Tuesday, March 20, 2012

မယ်လဒုက္ခသည်စခန်းတွင် မူးယစ်ဆေးသုံးစွဲသူတဦးကို ဖမ်းမိ

မတ်လ ၁၆ရက်၊ ၂၀၁၂ခုနှစ်။ စောခါးစူးညား (ကေအိုင်စီ)
ထိုင်း-မြန်မာနယ်စပ်၊ တာ့ခ်ခရိုင် ထမ့်ဆောင်ယန်းမြို့နယ် မယ်လဒုက္ခသည်စခန်းတွင် ယမန်နေ့က ရာဘာ့ ခေါ် စိတ်ကြွဆေးပြား မူးယစ် ဆေး သုံးစွဲသည်ဟု ယူဆရသူ နှစ်ဦးကို စခန်းလုံခြုံရေးနှင့် ထိုင်းအာဏာပိုင်များပေါင်း၍ ဖမ်းဆီးခဲ့ရာ တဦးမှာ မူးယစ်ဆေး သုံးစွဲထား ကြောင်း မယ်လစခန်းတာဝန်ရှိသူများက ပြောသည်။
မူးယစ်ဆေးအမှုဖြင့် ဖမ်းဆီးခံရသူများမှာ မယ်လစခန်း ဇုံ(B-3)တွင် နေထိုင်သူ အသက် ၂၈နှစ်အရွယ် စောကျော်အဲ့နှင့် အသက် ၁၇နှစ် အရွယ် စောမောင်ချမ်းသာတို့ဖြစ်ပြီး ဖမ်းဆီးခံရချိန်တွင် စောကျောအဲ့ထံ၌ ရာဘာ့ဆေးပြား ၈လုံး လက်ဝယ်တွေ့ရှိခဲ့သည်ဟု ဖမ်းဆီးမှုကို ကိုယ်တိုင်ပါဝင်ကွပ်ကဲခဲ့သူ မယ်လစခန်း လုံခြုံရေးတာဝန်ခံ စောအားမူက ပြောသည်။
“သူတို့နှစ်ယောက်ကို ဖမ်းတော့ ပုလိပ်တွေက ဆီးကို စစ်ကြည့်အခါ ကျော်အဲ့မှာ ဆေးသုံးစွဲထားတာ တွေ့ရတယ်။ မောင်ချမ်းသာဆိုတဲ့ ကလေးကတော့ ဆေးသုံးထားတာ မတွေ့ရသလို သူ့ကို အဲဒီလူ(ကျောအဲ့)က မုန့်ဖိုးပေးပြီး ဆေးတွေပို့ခိုင်းတာလို့ သိရတယ်။”ဟု ကေအိုင်စီသို့ ပြောသည်။
မယ်လစခန်းအတွက် လုံခြုံရေးယူပေးနေသည့် အောဆော်အဖွဲ့နှင့် ထိုင်းနယ်ခြားစောင့်တပ်(ထမ့်ဟမ်ဖန်း)အဖွဲ့ အပါအ၀င် မယ်လစခန်း လုံခြုံရေး တာဝန်ရှိသူ ၂၀ကျော်တို့က အဆိုပါသူနှစ်ဦးကို ရှောင်တခင် သွားရောက်ဖမ်းဆီးခဲ့ခြင်းဖြစ်သည်။
စောအားမူက “ကျောအဲ့ကတော့ ဆေးသုံးတယ်ဆိုတာ နာမည်ထွက်ထားသလို ကျနော်တို့လည်း ရိပ်မိတာ ကြာပြီ။ လက်ပူးလက်ကြပ် မမိလို့။ သူ့ကို သွားဖမ်းတဲ့အချိန် ကျနော်တို့အားလုံး အရပ်ဝတ်နဲ့ပဲ သွားလို့ ဖမ်းမိတာ။ မဟုတ်ရင် ဖမ်းမိဖို့ မလွယ်ဘူး။ ထွက်ပြေးမှာပေါ့။” ဟု ဖြည့်စွက်ပြောဆိုသည်။

