစ္စည်းဖြစ်သည်။ အများအားဖြင့် ကျွဲချိုဖြင့် ပြုလုပ်လေ့ရှိသောကြောင့် ကျွဲချို ဟူ၍ အများက သတ်မှတ်၍ ခေါ်ဝေါ်ကြသည်။ သို့ရာတွင် အောက်ပါအရာဝတ္ထုတို့ဖြင့်လည်း ပြုလုပ်ကြသည်ကို တွေ့ရသည်။ (၁) သမင်ဦးချို၊ (၂) ၀ါး၊ (၃) သစ်သား၊ (၄) ဆင်စွယ်၊ (၅) ဆတ်ဦးချို၊ (၆) အောက်ချင်းငှက်နှုတ်သီး။

တံပိုးပြုလုပ်ခြင်း
ခွေ (ခေါ်) တံပိုးပြုလုပ်ရာတွင် တစ်ပေကျော်ခန့်ရှိသော ကျွဲချိုကိုဖြတ်ယူပြီး ထိပ်နှစ်ဖက် တောက်လျှောက် အပေါက်ကိုယူရသည်။ ကျွဲချို၏ အရင်းပိုင်း သုံးပုံတစ်ပုံခန့်တွင် လျှာခင်အပေါက်တစ်ပေါက်ကို ဖေါက်ယူရလေသည်။ ငွေပြားဖြင့် အပေါက်လျှာခင်အဖြစ် ခပ်စောင်းစောင်း တပ်ထားရလေသည်။ လျှာခင်အပေါက်ကို နှုတ်ဖြင့်မှုတ်ပြီး လက်ယာဖက်လက်သည် ကျွဲချိုထိပ်ပိုင်းကိုပိတ်၍ အဖွင့်အပိတ်လုပ်ပြီး မှုတ်ခြင်းဖြင့် အသံအကြီးအသေး မြည်လာလေသည်။ ဟိန်း၍ စူးရှကျယ်လောင်သောအသံ ငြိမ့်ညောင်းသာယာသော အသံများကို အမျိုးမျိူးမှုတ်ယူ၍ရလေသည်။
ကျွဲချို၊ ဆတ်ချိုတို့ဖြင့် ပြုလုပ်သောတံပိုးသည် ပြုလုပ်ရခက်ခဲခြင်းရှိပြီး နေရာတကာတွင် အသုံးပြုလုပ်လေ့မရှိချေ။ မင်္ဂလာရှိသော ကိစ္စရပ်တို့တွင်သာ အသုံးပြုကြသည်။ အခြားသောကိစ္စရပ်များ အထူးသဖြင့် အမင်္ဂလာ ကိစ္စရပ်များတွင် အသုံးပြုပါက ကျေးရွာကိုသော်လည်းကောင်း၊ အသုံးပြုသူကိုသော်လည်းကောင်း ခိုက်တတ်သည်ဟု ယူဆကြသည်။
ဆင်စွယ်နှင့်ပြုလုပ်သော တံပိုးသည် နယ်စား၊ ကျေးရွာအကြီးအကဲတို့၌သာ ပြုလုပ်ထားရှိနိုင်လေသည်။ ဆင်စွယ်ကို ရွှေကွင်း၊ ငွေကွင်းတို့ဖြင့် အဆင့်ဆင့် ညှပ်ကွပ်ထားနိုင်လျှင် အလွန်လှပ၍ တန်ဖိုးမြင့်သော တူရိယာပစ္စည်းအဖြစ် သတ်မှတ်ကြလေသည်။ ဆင်စွယ်တံပိုးကို အမြတ်တနိုး ထွတ်မြတ်သောနေရာတို့တွင် သိမ်းဆည်းလေ့ရှိပြီး အမျိုးသားရေးရာကိစ္စတို့မှာသာ အသုံးပြုကြသည်။ အောက်ချင်းငှက်နှုတ်သီး၊ ၀ါး၊ သစ်သားတို့ဖြင့်ပြုလုပ်သော တံပိုးများသည် နွားကျောင်းသား၊ ကျွဲကျောင်းသား၊ ဆင်ထိန်းသမားတို့အများအပြား သုံးစွဲကြသည်ကို တွေ့ရှိနိုင်သည်။ တောတောင်များတွင် သွားလာရာ၌ လမ်းမှားရောက်ခြင်း လူစုကွဲခြင်းဖြစ်သည့်အခါ အချက်ပေးအဖြစ်မှုတ်လေ့ရှိကြသည်။

(၃) ပီဘာ (ခေါ်) ပြွေ (သံစုံပြွေ)
ကရင့်အခေါ် ပီဘာသည် "ပီ" မှာ ပြွေဟူ၍ အဓိပ္ပါယ်ရပြီး "ဘာ" ဟူသောကရင်စကားသည် ရှိခိုးကန်တော့ခြင်း အဓိပ္ပါယ်ရသည်။ ပီဘာကိုမှုတ်ရာတွင် နှုတ်ခမ်းဖြင့်တေ့၍ လက်နှစ်ဖက်ဖြင့် အစီအစဉ်တကျ လက်ဝါးဖြင့်ကိုင်တွယ်ရပြီး လက်အုပ်ချီဟန်ပန် ကန်တော့ခြင်း သဏ္ဍာန်ဆောင်လေသည်။ ပီဘာသည် အလွန်ရှားပါးသော ရှေးကျသည့် ကရင်တူရိယာတစ်မျိုးဖြစ်သည်။

ပြွေ ပြုလုပ်ခြင်း
ပီဘာကို အများအားဖြင့် ၀ါးဖြင့်ပြုလုပ်လေ့ရှိသည်။ သို့ရာတွင် အချို့ဒေသများ၌ ကြေးဝါးချောင်းဖြင့်လည်းကောင်း၊ကျွန်းသား၊ ယမနေသား စသောသစ်သားတို့ဖြင့်လည်းကောင်း ပြုလုပ်ကြသည်လည်းရှိသည်။ ကြေးဝါးချောင်းဖြင့်ပြုလုပ်ရာတွင် ချမ်းသာကြွယ်ဝသူများ ကျေးရွာခေါင်းဆောင်များတို့ပါ ပြုလုပ်နိုင်ကြသည်။
ပီဘာကိုပြုလုပ်ရာတွင် အုံကိုခရုသင်းခွံကဲ့သို့ လုံးလုံးဝန်းဝန်းနှင့်မှုတ်ရန် နှုတ်ခမ်းအပေါက်ကို သီးခြားကွပ်ညှပ်ထားလေသည်။ ပီဘာအုံအလယ်တည့်တည့်တွင် ပီဘာပြွေချောင်းများတပ်ဆင်ရန် အပေါက်ရှည်လျားလျားကို တိုးလျှိုးပေါက် ဖေါက်ထွင်းယူရသည်။ ထီးရိုးဝါးကဲ့သို့သော ဖြောင့်တန်းသည့်လုံးချောဝါးများကို အချောင်းအလိုက်အနိမ့်အမြင့် အစဉ်လိုက်တွဲပြီး ပီဘာအုံတွင် စိုက်ထောင်၍ အောက်ခြေမှနှစ်ပေကျော် တစ်ပေကျော်ခန့်တွင် တစ်လက်မစီ အနိမ့်အမြင့်စီတန်းထားလေသည်။ ပီဘာအုံ၏ အထက်နှစ်လက်မခွဲ၊ သုံးလက်မခန့်တွင်တွဲထားသော ၀ါးလုံးတိုင်ကို သေးငယ်သော အပေါက်ကလေးများဖေါက်ထားရသည်။ ပီဘာအုံအပေါက်တွင် ငွေပြားဖြင့် လျှာခင်အဖြစ်ထည့်ထားရလေသည်။ ပီဘာကိုမှုတ်ရန် အထွက်အပေါက်ဖက်ရှိ ရှေ့ပြွန်နှစ်လုံးကို အပေါက်ကလေးဖေါက်ထားရလေသည်။ ပီဘာကိုမှုတ်ရာတွင် လက်နှစ်ဖက်ဖြင့် ပီဘာအုံကိုကိုင်ထားရပြီး လိုသောအသံမျိုးစုံကို ထွက်နိုင်အောင် ပြွန်ရှိအပေါက်များကို လက်ချောင်းများဖြင့်ပိတ်၍ဖွင့်၍ မှုတ်ရသည်။ သို့ကြောင့် ပီဘာသည် သံစုံပြွေဖြစ်လာလေသည်။

(၄) ဂိန် (ခေါ်) မိကျောင်းလျှာ
ဂိန် (ခေါ်) မိကျောင်းလျှာကို ကရင်အမျိုးသား ကာလသားလူပျိုတို့ကသာ သုံးလေ့ရှိသော တူရိယာဖြစ်သည်။ တူရိယာဟုဆိုအပ်သော်လည်း အခြားသော တူရိယာတို့ဖြင့် တွဲဖက်၍ တီးလေ့မရှိပါချေ။ ပါးစပ်ဖြင့် အာခေါင်အထိငုံ၍ လေမှုတ်လက်ခတ်တီးရသော တူရိယာပစ္စည်းလည်းဖြစ်သည်။

မိကျောင်းလျှာ ပြုလုပ်ခြင်း
ဂိန်ကိုဝါးဖြင့်သော်လည်းကောင်း၊ သံချောင်းကလေးဖြင့်သော်လည်းကောင်း ပြုလုပ်ယူကြသည်။ ဂိန်ကိုပြုလုပ်ယူကြရာတွင် ကောင်းစွာရင့်နေသော အရှည်တစ်ထွာခန့်ရှိသည့် ၀ါးခြမ်းကိုဖြတ်ယူပြီး အလယ်တွင် အလျားလိုက်လျှာခင်ဖြစ်အောင် ထွင်းယူရလေသည်။ ပါးစပ်ဖြင့် မှုတ်ရမည့်နေရာတွင် အဟိုက်ဖြစ်အောင်ပြုလုပ်ယူရသည်။ ဂိန်ကိုမှုတ်ရာတွင် ပါးစပ်ဖြင့်ငုံထားရပြီး လက်ယာလက်က ဂိန်၏လျှာခင်အဖျားကို လက်ညှိုးနှင့်ခတ်၍ အသံထွက်လာလေသည်။ ထွက်လာသော အသံအလိုက် သီချင်းတွဲမှုတ်ယူ၍ ရလေသည်။ အချိူ့က ဂိန်ကိုသံချောင်းနှင့် ခွေယူပြီး လျှာကိုသံပြားလေးနှင့် တပ်ဆင်မှုတ်လေသည်။ သံဖြင့်ပြုလုပ်သော ဂိန်သည် ၀ါးဖြင့်ပြုလုပ်သော ဂိန်ထက် ပို၍အသံလွင်လေသည်။
ဂိန်ကို ကရင်အမျိုးသား ကာလသား လူပျိုတို့က အပျိုရှိရာအိမ်သို့ ညအခါ လူပျိုလှည့် လည်ပတ်ရင်း မိမိပြောလိုသော စကားကို သီချင်းလင်္ကာတို့ဖြင့် အပျိုအားသိစေသည်။ စင်စစ် ဂိန် (ခေါ်) မိကျောင်းလျှာသည် လူပျိုကာလသားတို့၏ လက်စွဲ တူရိယာဖြစ်သည်ဟုဆိုလျှင် များမည်မဟုတ်ချေ။

(၅) ဏာဒိန် (ခေါ်) စောင်းကောက်
ကရင်အမျိုးသား တူရိယာများအနက် ဖားစည်ကလွဲလျှင် ဏာဒိန်(ခေါ်) စောင်းကောက်သည် လူသိများ၍ နှစ်သက်ကြသော တူရိယာပစ္စည်းဖြစ်သည်။ စောင်းကောက်သံသည် လူတိုင်းကနှစ်သက်ကြသည်။ အခြားသော တူရိယာများနှင့် တွဲဖက်၍ တီးခတ်ရသော်လည်း စောင်းကောက်သက်သက်ဖြင့် တီးခတ်ခြင်းကို ပို၍ နှစ်သက်ကြသည်။ အထူးသဖြင့်ညအခါ တီးခတ်ရာတွင် အလွန်သာယာသော တူရိယာတစ်မျိုးဖြစ်သည်။ စောင်းသံ၏ အညုအဆွဲသည် သေသူပင် ပြန်ရှင်မတတ်ရှိသည်ဟု အဆိုအမွှန်းပြုကြသည်။ ကရင့်စောင်းကောက်တွင် ကြိုးငါးချောင်း သို့မဟုတ် ခုနှစ်ချောင်းဖြင့် တပ်လေ့ရှိသည်။ မျက်မှောက်တွင် ခေတ်သီချင်းများ တီးခတ်နိုင်ရန် ကြိုး ၁၀ ချောင်းမှ ၁၂ ချောင်းအထိ တပ်ယူကြသည်။ ရှေးအခါက စောင်းကြိုးကို ပျားဖယောင်းဖြင့်လွန်းတင်၍ ကျစ်ထားသော လျှော်မျှင်၊ ကြိုးနွယ်ပင်၊ ၀ါးမျှင်၊ပိုးချည်တို့ဖြင့် တပ်လေ့ရှိသော်လည်း မျက်မှောက်တွင် နိုင်လွန်ကြိုး၊ သံမဏိကြိုးတို့ဖြင့် အသုံးပြုလာကြပေပြီ။

စောင်းကောက်ပြုလုပ်ခြင်း
စောင်းကောက်ကို ပြုလုပ်ရာတွင် ကိုယ်ထည်ပိုင်းနှင့် ခေါင်းပိုင်းဟူ၍ နှစ်ပိုင်းခွဲခြားထားလေသည်။ ကိုယ်ထည်ကို သစ်သားတစ်မျိုးနှင့် ပြုလုပ်ပြီး ခေါင်းပိုင်းကို အခြားသစ်သားတစ်မျိုးနှင့် ပြုလုပ်ယူလေ့ရှိသည်။ ကရင့်စောင်းကောက် ခေါင်းပိုင်းသည် ဗမာစောင်းကောက်ကဲ့သို့ ကွေးညွတ်ခြင်း မရှိလှချေ။ လောက်လေးကိုင်းမျှလောက်သာ ကောက်သည်။ အထူးသဖြင့် ကိုယ်ထည်ပိုင်းကို မာသောသစ်သားတို့ဖြင့်သာ ပြုလုပ်၍ရသည်။ စောင်းကိုယ်ထည်ကို အလျားသုံးမိုက်၊ အနံတစ်မိုက်ခန့်ထား၍ အခေါင်းထွင်းကာ ဒရယ်သားရေ၊ ချေသားရေတို့ဖြင့် ဖုံးအုပ်ပြီး ကိယ်ထည်ဘေးနှစ်ဖက်တွင် အပေါက်နှစ်ပေါက် ဖောက်ထားသည်။ ယင်းအပေါက်ကို "နတ်သမီးပေါက်"ဟူ၍ ခေါ်ကြသည်။ စောင်း၏်ခေါင်းပိုင်းကို ကိုယ်ထည်နှင့် ဆက်စပ်ယူပြီး ထိပ်ပိုင်းတွင် ကြိုးတပ်၊ ကြိုးတင်းရန် လက်တံကို ထားရှိရသည်။ စောင်းခေါင်းပိုင်းသည် သဘာဝကောက်နေသော သစ်သားတို့ဖြင့် အလျားခြောက်မိုက်ခန့် အရှည်ယူ၍ တပ်ဆင်ယူရသည်။

ဏာဒိန်ယူသီ့ (ခေါ်) လွမ်းအောင်ဖန်စောင်း
ဏားဒိန်ယူသီ့ (ခေါ်) လွမ်းအောင်ဖန်စောင်းသည် အထွတ်အမြတ်ထားသော စောင်းတစ်မျိုးဖြစ်သည်။ အချို့ကတော်ဝင်စောင်း ဟူ၍ အမည်သတ်မှတ်ပေးကြသည်။ တော်ဝင်စောင်းကို အချို့က ဏားဍိင်ကိုင် နာဒိန်ဘားကန် ဟုလည်း ခေါ်ကြသေးသည်။ ထိုစောင်းကို ပြုလုပ်ရာတွင် အစီအရင်တစ်မျိုးနှင့် လုပ်ယူရလေသည်။ ကိုယ်ထည်ကို ပိတောက်သားဖြင့်ပြုလုပ်ရပြီး ခေါင်းပိုင်းကို ယင်းတိုက်သားနှင့် ပြုလုပ်ယူကြသည်။ ကြိုးတပ် ကြိုးတင်းရန် လက်တံက်ု သစ်၊ဆင်စွယ်ဖြင့် ပြုလုပ်ပြီး တပ်ဆင်ရသည်။ ထိုစောင်းကို ပြုလုပ်ရာတွင် မပြီးမချင်း တောထဲ၌သာ ထားခဲ့ရခြင်းဖြစ်သည်။ စောင်းကိုပြုလုပ်ပြီး စောင်းကြိုးတပ်သောအခါ စောင်းအိုးအပေါက်တွင် ပန်းခုနှစ်မျိုး ခုနှစ်ပွင့် သွင်းရလေသည်။ စောင်း၏အမြုတေခေါ်အပ်သော ဏာဒိန်အပနယ့် ကိုထည့်ရလေသည်။ ပန်းညိုခုနှစ်ပွင့်၊ စကားဝါပွင့်၊ နန်းလုံးကြိုင်၊ ဆောင်တော်ကူး၊ တရုတ်စကား၊ စကားစိမ်းပွင့် စသည့် ခုနှစ်ပွင့်ကို ထည့်သွင်းပြီးလျှင် စောင်းကြိုးညှိကာ ထိုတောအုပ်၌ပင် သီချင်းနှင့် သီဆိုတွဲဖက်ပြီး တီးခတ်ရလေသည်။
အထက်ပါ အစီအရင်အတိုင်း စီရင်သီဆိုတီးခတ်ပြီးသောအခါမှသာ ရွာသို့ ယူဆောင်၍ ရလေသည်။ ထိုစောင်းကိုသီဆိုတီးခတ်လျှင် ကြားရသူတိုင်း လွမ်းဆွေးကြရသည်ဟု ရှေးလူကြီးများက ဤသို့ မှာကြားချက်တစ်ရပ်ရှိပေသည်။ "ဏာဍိင်ယူသီ့ ဏာဍိင်က်ုလယ်၊ ဏာဍိင်မွဲာ ကႜင်ကိႜင်းအ်ုလယ့်၊ အေဍယ်စူးလင် အ်ုပးနယ့် ဍယ်ထင်းဍယ်လင် မေးထီ့ဟှယ့်။" လွမ်းဖွယ်ကောင်းသော စောင်းမဟာကို ကြန်အင်နှင့်ပြည့်စုံသော ပိတောက်သားနှင့် ထုလုပ်ထားပါသည်။ စောင်း၏အမြုတေဖြစ်သော ပန်းခုနှစ်မျိုးဖြင့် စီရင်အပ်သည်ဖြစ်ူ၍ တီးခတ်ပါက ကြားရသူတိုင်း မျက်ရည်မဆည်နိုင်အောင် လွမ်းဆွေးဘွယ်ရာဖြစ်ပါသည်။ ထို့အပြင် အစီအရင်နှင့်ပြီးသော လွမ်းဘွယ်စောင်း (၀ါ) တော်ဝင်စောင်းကို ဤသို့ဆင့်၍ ပိုးကရင်လင်္ကာဖြင်ပ အမွှန်းပြုထားပေသေးသည်။ ကာလသား ကာလသမီးတို့ပိုင်ဆိုင်သော စောင်းကောက်တစ်မျိုးကိုလည်း ဤသို့ဖွင့်ဆိုထားကြသည်။ "ဏာဍိင်ယူသီ့ ဏာဍိင်အွာ၊ ဏာဍိင်မူးဏင်. ဖေါဟ်သးခွ့၊ အေဍယ်ထင်း ကေ၀်မူးဏာဏာ၊ ဟ်ုယှာ.လ်ုဖံႜုဏင်းထင်းသာ၊ ဏာဍိင်ယူ.မုဂ် ဏာဍိင်က်ုလ၀်၊ မ်ုဍယ်လေ ဍုံဍူးဍံထ၀့်၊ အေဍယ်ထင်း ကေမူဟှဝ်ဟှဝ်၊ ဟ်ုသီ့မု့်ထင်းထာင်လ၀့်။" ဖြူစင်သန့်ရှင်းလှသော ကာလသား ကာလသမီးတို့၏ စောင်းကောက်ကိုညအခါ တီးခတ်ပါက လူကြီးသူမတို့ပင် လူငယ်အတိတ်ဘ၀ကို ပြန်ပြောင်းသတိရပြီး အိပ်ရာမှထ၍ မှေးစက်ခြင်းမရနိုင် ဖြစ်ရသည်။ ထိုနည်းတူပင် ရောင်နီပျိုးချိန် နံနက်ဆည်းဆာတွင် တီးခတ်ပါက သေသူပင်ပြန်လည် အသက်ရှင်လိမ့်မည်ဟူ၍ ဆိုလေ၏။

