Thursday, March 14, 2013

ညီညွှတ်ရေး၊ ငြိမ်းချမ်းရေးနှင့် အနာဂတ်ရေးအတွက် ကရင်ရေးရာအစည်းအဝေး ပုလုပ်မည်




မတ်လ ၇ရက်၊၂၀၁၂ခုနှစ်။ နန်းသူးလေ (ကေအိုင်စီ)


ကရင့်တမျိုးသားလုံး စည်းလုံးညီညွတ်ရေး၊ ငြိမ်းချမ်းရေး၊ အနာဂတ်ရေးအတွက် ဆွေးနွေးသွားရန်အတွက် ကရင့်ရေးရာအစည်း အဝေးတစ်ရပ်ကို ကရင်ပြည်နယ်၊ ဘားအံမြို့၌ ယခု မတ်လကုန်တွင် ကျင်းပပြုလုပ်သွားမည်ဟု သိရသည်။ 


၎င်းအစည်းအဝေးကို ရန်ကုန်တိုင်း ကရင်ရေးရာဝန်ကြီး ဦးစောထွန်းအောင်မြင့်နှင့် ကရင်အမျိုးသားခေါင်းဆောင်များက ကမက ထပြုကာ ၁၁ဦးပါဝင်သော ဖြစ်မြောက်ရေးကော်မတီကို ဖွဲ့စည်းခဲ့ပြီး မတ်လ ၂၉ရက်မှ ၃၀ရက်နေ့အထိ ကရင်ပြည်နယ်၊ ဘားအံမြို့ရှိ ဇွဲကပင်ခမ်းမတွင် ကျင်းပသွားမည်ဟု ပြည်တွင်းပြည်ပ ကရင်အဖွဲ့များက ပြောဆိုနေကြသည်။

 ဖြစ်မြောက်ရေးကော်မတီတွင် ပါဝင်သူ နန့်ခင်အေးဦးက “ကရင်တွေက တနေရာတည်းမှာပဲ နေထိုင်ကြတာ မဟုတ်ဘဲ ပျံ့နှံ့နေ တယ်လေ။ အဲဒီတော့ တယောက်နဲ့တယောက် သဘောထားချင်း မတိုက်ဆိုင်တာတွေ၊ အမြင်မတူတာတွေလည်း ရှိနေကြပါ တယ်။ ဒါကြောင့် တစ်နေရာတည်းမှာ ပြန်လည်တွေ့ဆုံကြပြီး ကရင်အမျိုးသားရေးအတွက် အကောင်းဆုံးဖြစ်အောင် ဆွေးနွေး ကြမှာပါ”ဟု ကေအိုင်စီသို့ ပြောသည်။ 

 ကရင်လူမျိုးများ၏ စည်းလုံးညီညွတ်ရေး၊ စစ်မှန်ခိုင်မြဲသောငြိမ်းချမ်းရေးနှင့် အနာဂတ်အရေးကို ဦးတည်သော ကရင်ရေးရာ အစည်းအဝေးတစ်ရပ်ကို ပြုလုပ်သွားမည်ဟု ဖြစ်မြောက်ရေးကော်မတီလုပ်ငန်းအဖွဲ့၏ ဖိတ်ကြားစာထဲတွင် ဖော်ပြပါရှိသည်။ 

၎င်းအစည်းအဝေးသို့ အထက်မြန်မာပြည် အပါအ၀င် ကရင်ပြည်နယ်၊ မွန်ပြည်နယ်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်းနှင့် တနင်္သာရီတိုင်း စသည့်ပြည်နယ်နှင့် တိုင်းဒေသကြီးများမှ ကရင်အဖွဲ့အစည်းခေါင်းဆောင်များ၊ ကရင်လက်နက်ကိုင်အဖွဲ့အစည်း များ၊ ဘာသာရေးခေါင်းဆောင်များ ပါဝင်တက်ရောက်ကြမည်ဖြစ်ကြောင်း နန့်ခင်အေးဦးက ဆက်ပြောသည်။ 

လက်ရှိအချိန်တွင် ကရင်ရေးရာဆွေးနွေးပွဲသို့ တက်ရောက်လာမည့် ကရင့်အဖွဲ့အစည်းခေါင်းဆောင်များကို ဖိတ်ကြားထားပြီးဖြစ် ကြောင်းနှင့် ကရင်အမျိုးသားအစည်းအရုံး-KNU မှ အဖွဲ့ဝင်များကလည်း အခြားကရင်လက်နက်ကိုင်အဖွဲ့အစည်းများကို လိုက်လံ ဆွေးနွေးဖိတ်ကြားနေကြောင်း သိရသည်။