စောကျောအဲ့သည် ခိုးမှုဖြင့် ထောင် ၂နှစ်ကျကာ ပြီးခဲ့သည့် ၈လမှ အကျဉ်းထောင်မှ ပြန်လည်လွတ်မြောက်လာပြီး မယ်လစခန်းတွင် နေထိုင်ခဲ့သည်။ ထိုသို့ နေထိုင်သည့်ကာလအတွင်း ထိုင်း-မြန်မာနယ်စပ် မြ၀တီမြို့မှတဆင့် ရာဘာ့ဆေးပြားများကို မှာယူကာ ၎င်းကိုယ် တိုင် သုံးစွဲနေသကဲ့သို့ ရောင်းဝယ်ဖောက်ကားမှုလည်း ပြုလုပ်နေသည်ဟု ထိုင်းအာဏာပိုင်များကို ဖြောင့်ချက်ပေးထားကြောင်း သိရ သည်။
မယ်လစခန်းရှိ ထိုင်းအာဏာပိုင်များက ၎င်းတို့နှစ်ဦးကို ယမန်နေ့ နေ့လည်၌ ဖမ်းဆီးကာ မယ်လစခန်းတွင် မေးမြန်းစစ်ဆေးမှုများ ပြုလုပ် ပြီးနောက် ညနေ ၄နာရီတွင် တာ့ခ်ခရိုင်၊ ထမ့်ဆောင်ယန်းမြို့နယ် မဲ့တန်ရဲစခန်းသို့ ပို့ဆောင်ခဲ့သည်။
နောက်ဆုံးရရှိသည့် သတင်းအရ စောမောင်ချမ်းသာ အပြစ်မရှိကြောင်း တွေ့ရသဖြင့် မဲ့တန်းရဲစခန်းမှ မယ်လစခန်းသို့ ပြန်လည်ခေါ်ယူ ရန် ထိုင်းရဲများက မယ်လစခန်းတာဝန်ရှိသူများအား ယနေ့မနက်၌ ဖုန်းဖြင့် အကြောင်းကြားခဲ့သည်ဟု မယ်လစခန်းတာဝန်ရှိသူတဦးက ပြောသည်။
ပြီးခဲ့သည့် ၂၀၁၁ခုနှစ်၌လည်း မယ်လဒုက္ခသည်စခန်းတွင် အလားတူ စခန်းလုံခြုံရေးအဖွဲ့နှင့် ထိုင်းအာဏာပိုင်များ ပူးပေါင်း၍ ရာဘာ့ ဆေးပြား ခေါ် မူးယစ်ဆေးဝါးကို သုံးစွဲသူ ၃ဦးအား ဖမ်းဆီးခဲ့သေးသည်။

ပဒိုမန်းငြိမ်းမောင် ပြန်လွှတ်လာပြီ

မတ်လ ၁၉ရက်၊ ၂၀၁၂။ (ကေအိုင်စီ)
ပြစ်ဒဏ်တစ်သက်တစ်ကျွန်းနှင့် ထောင်ဒဏ် ၃နှစ် စီရင်ချက် ချမှတ်ခံရသည့် ကရင်အမျိုးသားအစည်းအရုံး(KNU) ဗဟိုကော်မတီဝင် ပဒိုမန်းငြိမ်းမောင်ကို အစိုးရက ယနေ့မနက်တွင် ပြန်လည် လွှတ်ပေးလိုက်ပြီဟု ကေအိုင်စီမှ စုံစမ်းသိရှိရသည်။
KNU အထွေထွေ အတွင်းရေးမှူးချုပ် နော်စီဖိုးရာစိန်က “ပဒိုမန်းငြိမ်းမောင် ပြန်လွှတ်လာပြီလို့ ဒီမနက် ၁၀နာရီလောက်မှာ ကျမကို ဆက် သွယ်လာတယ်။ သူကိုယ်တိုင်(မန်းငြိမ်း)နဲ့လည်း ကျမ ခန ဖုန်းပြောရတယ်။ ပြန်လွှတ်လာပြီလား။ ဒါဆို ကျမတို့ ၀မ်းသာတာပေါ့လို့ ပြော လိုက်ပါတယ်”ဟု ကေအိုင်စီသို့ ပြောသည်။
သို့သော် ပြန်လည် လွတ်မြောက်လာသည့် ပဒိုမန်းငြိမ်းမောင်မှာ ပြည်တွင်း ကရင်အသိုင်းအ၀ိုင်းမှ ရပ်မိရပ်ဖများနှင့် ယနေ့ နေ့လည်ပိုင်း အထိ တွေ့ဆုံခြင်း မရှိသေးကြောင်း အမည်မဖော်လိုသူ ရန်ကုန်ရှိ ကရင်အမျိုးသားတစ်ဦးက ပြောသည်။
“ကျနော်တို့က သူ လွှတ်လာပြီကြားလို့ အင်းစိန်ထောင်ကိုသွားတော့ သူ ထောင်မှာ မရှိတော့ဘူး။ ဒါပေမဲ့ ဘယ်သူနဲ့အတူ ရှိနေလဲ မသိ သေးဘူး။ ကျနော်တို့နဲ့လည်း မဆုံသေးဘူးလေ”ဟု ၎င်းက ဆိုသည်။
လက်ရှိအချိန်တွင် ပြန်လည်လွတ်မြောက်လာသည့် ပဒိုမန်းငြိမ်းမောင်နှင့် တိုက်ရိုက် ဆက်သွယ်မှုရရှိရန် ကေအိုင်စီက ကြိုးစားနေဆဲ ဖြစ် သည်။
ပဒိုမန်းငြိမ်းမောင်ကို အင်းစိန်မြောက်ပိုင်းခရိုင် တရားရုံးတွင် တရားသူကြီး ဦးလှဝင်းမှ မတ်လ ၁၃ရက်နေ့တွင် ပုဒ်မ ၁၇(၁)နှင့် ပုဒ်မ ၁၂၂(၁)ဖြင့် ပြစ်မှုနှစ်မှုပေါင်း တစ်သက်တကျွန်းနှင့် ထောင်ဒဏ် ၃နှစ် စီရင်ချက် ချခဲ့သည်