(၆) ပေါ်ကူး (ခေါ်) ၀ါးပတ္တလား
ကရင်လူမျိုးတို့၏ ရိုးရာတူရိယာများအနက် ပေါ်ကူး (ခေါ်) ၀ါးပတ္တလားသည် ရှေးကျလှသော တူရိယာတစ်ခုပင် ပါဝင်လေသည်။ စာတစ်စောင်ပေတစ်ဖွဲ့ဖြင့် မှတ်တမ်းတင်ခဲ့ခြင်းမရှိသဖြင့် မည်သည့်ခေတ်အခါလောက်ကတည်းက ပေါ်ကူး (ခေါ်) ၀ါးပတ္တလားကို ကရင်လူမျိုးတို့ မည်သည့်အချိန်မှ စတင်သုံးစွဲခဲ့ကြောင်းကို အတိအကျဆိုရန်ခက်လှသည်။ ကရင်လူမျိုးတို့သည် တောင်ယာခုတ်ခြင်း၊ အမဲလိုက်ခြင်း၊ တောတောင်များအတွင်း သွားလာခြင်းပြုရာမှ အနားယူနေသည့်အခါတွင် ဒူးလေး၊ မြားကိုပြုလုပ်၍ ရြှိုကသည်။ ထိုသို့ပြုလုပ်နေစဉ် ၀ါးဆစ်များကို ခုတ်ထစ်ပိုင်းဖြတ်၍ တီးခတ်ကြည့်ရာ အသံအမျိုးမျိုးထွက်လာသည်ကို အကြောင်းပြုပြီး ၀ါးပတ္တလားကို စတင်လုပ်ယူကြသည်ဟု ကရင်လူကြီးများက ဆိုကြသည်။

ဝါးပတ္တလားပြုလုပ်ခြင်း

ပေါ်ကူးကို ၀ါးလုံး (၉) လုံးဖြင့် များသောအားဖြင့်ပြုလုပ်ကြပြီး အချို့မှာ ၀ါးလုံး (၁၁) လုံးအထိ ပြုလုပ်ကြကြောင်း တွေ့ရှိနိုင်ပေသည်။ ၀ါးအရင်းမှ တစ်ပိုင်းစီတစ်ပိုင်းစီ အဆစ်ခံ၍ ဖြတ်ယူလေ့ရှိကြသည်။ ၄င်းအဖျားပိုင်း (၃) ချိုး (၂) ချိုးအထိ တစောင်းကျအောင် ခုတ်ဖဲ့ပြီးအသံကို ညှိယူရသည်။ ၀ါးခြမ်းသစ်သား စသည်ဖြင့်လည်ကောင်း တုတ်တံထိပ်ပိုင်းကို အ၀တ်ကဲ့သို့သောအရာဖြင့် စီးပတ်၍သော်လည်းကောင်း တီးခတ်သံအဖြစ်ပြုလုပ်ကြသည်။ အလယ်ဝါးကို သံမှန် (၀ါ) မူလအသံဖြင့်ထားပြီး ၀ါး (၉) လုံးပါပေါ်ကူးကို အသံစဉ်အလိုက်ညှိယူကြောင်း သိရှိရပါသည်။ မျက်မှောက်တွင် အသံအားဖြင့် စူးရှလှသော ပတ္တလားတစ်ခုကိုကြည့်လျှင် အရှည်အားဖြင့် နှစ်လက်မခွဲခန့်ရှိသည်။ အသံတိမ်သော ပတ္တလား အသွားအရှည်မှာမူကား ၁၁ လက်မကျော်ရှိသည်ကိုတွေ့ရရှိသည်။ ထို့အပြင် အသံထွက်တိမ်သော ပတ္တလားတစ်မျိုးမှာလည်း ၀ါးဆစ်မှာ အရင်းအထိ တစ်ပေ နှစ်လက်မခန့်ရှိပြီး အရင်းမှာအဖျားအထိ နျစ်ပေခွဲကျော်ခန့်ရှိသည်ကို တွေ့ရှိရပေသည်။ ကရင့်အခေါ် ပေါ်ကူး၊ ၀ါးပတ္တလားမှာ မျက်မှောက်မွန် ၊ ဗမာတို့၏ ၀ါးပတ္တလားတို့နှင့် အခြေခံအားဖြင့်ခြားနားမူမရှိလှေ
ချ။ မွန်၊ ဗမာတို့၏ ၀ါးပတ္တလားကို မွမ်းမံမူုဖြင့် လခြမ်းပုံ သစ်သားအိမ်များ၊ မှန်စီရွှေချအိမ်များချ၍ ရူချင်စဖွယ် လှပသော်လည်း ကရင်တို့၏ ၀ါးပတ္တလားသည် သဘာဝအတိုင်းသာရှိနေ၍ လှပခြင်းမရှိလျချေ။ သို့သော် လွင်သောအသံ ညက်ညောသော အဆွဲအငင်တို့ဖြင့် အခြားသော ကရင်တူရိယာတို့နှင့် တွဲဖက်တီးခတ်သောအခါ သာယာနာပျော်ဖွယ် တူရိယာအဖြစ် ကရင်လူမျိုးတို့က သတ်မှတ်အသုံးပြုကြသည်။

(၇) သောင့်ထွန် (ခေါ်) တယော
ကရင့်အခေါ် (သောင့်ထွန်) မှာ ငြိမ့်ညောင်းစွာ တီးရသော တူရိယာပစ္စည်းတစ်မျိုးဖြစ်သည်။ ရှေးကျ၍ ရှားပါးလှသော ပစ္စည်းလည်းဖြစ်၏။

တယောပြုလုပ်ခြင်း
သောင့်ထွန်ကို အုန်းမှုတ်ခွက်တို့ဖြင့်လည်းကောင်း ၀ါးပိုးကျည်တောက်တို့ဖြင့်လည်းကောင်း ပြုလုပ်လေ့ရှိသည်။ ရှေးအခါက သောင့်ထွန်ကိုကြိုးတစ်ချောင်းတပ်ဖြင့် အသုံးပြုလေ့ရှိပြီး နောက်ပိုင်းတွင် ကြိုးနှစ်ချောင်းတပ်၍ သုံးစွဲလာကြသည်။ ထိုကြိုးတို့မှာနှစ် ချောင်းပူးထားသော ကြိုးတစ်ချောင်းနှင့် သုံးချောင်းပူးထားသော ကြိုးတစ်ချောင်းဖြစ်သည်။ အချို့သောဒေသတွင် ကြိုးသုံးချောင်းတပ်၍ ရှားရှားပါးပါး အသုံးပြု တီးခတ်နေကြောင်းကို တွေ့ရှိရသေးသည်။ ကရင့်သောင့်ထွန်သည် အများအားဖြင့် အလျားနှစ်တောင်ခန့်ရှိသည်။ ထိုးတံဖြင့် တယောထိုးသကဲ့သို့ တီးခတ်၍ရသလို လက်ချောင်းဖြင့် တီးခတ်၍လည်းရသည်။ မတ်တပ်ထောင်၍ ဘေးတိုက်ထိုးရပြီး အသေအရှင်ထိုးနည်ဟူ၍ နှစ်မျိုးရှိ၏။ အသေထိုးနည်းမှာ ထိုးတံကိုကြိုးအတွင်းသို့ထားပြီး ထိုးသောထိုးနည်းကိုဆိုလိုသည်။ အရှင်ထိုးနည်းမှာ ထိုးတံနှင့်တသီးတခြားထားပြီး အပြင်မှနေ၍ထိုးခြင်းဖြစ်သည်။ ကရင့်သောင့်ထွန်သည် ရှေးအခါက ပေါများလှသော်လည်း ယနေ့ တယော ဂီတများပေါ်ထွန်းလာချိန်တွင် တဖြည်းဖြည်းကွယ်ပျောက်၍ ကျေးလက်အချို့တွင်သာ ရှားရှားပါးပါး တွေ့ရှိနိုင်တော့သည်။

(၈) ထာ့ (ခေါ်) ကရင်အိုးစည်
ကရင်အိုးစည်သည် ဗမာ၊ ရှမ်းတို့၏ အိုးစည်ပုံသဏ္ဌာန်ဖြစ်သည်။ သို့ရာတွင် ရှမ်းအိုးစည်ကဲ့သို့ ကိုယ်ထည်ရှည်လျားခြင်း မရှိချေ။ ခါးသေးပြီး အ၀ိုက်ကျယ်ခြင်းလည်း မရှိချေ။ ကရင်အိုးစည်မှာ ခါးတုတ်၍ ကိုယ်ထည်လည်းတိုသည်။

ကရင်အိုးစည်ပြုလုပ်ခြင်း
ကရင်အိုးစည်ကို မာသောသစ်သားတို့ဖြင့် ထွင်းယူပြီးမျက်နှာဝကို နွားသားရေဖြင့် ကျက်ထားသည်။ ထိပ်ဝအနည်းဆုံးတစ်ပေရှိသည်။ အိုးစည်ထိပ်ဝအချင်းကိုမူတည်လျက် တွဲဖက်တီးရသော တူရိယာတို့၏ အရွယ်အစားကိုလိုက်၍ သတ်မှတ်ချက်ရှိ၏။ အိုးစည်ထိပ်ဝ ၁၂ လက်မ၊ ဖားစည်ထိပ်ဝ ၁၈ လက်မ၊ လင်းကွင်းအကျယ် ၁၂ လက်မနှင့် ၁၀ လက်မအချင်းရှိသော မောင်းတို့ဖြင့် တွဲဖက်တီးခတ်သော် လိုက်ဖက်လှသော အသံက်ိုရရှိသည်ဟု ဆိုကြသည်။ မျက်မှောက်တွင် ကရင်ရိုးရာဒုံးအက၊တေးသီပွဲ (ခေါ်)အော်ပွဲတို့တွင် အိုးစည်ကိုပင် တူရိယာအဖြစ် ထားပြီးနှဲ၊ ပုလွေ၊ ၀ါး၊မောင်း၊ လင်းကွင်း၊ ဗုံတို့ဖြင့် တွဲ၍ တီးခတ်နေသည်ကို တွေ့ရှိရမည် ဖြစ်ပေသည်။

(၉) ခနာ (ခေါ် )ဗျတ်စောင်း
ကရင်လူမျိုးတို့ ကြိုးတပ်တူရိယာများရှိသည့်အနက် ဗျတ်စောင်းသည် တစ်မျိုးအပါအ၀င်ဖြစ်သည်။ ကရင်ဗျတ်စောင်းသည် ယခုခေတ် မယ်ဒလင်တစ်မျိုးဟု ဆိုနိုင်သည်။ အချို့က ကိုယ်တိုင်တီး ကိုယ်တိုင်သီဆို၍ အချို့မှာ အမျိုးသားကတီးခတ်၍ အမျိုးသမီးက သီချင်းသီဆိုသောအခါ သာယာနာပျော်ဖွယ် ရှိလှသည်ဟု လက်ခံထားကြပေသည်။

ဗျတ်စောင်းပြုလုပ်ခြင်း
ရှေးအခါက အုန်းမှုတ်ခွက်ဖြင့် အုန်းသီးတစ်လုံးကို သုံးပုံတစ်ပုံမှ ညီညာစွာဖြတ်ယူပြီး အ၀ကို သစ်သား ၀ါးပြားဖြင့်ပိတ်၍ ပြုလုပ်ယူလေ့ရှိသည်။ နောင်ခေတ်အချိန်တွင် သစ်မာသားဖြစ်သော ယင်းတိုက်၊ ပျဉ်းကတိုး၊ ပိတောက်သားတို့ဖြင့် ပြုလုပ်နေကြသည်။ ရှေးကကြိုးသုံးချောင်း ရိုးရိုးတပ်ပါရှိသော်လည်း မျက်မှောက်တွင် ကြိုးငါးချောင်းကို နှစ်ချောင်းတွဲစုံ လေးချောင်းနှင့် တစ်ချောင်းတွဲတပ်ကြိုးအဖြစ် တပ်ဆင်ကြသည်။ ယခင်ကပိုးချည်မျှင် သစ်သားမျှင် ၀ါးမျှင်တို့ဖြင့် ကြိုးအဖြစ်အသုံးပြုလေ့ရှိသော်လည်း ယခုအခါ နိုင်လွန် သ့မဏိကြိုးတို့ဖြင့် တပ်ဆင်သုံးစွဲလာကြသည်။

ဖော်ပြပါ ထင်ရှားလှသော ကရင်လူမျိုးတို့၏ ရိုးရာတူရိယာများကို ဖော်ပြရာတွင် အားလုံးပြည့်စုံနိုင်ပြီး မဟုတ်ချေ။ ဒေသအလိုက် ရိုးရာတူရိယာပစ္စည်းများ ရှိနေဦးမည်ဖြစ်ကြောင်း ဖော်ပြအပ်ပါသည်။

ကရင်နှင့်ကရင့်ရိုးရာဝတ်စားဆင်ယင်မှုများ


ကရင်လူမျိုးများသည် မြန်မာနိုင်ငံတွင် လူဦးရေအားဖြင့် (၄) သန်းကျော်ရှိနေကြပြီး နေရာဒေသကြီး (၃) ခုတွင်နေထိုင်ကြသည်။ ၄င်းတို့မှာ (၁) ဧရာဝတီမြစ်ဝှမ်း၊ စစ်တောင်းမြစ်ဝှမ်း၊ သံလွင်မြစ်ဝှမ်းနှင့် တနင်္သသာရီကမ်းရိုးတန်းဒေသ (၂) ဧရာဝတီမြစ်ဝှမ်းနှင့် စစ်တောင်းမြစ်ကြားရှိ ပဲခူးရိုးမတောင်တန်းများနှင့် ချိုင့်ဝှမ်းဒေသများ (၃) ရှမ်းကုန်းပြင်မြင့်တောင်ပိုင်းမှ ကယားပြည်နယ်၊ ကရင်ပြည်နယ်၏ချိုင့်ဝှမ်းနှင့် လွင်ပြင်များအပါအ၀င် ကျယ်ပြန့်သော ရှမ်းကုန်းပြင်မြင့်ဒေသများပင်ဖြစ်သည်။

မြန်မာနိုင်ငံတွင်နေထိုင်ကြသော ကရင်များသည် ဘာသာစကားအားဖြင့် (၁၆) မျိုးခန့်ကွဲပြားခြားနားကြပြီး ယင်းတို့ကိုအဓိကအားဖြင့် အုပ်စုကြီးနှစ်ခုဖြစ်သော စကော-ဘွဲအုပ်စု (Sgaw-Bghai) နှင့်ပိုးအုပ်စု (Pow) တို့ပင်ဖြစ်သည်။ စကောသည် စကော-ဘွဲအုပ်စုတွင် အကျယ်ပြန့်ဆုံး အသုံးပြုသောစကား ဖြစ်သကဲ့သို့ ပိုးစကားသည်လည်း ပိုးအုပ်စုတွင် အကျယ်ပြန့်ဆုံး ပြောသောစကားဖြစ်သည်။ တစ်ခါတစ်ရံ ကရင်များကိုနေရာဒေသလိုက်၍ မြောက်ပိုင်းကရင်၊ တောင်ပိုင်းကရင် ဟူ၍ခွဲထားပြန်သည်။ မြောက်ပိုင်းကရင်များတွင် ကယားများပါဝင်ပြီး တောင်ပိုင်းကရင်များတွင် စကောနှင့်ပိုးတို့ပါဝင်သည်။ ထိုသို့ ကွဲပြားနေခြင်းသည် ကွဲပြားခြားနားသော ပြင်ပရိုးရာယဉ်ကျေးမှုများ၏ လွှမ်းမိုးမှုကြောင့်ဖြစ်သည်ကို ဖော်ပြနေပါသည်။ မြောက်ပိုင်းကရင်များသည် ထိုင်းစကားကိုပြောသော ရှမ်းတို့နှင့်နီးစပ်မှု၊ လွှမ်းမိုးမှုကိူခံရသကဲ့သို့ တောင်ပိုင်းကရင်များတွင် မွန်၊ ဗမာတို့၏ လွှမ်းမိုးမှုရှိနေသည်။ မြေပြန့်တွင်နေသောကရင်များနှင့် တောင်ကုန်းတောင်တန်းတွင်နေထိုင်ကြသော ကရင်များဟူ၍ ကွဲပြားကြပြန်သည်။ အထူးသဖြင့် ပိုးကရင်များသည် မြေပြန့်တွင်နေထိုင်ကြသူများဖြစ်ကြသည်။ ထိုသို့ ပိုးကရင်များ မြေပြန့်သို့ရောက်ရှိသွားရသည်မှာ စကောကရင်များ၏ တွန်းပို့မှုကြောင့်ဖြစ်ရသည်ဟု ပိုးကရင်ဒဏ္ဍရီတွင်ဆိုထားသည်။ တစ်ဖန်မြေပြန့်တွင် နေထိုင်ကြသောပိုးကရင်များသည် လယ်ယာစိုက်ပျိုးကြသည်။ တောင်ပေါ်တွင်နေထိုင်ကြသောကရင်များမှာ အများအားဖြင့် တောင်ယာလုပ်ငန်းများကို လုပ်ကိုင်ကြသည်။ ရက်ကန်းလုပ်ငန်းလုပ်ဆောင်ရာတွင် တောင်ပေါ်သားများသည် သားရေတပ်ရက်ကန်းစင်များဖြင့် ပြုလုပ်ကြသော်လည်း မြေပြန့်သားများသည် ဗမာများကဲ့သို့ သစ်သားဘောင်တပ်ရက်ကန်းစင်များဖြင့် ပြုလုပ်ကြသည်။ တောင်ပေါ်သားများသည် ၀ါဂွမ်းများက်ုစိုက်ပျိုးကြသော အလေ့အထရှိပြီး ယင်းဝါဂွမ်းထည်များကို မြေပြန့်တွင်နေထိုင်ကြသော ဗမာ၊ မွန်တို့ထံရာင်းချကြသည်။