လက်ပံတောင်းမှာ ဒေါ်အောင်ဆန်းစုကြည် လက်မှိုင်ကျ



Share on linkedinShare on facShare on twiPrint This Post
ဆည်တဲရွာ အပြန် ဆန္ဒထုတ်ဖော်နေသူများကို ငေးကြည့်နေသည့် ဒေါ်အောင်ဆန်းစုကြည် (ဓာတ်ပုံ – တေဇလှိုင် / ဧရာဝတီ)
လက်ပံတောင်း ကြေးနီစီမံကိန်း စုံစမ်းရေးကော်မရှင်၏ အစီရင်ခံစာနှင့် ပတ်သက်ပြီး ဒေါ်အောင်ဆန်းစုကြည်နှင့်အဖွဲ့ ဒေသခံများကို လိုက်လံရှင်းပြရာတွင် ဒေသခံ ရွာအတော်များများက လက်မခံပဲ ဆန္ဒပြမှုများနှင့် ဆက်တိုက်တွေ့ကြုံခဲ့ရာ မအောင်မြင်ဘဲ မုံရွာမြို့သို့ ပြန်လည်ထွက်ခွာခဲ့ပြီ ဖြစ်သည်။
ယနေ့ မတ်လ ၁၄ ရက်နေ့ မနက် သပိတ်စခန်း ဖွင့်ထားသော တုံရွာတွင် ဆန္ဒပြသူများနှင့် တွေ့ဆုံရန် အသွား ရွာထဲသို့ ဒေါ်အောင်ဆန်းစုကြည်နှင့် အဖွဲ့ကို လုံးဝ အ၀င်မခံသည့်အပြင် ရွာအပြင်ဘက်တွင်လည်း “ လက်ပံတောင်းတောင် စီမံကိန်းဖျက်သိမ်းပေး၊ မီးလောင်ဗုံး တရားခံ ဖော်ထုတ်ပေး၊ စုံစမ်းရေးကော်မရှင် အစီရင်ခံစာ အလိုမရှိ ” စသည်ဖြင့် အော်ဟစ်ကြွေးကြော်ခဲ့ကြကာ ပြန်လည်ဆန္ဒပြခဲ့ကြသည်။
“ ရွာအ၀ လမ်းမှာတင် ဒေါ်စုက စကားပြောသွားရတယ်။ သူကတော့ ဒီစီမံကိန်းကို ဆက်လုပ်ရမှာပဲလို့ပြောတယ်။ တကယ်လို့ ရွာသူရွာသားတွေက မကျေနပ်တာရှိရင် သူ့ကို ပြောပါလို့တော့ ပြောသွားတယ်။ ဒေသခံတွေဘက်က နစ်နာကြေးတွေပေးဖို့ မတောင်းဆိုဘူး။ စီမံကိန်း လုံးဝဖျက်သိမ်းရေးကိုပဲ လိုချင်နေကြတယ် ” ဟု ဒေသခံတဦးက ဧရာဝတီသို့ ပြောပြသည်။
တုံရွာတွင် ဒေါ်အောင်ဆန်းစုကြည်နှင့် အဖွဲ့ကို ဆန္ဒပြကြသော ဒေသခံ အင်အား ၁၀၀၀ ၀န်းကျင်မျှ ရှိမည်ဟု ခန့်မှန်းကြောင်း၊ တုံရွာမ၊ တုံရွာသစ်၊ တုံအလယ်တောရွာ၊ တုံတောကျောင်းရွာ၊ တုံအလယ်ရွာ၊ တုံထန်းတောကြီးရွာ၊ တုံလယ်တီရွာ၊ ရွာသစ်ကလေး၊ ၀ဲကြီးရွာ၊ ၀ဲကွဲရွာ၊ သဲကောကြီးရွာ၊ မိုးကြိုးပြင် မြောက်ရွာ၊ မိုးကြိုးပြင် တောင်ရွာနှင့် မိုးကြိုးပြင် အလယ်ရွာတို့မှ ဒေသခံတချို့ ပါဝင်ကြောင်း သိရသည်။
ဒေါ်အောင်ဆန်းစုကြည်နှင့် အဖွဲ့ တုံရွာမှ ဒေသခံများနှင့်တွေ့ဆုံပြီး ထူးဒေါက်ရွာ၊ ဖောင်းကဒါရွာများသို့ ဆက်လက်ထွက်ခဲ့ရာတွင် အဆိုပါရွာများတွင် တွေ့ဆုံမှု အခြေအနေ အနည်းငယ် ကောင်းမွန်ခဲ့ပြီး ဒေါ်အောင်ဆန်းစုကြည်၏ ပြောဆိုရှင်းလင်းမှုများကို လက်မခံကြောင်း တုံ့ပြန်မှုမျိုး မတွေ့ရှိရကြောင်း သိရှိရသည်။ သို့ရာတွင် ဒေသခံများက ဖြစ်ပေါ်လာသော အခြေအနေကို ငြင်းဆန်မရဘဲ လက်သင့်ခံရမည့် အနေအထားကြောင့် လက်ခံတွေ့ဆုံကြပြီး ဝမ်းပမ်းတသာ ကြိုဆိုမှုမျိုးမဟုတ်ဟု မျက်မြင်သက်သေများက ဆိုသည်။