ပဒိုမန်းငြိမ်းမောင်ကိုတသက်တကျွန်းထောင်ဒဏ်အပြစ်ပေးခြင်းကိစ္စနှင့်ပါတ်သက်၍ကေအဲန်ယူတွဲဘက် အထွေထွေ အတွင်းရေးမှူး(၁) ဗိုလ်မှူးစောလှငွေ ရှင်းလင်းချက်

"ကေအဲန်ယူနှင့်အစိုးရ ဆွေးနွေးပွဲ အတွင်း မန်းငြိမ်းမောင်ကိစ္စက နိုင်ငံရေး စိန်ခေါ်မှုတစ်ခုဖြစ်သလို Negotiation စိန်ခေါ်မှုတစ်ခုဖြစ်နေတယ်။ ဒီကိစ္စက နှစ်ဖက်ဆွေးနွေးသူတွေကို သိက္ခာကျစေတယ်။ ကျနော်တို့ က ပေါ်လစီအတိုင်း ဆုံးဖြတ်ချက်အတိုင်း သဘောထားရိုးရိုး ဖြောင့်ဖြောင့် နဲ့ ပွင့်ပွင့်လင်းလင်း တဆင့်ချင်းသွားနေတယ်။ ပဒိုမန်းငြိမ်းမောင်ကိစ္စက သူတို့ (သိန်းစိန်အစိုးရ)က ငြိမ်းချမ်းရေးဆွေးနွေးပွဲ ပျက်သွားအောင်လုပ်ချင်တဲ့ သဘောပေါ်လွင်နေတယ် တာကြောင့် အကယ်၍ တစ်နေ့  ဆွေးနွေးပွဲပျက်ခဲ့ရင် ကေအဲန်ယူနှင့် မသက်ဆိုင်ကြောင်း အစိုးရတွင်သာ တာဝန်ရှိကြောင်း" ကေအဲန်ယူတွဲဘက်အထွေထွေအတွင်းရေးမှူး(၁) ဗိုလ်မှူးစောလှငွေက ပြောကြားလိုက်ပါသည်။

ဖဒို မန်းငြိမ်းမောင်ကို တစ်သက်တစ်ကျွန်း စီရင်ချက်ချ---(ရုပ်သံ)

နိုင်ငံတော်ပုန်ကန်မှု၊ မတရားသင်း ဆက်သွယ်မှုတွေနဲ့ စွဲချက်တင်ခံထားရတဲ့ KNU ဗဟိုကော်မတီဝင် ဖဒို မန်းငြိမ်းမောင်ကို အင်းစိန်ထောင် အထူးတရားရုံးက မတ်လ ၁၄ ရက်နေ့မှာ ထောင်ဒဏ် တစ်သက်တစ်ကျွန်း စီရင်ချက်ချလိုက်ပါတယ်။ RFA

Karen Newsletter _Febuary-2012_

Karen Newsletter _Febuary-2012_

သူရဲဘောကြောင် လုပ်ရပ်ကြောင့် ရုပ်ဆိုးအကျည်းတန်သွားခဲ့ရသော မွန်ပြည်နယ် ပေါင်မြို့နယ်၊ အီဗြစ်ကျေးရွာက ကရင်နှစ်သစ်ကူးပွဲ(ရုပ်သံ)

သူရဲဘောကြောင် လုပ်ရပ်ကြောင့် ရုပ်ဆိုးအကျည်းတန်သွားခဲ့ရသော မွန်ပြည်နယ် ပေါင်မြို့နယ်၊ အီဗြစ်ကျေးရွာက ကရင်နှစ်သစ်ကူးပွဲ(ရုပ်သံ)

မွန်ပြည်နယ်၊ပေါင်မြို့နယ်၊ အီဗြစ်ကျေးရွာမှာ စည်ကားသိုက်မြိုက်စွာ ကျင်းပခဲ့တဲ့ ကရင်နှစ်သစ်ကူးပွဲတော်ကို မသမာသူ သူရဲဘောကြောင်သော သူတချို့ကြောင့် အကျည်းတန်စွာနဲ့ ပြီးဆုံးခဲ့ရတဲ့အကြောင်းကို ဒီရုပ်သံမှာ ကြည့်ရှုနိုင်ပါတယ်။
မူရင်း - http://www.9dblood.com/2012/03/blog-post_16.html