ဘာသာတရားနှင့် ယုံကြည်ကိုးကွယ်မှုအပေါ်အခြေခံလျက် ကရင်များသည် ကွဲပြားကြပြန်သည်။ ကရင်တို့၏မိရိုးဖလာယုံကြည်မှုမှာ နတ် သို့မဟုတ် နာမ်ဝိညာဉ်များပင်ဖြစ်သည်။ မိရိုးဖလာယုံကြည်မှုကို ဦးဆောင်ကြသူများသည် ကျေးရွာလူကြီးသူမများဖြစ်ကြသည်။ ဦးဆောင်သူရွာသူကြီးများသည် မိရိုးဖလာပွဲကျင်းပရာအခမ်းအနားများကို စီစဉ်ဦးဆောင်ကြပြီး ကျေးရွာရှိအမျိုးသမီးကြီးများမှာ ကွယ်လွန်သူဘိုးဘွားများအား ကန်တော့ခြငိး၊ ရောဂါဝေဒနာစွဲကပ်သူများအား ကုသပေးခြင်း စသည့်အလုပ်များကို လုပ်ဆောင်ရန်တာဝန်ယူကြသည်။ မွန်၊ ဗမာ၊ ရှမ်းတို့၏လွှမ်းမိုးမှုကြောင့် ကရင်အတော်များများသည် ဗုဒ္ဓဘာသာဝင်များဖြစ်လာကြသည်။ ဗုဒ္ဓဘာသာနှင့် မိရိုးဖလာယုံကြည်မှုတို့၏ ရောနှောယှက်နွယ်မှုပင်ဖြစ်သည်။ ၁၉ရာစုတွင် ခရစ်ယာန်သာသနာပြုများရောက်ရှိလာသာအခါ သူတို့၏ယုံကြည်မှုအစဉ်အလာသည် ပို၍ရှုပ်ထွေးသွားသည်။ ထိုခရစ်ယာန်သာသနာပြုများသည် ၁၈၂၅ ခုနှစ်လောက်တွင် တနင်္သာရီဒေသရှိ ကရင်များကြားတွင် သာသနာပြူလုပ်ငန်းစတင်ခဲ့ကြသည်။ ခရစ်ယာန်သာသနာ၏လွှမ်းမိုးမှုကြောင့် လူမူရေး။ ဘာသာရေးလှုပ်ရှားမှုများလည်း များစွာပေါ်ထွက်လာခဲ့ကြသည်။ ခရစ်ယာန်သာသနာပြုများသည် သာသနာ့စာသင်ကျောင်းများကို ဖွင့်လှစ်ခဲ့ကြသည်။ ကရင်စာများကိုလည်းတီထွင်ရေးသားဖြန့်ဝေလာကြသည်။ ကရင်များကိုလည်း သာသနာအမှုတော်ဆောင်များ၊ကျောင်းဆရာများ၊ ဆရာဝန်များ၊ အစိုးရ၀န်ထမ်းများ ဖြစ်လာရန် လေ့ကျင့်ပျိုးထောင်ပေးခဲ့ကြသည်။ ၁၉၃၁ ခုနှစ် သန်းခေါင်စာရင်းစစ်တန်းအရ ကရင်မျိုးနွယ်စုများတွင် ဘာသာရေးယုံကြည်မှုကွဲပြားခြားနားမူကို အောက်ပါအတိုင်း ဖော်ပြထားသည်ကိုတွေ့ရသည်။ စကောမှာ ၆၇% ဗုဒ္ဓဘာသာ၊ ၂၅% ခရစ်ယာန်(နှစ်ခြင်း)၊ ၈% မိရိုးဖလာ၊ ပိုးမှာ ၉၃% ဗုဒ္ဓဘာသာ၊ ပအို့မှာ ၁၀၀% ဗုဒ္ဓဘာသာ၊ ကယားမှာ အများပိုင်းမိရိုးဖလာ၊ အခြားသောတောင်ပေါ်ကရင်အနည်းစုသည် နှစ်ခြင်း၊ ကက်သလစ်၊ အင်္ဂလီကန်များဖြစ်လာကြသည်။

တောင်ပိုင်းကရင်များသည် ရိုးရာအစဉ်အအလာအရ ကျေးရွာအုပ်ချုပ်ရေးစနစ်ကို ကျင့်သုံးခဲ့ကြသည်။ ကျေးရွာသူကြီးသည် သြဇာအာဏာရှိသူဖြစ်ပြီး ရွာသူရွာသားများအား တရားမျှတစွာ အုပ်ချုပ်သူဖြစ်သည်။ ရှမ်းတို့လွှမ်းမိုးသော မြောက်ပိုင်းကရင်များတွင် ထက်အောက်ဆင့်ကဲအုပ်ချုပ်ရေးစနစ်ကို ကျင့်သုံးကြသော်လည်း ဒေသတစ်ခုနှင့်တစ်ခု မိမိတို့ကွန်ဖယ်ဒရေးရှင်း( confederation)အသွင်ကို ကရင်နီတို့ဒေသဖြစ်သော ကန္တာရ၀တီ၊ ဘောလခဲ၊ ကြက်ဖိုးကြီး၊ နမ့်မယ်ခုံတို့တွင်တွေ့ရသည်။

အမေရိကန်နှစ်ခြင်းသာသနာပြုဆရာ Rev. Harry Ignatius Marshall သည် ၁၉၂၂ ခုနှစ်တွင် The Karen စာအုပ်ကို ရေးသားထုတ်ဝေခဲ့သည်။ မြန်မာနိုင်ငံတွင်နေထိုင်ကြသော ကရင်များတို့၏ ၀တ်စားဆင်ယင်မှုများအကြောင်းကို သူ၏စာအုပ်ထဲတွင် အသေးစိပ်ဖော်ပြထားသည်။ ကရင်တို့၏ ၀တ်စားဆင်ယင်မှုနှင့်ပတ်သက်သော ရေးသားဖော်ပြချက်များသည် အခြားစာအုပ်များနှင့် နှိုင်းယှဉ်လျှင်ပိုမိုအသေးစိတ်ကျကာ ပိုမိုပြည့်စုံသည်ဆိုသော်လည်း အားလုံး ပြီးပြည့်စုံသည်ဟုမဆိုလိုပါ။ ကရင်တို့၏၀တ်စားဆင်ယင်မှုနှင့်ပတ်သက်၍ရေးသားထားသော အခန်း၏နိဒါန်းမှာပင် သူကဆိုထားသည်မှာ "ကရင်မျိုးနွယ်စုအားလုံး၏ ၀တ်စားဆင်ယင်မှုကို အသေးစိတ်ဖော်ပြရပါလျှင် စကော့တလန်ပြည်လုပ် သက္ကလပ်အ၀တ်စအမျှင်များကို ထုတ်ယူဖော်ပြသကဲ့သို့ စာအုပ်တစ်အုပ်လုံးမှာ ထိုအကြောင်းအရာများနှင့်သာ ပြည့်သွားပေလိမ့်မည် ဟုဆိုခဲ့သည်" မည်သို့ပင်ဖြစ်စေ Marshall ဖော်ပြခဲ့သော ကရင်တို့၏၀တ်စားဆင်ယင်မှုများမှာ အပြည့်စုံဆုံးသောအချက်အလက်များဟု မှတ်တမ်းတင်ရပေမည်။

ကရင်ရိုးရာဝတ်စုံများသည် အများအားဖြင့် ဆင်တူကြပါသည်။ ကရင်အများဝတ်ကြသည့် ရိုးရာဝတ်စုံမှာ ကရင်သင်တိုင်းပင်ဖြစ်သည်။ ထိုသင်တိုင်း၏အရှည်နှင့် အရောင်အသွေးချယ်သမူမှာမူ နေရာဒေသအလိုက် အလွန်ပင်ကွဲပြားကြပါသည်။ သင်တိုင်းများကို အမျိုးသားရော အမျိုးသမီးများပါ ၀တ်ဆင်ကြသည်။ အမျိုးသမီးများသည် ထမီကိုလည်း ၀တ်ဆင်ကြသည်။ ထမီတွင်လည်းအဆင်အမျိုးမျိုး ကွဲပြားကြသည်။ ရှေးယခင်ကဆိုရင် သွားလာမှုခက်ခဲသော အရပ်ဒေသတွင်နေထိုင်ကြသော ကရင်အမျိုးသားများသည် Loincloth ခေါ်ဘောင်းဘီတိုများကိုသာ ၀တ်ကြသည်။ သို့သော် ၂၀ ရာစုအစပိုင်းရောက်သောအခါ အမျိုးမျိုးသောဘောင်းဘီရှည်များကို ၀တ်ဆင်လာကြသည်ကိုတွေ့ရသည်။ Spearman (1880, II:228) ကဘောင်းဘီရှည်ဝတ်ခြင်းသည်မြောက်ပိုင်းဒေသတွင် နေထိုင်ကြသူများတွင် ပိုမိုတွေ့ရပြီး သင်တိုင်များကို တောင်ပိုင်းဒေသနေ ကရင်များတွင်ပိုမိုဝတ်ဆင်ကြသည်ကိုတွေ့ရကြောင်း ဖော်ပြခဲ့သည်။ အခြားဝတ်စားဆင်ယင်မှုတစ်ခုမှာ အများစုသုံးစွဲကြသည့် ကရင်လွယ်အိတ်များပင်ဖြစ်သည်။ အများပိုင်းမှာ အဆင်မပါ ပြောင်ချောကရင်လွယ်အိတ်များဖြစ်သည်။ ကရင်အများစုသည် ခြုံစောင်ကိုလည်းယက်လုပ်ကြသည်။

Marshall (1922:37) သည် ကရင်တို့၏ ၀တ်စားဆင်ယင်မှု ဖြစ်ပေါ်ပြောင်းလဲမှုများကို ၁၉၂၀ ခုနှစ်များ အစမှာကတည်းကပင် များစွာလေ့လာခဲ့သည်။ သူ၏လေ့လာချက်အရ မြန်မာနိုင်ငံအောက်ပိုင်း မြစ်ဝကျွန်းပေါ်ဒေသနှင့် မြေပြန့်တွင်နေထိုင်ကြသော ကရင်များသည် ဗမာများကဲ့သို့ဝတ်စားဆင်ယင်ကြသည်။ ပွဲတော်အချိန်များတွင်သာ ကရင်ရိုးယာဝတ်စုံများကို ၀တ်ဆင်ကြသည်။ မြောက်ပိုင်းနှင့် အရှေ့ပိုင်းနေကရင်များမှာ ရှမ်းအ၀တ်အစားများကို ၀တ်ဆင်ကြတတ်သည်။ အမျိုးသမီးများမှာ အမျိုးသားများထက် ရိုးယာဝတ်စုံများကိုဝတ်ဆင်ကြသည်။ ကျေးရွာတွင် အမျိုးသားများသည် ဗမာအ၀တ်အစားများကို ၀တ်ဆင်ကြသောအခါသာလျှင် ကရင်အမျိုးသမီးကြီးများသည် မိမိတို့၏အနက်ရောင်သင်တိုင်းကို ဗမာအကျလုံချည်ဖုံးကာ ၀တ်ဆင်ကြသည်ဟု Marshall (1922:38) ကဆိုထားသည်။

လွန်ခဲ့သောနှစ်ကာလအတွင်း ကရင်ရိုးယာဝတ်စုံအကြောင်းကို မြန်မာနိုင်ငံတွင် လေ့လာရန်မလွယ်ကူသဖြင့် ထိုင်း-မြန်မာနယ်စပ်ရှိ စကောနှင့်ပိုးကရင်များထံမှ အချက်အလက်အချို့ကို ကောက်ယူနိုင်ခဲ့ပါသည်။ ပအို့၊ ကယားနှင့် ဘွဲများလည်း နယ်စပ်ဒေသတွင်ရှိကြပါသည်။ သို့သော်ထိုင်းနိုင်ငံရှိ ကရင်အကြောင်းရေးသားရာတွင် ထိုသူတို့အကြောင်းကို ထည့်သွင်းဖော်ပြထားခြင်းမရှိချေ။ ထိုင်းနိုင်ငံမြောက်ပိုင်းနှင့် မြန်မာနိုင်ငံရှိတောင်ပေါ်ဒေသတွင် သာသနာပြုများအဖြစ် နှစ်များစွာနေထိုင်ခဲ့ကြသော Paul နှင့် Elaine တို့ရေးသားသော Peoples of the Golden Triangle (1984:68-99) ပါအခန်းတစ်ခန်းနှင့် E.M.Hinton (1974) ရေးသားခဲ့သော The Journal of the Siam ပါဆောင်းပါးတစ်ပုဒ် အခြေခံထားလျက်ဖော်ပြလိုပါသည်။ စကောနှင့် ပိုးကရင်ဝတ်စုံအကြောင်းကို ရေးသားထားသော Lewis တို့စာတွင် ''ကရင်" ဆိုသောစကားသည် "ရက်ကန်းယက်"သူများနှင့် ထပ်တူတွေ့မြင်နိုင်သည်ဟုဆိုထားသည်။ လို့ကြောင့် ကရင်တို့ယက်ကန်းမှထွက်ပေါ်လာသော ထုတ်ကုန်ပစ္စည်း များသည်နာမည်ကြီးလှပါသည်။ Hinton ၏သုတေသနလုပ်ငန်းမှာ ၁၉၆၈-၆၉ ခုနှစ်အတွင်း မြန်မာနယ်စပ်တစ်နေရာရှိ ပိုးကရင်ရွာတစ်ရွာတွင် တွေ့မြင်လေ့လာခဲ့သမျှကို တင်ပြထားခြင်းဖြစ်သည်။ ရှာဖွေတွေ့ရှိချက်နှစ်ရပ်စလုံးမှာ များစွာပုံဖော်မှုများကို ပြုလုပ်နိုင်သည်။

စကော-ဘွဲကရင်(The Sgaw-Bghai Karen)

စကော-ဘွဲအုပ်စုကို တစ်ဖန် ဘာသာစကားအရ စကော၊ ဘွဲ၊ ကယား၊ ပရဲ့ စသည်ဖြင့် ခွဲနိုင်သေးသည်။ စကောစကားသည် စကောနှင့် ပကူးစကားနှစ်မျိုးစလုံး ပါဝင်သည်။ ဘွဲစကားတွင် ဘွဲ၊ ဂေဘား၊ ဂေခို၊ ပထါ၊ ပဒေါင်၊ ပါဝင်သည်။ ပရဲ့စကားတွင် ပရဲ့များသာပါဝင်သည်။

စကော (Sgaw)

မြန်မာနိုင်ငံတွင် စကောကရင် (၂) သန်းဝန်းကျင်နေထိုင်ကြပြီး ထိုင်းနိုင်ငံတွင် သုံးသိန်းခန့်ရှိသည်။ အများစုမှာ ဧရာဝတီမြစ်ဝှမ်းနှင့် စစ်တောင်းမြစ်ကြားရှိ ပဲခူးရိုးမတွင်လည်း နေထိုင်ကြသည်။ Spearman (1888,II:628) ကသူတို့ကို ''ငြိမ်းချမ်းခြင်းကိုအမြတ်နိုးဆုံးသောကရင်မျိုးနွယ်စု'' ဟူ၍ပင်တင်စားခေါ်ဝေါ်ခဲ့သည်။ ပိုးကရင်တို့နှင့် ရန်ဘက်ဖြစ်ခဲ့ဖူးသည်ဟု ဖော်ပြခဲ့သည်။ သူကဆက်လက်၍ "မြိတ်ဒေသရှိပိုးကရင်များကို တစ်စိတ်တစ်ဒေသအားဖြင့် ချေမှုန်းခဲ့သည်ကိုလည်ကောင်း၊ အင်္ဂလိပ်တို့ တနင်္သာရီကိုသိမ်းပိုက်စဉ်က ပိုးကရင်တို့ကိုဝင်ရောက်တိုက်ခိုက်ရာတွင် ပါဝင်ခဲ့မှုများရှိကြောင်း" ကို ဖော်ပြခဲ့သည်။

Spearman (1888,II:628) က ကရင်ရိုးရာစတ်စုံအကြောင်းဖော်ပြရာတွင် "ကရင်ရိုးရာဝတ်စုံသည် အဖြူရောင်သင်တိုင်းတွင် အနီရောင်အစင်းလေးများဖြင့် ယက်က်ထားသည်"ဟုဖော်ပြသည်။ Marshall က ကရင်ဝတ်စုံအကြောင်းပိုမိုစုံလင်စွာ ဖော်ပြထားသည်။ တောင်ပေါ်နေသူများသည် ပခုံးမှခြေသလုံးသားအထိကျသောသင်တိုင်းကို ၀တ်ဆင်ကြသည်။ ပဲခိုးရိုးမတွင် စကောများသည်အပေါ်ပိုင်းတွင် အဖြူရောင်ရှိပြီး အနီရောင်စင်းကြောင်းပါလျက် အောက်ခြေ၌လည်းအနီရောင်ဖြင့်ရက်ထားသောသင်တိုင်းကို ၀တ်ကြသည်။ အရောင်နှစ်ခုကြားတွင် ဇာထိုးပန်းထိုးများရှိသေးသည်။ မော်လမြိုင်၊ ဖာပွန်ဒေသများနှင့် အရှေ့ဘက်ပိုင်းဒေသများတွင် သင်တိုင်းကို အဖြူရောင် အနီရောင်အစင်းနှစ်ကြောင်းကို ထက်အောက်ယှက်နွယ်ထားလျက် ယက်လုပ်ကြသည်။

အမျိုးသမီးငယ်များသည် ခြေကျင်းဝတ်အထိကျသော ကရင်သင်တိုင်းများကို ၀တ်ထားကြသည်ဟုလည်း ဖော်ပြထားသည်။ အပျိုဖော်ဝင်လာသော အမျိုးသမီးတိုင်းသည် သင်တိုင်းနှင့်စကပ်များကိုဝတ်ကြသည်။ ဆက်လက်၍ Marshall (1922:28) က အချို့ရွာများတွင် ကရင်အမျိုးသမီးများသည် အဖြူရောင်သင်တိုင်းများကိုဝတ်ဆင်ကြသည်။ အချို့ရွာများတွင် တစ်ဖန် ကရင်အမျိုးသမီးများသည် အနက်ရောင်သင်တိုင်းများကို ၀တ်ကြပြန်သည်။ ထိုသင်တိုင်းတွင် လည်ပင်းနှင့် လက်ဝလောက်တွင် အရောင်များကွန့်ထားသည်။ အချို့ဒေသများတွင် အိမ်ထောင်မကျမီအထိ အပျိုများသည်ခြေကျဉ်းဝတ်အထိကျသော အဖြူရောင်သင်တိုင်းများကို ၀တ်ဆင်ကြသည်။ သို့သော်ထမီစကပ်ကိုအများပိုင်း ၀တ်ဆင်ကြသည်။ အရွယ်ရောက်သည့်အချိန်အထိ သင်တိုင်းတိုများကိုလည်း ၀တ်ဆင်ကြသည်။