ဖောင်းကဒါရွာမှ ဆည်တဲရွာဟောင်းဘက်သို့ ဒေါ်အောင်ဆန်းစုကြည်နှင့် အဖွဲ့ ဆက်လက်ထွက်ခွာလာရာ ဆည်တဲရွာခံများက လုံထိန်းကား ၃ စီးနှင့်အတူ ပါလာသော ကားတန်းကြီးကို ရွာအထဲသို့ အ၀င်မခံပဲ ဒေါ်အောင်ဆန်းစုကြည်အပါအ၀င် လူ ၅ ဦးကိုသာ ရွာထဲကို လမ်းလျှောက်ဝင်ခွင့်ပြုခဲ့ပြီး ရွာဘုန်းတော်ကြီးကျောင်း ဓမ္မာရုံတွင် ဒေသခံများက ဒေါ်အောင်ဆန်းစုကြည်၏ ဖြေရှင်းချက်ကို လာရောက်နားထောင်ခဲ့ကြသည်။
ဆည်တဲ ဒေသခံများက လက်ပံတောင်းတောင်စီမံကိန်း ဖျက်သိမ်းပေးရေး၊ ပုဒ်မ ၁၄၄ ထုတ်ပြန်ထားသည်ကို ပယ်ဖျက်ပေးရေးနှင့် သပိတ်စခန်းများကို မီးလောင်ဗုံးဖြင့် ဖြိုခွင်း မှုတွင် တာဝန်ရှိသူများကို ဖော်ထုတ်ပေးရန် ဒေါ်အောင်ဆန်းစုကြည်ကို ပြောဆိုကြသည့်အခါတွင် ဒေါ်အောင်ဆန်းစုကြည်က အစီရင်ခံစာတွင် အသေးစိတ် ရေးသား ရှင်းပြထားပြီးဖြစ်ကြောင်း ပြန်လည်ပြောဆိုခဲ့သည်ဟု သိရသည်။
“ ရွာသူ ရွာသားတွေအနေနဲ့က ဒီအစီရင်ခံစာကို ဘယ်မှာဖတ်ရမှန်း ဘယ်သိမလဲ။ သူကတော့ သတင်းစာတွေမှာ ရေးထားကြောင်း ပြောခဲ့ပါတယ်။ နောက်ပြီး ဒီ ကြေးနီ စီမံကိန်းဖျက်သိမ်းဖို့တော့ သူ တာဝန်မယူနိုင်ကြောင်း ပြောခဲ့တယ်” ဟု ဆည်တဲရွာခံ မမာမာဝင်းက ဧရာဝတီသို့ ပြောဆိုသည်။
ဒေါ်အောင်ဆန်းစုကြည်၏ ရွာအထွက် “တရုတ် ၀မ်ပေါင် ကုမ္ပဏီအလိုမရှိ၊ ဦးပိုင် ကုမ္ပဏီ အလိုမရှိ၊ စုံစမ်းစစ်ဆေးရေး ကော်မရှင် အလိုမရှိ ” စသော ကြွေးကြော်သံများကို အော် ဟစ်ကြွေးကြော်ကာ ရွာအပြင်ဘက် ကားအထိ လိုက်ပါ အော်ဟစ်ခဲ့ကြသည်။
“ ဒေသခံတွေက ခံစားချက်နဲ့ဖြစ်နေကြတာ။ လက်ပံတောင်းတောင် စီမံကိန်း ဖျက်သိမ်းရေးကိုပဲ လိုချင်နေကြတော့ ဒေါ်စု ဘယ်လိုပဲ လာရှင်းပြ လာရှင်းပြ လုံးဝ လက်ခံမယ့် အခြေအနေမရှိဘူး ” ဟု မမာမာဝင်းက ပြောသည်။
ထို့နောက် ဒေါ်အောင်ဆန်းစုကြည်နှင့် အဖွဲ့သည် မိုးကြိုးပြင် ရွာမသို့ ဆက်လက်ထွက်ခွာခဲ့ပြီး ဒေသခံများနှင့် တွေ့ဆုံသည့်အခါတွင် ဒေသခံများက ဆန္ဒပြမှု မပြုလုပ်ခဲ့ကြပေ။
မုံရွာ၊ ဆားလင်းကြီးမှ ဖိုဝင်တောင်သို့ သွားသောလမ်းရှိ ၀မ်ပေါင်ကုမ္ပဏီသို့ ဝင်ကာ တာဝန်ရှိသူများနှင့်လည်း တွေ့ဆုံခဲ့သည်။ ညနေတွင် မုံရွာသို့ ပြန်ထွက်ခွာခဲ့သည်။
လုံခြုံရေး ရဲတပ်ဖွဲ့များဘက်မှ ယခင်အခြေအနေအတိုင်း ၀မ်ပေါင်ကုမ္ပဏီရှေ့တွင်သာ လုံခြုံရေးယူထားပြီး တခြားနေရာတွင် ထပ်မံတိုးချဲ့သည့် အခြေအနေ မတွေ့ရကြောင်း မျက်မြင်သက်သေများက ပြောသော်လည်း ယမန်နေ့ညက တုံကျေးရွာသပိတ်စခန်းအခြေစိုက်ရာ လိပ်ခွံတောင်အနီးသို့ ရဲများချဉ်းကပ်ခဲ့ကြောင်း၊ စခန်းအတွင်းဒေသခံများက သစ်ကိုင်းခြောက်များ မီးရှို့ကာခြောက်လှန့်ခြင်း၊ အသံပေးခြင်းများပြုလုပ်ခဲ့ပြီးနောက် ရဲများက ပြန်လည် ဆုတ်ခွာသွားကြောင်း သိရသည်