စကောကရင်အမျိုးသမီးများ၏ ၀တ်စားဆင်ယင်မှုပုံစံ၊ ဒီဇိုင်းနှင့် ပတ်သက်၍လည်း Marshall (1922:38) က ထိုအစဉ်အလာသည် စပါးကြီးမြွေဒဏ္ဍရီမှဆင်းသက်လာသည်ဟုဆိုသည်။ ဒဏ္ဍရီအရ နော်မူအိုင်ကို စပါးကြီးမြွေဖြူတစ်ကောင်က ခိုးယူသွားခဲ့ပြီ တွင်းထဲတွင်ဝှက်ထားသည်။ မြွေတွင်းထဲတွင် ရောက်နေသောနော်မူအိုင်ကို ယောက်ျားဖြစ်သူကအသက်ပေး၍ ကယ်ယူခဲ့သည်။ထိုသို့ဖြင့် အမျိုးသမီးမှာ လွတ်မြောက်သွားပြီး မြေပ်ါသို့ပြန်တက်လာနိုင်တော့သည်။

ထိုဒဏ္ဍရီအပေါ်အခြေပြုလျက် အမျိုးမျိုးအဓိပ္ပာယ်ဖော်ခဲ့ကြသည့် အနက်တစ်ခုမှာ "စပါးကြီးမြွေသည် မိမိအရေခွံအတိုင်း အမျိုးသမီးအားသင်တိုင်းကို ယက်ရန်ခိုင်းစေသကဲ့သို့ အမျိုးသမီးဘက်မှလည်း စပါကြီးမြွေပါးစပ်မှ လွတ်မြောက်ခြင်းအတွက် ကျေးဇူးတုန့်ပြန်သောအားဖြင့် စပါကြီးအရေခွံအတိုင်း အ၀တ်ယက်လုပ်ခြင်းဖြစ်သည်။ " Gotegorg တွင် ဖွင့်လှစ်ပြထားသော Ethnographcam Museum ပြတိုက်တစ်ခုတွင် စကောကရင်လုံချည်သုံးမျိုးကို ဖော်ပြထားသည်ဟု Hansan (1960) က ဆိုခဲ့ဖူးသည်။ ထိုသုံးမျိုးမှာ (၁) တောက်ပသော အနီရောင်ချည်ထည် လက်လက်ပေါ်တွင် အထည်အောက်အစိမ်းရောင် အစင်းကြောင်းများပါရှိသည့် လူံချည် (AC#35.39.715)၊ (၂) အထက်ပိုင်းတွင် အနီရောင်ချည်ထည်ဖြင့် ယက်လုပ်ထားပြီး အောက်ပိုင်းတွင် အနီရောင်လက်နေသော ချည်ထည်ဖြင့် ယက်လုပ်သည့်လုံချည် (AC#35.39.801)၊ (၃) အနက်၊ အဖြူရောင်နှင့် အနီရောင်ပါရှိသော အမျိုးသားဝတ်လုံချည် (AC#35.39.710) ထိုပြတိုက်ထဲတွင် ကရင်ခေါင်းပေါင်းကိုလည်း တွေ့ရသည်။ ကရင်ခေါင်းပေါင်းသည် အဖြူရောင်ချည်ထည်ပေါ်တွင် အ၀ါ၊ အစိမ်းရောင် ကန့်လန့်ဖြတ်ပါဝင်ပြီး အနီရောင်မှာ အထက်အောက်အစင်းဖြစ်သည်။

ပကူး (Paku)

တောင်ငူအရှေ့တောင်တန်းရှိ ကယားပြည်နယ်တွင် ပကူးကရင် (၅၀၀၀) ခန့် နေထိုင်ကြသည်။ Spearman (1888,II:471) က ဖော်ပြသည်မှာ ပကူးကရင်များသည် ကရင်နီများ၏ ရုတ်တရက်ဝင်ရောက်တိုက်ခိုက်ခြင်းကို အကြီးအကျယ်ခံခဲ့ရသည်။ ပကူးကရင်ရွာများလည်း ပျက်စီးခဲ့ရသည်။ Spearman က ဤကြောင်းအရာများကို ရေးသားသောအချိန်တွင် ပကူးကရင် (၂၀၀၀) ခန့်သည် ခရစ်ယာန်ဘာသာသို့ ကူးပြောင်းလျက်ရှိနေပြီ်ဟု သိရသည်။ ပကူးကရင်များ၏ အ၀တ်အစားနှင့်ပတ်သက်၍ Spearman (1888,II:167) က ဖော်ပြရာတွင် "အဖြူရောင်သင်တိုင်းတွင် အစင်းမရှိ ၊ဇာထိုးပန်းထိုးပါသော ကျဉ်းမြောင်းသောအောက်ခြေတွင် အနားသပ်ကို ယက်ထားသည် တစ်ရွာနှင့့််တစ်ရွာ ပုံစံမတူကြချေ။" Marshall(1922:35) ကလည်း အလားတူဆိုထားသည်မှာ "ပကူးအမျိုးသားများသည် အဖြူရောင်သင်တိုင်းကိုဝတ်ကြသည်။ ထိုသင်တိုင်း၏အောက်ခြေတွင် ကျဉ်းမြောင်းသော အနီရောင်အနားသပ်များရှိသည်။ ကျေးရွာတစ်ရွာနှင့်တစ်ရွာ သီးခြားအမှတ်အသားများ ရှိသည်။"

ဘွဲ (Bwe)

ဘွဲကို ဘဂဲ (Bghai) ကရင်များဟုလည်းခေါ်ကြသည်။ ဘွဲ (၁၆၀၀၀) ခန့်သည် တောင်ငူဝန်းကျင်ရှိ တောင်တန်းများနှင့် ကယားပြည်နယ် အနောက်တောင်ဘက် ကျေးဘော်ကြီးဒေသများတွင် နေထိုင်ကြသည်။ ထိုင်းနိုင်ငံတွင်လည်း အနည်းစုနေထိုင်ကြသည်။

၁၈၆၀ ခုနှစ်များအတွင်း တောင်ငူခရိုင်တွင် အုပ်ချုပ်ရေးမှူးအဖြစ် အမှုထမ်းဆောင်ခဲ့သော A.R.McMahon ဆိုသူသည်ဘွဲတို့၏ ၀တ်စုံနှင့်ပတ်သက်၍ ပထမဦးဆုံးဖော်ပြခဲ့သည်။ A.RMcMahon (1876:300-301) အဆိုအရ "ဘွဲတို့သည် စစ်တောင်းမြစ်ကမ်းတွင် နေထိုင်ကြသည်။ ကေခိုများကဲ့သို့ ၀တ်စုံများကိုဝတ်ကြသည် သူတို့အ၀တ်အောက်ခြေပိုင်းတွင် အနီရောင်အစင်းများယက်ထားသည်။ သူတို့နှင့်တောင်ဘက်ပိုင်းတွင် နေကြသူများသည် လက်မပါသော သင်တိုင်းများကိုဝတ်ကြသည်။" သူကဆက်လက်၍ ဆိုထားသည်မှာ "သာသနာပြုများသည် သူတို့၏အ၀တ်ပေါ်မူတည်၍ ဘောင်းဘီရှည်ဝတ် ဘွဲ "(Pant Bhai) နှင့် သင်တိုင်းဝတ် (Tunic Bghai) ဟူ၍ ခွဲခြားသိမြင်ကြသည်။" တစ်ဖန် Spearman (1888,I:167) က ခရစ်ယာန်သာသနာပြု ဒေါက်တာ Manson Mopgha ၏ဖော်ပြချက်ကိုအခြေပြုကာ မို့ပါ Mopha တို့၏ ၀တ်စားဆင်ယင်မှုနှင့်ပတ်သက်၍ ဖော်ပြပြန်သည်မှာ "မို့ပါတို့သည် ခရစ်ယာန်ညာသာသို့ အဦးဆုံးဝင်လာသောအဖွဲ့ဖြစ်ပ့သည်။ သူတို့သည် သင်တိုင်းဝတ် ဘွဲ (Tunic Bghai) အဖွဲ့ဖြစ်သည်။ အဖြူရောင်သင်တိုင်းတွင် အနီရောင်အစင်းကြောင်းrများပါဝင်သည်။"

Marshall (1922:35) မြန်မာနိုင်ငံတွင် သာသနာပြုခဲ့စဉ်က ဘွဲတို့သည်သင်တိုင်းများကိုဝတ်ဆင်ကြကြောင်း သူတို့၏သင်တိုင်းများသည် စကောနှင့် ပိုးတို့ဝတ်သောသင်တိုင်းများထက် ပိုမိုတိုပြီး တင်းကြပ်စွာဝတ်ဆင်ကြကြောင်း ဖော်ပြခဲ့သည်။ "ယခင်က ဘွဲတို့သည် ဘောင်းဘီတိုများကိုဝတ်ကြသော်လည်း ယခုအခါ ဘောင်းဘီရှည်များကို ၀တ်လာကြသည်။" အုပ်စုတစ်စုနှင့်တစ်စု မတူညီခြားနားကြောင်းကိုလည်း သူကဆက်လက်ဖော်ပြထားသည်။ "ဘွဲတို့သည် အထက်အောက် အစင်းလိုက်ပါသောသင်တိုင်းများကို ၀တ်ကြသည်။ သူတို့ထဲ တစ်ချို့ဖြစ်သော မို့ပါတို့သည် အနီရောင် အစင်းပါအ၀တ်များကိုဝတ်ကြသည်။ ဘောင်းဘီရှည်ဝတ်ဘွဲ (Pant Bghai) တို့မှာ သူတို့သင်တိုင်းများ၏ အောက်ခြေတွင် အရောင်တောက်သော အစင်းများကိုဖောထားကြသည်။

Marshall (1922:38-39) က မို့ပါတို့၏ ၀တ်စုံများတွင် အမည်းရောင် အောက်ခံပေါ်တွင် အ၀ါရောင်၊ အစိမ်းရောင်တို့ကို ရောယှက်ထားသည်ကို မိမိစာရေးသည့်အချိန်အထိ တွေ့ရသေးသည်။ သို့သော် နောက်ပိုင်းတွင် အမျိုးသမီးငယ်များမှာ ထိုသို့ယက်လုပ်ဝတ်ဆင်ခြင်း မပြုကြတော့ပေ။ ထိုသို့အခြား ဘွဲအမျိုးသမီးများသည် အမဲရောင်ထမီ သို့မဟုတ် စကပ်များကိုသာ ၀တ်ဆင်လာကြသည်။ ထိုစကပ်များတွင် အနီရောင်ကန့်လန့်စင်းကြောင်းများကိုနှင့် အနီရောင်အစင်းကြောင်းကို အလယ်တွင်ယက်ထားသည်။

Spearman (1888,II:114) သည် ၀တ်စားဆင်ယင်မှုအကြောင်းပြောရာတွင် အသုဘ အခမ်းအနားများနှင့်ဆက်စပ်လျက် ကွဲပြားခြားနားကြပုံ အကြောင်းများကိုဖော်ပြခဲ့သည်။ သေလွန်သူများအတွက် သတိရပြုလုပ်ကျင်းပသော နှစ်ပတ်လည်ပွဲတော်များအကြောင်းကို ဖော်ပြရာတွင် သေလွန်သူတို့အတွက် အောက်မေ့ဖွယ်အခမ်းအနားကို ထိုသူသေလွန်ပြီးသုံးနှစ်အကြာတွင် ပြုလုပ်ကြသည်။ သြဂုတ် သို့မဟုတ် စက်တင်ဘာလဆန်းတွင် ကျင်းပကြသည်။ ၀ါးကိုင်းတစ်ချောင်းကို အိမ်ထောင့်တစ်နေရာတွင် ကန့်လန့်ဖြတ်တန်းထားလိုက်သည်။ ထိုဝါးတန်းပေါ်သို့ အ၀တ်သင်တိုင်းသစ်များ၊ ပုတီးကုံးများကို...ချိတ်ဆွဲထားကြသည်။ သေလွန်သူအားရည်စူးပူဇော်ခြင်းဖြစ်သည်။ ထိုအခမ်းအနားကို ဦးဆောင်သူဘုန်းတော်ကြီးအားလည်း ဇာထိုးပန်းထိုးသင်တိုင်းကို ပေးလှူကြသည်။တစ်ခါတစ်ရံ ထိုသင်တိုင်းများသည် ပိုးထည်များဖြင့်ယက်လုပ်ထားသည်။ အများအားဖြင့် အနီရောင်ပိုးထည်များဖြင့် ရက်လုပ်ထားကြပြီး သာမာန်သင်တိုင်းများထက် ပိုရှည်သည်။ Spearman (1888,II:120)

ဂေဘား (Geba)
ဂေဘားများကို မယ်ပူ သို့မဟုတ် ကရင်ဖြူဟုလည်းခေါ်ကြသည်။ လူဦးရေအားဖြင့် (၄၀၀၀၀) ခန့်ရှိပြီး ကယားပြည်နယ် မြောက်ဘက်နှင့် ရှမ်းပြည်နယ်တောင်ပိုင်း မိုးဗြဲဒေသတွင်တွေ့ရသည်။ သူတို့အများပိုင်းသည် ခရစ်ယာန်များဖြစ်ကြသည်။

ဂေခို(Geku)
လူဦးရေအားဖြင့် (၁၀၀၀၀) ခန့်ရှိသော ဂေခိုများသည် ရမည်းသင်းနှင့် တောင်ငူခရိုင်၊ မိုးဗြဲဒေသရှမ်းပြည်တောင်ပိုင်းတွင် နေထိုင်ကြသည်။ Spearmen (1888,II149) သည် ၄င်းတို့အား လူရိုင်းလုကြမ်းအမျိုးဟုခေါ်ထားသည်။ နှစ်ခြင်းခရစ်ယာန်သာသနာများ၏လွမ်းမိုးမှု အများဆုံးခံကြရပြီး ခရစ်ယာန်အများဆုံးဖြစ်လာကြသူများဖြစ်သည်။ ၁၉ ရာစုနောက်ပိုင်းတွင် အင်္ဂလိပ်နစိုးရအုပ်ချုပ်မှုအောက် ရောက်လာကြသည်။

McMahon (1876:306) ၄င်းတို့ကို ဂေခိုဟုခေါ်ကြသည်။ ဂေခိုအမျိုးသားများသည် လက်တိုအင်္ကျီများကိုဝတ်ကြသည်။ ထိုအင်္ကျီအောက်ခြေတွင် အနီရောင်ဇာထိုးပန်းထိုးများရှိသည်။ ဘွဲတို့ဝတ်ဆင်သကဲ့သို့ဖြစ်သည်။ အမျိုးသမီးများမှာ သာမာန်ကုတ်အင်္ကျီများကိုသာဝတ်ဆင်ကြပြီး အနီရောင်၊ အဖြူရောင် အပေါ်ဝတ်ရုံဂျက်ကက်များဖြင့် ထပ်ဝတ်ကြသည်။ Spearman (1888,II:149) က ဂေခိုတို့၏ အ၀တ်အစားနှင့်ပတ်သက်၍ ဖော်ပြရာတွင် ပိုးထည်ဘောင်းဘီရှည်များကို တစ်ခါတစ်ရံ ဇာထိုးပန်းထိုးပြုလုပ်ထားသည်။ အောက်ခြေတွင် အနီရောင်လိုင်းများဖော်ထားသည်။ တက်လာသောနေ ၀န်းနီအသွင်ဆောင်သည်။ ဘွဲတို့သည် ပိုးကောင်များကိုမွေးမြူကြပြီး ပိုးထည်များကို ကိုယ်တိုင်ထုတ်လုပ်ကြသည်။ Marshall (1922:35) ကလည်း ဂေခိုအမျိုးသားများသည် တက်နေ၀န်းအသွင်ရှိတောက်ပသော အစင်းကြောင်းပါ ဇာထိုးပန်းထိုးလုပ်သင်တိုင်းကို ၀တ်ဆင်ကြသည်ဟုဆိုထားသည်။
လထ(Lahta)
မြန်မာနိုင်ငံရှိ ပိုး(Pho) အုပ်စုတွင ပအို့်(Pao)နှင့်ပိုး(Pwo) များပါဝင်သည်။ ထိုင်းနိုင်ငံတွင်အခြား စကားကွဲများစွာများစွာရှိသည်။ ပအို့နှင့် ပိုးနှစ်မျိုးစလုံးသည် တောင်ပိုင်းကရင်များ ပါဝင်ကြသည်။

ပိုး (Pwo)
ပိုးများသည် တစ်ခါတစ်ရံ ပို၊ မနူ သို့မဟုတ် ကရင်ဖြူများဟုခေါ်ကြသည်။ ဧရာဝတီမြစ်ဝကွန်းပေါ်ဒေသတွင် ပိုးကရင် ၁.၂ သန်းကျော်နေထိုင်ကြသည်။ ယခင် အထက်မြန်မာနိုင်ငံ လွိုင်လုံဒေသတောင်တန်းများတွင်လည်း အချို့နေထိုင်ကြသောကြောင့် သူတို့ကို ဗမာများက တလိုင်းကရင်ဟုခေါ်ကြသည်။

Scott and Hardiman (1900,I/II:554) တို့က F.H Gilles ၏ဖော်ပြချက်ကို အဖြေပြုလျက် လွိုင်လုံ၊ ပေါင်းလောင်းဒေသရှိ မနူခေါ်ကရင်ဖြူများတို့၏ ရိုးရာဝတ်စုံများအကြောင်း ဖော်ပြခဲ့ကြသည်။ သူတို့သည် သင်တိုင်းများကိုဝတ်ဆင်ကြသည်။ သင်တိုင်းတစ်မျိုးဖြစ်သည်။ လက်တိုဖြစ်သည်။ ပေါင်းလောင်းဒေသတွင် ပိုးထည်များဖြင့်ယက်ကြသည်။ တစ်ဝက်ဖြူ တစ်ဝက်နီသည်။ ဖြူသောအပိုင်းမှာ အပေါ်ပိုင်းဖြစ်သည်။ ထိုသင်တိုင်းအောက်တွင် စကပ် သို့မဟုတ် အမျိုးသမီးအတွင်းအင်္ကျီကိုလည်း ၀တ်ထားကြသည်။ ခြောက်လက်မအရှည် သို့မဟုတ် ဒူးဆစ်အထိကျသည်။ ချည်ထည်ဖြင့်ပြုလုပ်ထားပြီး အရောင်မှာ အများပိုင်း အနီရောင် အပြာနက်ရောင်ဖြစ်သည်။ တဘက်ဟုခေါ်သောခေါင်းပေါင်းကို ပေါင်းထားသည်။ တောင်ရိုးများပေါင်းသောခေါင်းပေါင်းနှင့် အလွန်တူသည်။ သစ်စေးဖြင့်အရောင်ဆိုးထားသော အ၀တ်ကိုလည်း လက်မပါသောသင်တိုင်းနေရာတွင် ထားကြသည်။ ပွဲလမ်းသဘင်များတွင် အမျိုးသမီးများသည် မိမိတို့ သဘက်ဖူးစောင်များကို ကြက်ငှက်အမွေးအတောင် ရောင်စုံမှန်စများဆင်ယင်လျက် ခေါင်းပေါင်းကြသည်။

အမျိုးသားများလည်း ခါးလောက်ရောက်သည့်သင်တိုင်းများကို ၀တ်ကြသည်။ ဘောင်းဘီရှည်များလည်းဝတ်ကြသည်။ ပလောင်အမျိုးသမီးများကဲ့သို့ ခါးတွင်ချည်သောအရာများကို ပတ်ထားကြသည်။ အနည်းစုသာ ထိုသို့ပြုလုပ်ကြသည်။ ခေါင်းပေါင်းကိုချည်ထည်ဖြင့်ယက်လုပ်သည်။ နဖူးအုပ်လျက် ခေါင်းကိုပတ်ထားကြသည်။

Hinton (1974:27) သည်ထိုင်းနိုင်ငံရှိ ပိုးကရင်များအကြောင်းရေးသားရာတွင် အိမ်ထောင်သည်နှင့်လူလွတ်အကြား ကွဲပြားခြားနားသောအမျိုးသမီးအ၀တ်များအကြောင်းကို ဖော်ပြထားသည်။ အိမ်ထောင်မရှိသော အမျိုးသမီးငယ်များသည် အနီရောင်အစင်းပါသော ဘလောက်အင်္ကျီများကိုဝတ်ဆင်ကြသည်။ သူနေထိုင်သောနေရာရှိ အမျိုးသမီးများ၏ အ၀တ်အစားများနှင့် ပတ်သက်၍ ပြောရာတွင် အရောင်များမှာ တောက်ပသည့်အနီရောင် အစိမ်းသို့မဟုတ် အနက်ရောင်ကို ပိုမိုဦးစားပေးကြသည်။ အဆင်အယင်များမှာ သူတို့စိန်ကြိုက်ပြုလုပ်ကြသည်။

အခြားကရင်များ (Other Karens)
အထက်ဖော်ပြပါအုပ်စုခွဲများတွင်မပါသော ကရင်မျိုးနွယ်စုလေးမျိုးလည်း တွေ့ရသေးသည်။ ၄င်းတို့မှာ မနူးမနော၊ ဝေေ၀ါ်၊ ယင်းတလဲ နှင့် ဇာယိန်းဖြစ်သည်။

မနူးမနော (Manumanaw)
ကယားပြည်နယ် ကြက်ဖိုးကြီးအနောက်တွင် မနူးမနောခရစ်ယာန်များ ခန့်မှန်းချေ (၃၀၀၀) ခန့်နေထိုင်ကြသည်။ သူတို့အ၀တ်အစားများအကြောင်းကို မှတ်တမ်းတင်ထားခြင်းမတွေ့ရပေ။

ဝေေ၀ါ် (Wewaw)
ဝေေ၀ါ်အကြောင်းအကျဉ်းမျှကို Spearman (1880,I:166) ၏မှတ်တမ်းများတွင် တွေ့ရသည်။ သူကဝေေ၀ါ်များသည် ယဉ်ကျေးမူအဆင့်နိမ့်သေးသည့်လူများဟု ယူဆသည်။ သူတို့သည် အ၀တ်အစားမျိုးစုံဝတ်သူများ ဖြစ်သည်။ အမျိုးသမီးများမှာ ရက်ကန်းယက်ခြင်း မလုပ်ကြသောကြောင့် အသွင်သဏ္ဍန်ခွဲခြား၍မရသော အ၀တ်အစားများကိုဝတဆင်ကြသည်။

ယင်းတလဲ (Yinale)
ကယားပြည်နယ် ဘောလခဲဒေသ တောင်ဘက်တွင် ဗုဒ္ဓဘာသာဝင် ယင်းတလဲကရင်အနည်းစု နေထိုင်ကြသည်။ သူတို့အ၀တ်အစားများအကြောင်းကို မှတ်တမ်းတင်ထားခြင်း မတွေ့ရပေ။

ဇာယိန်း(Zayein)
ဇာယိန်းကို စွမ်းတောင် သို့မဟုတ် ခေါင်းတိုကရင်များဟုလည်းခေါ်ကြသည်။ ရှမ်းပြည်နယ်တောင်ပိုင်းတွင် နေထိုင်ကြသည်။ အမျိုးသားများသည် နားအပေါ်ဘက်တွင် ဆံပင်တစ်ချို့သာချန်ထားပြီး ခေါင်းတုံးရိတ်ကြသည်ကိုအစွဲပြုလျက် ခေါင်းတိုဟုခေါ်ကြခြင်းဖြစ်သည်။ Scott and Hardiman (1900,I/II:539) က F.H Gilles အဆိုဖြစ်သောဇာယိန်းများသည် မြန်မာနိုင်ငံအောက်ပိုင်း ကျိုက္ခမီဒေသမှ မြန်မာနိုင်ငံအထက်ပိုင်း လွိုင်လောင်နှင့် မိုင်ပိုင်ဒေသသို့ရွေ့သွားကြသည်ကို ထပ်မံဖော်ပြထားသည်။ F.H Gilles က ဇာယိန်းတို့၏၀တ်စားဆင်ယင်မှုနှင့် ပတ်သက်၍ရေးသားသည်မှာ အမျိုးသားများသည် ၁၅ လက်မအရှည်ရှိသော ဘောင်းဘီရှည်များကိုဝတ်ကြသည်။ ခါးတွင်ကြိုးးနှင့်ချည်ထားသည်။ ကုတ်အင်္ကျီရှည်မှာလည်း ဒူးဆစ်အထိရောက်သည်။ လည်ပင်းတွင်ချည်ထားသည် သို့မဟုတ် ဖွင့်ဟထားသည်။ ဘောင်းဘီရှည်ရော ကုတ်အင်္ကျီပါ အဖြူရောင်ဖြစ်သည်။ အမျိုးသမီးများလည်း သင်တိုင်းတိုများကိုဝတ်ကြသည်။ အနက်ရောင်အစင်းသည် လည်ပင်းကိုပတ်လျက် ကျောဘက် ရင်ဘက်ခြမ်းအတိုင်း အောက်သို့သွယ်တန်းသည်။ လက်မောင်းစကိုလည်း ပတ်ထားသည်။ အောက်ဆုံးအနားသတ်မှာ သုံးလက်မခန့် အကျယ်ထားသည်။ ထိုသင်တိုင်းမျိုးသည် ဒူးဆစ်နှင့်ပေါင်ကြားလောက်တွင်ရောက်သည်။ အချို့ကို ခရုခွံများနှင့်ဆင်ယင်ထားသည်။ အတွင်းခံအဖြစ် စကပ်များကိုဝတ်သည်။ စကပ်များသည် ဒူးဆစ်လောက်အထိမရောက်ပါ။ အဖြူရောင်ပေါ်တွင် အနက်ရောင်တင်သည်။ အနီရောင်နှင့် အနက်ရောင်ကိုလည်း အနားသတ်လိုင်းဆွဲထားသည်။ ပထမလိုင်းမှာ လက်မခန့်ကျယ်၍ ဒုတ်ယလိုင်းမှာ လက်မ၀က်ခန့်ကျယ်သည်။ တတိယလိုင်းမှာ သုံးလက်မခန့်ရှိသည်။ အနက်ရောင်ထိုးထားသောချည်ထည်ကို ဒူးဆစ်အောက်ခြေထောက်တွင် ပတ်ထားသည်။ အပြာ သို့မဟုတ် အနီရောင်အ၀တ်စကို ခြေသလုံးတွင်ပတ်ထားသည်။ ကြေးကွင်းများကိုလည်း ခြေထောက်နှစ်ဖက်ရှိ ခြေကျင်းဝတ်တွင် လေးလက်မခန့်အထိ ၀တ်ထားသည်။ ခေါင်းကိုလည်း လိပ်ခုံးပုံမို့မောက်အောင်ဖြီးထားသည်။ မို့မောက်နေသောဆံပင်ပေါ်အောင် ခေါင်းပေါင်းလည်းပေါင်းထားသည်။ ခေါင်းပေါင်းကို အမျိုးမျိုးတန်ဆာဆင်ထားသည်။ အဖြူစနှင့် အနီစရှစ်မျိုးပါရှိသည်။ (၂၀) လက်မရှည်လျားပြီး (၆) လက်မကျယ်သည်။

Lowis (1919:45) ဇာယိန်းတို့၏ အ၀တ်အစားတို့နှင့်ပတ်သက်၍ အတိုချုပ်ဖော်ပြခဲ့သည်။ သင်တိုင်းနှင့်ခြေကျင်းဝတ်ကြေးကွင်းများမှာ မျိုးနွယ်စုတိုင်းရှိ အမျိုးသမီးများ၏ သာမာန်အ၀တ်အစားများဖြစ်သည်။ ဘောင်းဘီတိုမှာ အမျိုးသားများအတွက် ၀တ်ဆင်သောအ၀တ်ဖြစ်သည်။ အချို့နေရာများတွင် အမျိုးသမီးများ၏ ဆံပင်ပုံစံများမှာ ထူးဆန်းသည်။ Goteborg Ethnographical Museum တွင် ဇာယိန်းတို့၏ အ၀တ်အထည်သုံးမျိုးကို ခင်းကျင်းပြသထားသည်။ ပထမတစ်မျိုးမှာ အမျိုးသမီးဝတ်လက်တို ဘလောက်အင်္ကျီ၊ ဆေးဆိုးထားခြင်းမရှိ၊ အဖြူရောင်တန်ဆာဆင်ထားခြင်းမရှိ။ (AC#35.39.740)၊ ဒုတိယတစ်မျိုးမှာ အမျိုးသားဝတ်အင်္ကျီ လက်ပါဂျက်ကက်ဖြစ်သည်။ (AC#35.39.738) တတိယတစ်မျိုးမှာ အမျိုးသားဝတ်ဘောင်းဘီတို ဆေးမဆိုးထားသောချည်ထည်၊ အဖြူရောင်၊ အညိုရောင် အစင်းများရှိသည်။ (AC#35.39.739) ၄င်းအားလုံးကို "၀ါသာ" (Watha) တွင်စုဆောင်းခဲ့သည်။ အမျိုးသားအင်္ကျီပုံများကိုလည်း တွေ့ရသည်။ ဓါတ်ပုံရိုက်ကူးထားခြင်းမတွေ့ရ။

Scott and Hardiman (1900,I/II:544) တို့ကလည်း စင်းစင်း (Sin Sin) ဟုခေါ်သော ကရင်မျိုးနွယ်စုအကြောင်းကို ဖော်ပြထားသည်။ ဇာယိန်းနှင့်တစ်မျိုးတည်းဖြစ်သည်။ သို့သော် တောင်သူနှင့်ရှမ်းရွာများတွင် အတူယှဉ်တွဲနေထိုင်ကြသည်။ သူတို့ဘာသာစကားကို ထိန်းသိမ်းကြရန် လိုအပ်လာသည်။ အကြောင်းမှာတောင်သူတို့၏ လွမ်းမိုးမှုကို များစွာခံနေရသည်။ Scott and Hardiman (1900,I/II:545) တို့အဆိုအရ အမျိုးသားများသည် တောင်သူ ဓနုများကဲ့သို့ ၀တ်စားဆင်ယင်လာကြသော်လည်း အမျိုးသမီးများမှာ မိမိတို့ကိုယ်ပိုင်ရိုးရာဝတ်စုံများကို ၀တ်ကြေသေးသည်။ အမျိုးသမီးများသည် ဒူးဆစ်အထိရောက်သော သင်တိုင်းများကိုဝတ်ဆင်ကြသည်။ အဖြူရောင်သင်တိုင်းဖြစ်သည်။ အပြာရောင်လိုင်းကိုလည်း လည်ပင်းပတ်လည် နံဘေးပတ်လည် ရင်ဘတ်ကျောဘက်ထက်အောက် ဖော်ထားသည်။ အင်္ကျီလက်များမှာ အပြာ အနီကြိုးများဖြင့် ဖော်ထားပြန်သည်။ အနက်ရောင်ဆိုးထားသောချည်ကိုလည်း ခါးတွင်ပတ်ထားသည်။ အတွင်းဂါဝန်ကိုမ၀တ်ကြ။ တောင်သူအမျိုးသမီးများကဲ့သို့ ခေါင်းပေါင်းကြသည်။ ဆံပင်ပုံမှာလည်း အတူတူပင်ဖြစ်သည်။

အခြားသောကရင်များ၏ အမည်များကို အခြားမှတ်တမ်းစာပေများတွင် တွေ့ရသေးသည်။ ၄င်းတို့သည် အထက်ဖော်ပြပါ ကရင်အုပ်စုခွဲများတွင် အချို့ပါဝင်ကြပြီး အချို့မှာလည်း အခြားအုပ်စုခွဲများ၌ ပါဝင်ကြသည်။
(Michale C.Howard ၏ Texitles of the Hill Tribes of Burma မှ "The Karen" ကိုပြန်ဆိုခြင်းဖြစ်သည်။

ကရင်တိုင်းရင်းသားနှင့်ရှေးဦးသမိုင်း



ထီဆေ့မေ့ယွား (ခေါ်) ထီးဆဲ့မဲ့ယွား (ထီ့ဆောဝ်မေ၀်ယွာ)
လူမျိုးတိုင်းသည် မိမိတို့၏သမိုင်းကို သားစဉ်မြေးဆက်လက်ဆင့်ကမ်း သယ်ပိုးခဲ့ကြ၏။ သို့ဖြစ်၍ သမိုင်းဟူသည် ဖျောက်ဖျက်၍ ရနိုင်ကောင်းသော အရာမဟုတ်ပေ။ ပုဂံရာဇ၀င်ကို ထုတ်တမ်းပြောရတယ်ဟု အဆိုရှိလျှင် ပုဂံရာဇ၀င်ထက် ရှေးကျသည့် ကျွန်ုပ်တို့ကရင်တိုင်းရင်းသားတို့၏ ရှေးဦးသမိုင်းကို ပြန်ပြောင်းပြောရာတွင် သုတေသီတို့ အငြင်းပွားဖွယ်ရာရှိပါက အံ့သြစရာမဟုတ်ပေ။

ကျွန်ုပ်တို့ ကရင်တိုင်းရင်းသားတို့သည် ရှေးကပင် လူကြီးမိဘများ၏ ဆုံးမစကားကို တရိုတသေမှတ်သား လိုက်နာတတ်ပြီး နောင်လာနောက်သားများအား ပြန်လည်သွန်သင်ဆုံးမခြင်းဖြင့် သမိုင်းအထောက်အထားများတို့ကို ခိုင်ခိုင်လုံလုံ ထိန်းသိမ်းလာနိုင်ခဲ့ပါသည်။ ယင်းသမိုင်း အထောက်အထားများအနက် ထီ့ဆေ့မေ့ယွား (ခေါ်) ထီးဆဲ့မဲ့ယွား ဒေသသည် ကရင်လးမျိုးတို့ တစ်ချိန်က အခြေချနေထိုင်ခဲ့ရာဒေသ ဖြစ်ကြောင်းကို အများကပင် ကြားဖူးပြီးဖြစ်သော်လည်း ယင်း ''ထီဆေ့မေ့ယွား'' ဒေသသည် မည်သည့်တိုင်းပြည်ဒေသတွင် ရှိသည်ကို မှန်းဆ၍ မရနိုင်သူများလှပေသည်။

ထီဆေ့မေ့ယွား ဟူသည် ရေစီးတွင် မျောပါနေသော မြစ်ချောင်းဒေသဟု အဓိပ္ပါယ်ပြန်ရပေမည်။ ယင်းဒေသကို မနူဿပထ၀ီဗေဒနှင့် သမိုင်းပညာရပ်များအစရှိသည့် သိပ္ပံနည်းကျ လေ့လာရှာဖွေပါက တရုတ်ပြည်တောင်ပိုင်း တစ်နေရာတွင် လွန်ခဲ့သောနှစ်ပေါင်း ၃၅၀၀ လောက်က တည်ရှိခဲ့သော အိုအေစစ် ယဉ်ကျေးမှု ပုံသဏ္ဍာန်ဖြစ်ပြီး မြစ်ကြောင်းတစ်လျှောက် စိုက်ပျိူး၊ မွေးမြူရေး အသင့်အတင့်လိုက်၍ အခြေချနေထိုင်ပြီး နေအိမ်များတွင် မိသားစု၊အိမ်ထောင်စုများ စုပေါင်းပါဝင်ကြသည်။ ထိုဒေသတွင် ကရင်ရှေးဦးလူတို့သည် ရာစုနှစ်တစ်ဝက်ကျော် နေထိုင်ခဲ့ဟန်ရှိပြီး နောက်ပိုင်းတွင် မြစ်ချောင်းများ တိမ်ကောမှုနှင့် မိုးရာသီရေလျှံခြင်းများကြောင့် စိုက်ပျိုးခင်းများ၊ လူနေအိမ်များ ပျက်စီးလာတတ်ပြီး တိုးတက်များပြားလာသော လူဦးရေအတွက် ထောက်ပံ့နိုင်မည့် အခြေအနေမရှိတော့သဖြင့် နေရာအသစ်ရှာဖွေရန် တောင်ဘက်အရပ်များသို့ အုပ်စုခွဲ၍ ရွှေ့ပြောင်းလာကြရာ ယနေ့ အရှေတောင်အာရှ ဒေသအနှံ ပြန့်ကျဲနေထိုင်ကြသော ကရင်လူမျိုးစုများကို တွေ့ရခြင်းဖြစ်သည်။


မို့ထိတ်၊ ဖထိတ် (ခေါ်) မိုထိ၊ ဖါထိ (မေ၀်ၟထါ်၊ ဖါၟထါ်)
ကရင်ရှေးဦးလူမျိုးတို့သည် အရှေ့တောင်အာရှ ဒေသအနှံ့အစုစု ပျံ့နှံ့နေထိုင်ကြသော်လည်း ထီဆေ့မေ့ယွားဒေသမှ ထွက်လာစဉ်က အားလုံးတစ်ချိန်တည်း ထွက်လာကြသည်မဟုတ်ဘဲ အနည်းအုပ်စုကြီး နှစ်စုံတွဲ၍ထွက်လာကြသည်မှာ ထင်ရှားပါသည်။ ယင်းအုပ်စုနှစ်စုအနက် ရှေးဦးစွာ ထွက်လာကြသူများမှာ ဖခင်များ သို့မဟုတ် အကြားအမြင် ဗဟုသုတရှိပြီး အသက်ကြီးသော ယောက်ျားများ ဦးဆောင်ပြုသောအုပ်စုက ကောင်းမွန်သော ဒေသအသစ်တွေ့ရှိပါက ကျန်ခဲ့သောမိသားစုများကို ပြန်ခေါ်ရန် ရည်ရွယ်ချက်ဖြင့် ထွက်လာကြပြီး ယင်းအုပ်စုတွင် လိုက်ပါသွားသူများအား နောင်ကာလတွင် ဖထိတ် သို့မဟုတ် ဖထိ ခေါ် ဖခင်အနွယ်ဝင် ကရင်မျိုးနွယ်စုများဟု ခေါ်တွင်လာ၏။ ကျန်ခဲ့သော မိသားစုများတွင် အတွေ့အကြုံပြည့်စုံသော မိခင်များ သို့မဟုတ် အမျိုးသမီးကြီးများမှာ စီမံကွပ်ကဲ၍ ထိုဒေသမှထွက်ခွာသွားသော မိသားစုများသည် တစ်နေ့တွင် ပြန်လာခေါ်မည်ဟု မျှော်လင့်ချက်ဖြင့် ထီဆေ့မေ့ယွားဒေသတွင် နေထိုင်လာခဲ့ရာ နှစ်ပေါင်းကြာမြင့်လာသောအခါ သဘာဝဘေးရန်များနှင့် နောက်ထပ်ရွှေ့ပြောင်းလာကြသော အခြားလူမျိုးစုများရန်ကြောင့် ရှေးကထွက်ခွာသွားသော အုပ်စုနောက်သို့ ရှာဖွေရင်း ပြောင်းရွှေ့လိုက်လာကြခြင်းဖြင့် ထီဆေ့မေ့ယွားမှ မို့ထိတ် သို့မဟုတ် မိုထိ ခေါ် မိခင်အနွယ်ဝင် လူမျိုးများဖြစ်လာပြီး အပြီးအပိုင်ထွက်ခွာသွားကြသည်ဟု သမိုင်းပညာရှင် အများစုက လက်ခံယုံကြည်ထားကြပါသည်။