Sunday, March 10, 2013

့မန်မာပြည်မှာ ခရမ်းလွန်ရောင်ခြည်လွန်ကဲ



ကိုမိုးဇော်

08.03.2013
မြန်မာပြည်တောင်ပိုင်းနဲ့ အလယ်ပိုင်းဒေသတွေမှာ ခရမ်းလွန်ရောင်ခြည် ကျရောက်မှု ညွန်းကိန်း အဆင့်ဟာ လူတွေရဲ့ ကျန်းမာရေးကို ထိခိုက်နိုင်တဲ့အထိ သိသိသာသာ မြင့်တက်လာနေတယ်လို့ မိုးလေ၀သနဲ့ ဇလဗေဒ ပညာရှင် ဒေါက်တာထွန်းလွင်က ပြောပါတယ်။ ဒါကြောင့် ခရမ်းလွန် ရောင်ခြည် ညွှန်းကိန်းအဆင့် အမြင့်ဆုံးဖြစ်တဲ့ မွန်းတည့်ချိန်တွေမှာ နေပူထဲမထွက်ဖို့နဲ့ ထွက်မယ်ဆိုရင်လည်း အကာအကွယ်ယူပြီး သွားလာကြဖို့ကို တိုက်တွန်းထားပါတယ်။ ဒီအကြောင်းအပြည့်အစုံကိုတော့ ဗီအိုအေ မြန်မာပိုင်းအစီအစဉ် သတင်းထောက် ကိုမိုးဇော်က တင်ပြမှာဖြစ်ပါတယ်။

ခရမ်းလွန်ရောင်ခြည် ကျရောက်မှုညွှန်းကိန်း အဆင့်မြင့်မားမှုဟာ မြန်မာပြည် တောင်ပိုင်းဒေသမှာ ဒီနှစ် ဖေဖော်ဝါရီလ နှောင်းပိုင်းက စတင်ခဲ့တာဖြစ်ပြီး မတ်လဆန်းပိုင်း မှာတော့ မြန်မာပြည်တာင်ပိုင်းဒေသအထိ ပျံ့နှံ့လာနေတာဖြစ်ပါတယ်။ ဒီလို မြင့်တက်လာနေတဲ့ အခြေအနေကို မိုးလေ၀သနဲ့ ဇလဗေဒပညာရှင် ဒေါက်တာထွန်းလွင်က အခုလို ပြောပါတယ်။