ဖထိတ် ခေါ် စကောကရင်အုပ်စုသည် မဲခေါင်မြစ်ကြောင်း၊ သံလွင်မြစ်ကြောင်းများကို အဓိကအသုံးပြု၍ တောင်ဘက်သို့ ရွှေ့ပြောင်းလာရာ ယနေ့တိုင် ယိုးဒယားပြည်၊ မြန်မာပြည်၊ ကမ္ဘောဒီးယားနှင့် ဗီယက်နမ်တောင်ပိုင်း မလေးရှားမြောက်ပိုင်း ဒေသများသို့တိုင်အောင် တောင်ပေါ်မြေပြန့်အနှံ့ နေထိုင်ကြသည်ကို တွေ့နိုင်ပါသည်။

မိုထိတ် ခေါ် ပိုးကရင်အုပ်စုသည် ဧရာဝတီမြစ်ကြောင်းတို့ကို အထူးသဖြင့် အသုံးပြု၍ဆင်းလာကြရာ မြန်မာပြည် မြစ်ဝကျွန်းပေါ်ဒေသနှင့် ကရင်ပြည်နယ်ဒေသများတွင်သော်လည်းကောင်း၊ ယိုးဒယားပြည်အနောက်ဘက်ခြမ်း ဒေသများတွင်သော်လည်းကောင်း ပျံ့နှံနေထိုင်သည်ကို တွေ့ရပေမည်။

ကရင်သက္ကရာဇ်ရေတွက်ခြင်း
ဒုတိယအသုတ်ဖြစ်သော မို့ထိတ် ခေါ် ပိုးကရင်အနွယ်ဝင်တို့သည် ခမ (၇၃၉) နှစ်လောက်တွင် ဤပြည်ထောင်စုဒေသထဲသို့ စတင်ဝင်ရောက်လာပြီး ထိုကာလမှစ၍ ကျွန်ုပ်တို့ကရင်အမျိုးသားသက္ကရာဇ်ကို သုတေသီတို့ရေတွက်၍ ယခုနှစ်အထိဆိုပါမှု ၂၇၄၉ ခုနှစ်သို့ပင် ရောက်ခဲ့ပါသည်။

သို့ဖြစ်လျှင် ယနေ့ကျွန်ုပ်တို့ပြည်ထောင်စုအတွင်း ပြန်လည်ဆုံစည်းကြသော ဖခင်အနွယ်ဝင် (စကောကရင်) အုပ်စုနှင့် မိခင်အနွယ်ဝင် (ပိုးကရင်) အုပ်စုတို့မှာ တစ်ချိန်က ထီဆေ့မေ့ယွားတွင် တစ်ရွာတည်းသို့မဟုတ် တစ်အိမ်ထောင်စုတည်း နေထိုင်ခဲ့သော မိဘများမှ တစ်မျိုးတည်း တစ်ခုတည်းသော သွေးရင်းသားရင် ညီအစ်ကိုများဖြစ်ကြောင်းကို ကရင်လူကြီးများက ဆုံးမပြောကြားခဲ့သော ပုံပြင်များ၊ ဆုံးမစကားများ၊ စကားပုံများအရ မှန်ကန်နေကြောင်း ငြင်းဆိုစရာမရှိသည့်အပြင် ယင်းသမိုင်းစဉ်ကို ပိုမိုခိုင်လုံစေမည့် သမိုင်းအထောက်အထားများက ယနေ့အရှေ့တောင်အာရှဒေသရှိ လူမျိုးစုများ၏ သမိုင်းကိုလေ့လာခြင်းအားဖြင့် ယင်းတို့အနက် ကျွန်ုပ်တို့ကရင်လူမျိုးစုများ၏ အတိတ်သမိုင်းကြောင်းကိုလည်း မှန်ကန်စွာ လေ့လာသိရှိနိုင်ပါသည်။

ကရင်လူမျိုးများဟုခေါ်တွင်ခြင်း
ကရင်လူမျိုးစုများကို ပညာရှင်များက ထိုင်းတရုတ်အနွယ်ဝင်များဟု မှတ်တမ်းတင်ကြသည်။ ပညာရှင်တို့၏ တင်ပြချက်အရ လူတို့၏ဦးခေါင်းခွံအနေအထားနှင့် နှာခေါင်းအနေအထားအရလည်းကောင်း စကားဝေါဟာရ ဘာသာဗေဒအရလည်းကောင်း သတ်မှတ်ခေါ်တွင်ခြင်းဖြစ်သော်လည်း ကရင်လူမျိုးနွယ်စုမှာ ထိုင်း၊ တရုတ်အုပ်စုများကဲ့သို့ပင် မွန်ဂိုအနွယ်ဝင်များ ဖြစ်ကြသည်။

အရှေ့တောင်အာရှဒေသရှိ လူမျိုးအတော်များများက ယန် ဟုခေါ်ကြပြီး မြန်မာလူမျိုးများက ကရင်ဟုခေါ်ကြသည်။ ကရင်ဟူသောအခေါ်ကို မည်သည့်အချိန်ကစတင်၍ ခေါ်ကြသည်ဟု အတိအကျတင်ပြရန် ခက်ခဲသော်လည်း ယင်းအခေါ်သည် အင်းဝခေတ်မတိုင်မီ စတင်ခေါ်တွင်ခဲ့ဟန်ရှိပါသည်။ မြန်မာလူမျိုးတို့၏ အယူအဆအရ ကရင်လူမျိုးများကို ရှမ်းလူမျိုးများ (၃၀) တွင် ထည့်သွင်း၍ သမိုင်းတွင်မှတ်တမ်းတင်ခဲ့ရာ (ကွေ့ရှမ်း) လူမျိုးများသည်လည်းကောင်း၊ (ဂျွမ်း) လူမျိုးများသည်လည်းကောင်း ကရင်လူမျိုးများကို ဒေသအလျောက် ခေါ်တွင်ကြခြင်းဖြစ်သည်ဟု သမိုင်းပညာရှင်အချို့က ယူဆကြပါသည်။ အချို့ပညာရှင်များက တစ်ချိန်ကဧရာဝတီမြစ်ကမ်းတွင် နေထိုင်ခဲ့ဖူးသော ကမ်းယံလူမျိုးများမှ ကရင်လူမျိုးများ ဖြစ်လာသည်ဟူ၍လည်းကောင်း၊ ပျူလူမျိုးများအား ယနေ့ပိုးကရင်ဖြစ်လာသည် ဟူ၍လည်းကောင်း ယူဆကြပါသည်။

ယနေ့ရခိုင်ပြည်ဒေသအချို့တွင် (ကမ်းယံ) လူမျိုးအနည်းငယ်ကို တွေ့နိုင်ရာ ယင်းတို့မှာ ကရင်လူမျိုးများနှင့် မတူကြောင်းကို ၄င်းပျူလူမျိုးများကို သမိုင်းပညာရှင်အချို့က ပျောက်ကွယ်သွားပြီဟု ယူဆကြသော်လည်း အမှန်မှာ ယနေ့တိုင်အောင် ပျူလူမျိုးတို့၏အဆက်အနွယ်ကို ပဲခူးတိုင်းအနောက်ဖက်ခြမ်းနှင့် ပြည်မြို့တစ်ဖက်တွင် အနှံ့အပြားတွေ့ရှိနိုင်ပါသည်။ သို့ရာတွင် ထိုသူတို့အားလုံးမှာ မိမိတို့ကိုယ်ကို မြန်မာလူမျိုးများဟု ယုံကြည်ကြပြီး မြန်မာလူမျိုးများအသွင်သို့ လုံးဝပြောင်းလဲသွားခြင်းသာဖြစ်သည်။ သို့ရာတွင် မြန်မာစစ်စစ်များနှင့် အရောင်အသွေးမတူခြင်း စကားပြောရာတွင် အသံဝဲပုံ တစ်မျိုးတစ်ဖုံ ထူးခြားခြင်းတို့ကြောင့် ပျူလူမျိုးများကို ပိုးကရင်ဖြစ်လာသည် ဆိုသောယူဆချက်မှာ မမှန်နိုင်ကြောင်း သိရပါသည်။ သို့ရာတွင် ရှေးပျူယဉ်ကျေးမှု ထွန်းကားချိန်တွင် ပျူလူမျိုးနှင့် ပိုးကရင်အနွယ်ဝင်များမှာ ရောနှောခဲ့ကြသည့် လက္ခဏာအထောက်အထားကား ထည့်သွင်းစဉ်းစားရပေမည်။ အဘယ်ကြောင့်ဆိုသော် ယနေ့ကရင်လူမျိုးတို့၏ ရိုးရာဓလေ့အချို့တို့သည် ထိုခေတ် ပျူယဉ်ကျေးမှုအချို့တို့နှင့် နီးစပ်သည်ကို တွေ့ရှိနိုင်ခြင်း မာန်လည်သမိုင်းတွင် ပျူမင်း များဟူသော အရေးအသားနှင့် ပတ်သက်၍ ပျူမှာ လူမျိုးများကို ဖေါ်ပြရာဖြစ်သကဲ့သို့ ပြုံး ဟူသောအရေးအသားကို တွေ့နိုင်သည်။ ပြုံး ဟူသောအခေါ်မှာ မြန်မာစကားသံများအရ ယရစ်သံပျက်၍ (ပရုံး) ဟူသော အသံထွက်ပြီး သံမှန်အနေအထားသို့ လေ့လာပါက ပရုံး-ဖလုံး-ဖလုံ ဟူသောအသံများ၏ မူလဇာစ်မြစ်ဖြစ်နိုင်ပြီး ယင်းအခေါ်သည် ယနေ့ (ပိုးကရင်) လူမျိုးစုတို့ မိမိကိုယ်ကိုခေါ်သော ဖလုံ ဟူသောအခေါ်နှင့် အသံထွက်တူညီနေသည်ကို တွေ့ရသည်။ ထို့အပြင် နိုင်ငံခြားသားများ၏ မှတ်တမ်းဝင်အခေါ်အရ ပြည်မြို့ကို (ပရုံး) ဟုခေါ်ခြင်းဖြစ်သည်။ ယင်းဒေသတွင် တစ်ချိန်က ယနေ့ ဖလုံ ဟုခေါ်သော ပိုးကရင်လူမျိုးစုတို့ နေထိုင်ရာဒေသအဖြစ်ဖြင့် ထင်ရှားခဲ့ကြောင်းကို ရှေးကရင်လူကြီးများ အဆိုနှင့်ယှဉ်၍ သိရှိနိုင်ပါသည်။

မြန်မာ့သမိုင်းတွင်ပါရှိသည့် မွန်၊ မြန်မာ နှစ်ပေါင်း(၄၀)စစ်ပွဲကာလတွင် မြန်မာမင်းများ၏ အရှေ့ဘက်စစ်ကြောင်းဖြစ်သော စစ်တောင်းမြစ်ဝှမ်း တစ်လျှောက်တွင် အများစုနေထိုင်သော စကောကရင်လူမျိုးစုများကို မြန်မာမင်းများ၏ စစ်တပ်များတွင် ပါဝင်စေခြင်းဖြင့်လည်းကောင်း မွန်မင်းများကြီးစိုးရာ ဒေသဖြစ်သော မြစ်ဝကျွန်းပေါ်နှင့် အောက်ပိုင်းရှိပိုးကရင် လူမျိုးစုများကို မွန်မင်းများ၏ စစ်တပ်များတွင် ပါဝင်အမှုထမ်းစေခြင်းဖြင့်လည်းကောင်း ကရင်လူမျိုးစု(၂)စုအား မွန်-မြန်မာတို့က ခွဲခြားခေါ်ဝေါ်ခြင်းဖြင့် စကောကရင်အုပ်စုကို မြန်မာကရင်များ၊ ပိုးကရင်အုပ်စုကို မွန်-ကရင် သို့မဟုတ် တလိုင်းကရင်များဟူ၍လည်းကောင်း ယနေ့တိုင်အောင် တစ်ချို့ ခေါ်ဝေါ်နေကြသေးသည်။

သုတေသီအချို့က တောင်ငူမင်းဆက်ကို ကရင်လူမျိုးတို့ စတင်တည်ထောင်ကြောင်း အဆိုရှိကြသည်။ ယင်းအဆိုမှာ များစွာလျှော်ကန်လှပေသည်။ အကြောင်းမှာ မွန်-မြန်မာစစ်ပွဲကာလတွင် စကောကရင်လူမျိုးစုတို့သည် စစ်ရေးနှင့် အုပ်ချုပ်ရေးအတွေ့အကြုံဖြင့် နယ်မြေဒေသ စုသည်းနေထိုင်မှုများကြောင့် တောင်ငူမင်းဆက်ကို စတင်ထူထောင်နိုင်ရန် အင်အားအထူးကောင်းမွန်လျက် ရှိမည်မှာမလွဲပေ။ မည်သို့ပင် ဆိုစေကာမှု သမိုင်းတွင် ကရင်လူမျိုးတို့ မှတ်တမ်းမ၀င်သည်မှာ ကရင်လူမျိုးတို့၏ အေးဆေးစွာ နေထိုင်လိုသော စိတ်ဓါတ်နှင့် စည်းလုံးညီညွတ်မှု အားနည်းသော သဘာဝတို့ကြောင့် အခြားလူမျိုးများတို့၏ လက်အောက်တွင် ကာလကြာမြင့်စွာနေထိုင်ကာ မိမိတို့ယဉ်ကျေးမှုဓလေ့ ထုံးစံတစ်ချို့တို့မှာ နှမျောဖွယ်ရာ ဆုံးရှုံးခဲ့ရခြင်းနှင့် တစ်ဒေသနှင့်တစ်ဒေသ ဆက်သွယ်ရန် ဝေးလံခက်ခဲသော နေရာဒေသများတွင် ပျံ့နှံ့နေထိုင်မှုတို့မှာ အဓိကကျလှပေသည်။
စရှောင်ဖန်း (အင်းစိန်)

ဘယ်လောက်ဘဲဝေးဝေးထာဝရသွေးစည်းမည်









ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်းစသောလူမျိုးစုတို့သည် ရှေးပဝေသဏီကပင် မြန်မာနိုင်ငံအတွင်း ချစ်ကြည်ရင်းနှီးစွာ စုပေါင်းနေထိုင်ခဲ့ကြသည်။ ယင်းတို့အနက် လူမျိုးစုကြီးတစ်ခုဖြစ်သော ကရင်တိုင်းရင်းသားတို့သည် အခြားညီအစ်ကို တိုင်းရင်းသားတို့အောက် နောက်မကျပဲ မြန်မာနိုင်ငံအတွင်း ၀င်ရောက်နေထိုင်ခဲ့ကြသည်။

ကရင်လူမျိုးတို့သည် အေဒီ (၇) ရာစု သို့မဟုတ် (၈) ရာစုခန့်တွင် ရမည်းသင်း သို့မဟုတ် တောင်ငူအရှေ့ဘက်မှ အနောက်ဘက်၊ တောင်ငူ-ရွှေကျင်လမ်းကြောင်းအတိုင်း မြစ်ဝကျွန်းပေါ်ဒေသ၊ တောင်ဘက်ဘက် ဖာပွန် သံလွင်မြစ်ကြောင်းအတိုင်း၊ တနင်္သာရီကမ်းမြောင်ဒေသနှင့် မြန်မာနိုင်ငံအောက်ပိုင်းများသို့ ၀င်ရောက်နေထိုင်ခဲ့ကြသည်ဟု အဆိုရှိသည်။ မြန်မာနိုင်ငံအတွင်းနေထိုင်ကြသော ကရင်လူမျိုးများကို (၁၉၁၁) ခုနှစ် သန်းခေါင်စာရင်းအရ ..
၁။ စကောကရင်
၂။ ပိုးကရင်
၃။ ဘွဲကရင် ဟူ၍ အုပ်စုသုံးစုဖော်ပြထားသည်။


















(၁)စကောကရင်

စကောကရင်မျိုးကွဲတွင်...
၁။ စကောကရင်
၂။ ပကူး (ပူးကရင်)
၃။ မော်နေပွာကရင်နှင့်
၎။ တလေပွာကရင်တို့ ပါဝင်ကြသည်။
စကောကရင် တို့သည် သထုံခရိုင်၊ မော်လမြိုင်ခရိုင်၊ ဘားအံခရိုင်၊ကော့ကရိတ်ခရိုင်၊ ထားဝယ်ခရိုင်၊ မြိတ်ခရိုင်၊ ဖာပွန်မြို့နယ်၊ ပြည်ခရိုင်၊ သာယာဝတီခရိုင်၊ တောင်ငူခရိုင်၊ ညောင်လေးပင်မြို့နယ်၊ ဟင်္သာတခရိုင်၊ ဖျာပုံခရိုင်၊ မအူပင်ခရိုင်၊ မြောင်းမြခရိုင်၊ ပုသိမ်ခရိုင်နှင့် အင်းစိန်ခရိုင်များတွင် နေထိုင်ကြသည်။ စကောကရင် မျိုးကွဲတွင်ပါဝင်သော ပကူးကရင်တို့သည် တောင်ငူခရိုင်၊ သံတောင်မြို့နယ်၊ မော်ချီးမိုင်ဒေသ၊ ဘောဂလိ၊ စစ်တောင်းနှင့်ပြောင်သိုအရပ်များတွင် နေထိုင်ကြသည်။ စကောကရင် မျိုးကွဲတစ်ခုဖြစ်သော မော်နေပွားကရင်အမျိုးသားများသည် မြစ်ငန်ချောင်း အနောက်ဘက်ရွာများတွင် နေထိုင်ကြပြီး အခြားမျိုးကွဲဖြစ်သော တလေပွာအုပ်စုကား ဘောဂလိမော်ချီးကားလမ်းနှင့် (၂၅)မိုင်အကွာ တောင်ပေါ်အထက်ရွာများတွင် နေထိုင်ကြသည်။ ထိုသို့ နေထိုင်ရာဒေသခြားနား၍ မျိုးကွဲအဖြစ် တည်ရှိသော်လည်း ပြောဆိုသောစကားမှာ မူလအရင်းအမြစ်ချင်း တူညီကြသည်။

(၂)ပိုးကရင်
ပိုးကရင်သည်လည်း အရှေ့ပိုင်းကရင်နှင့် အနောက်ပိုင်းကရင် (၀ါ) မြစ်ဝကျွန်းပေါ်ပိုးကရင်ဟူ၍ အုပ်စုနှစ်စုခွဲနိုင်သည်။ အရှေ့ပိုးကရင်များသည် ဘားအံခရိုင်၊ ကော့ကရိတ်ခရိုင်၊သထုံခရိုင်၊ ထားဝယ်ခရိုင်၊ မြိတ်ခရိုင်နှင့် ဖာပွန်မြို့နယ်များတွင် နေထိုင်ကြပြီး အနောက်ပိုးကရင် (၀ါ)မြစ်ဝကျွန်းပေါ်ကရင်တို့သည် ပုသိမ်ခရိုင်၊ မအူပင်ရိုင်၊ မြောင်းမြခရိုင်၊ ဟင်္သာတခရိုင်၊ ဟံသာဝတီခရိုင်၊ သာယာဝတီခရိုင်၊ ညောင်လေးပင်မြို့နယ်နှင့် အင်းစိန်မြို့နယ်များတွင် နေထိုင်ကြသည်။ ပိုးကရင်မျိုးကွဲတစ်ခုဖြစ်သော မိုပွာအုပ်စုဝင်ကရင်တို့သည် တောင်ငူခရိုင်၊ မော်ချီးကားလမ်း မိုင်တိုင် (၂၀) အနီး သံတောင်မြို့နယ် မဲဖြူတိုက်၊ ဥသျှစ်ကုန်းနှင့် စည်ပင်ကြီးကျေးရွာများတွင် နေထိုင်ကြသည်။

(၃)ဘွဲကရင်

ဘွဲကရင်မျိုးထဲတွင်

၁။ ဘွဲကရင်
၂။ ပလေချီးကရင်
၃။ ပိုဟွကရင်တို့ပါဝင်သည်။
ဘွဲကရင်အမျိုးသားတို့သည် သံတောင်မြို့နယ်တောင်ပေါ်ဒေသတစ်လျောက်တွင် နေထိုင်ကြပြီး ပလေချီးကရင်တို့သည် သံတောင်မြို့နယ် ပလေချီး၊ ကျွဲဖြူတောင်၊ တောပြာကလေး၊ ငွေတောင်ကြီး၊ ငွေတောင်ကလေးရွာများတွင် နေထိုင်ကြသည်။ ပလေချီးချောင်း၊ ပလေချီးဒေသတွင် နေထိုင်ခြင်းကိုအကြောင်းပြု၍ "ပလေချီးကရင်" ဟုခေါ်ခြင်းဖြစ်သည်။

ရေကြည်ရာမြက်နုရာ မိမိတို့နှင့်နီးစပ်ရာအုပ်စုရှိသည့် ဒေသအသီးသီးသို့ သွားရောက်နေထိုင်ကြသော်လည်း ယင်းတို့၏ မူလဇစ်ဖြစ်မှာ ကရင်အမျိုးသားများသာဖြစ်ကြသည်။ နေထိုင်ရာဒေသကိုစွဲ၍ အရှေ့ဘက်အရပ်ဒေသတွင် နေထိုင်သူများသာ ကရင်အစစ်ဖြစ်ပြီး အနောက်ဘက်အရပ်တွင် နေထိုင်သူများမှာ ကရင်မစစ်ဟူ၍လည်ကောင်း ၊ ဖါထါ်-စကောကရင်များသာ ကရင်အစစ်ဖြစ်ပြီး မေ၀်ၟထါ်-ပိုးကရင်များမှာ ကရင်အစစ်မဟုတ် ဟူ၍လည်ကောင်း၊ တောင်ပေါ်ဒေသနေထိုင်သူများသာကရင်ဖြစ်ပြီး မြစ်ဝကျွန်းပေါ် မြေပြန့်ဒေသများတွင် နေထိုင်သူများကား ကရင်မပီသတော့ဟူ၍ ပြောဆိုယူဆပါက လွန်စွာမှမှားယွင်းသော ယူဆချက်ဖြစ်ပေသည်။ ဖော်ပြပါအားလုံးသည် ကရင်လူမျိုးများသာဖြစ်သည်ဟူသော အသိခံယူချက်မှသွေဖီပြီး သွေးမကွဲအပ်ပါပေ။

ကရင်လူမျိုးတို့သည် မိမိတို့ စား၊ ၀တ်၊ နေရေးအတွက် လယ်ယာစိုက်ပျိုးရေးနှင့် တောင်ယာလုပ်ငန်းများ၊ အချို့က ပညာရေး၊ ကျန်းမာရေး၊ ကာကွယ်ရေးစသော ဦးစီးဌာန၊ ကော်ပိုရေးရှင်းနှင့် လက်နက်ကိုင်အဖွဲ့အစည်းအသီးသီးတွင် တာဝန်ထမ်းဆောင်လျက်ရှိကြသည်။ မိမိတို့လုပ်ကိုင်ရသော လုပ်ငန်းသဘာဝခြားနားမှုကြောင့် သွေးမကွဲသင့်ကြပေ။ မိမိတို့သည် နိုင်ငံကောင်းရာကောင်းကြောင်း ၊ အမျိုးသားကောင်းရာကောင်းကြောင်း လုပ်ဆောင်နေကြသူများ ဖြစ်သည်ဟူသော တစ်ခုတည်းသော ခံယူချက်ဖြင့် အချင်းချင်းသွေးမကွဲဘဲ ရိုင်းပင်းကူညီသင့်ပေသည်။

ယုံကြည်ကိုးကွယ်ခြင်းနှင့်ပတ်သက်၍ ရှေးကရင်တို့မှာ အများအားဖြင့်နတ်ကိုးကွယ်ကြသည်။ နောက်ပိုင်းတွင် ဗုဒ္ဓဘာသာကိုးကွယ်သူများ၊ ခရစ်ယာန်ဘာသာ၊ တလကူရသေ့ဗုဒ္ဓဘာသာ၊ နောင်ပွင့်တော်မူမည့် အရိမေတ္တာယျဘုရားလောင်းကို ကိုးကွယ်သည့် လဲကယ်ဘာသာ၊ ဗြဟ္မာစိုရ်ဂိုဏ်း၊ ၀ီး(ဟွီး) ကိုးကွယ်သူများ စသည်ဖြင့်ကိုးကွယ်ယုံကြည်မှုကွဲပြားလာကြသည်။ ဘာသာရေးသည် ပုဂ္ဂိုလ်ရေးဆိုင်ရာ ယုံကြည်ကိုးကွယ်မှုသာဖြစ်သည်။ အမျိုးသားရေးနှင့်ရောနှောမသွားသင့်ပေ။ ကိုးကွယ်သည့်ဘာသာကွဲပြားမှုကို အကြောင်းပြု၍ ကရင်အချင်းချင်း စိတ်ဝမ်းကွဲပြားခြင်း၊ အနေစိမ်းသွားကြခြင်း၊ ညီညွတ်မှုအားနည်းသွားခြင်းမျိုး မဖြစ်သင့်ပေ။

ကရင်လူမျိုးတို့တွင် '' လိက်ဆောင့်ဝေး'' ''လိပ်ဆန်ဝှေ့" "လီဆောဝဲ့" စာရေးနည်းနှင့် ပေစာရေးနည်းများရှိခဲ့သည်။ (၁၈၃၂) ခုနှစ်နောက်ပိုင်းတွင် စကောကရင်စာပေ၊ ပိုးကရင်စာပေ၊ ဗုဒ္ဓဘာသာသင်ပုန်းကြီးစာရေးနည်းစနစ်၊ လဲကယ်ဘာသာဝင်တို့၏ စာရေးနည်းစနစ် စသဖြင့် စာပေများ ပေါ်ပေါက်လာသည်။ စာပေကွဲပြားမှုကိုအကြောင်းပြု၍ ကရင်အချင်းချင်း သွေးမကွဲသင့်ကြပါချေ။ ကရင်အမျိုးသားအလံတွင် အရောင်သုံးမျိုးပါရှိရာ အနီရောင်သည် အစဉ်အလာအရ ကရင်အမျိုးသားတို့၏ ရဲရင့်ခြင်းကို ဖော်ညွန်းသည်။ အပြာရောင်က သစ္စာရှိမှု၊ တည်ကြည်ဖြောင့်မတ်မှုကိုလည်ကောင်း၊ အဖြူရောင်က ကရင်လူမျိုးတို့၏ စိတ်ဓါတ်ဖြူစင်ရိုးသားမှုကိုလည်ကောင်း ကိုယ်စားပြုသည်။ တက်သစ်စနေရောင်ခြည်က ကရင်အမျိုးသားတို့ ဖွံဖြိုးတိုးတက်သာယာစည်ပင်လာမည့် အလားအလာကိုလည်ကောင်း ဖော်ညွန်းပြီး၊ ဖားစည်က ရန်အောင်ကြောင်းနှင့် ကျွဲချိုက အချက်ပေးမှုတ်သည့် ကိရိယာများအဖြစ် အသုံးပြုရပေသည်။

အချုပ်အားဖြင့်တင်ပြရလျှင် ကရင်လူမျိုးတို့သည်မျိုးနွယ်စုအားဖြင့် ကွဲပြားနေစေကာမှု၊ အသက်မွေးဝမ်းကြောင်း လုပ်ငန်းအရ ခြားနားစေကာမှု၊ ယုံကြည်ကိုးကွယ်မှုအရ ဘာသာရေး မတူညီစေကာမူ၊ စာပေနှင့် ဘာသာစကားဒေသလိုက်၍ ခြားနားနေစေကာမှု ဤသို့မတူ ကွဲပြားခြားနားမှုများ ရှိနေမည်ဖြစ်သော်လည်း မူလဇစ်မြစ်အရ လုံးဝကွဲပြားခြင်းမရှိ ကွဲပြားမှုမရှိသည့်အလျောက် ထာဝရစည်းလုံးညီညွတ်နေကြရမည်ဟု သတိချထားရမည်သာဖြစ်သည်။ ကရင်တစ်မျိုးသားလုံးကို ကိုယ်စားပြုသော အမျိုးသားအလံတော်၏ ရည်ညွန်းချက်များကို ကရင်တစ်မျိုးသားလုံး၏ နှလုံးသည်းပွတ်တွင် လမ်းညွန်အဖြစ် ခံယူထားရမည်ဖြစ်သည်။ ထိုလမ်းညွန်ချက်ကို အကောင်အထည်ဖော်ရာတွင် သာမန်ဖြစ်သော ကွဲပြားချက်များကို လျစ်လျူရှုကာ အဓိကဖြစ်သော စည်းလုံးညီညွတ်မှုကို မဖြစ်မနေ တည်ဆောက်ရမည်ဖြစ်ပါကြောင်း ကရင်လူမျိုးများအားလုံး ဘယ်လောက်ပဲဝေးဝေး ထာဝရသွေးစည်းရမည်ဖြစ်ပါသည်။


Tuesday, July 17, 2012

နော်ဘူဘော

နေ့ သစ် သတင်းစာမျက်နှာမှ ပြန်လည်ကူးယူဖေါ်ပြသည်။

July 14, 2012


မြန်မာပြည်က၊ တောင်ထိပ်ကလေးတွေ မှန်သမျှမှာ ထုံးဖြူဖြူစေတီလေးတွေ ရှိနေတာဟာ ကျက်သရေမင်္ဂလာ ရှိယုံတင် မကဘူး၊ ကျမတို့ ဘူမိဗေဒကျောင်းသူဘဝ ကွင်းဆင်းတုန်းကဆိုရင်၊ မြေပုံပေါ်မှာ သိပ်ကိုအသုံးဝင်တဲ့ လမ်းညွှန်အမှတ် အသားလေးတွေလည်း ဖြစ်တယ်လေ။

အခုဒီတောင်ထိပ်မှာတော့ ထူးထူးခြားခြား၊ လက်ဝါးကပ်တိုင်ကြီးတခု၊ ထီးထီးမားမားကြီးရှိနေတာကို၊ မြင်လိုက်ရတယ်။

နော်ဘူဘောတောင်က ဆုတောင်းပြည့်တောင်လို့ သူပြောလာတော့၊ ဆုတောင်းစရာတွေအမြဲပြည့်နေတဲ့ ကျမအတွက်၊ သာမန်ကာလျှံကာတော့ စိတ်ဝင်စားသွားတယ်။

အဲဒီတောင်ကိုအတူတက်ဖို့ save ထားတယ်လို့ ထပ်ပြောလာတော့၊ သူ့မျက်ဝန်းထဲကို အသေအချာစိုက်ကြည့်ပြီး၊ အ လေးအနက် ကတိတခုပေးလိုက်မိတော့တယ်။

တောင်ငူသားဖြစ်တဲ့သူက၊ တောင်ငူကနေ နေ့ချင်းပြန်ခရီးပဲရှိတဲ့၊ သံတောင်ကြီး တော်ပေါ်စခန်းမြို့လေးကို၊ ငယ်ငယ်က လေးဘဝက သူ့မိခင်ဆရာမတာဝန်ထမ်းဆောင်ရင်း တခါ၊ လူပျိုပေါက်မှာတခါ၊ နှစ်ခါလောက် ရောက်ခဲ့ဖူးပေမဲ့၊ သံ တောင်ကြီးကနေမှ၊ ပေ ၄ဝဝဝ ကျော်ရှည်တဲ့၊ တောင်ပတ်လမ်းနဲ့ ဆက်တက်ရမဲ့၊ နော်ဘူဘောတောင်ပေါ်ကိုတော့ တခါ မှမရောက်ဖူးသေးလို့ ရောက်ဖူးချင်နေတာတဲ့လေ။

ခုတော့၊ သူတို့နှစ်ယောက်လုံး ဆုမတောင်းရသေးခင်မှာကို၊ ဆုတောင်းပြည့်လေပြီ။

မိုးတွင်းကြီးတောင်ပေါ်တက်ဖို့ လာငှါးတဲ့လူတွေကို၊ ကားသမားက၊ အံ့သြတကြီး ကြည့်လိုက်သေးတယ်။ ပြီးတော့ “ရပါတယ် ကျနော်တို့က ဒီလမ်းတွေကို၊ မျက်စိမှိတ်တောင်မောင်းလို့ရနေပြီ” တဲ့။

သူပြောသလိုဆိုရင်တော့ ဟုတ်သား။ ခုတော့၊ မျက်စိကိုပြူးပြဲနေအောင် ကြည့်နေရတော့တယ်။ မိုးကမရွာသေးပေမဲ့၊ မိုးငွေ့မြူမှုန်တွေနဲ့ ဖုံးပိတ်နေတဲ့၊ တောင်တန်းတောင်စွယ်တွေက၊ ရှေ့ကဘွားကနဲထွက်လာတဲ့၊ အကွေ့ကိုတောင် မမြင်ရ ချင်။ တော်နေသေးတာက၊ အတက်လမ်းနဲ့အဆင်းလမ်း သပ်သပ်စီ ခွဲထားပေလို့သာ။

မတော်လို့များ၊ ဘေးက ချောက်ထဲပြုတ်ကျရင်တော့ ဆိုတဲ့၊ စိုးရိမ်စိတ်ပါးပါးလေးကို၊ ကျေနပ်ရွှင်လန်းစိတ်တခုက၊ လွှမ်း မိုးအုပ်စိုးနေလို့သာပေါ့။ တကယ်တော့၊ အဲဒီခဲပြာရောင်အခိုးအငွေ့တွေက၊ သူတို့နဲ့အတူ၊ တောင်ပေါ်ကို အတူလိုက် တက်လာတဲ့၊ မိုးတိမ်တိုက်တွေဆိုတာ၊ တောင်ပေါ်ရောက်မှပဲ၊ သိလိုက်ရသည်။

ငါ့အိမ်ကို လူအမျိုးမျိုးဆုတောင်းရာအိမ်ဟူ၍ ခေါ်လတ္တံ့ (ဟေရှာယ-၅၆း၇) လို့ စာတမ်းလေးရေးထားတဲ့၊ အုပ်တိုက်အ ဆောက်အဦလေးရှေ့မှာ၊ ကားရပ်ပြီး၊ ဆင်းလိုက်ကြတော့၊ တကိုယ်လုံးစိုစွတ်နေသလို ဖြစ်နေတယ်။ ချမ်းလိုက်တာ လည်း အခိုက်ပဲ။ ဒါပေမဲ့ လက်ဖြန့်ခေါင်းမော့ကြည့်တော့၊ မိုးရွာနေတာလည်းမဟုတ်ဘူး။ မိုးများရွာလေမလားလို့ မျှော်ပြီး မော့ကြည့်စရာကိုမလိုတဲ့၊ ရေငွေ့မိုးတိမ်တွေရဲ့အထဲမှာကို၊ ရောက်နေတာလေ။

တိုက်ကလေးထဲက ထွက်လာတဲ့၊ သင်းအုပ်ဆရာလို့ထင်ရတဲ့၊ ကရင်လူကြီးတယောက်က၊ အတူပါလာတဲ့၊ သူ့ရဲ့မိခင် (မားမီ) ကို၊ ငယ်ပေါင်းကြီးဖော်တယောက်လို၊ ဝမ်းသာအားရ၊ ကရင်စကားနဲ့ နှုတ်ဆက်ပြီးတော့မှ၊ တခြားဧည့်သည်တွေ ကို လှမ်းကြည့်ရင်း ဒီနေ့ တိမ်တွေတအားထူတယ်လေလို့၊ ဗမာလို၊ လှမ်းပြောတယ်။ တခြားဧည့်သည်ဆိုတာလည်း ကိုယ်ရယ်၊ သူရယ်၊ မားမီ့ ညီမတယောက်ရယ်၊ ကားသမားကြီးရယ် ပါပဲ။

ပြီးတော့ သင်းအုပ်ဆရာရဲ့ အိမ်သူဖြစ်ပုံရတဲ့၊ အမျိုးသမီးက၊ သူတို့ကို၊ တောင်ထွတ်ပေါ်လမ်းပြပြီး လိုက်ပို့တယ်။ တောင် ထွတ်ပေါ်တက်တဲ့ အုပ်လှေခါး ၃၁၁ ထစ်ကို၊ ၁၉၉ဝ နောက်ပိုင်း၊ ထောင်ထိပ်မှာ လက်ဝါးကပ်တိုင်စိုက်ထူပြီးမှ၊ ဖြည်း ဖြည်းချင်း၊ စုပေါင်းအလှူငွေတွေနဲ့ လုပ်ထားတာဖြစ်ကြောင်း၊ ပြောပြတယ်။ မိုးငွေ့တွေနဲ့ စိုစွတ်နေတဲ့လှေခါးထစ်တွေကို သတိထားပြီးတက်နေတုန်း၊ လေပြင်းတချက်နှစ်ချက်ဝှေ့လာတယ်။ လူတောင်ယိုင်သွားမတတ်ပဲ။ ဘေးကိုကြည့်တော့ လည်း၊ ဘာမှမမြင်ရတဲ့၊ လျှိုမြောင်တောင်ကြားချောက်ကမ်းပါးကြီးတွေ။ နော်ဘူဘောတောင်က၊ ပေပေါင်း ၄၈ဝဝ ကျော် မြင့်တယ်ဆိုတော့၊ ကျိုက်ထီးရိုးတောင်နဲ့ ကျောက်လုံးပေါ်က ဆံတော်ရှင်စေတီကြီးကို သွားသတိရလိုက်မိတယ်။ ကျိုက် ထီးရိုးက နန်းရွှေကျင်နဲ့ ဟောဒီက နော်ဘူဘော၊ ကရင်မလေးနှစ်ယောက်ရဲ့ ဘဝဖြစ်ထွေတွေက ဆင်ဆင်တူပေမဲ့၊ မိုး ပေါ်ကို ထိုးထွက်နေတဲ့ တောင်နှစ်လုံးရဲ့ အနေအထားခြင်းကတော့ အဆင်ကွဲတယ်လို့ပဲ ဆိုရမယ်ပေါ့။