“ခရမ်းလွန်ရောင်ခြည်မြင့်တာက မြန်မာပြည်တောင်ပိုင်းကနေ စလာတာ။ အခု အလယ်ပိုင်းလောက်အထိ မြင့်လာတယ်။ အဆင့်က ပုံမှန်ကတော့ ၁၁ ကျော်ကျော်လောက်ပေါ့။ အခုက အလယ်ပိုင်းလောက် တချို့နေရာတွေမှာ ၁၄ လောက်အထိ ရှိပါတယ်။ ကော့သောင်း ကနေပြီးတော့ မြန်မာပြည်အလယ်ပိုင်း ဒေသတွေက ၁၂ ကနေ ၁၄ ကြားမှာ ရှိပါတယ်။ ၈ ရဲ့အထက်ရောက်ရင် အန္တရာယ်ရှိပါတယ်။ ခုတော့ မိုးပြန်အုံ့ရင်တော့ ပြန်သက်သာပါတယ်ဗျ။”

နေရောင်ခြည်မှာ ပါဝင်လာတဲ့ ခရမ်းလွန်ရောင်ခြည်ဟာ လူ့တွေအတွက် ဗိုက်တာမင်ဒီ ထုတ်လုပ်နိုင်တဲ့ အာနိသင်ကို ဖြစ်စေပေမဲ့ လွန်လွန်ကဲကဲ ကျရောက်မယ်ဆိုရင် လူရဲ့ကျန်းမာရေးကို အန္တရာယ် ဖြစ်စေနိုင်ပါတယ်။ အခုလို ခရမ်းလွန်ရောင်ခြည်ကျရောက်မှု ညွန်းကိန်းအဆင့် မြင့်မားလာတာကြောင့် ဖြစ်စေတတ်တဲ့ ရောဂါတွေနဲ့ ကာကွယ်ဖို့အတွက်ကိုတော့ ဒေါက်တာထွန်းလွင်က အခုလို ဆက်ပြောပါတယ်။

“လူတွေမှာ အဓိကကတော့ အရေပြားဆိုင်ရာ ရောဂါပါပဲ။ နေလောင်တာတို့ ၊ အရွယ်ကျတာတို့ ၊ မျက်စေ့တိမ်စွဲတာတို့၊ နောက် ကိုယ်ခံအား ကျပြီးသားသမီးမရနိုင်တာတို့၊ နောက် အရေပြား ကင်ဆာတို့ အဲဒါတွေ ဖြစ်တတ်ပါတယ်။ အဓိကကတော့ မနက် ၁၀ နာရီ- ၁၁ နာရီကနေ နေ့ ၁ နာရီကြားမှာ နေရောင်ထဲထွက်တာကို လျှော့ဖို့ပါပဲ။ ထွက်ရင်လည်း အကာအကွယ်ယူထွက်ဖို့ပါပဲ။ ”

ဒီလို အကာအကွယ်ယူဖို့ဆိုရင် နေပူထဲထွက်ရင် အင်္ကျီထူထူဝတ်ဖို့၊ ထီးဆောင်းဖို့ နဲ့ နေကာမျက်မှန်တပ်ဖို့ စတာတွေ ပါဝင်တယ်လို့ ဆိုပါတယ်။ လွန်ခဲ့တဲ့နှစ်ကတော့ မြန်မာနိုင်ငံမှာ ဒီလို ခရမ်းလွန်ရောင်ခြည်ကျရောက်မှု ညွန်းကိန်းအဆင့်ဟာ ၁၁ လောက် အထိသာ ရှိခဲ့တာဖြစ်တယ်လို့ ဦးထွန်းလွင်က ပြောပါတယ်။

ခရမ်းလွန်ရောင်ခြည်ကျရောက်မှု ညွန်းကိန်းအဆင့် မြင့်မားလာနေတယ် ဆိုတာနဲ့ပတ်သက်ပြီး မြန် မာနိုင်ငံမိုးလေ၀သနဲ့ ဇလဗေဒ ညွှန်ကြားမှု ဦးစီးဌာနက တာဝန်ရှိသူတဦးကို မေးမြန်းရာမှာတော့ သူတို့ဌာနမှာ တိုင်းတာတဲ့ စက်ကိရိယာမရှိသလို ဒီလိုကျရောက်တာနဲ့ ပတ်သက်ပြီး တစုံတရာ သတင်းထုတ်ပြန်တာလည်း ကြောင်း ဖြေဆိုပါတယ်။

အခုလို ခရမ်းလွန်ရောင်ခြည်ညွှန်းကိန်းအဆင့်မြင့်မားလာတာကတော့ စက်မှုထွန်းကား လာတာနဲ့အတူ ရုပ်ကြွင်းလောင်စာ သုံးစွဲမှု များပြားလာတဲ့နောက် ခရမ်းလွန်ရောင်ခြည်ကို စစ်ယူတဲ့ ကမ္ဘာ့အိုဇုံးလွှာပေါက်ပြဲလာမှုကြောင့် ဖြစ်ပါတယ်။