ထုံးစံအတိုင်း၊ နော်ဘူဘော ဒဏ္ဍာရီလေးမှာလည်း၊ အချစ်နဲ့အာဏာ ပါပဲ။ လူတွေရဲ့ဘဝတွေကို အခြယ်လှယ်နိုင်ဆုံး အ ရာတွေလေ။ ဟောဒီ ဘွယ်ဟီခိုလို့ခေါ်တဲ့ ဘွဲ (ကရင်) လူမျိုးတွေနေထိုင်ကြတဲ့၊ တောင်တန်းကြီးတွေကို ပိုင်စားတဲ့ တောင်များသခင်ရဲ့ သား၊ တောင်မင်းသား စောသာဂေါ်ခွါးနဲ့ ဟိုးအဝေးက ပင်လယ်များသခင်ရဲ့သမီးတော်၊ ပင်လယ် မင်းသမီး နော်ဘူဘော တို့ ချစ်ခင်စုံဖက် မိတ်ဖက်ပြုကြတယ်ပေါ့။ နော်ဘူဘော ဖက်ကပါတဲ့ ရွှေဘီးလေးတချောင်း ကြောင့်၊ တောင်မင်းသားလေးက စစ်တိုက်တိုင်းအနိုင်ရတယ်တဲ့။ တနေ့တော့၊ ရွှေဘီးလေးကိုနင်းပြီး စစ်တိုက်နေရာက၊ ခေါင်းပေါ်ပြန်တင်လိုက်တဲ့အချိန်မှာ၊ မသေဘဲကျန်နေတဲ့ ရန်သူတယောက်ရဲ့ မြားချက်နဲ့ မင်းသားလေး သေရော ဆိုပါ တော့။ သူစိမ်းတွေကြားထဲ၊ အားကိုးရာမဲ့သွားတဲ့ မင်းသမီးလေးဟာ၊ ဟိုဟိုဒီဒီ မလိုမုန်းထား စွပ်စွဲချက်တွေနဲ့အတူ၊ ဟော ဒီတောင်ထိပ်ပေါ်မှာ၊ အချုပ်အနှောင်ခံ၊ အပြစ်ပေးရင်း သေသွားရတယ်တဲ့လေ။

လိုက်ပြတဲ့အမျိုးသမီးက၊ နော်ဘူဘောကို ချုပ်နှောင်ထားခဲ့တယ်ဆိုတဲ့ ကျောက်လုံးကြီးတွေအုပ်မိုးနေတဲ့ တွင်းပေါက် လေးကိုပြပြီး၊ တောင်အောက်ကိုပြန်ဆင်းသွားပြီ။ အဲဒီအချိန်မှာ၊ လေတွေပိုပြီးကြမ်းလာတယ်။ မားမီက နာဂစ်အတိုင်း ပဲလို့ ပြောတော့၊ ဆုတောင်းဖို့လုပ်ထားတဲ့ အုပ်တိုက်ကလေးထဲကို အမြန်ပြေးဝင်ကြတယ်။ အထဲကိုရောက်တာနဲ့ လေ တွေဆိုတာ တဝုန်းဝုန်းနဲ့ ဘယ်နေရာက ဘာသံတွေမြည်ဟည်းနေမှန်းကို မသိတော့ဘူး။အားလုံး တိတ်တိတ်ဆိတ်ဆိတ် ညိမ်ပြီး ဆုတောင်းနေတဲ့အချိန်မှာ၊ စိတ်ထဲကြောက်သလို၊ စိုးသလိုဖြစ်နေတယ်။ နော်ဘူဘော သခင်မရှင် တကယ်အ စွမ်းရှိရင်၊ ကျမတို့ကို နေရောင်ခြည်လေးတမျှင်လောက် အရင်ပေးသနားပါလို့၊ လောလောလတ်လတ်၊ အရေးကြီးဆုံး ဆုကို တောင်းနေမိတယ်။

လေတွေကတော့၊ တဝုန်းဝုန်းတဒုန်းဒုန်းပဲ။ ခုနပြောပြတဲ့ဒဏ္ဍာရီထဲကလို၊ သူ့သမီးလေးသေသွားလို့စိတ်ဆိုးတဲ့၊ ပင်လယ် ဘုရင်ကြီးက လာတိုက်လိုက်၊ တောင်တန်းဘုရင်ကြီးက ပြန်တိုက်လိုက်နဲ့များ ဖြစ်နေလေရော့သလား။ တကယ့်ကိုပဲ၊ ပင်လယ်တွေဆီကလာတဲ့၊ ရေခိုးရေငွေ့တွေလေ ၊ စိတ်ဆိုးမာန်ဆိုးနဲ့ကို၊ တောင်တွေဆီကို၊ အော်ပြီးပြေးလာနေတာ။ မားမီကတော့ ပြောပြတယ်။ ပုံမှန်ဆို သုံးပန်လှလို့ခေါ်ကြတဲ့ နေရာတဲ့။ တိမ်တွေဖုံးသွားလိုက်။ နေရောင်ခြည်လေး လင်း လိုက်။ မြူငွေ့တွေ ဖြတ်ပြေးသွားလိုက်နဲ့တဲ့လေ။ ခုတော့၊ ဘာဆိုဘာမှကိုမမြင်ရအောင် မှုန်မှိုင်းချမ်းစိမ့်နေလေတော့ နော်ဘူဘောရေ နေရောင်ခြည်လေးတမျှင်လောက်သာ အရင်ပြပါလို့ ထပ်ကာထပ်ကာ ကျိတ်ပြီး ဆုတောင်းနေမိတော့ တယ်။

လေနည်းနည်းညိမ်သွားတယ်လို့ ထင်ရတော့မှ၊ အပြင်ထွက်ပြီး၊ ရှိတဲ့အလင်းရောင်နဲ့ပဲ၊ ဓါတ်ပုံရိုက်ကြတယ်။ ကင်မရာ မှန်ဘီလူးကိုသုတ်လိုက်ရိုက်လိုက်ပဲ။ ကမ္ဘာကြီးရေကြီးခဲ့တဲ့တချိန်မှာ၊ တောင်ထိပ်မှာ တင်ကျန်ခဲ့တယ်ဆိုတဲ့၊ နောဧရဲ့ သဘောင်္ကြီးကို၊ ပုံပမာယူပြီး၊ ဆောက်ထားတဲ့၊ သဘောင်္ဦးပိုင်းကြီးငေါထွက်နေတဲ့ နေရာမှာ၊ မတ်တပ်ရပ်ပြီး၊ လောကတ ခွင်တပြင်လုံးကို၊ မိန့်မူးနေမိတယ်။

တောင်တောင်ဝန်းကျင်ရှုခင်းတွေကို ဘာရယ်မှသဲသဲကွဲကွဲ မမြင်နေရပေမဲ့လည်း၊ နော်ဘူဘောတောင်ကြီးရဲ့ အမြင့်ဆုံး နေရာမှာတက်ပြီး ရပ်ကြည့်လိုက်ရတယ်ဆိုတဲ့ အရသာက၊ ဘာနဲ့မှမတူ။ နော်ဘူဘောဆိုတဲ့ တကယ်ရှိခဲ့ဖူးမဲ့၊ အမျိုးသမီး တယောက်ကို၊ စိတ်မှန်းနဲ့မြင်ယောင်ကြည့်မိတယ်။ အဲဒီလိုတုန်း၊ နေရောင်လေး လျှောကနဲလင်းသွားသလို ခံစားလိုက်ရ တယ်။ စိတ်ထဲမှာ ဘာရယ်လဲမသိ၊ လှုပ်ရှားသွားတယ်။ ဝမ်းသာအားရနဲ့ ကျန်တဲ့သူတွေကို လှမ်းပြောမလို့လုပ်တုန်း၊ လေတွေ တဝုန်းဝုန်း တိုက်လာပြန်တယ်။ ဘာပဲပြောပြော သဘာဝပတ်ဝန်းကျင် တောတောင်ရေမြေရဲ့၊ ကြီးမားဆန်း ကျယ်လှတဲ့ အရှိန်အောက်မှာ၊ အဟုန်တခုရှိနေတာကိုတော့ခံစားလို့နေရသည်။ ဒါကပဲ လူသားတွေနဲ့ သဘာဝကြီးအ ကြား၊ အသံတိတ်ဆက်သွယ်မှု တခုလေလား။

သူတို့တွေ၊ လှေခါးထစ်တွေအောက်၊ ဆင်းလာတော့၊ အခုနတိုက်တဲ့ လေကြမ်းတွေထဲမှာ၊ မိုးတိမ်တချို့ မျောပါလွင့်တက် သွားလို့ ထင်ရဲ့ မိုးစက်အမှုံအမွှားလေးတွေ၊ ကိုယ်ပေါ်ကျစပြုလာသည်။ သူတို့ကိုယ်သူတို့ ဒရဝမ်လင်မယားလေလို့ ရီရီ မောမောပြောရင်း စောင့်ကြိုနေတဲ့၊ သင်းအုပ်ဆရာလင်မယားက၊ သူတို့နေတာက ဟိုးဖက်တောင်ခြေမှာဖြစ်ပြီး၊ နေ့တိုင်း ဒီမှာ ဝေယျာဝစ္စလာလုပ်တာလို့ ပြောပြတယ်။ အုပ်တိုက် ဇရပ်ကလေးထဲမှာ၊ ဧည့်ခန်း၊ အိမ်သာတွေကို၊ အသေအချာ အကျအန လုပ်ထားတာတွေ့ရသည်။ ရာသီဥတုသာယာတဲ့ မတ်လတို့ ဧပြီလတို့ဆိုရင်တော့၊ ဒေသတဝိုက်က၊ လူမျိုးစုံ၊ ဘာသာစုံ၊ လာပြီးတောင်တက်ရင်း၊ ဆုတောင်းကြတာ၊ တော်တော်များတယ်လို့ ဆိုတယ်။ အလှူငွေပေးရင်း၊ နော်ဘူ ဘော သမိုင်းစာအုပ်ကလေးတအုပ်ကို ကောက်ကိုင်လိုက်သည်။ စာအုပ်ပေါ်မှာရေးထားတဲ့ ဆရာ့နာမည်က၊ ‘Rev နေဘ လု’ တဲ့။ ဘာအဓိပ္ပါယ်လည်းတော့မသိ။ “ဒါဘလု” လို့ ပြောပြီးနှတ်ဆက်ခဲ့တယ်။ ဒါဘလုဆိုတာက ကျေးဇူး ဆိုတာတော့ သိသည်လေ။

မိုးတွေသည်းစပြုလာတဲ့ အဆင်းလမ်းမှာ၊ မားမီက၊ သူဆရာမလုပ်ခဲ့ဖူးတဲ့၊ စာသင်ကျောင်းလေးကို၊ လက်ညိုးထိုးပြရင်း၊ သူတို့ငယ်ဘဝတွေနဲ့ သံတောင်ကြီးရဲ့သမိုင်းကြောင်းတွေကို ရောနှောပြီး၊ အားရပါးရကို၊ စားမြုံ့တွေပြန်လို့။

သံတောင်ကြီးကို၊ အင်္ဂလိပ်တွေ မြန်မာပြည်ဝင်တော့၊ ပထမဆုံး၊ တောင်ပေါ်အပမ်းဖြေစခန်းမြို့ လုပ်ဖို့ကြိုးစားတာလို့ ဆိုသည်။ မှတ်လိုအကောင်မျိုးတွေ၊ ပေါများလွန်းတာကြောင့်၊ ရောက်လာတဲ့ အင်္ဂလိပ်အရာရှိကတော်တွေမှာ၊ ယားယံအ နာတရတွေဖြစ်ပြီး၊ မနေနိုင်ဘဲပြေးကြရသတဲ့။ နောက်မို့ဆို၊ မေမြို့လိုဖြစ်နေပြီလို့ မားမီက၊ လွမ်းလိုက်သေးတယ်။ ခုလည်း မေမြို့လိုပါပဲလေလို့၊ ကားသမားကြီးက၊ စကားဝင်ထောက်ရင်း၊ ဒီကနေ ဆက်တက်ရင်၊ စစ်သင်တန်းကျောင်း အသစ်ကြီးတခု ရှိကြောင်း လက်ညိုးညွှန်ပြတယ်။ စနေတနင်္ဂနွေတွေဆို၊ မြို့ပေါ်ကို အားချင်းဆင်းလည်တဲ့၊ စစ်ဗိုလ်တွေ ကြောင့်၊ သူတို့ကားသမားတွေ၊ အတော်အလုပ်ဖြစ်တယ်ဆိုပဲ။ ပြောနေတုန်းပဲ၊ မိုးရေတွေစိုစိထဲမှာ၊ ခြေလျှင်ကင်းလှည့် နေတဲ့၊ စစ်သားလေးတချို့ကို တွေ့လိုက်ရသည်။ ငယ်ငယ်တုန်းကတော့၊ ဒီဒေသတွေဟာ၊ အညိုရောင်နယ်မြေတွေလို့၊ ကြားဖူးခဲ့သည်ပဲ။ ခုတော့ ဘာအရောင်ကိုပြောင်းသွားပြီလည်း မသိ။ ပတ်ဝန်းကျင်တခုလုံး စိမ်းစိုနေတာကိုသာ၊ သဘော ကျနေမိသည်။

တောင်အဆင်းလမ်းက၊ တဖြည်းဖြည်း အောက်ရောက်လာတာနဲ့အမျှ၊ မိုးမြူတွေ ရှင်းလာတာကြောင့်၊ တောင်စောင်းတွေ မှာ စိုက်ထားတဲ့၊ လက်ဖက်ခင်းတွေကို၊ မြင်လာရသည်။ လမ်းဘေးဝဲယာတချို့နေရာတွေမှာ၊ ရွာသားတချို့ကို ခပ်ကျဲကျဲ တွေ့ရတယ်။ တချို့ခြေလျှင်ဖိနပ်ပင်မပါ၊ မိုးရေထဲမှာ။ တချို့ကတော့၊ တရုတ်ဆိုင်ကယ်လေးတွေနဲ့ မိုးကာဂျာကင်နဲ့ လမ်းဘေးခြုံစပ်တွေမှာ၊ တောထပြီး အလေ့ကျလိုပေါက်နေတဲ့၊ အရွက်ရှည်ရှည်နဲ့ အပင်လေးတွေကို၊ လက်ညိုးထိုးရင်း၊ အဲဒါ ဖာလာပင်တွေလို့၊ ဘေးမှာထိုင်နေတဲ့တောင်ငူသားက၊ အားတတ်သရောပြရှာတယ်။ သူအမြဲတမ်း ပြောပြောနေ လေ့ရှိတာလေ။ ဒီဒေသမှာ၊ မိရိုးဖလာ လုပ်ကိုင်စားသောက်နေတဲ့၊ ဖာလာတောင်သူတွေ၊ တဖြည်းဖြည်းနဲ့ နယ်မြေတွေ ပျောက်လာကုန်တာတို့။ IDP တွေ ဖြစ်ကုန်တာတို့။တောင်သူဆိုတော့လည်း ယာသမားတွေလောက်တော့၊ တပင်တပန်း လုပ်စရာလိုပုံမပေါ်။ တနှစ်တခါ ဖာလာခူးချိန်မှ၊ ခူးပြီးမြို့တက်ရောင်းယုံ။ ရိုးရိုးရှင်းရှင်း ရောင့်ရောင့်ရဲရဲနဲ့၊ ဘဝကိုရှင်သန် နေထိုင်ကြတဲ့ လူတွေအတွက်၊ ကမ္ဘာကြီးမှာ၊ နေရာတွေကျဉ်းလာနေပြီလားလို့သာ၊ တွေးနေမိတယ်။ တနေရာမှာ၊ သက် ရင့်ကျောက်တောင်တွေအကြား၊ မီးသင့်ကျောက်ကျောကြီးတခု၊ လှလှပပကြီးတိုးဝင်နေတဲ့၊ Query အဟောင်းတခုကို တွေ့တော့၊ နှစ်ယောက်သား၊ မနေနိုင်ဘူး။ ကျောက်လှလှဆန်းဆန်းဆိုရင်၊ ဆမ်ပဲလ်ကောက်တာ အကျင့်ပါခဲ့ သူနှစ် ယောက်မို့၊ ကားရပ်ခိုင်းပြီး၊ အပြေးဆင်းကြည့်ကြသေးတယ်။

တောင်ဆင်းလမ်းတွေပြေလာပြီး၊ မြေပြန့်ရောက်စပြုပြီ။ ကျွန်းစိုက်ခင်းကြီးတွေတွေ့လာရသည်။ သူတို့အလုပ်လုပ်နေ တုန်းက စိုက်ခါစတွေဆိုတော့ အခု အနှစ်လေးဆယ်သားတွေလောက်တော့ ရှိပြီလို့၊ မားမီက၊ ခန့်မှန်းသည်။ တဖြည်း ဖြည်းနဲ့ အိမ်ခြေတွေစိပ်လာသည်။ သံတောင် (၁၃) မိုင်ကိုတောင်ကျော်ခဲ့ပြီ။ လမ်းဘေးတဖက်တချက်မှာ၊ ဒူးရင်းသီးတွေ ပုံပြီးရောင်းနေတာတွေ့လို့၊ ကားသမားကြီးကို ရပ်ခိုင်းရသည်။ သံတောင်ဒူးရင်းနာမည်ကြီးလို့ စားချင်တယ်ဆိုတဲ့၊ မေမေ့ အတွက်၊ ဒူးရင်းသီးဝယ်လိုက်အုံးမည်။ သံတောင်အလွန် ဘောဂလိရွာကထွက်တာလို့ ပြောသည်။

ကျောက်တုံးကျောက်ခဲတွေကြောင့် ပိုပြီးလှနေတဲ့၊ ပသိချောင်းကိုကျော်လာတော့၊ နော်ဘူဘောတို့ရဲ့ သဘာဝရင်းမြစ် တွေ ကြွယ်ဝနေတဲ့၊ ကရင်ပြည်နယ်က၊ အနောက်မှာ ကျန်ခဲ့လေပြီ။

ရှေ့ကိုဆက်ရမဲ့ခရီးကတော့၊ နော်ဘူဘောတောင်ပေါ်မှာ ဆုတောင်းခဲ့တဲ့၊ များပြားလှသော၊ ဆန္ဒများနှင့်ပေါ့။

ကေ
(၆နာရီ၄၃မိနစ်)
၁၂ရက်ဇူလိုင်၂ဝ၁၂

http://kthwe.blogspot.com

နော်ဘူဘော တောင်ထိပ်က မိုးတွေလေတွေထဲ ရိုက်ထားတဲ့ ဓါတ်ပုံတပုံကိုကြည့်ပြီး မိတ်ဆွေတယောက်က၊ အပေါ်မှာ တင်ထားတဲ့ ကောက်ကြောင်းပန်းချီလေးတချပ် ဆွဲပေးလာတယ်။ တပြိုင်နက်ပဲ၊ သူက၊ အဲဒါ ဘယ်နေရာ ဘယ်ဒေသ ဆိုတာ သေချာရေးပြပါအုံးလို့ ဆိုလာတာနဲ့၊ မလှုပ်ရှားတာကြာပြီဖြစ်တဲ့၊ စာရေးချင်စိတ်တချို့နိုးထသွားခဲ့တာပါ။ ကျေးဇူးပါ