Saturday, July 27, 2013

ပေ ၅ထောင်ကျော်မြင့်တဲ့ ဇွဲကပင်တောင်ကို ကေဘယ်ကားတပ်ဆင်ရန် သေချာဖြစ်ပြီ။




ဇွဲကပင် ဆံတော်ရှင်ကို ဖူးမြော်နိုင်ဖို့အတွက် အမေရိကန်ဒေါ်လာ သန်း ၃၀ကုန်ကျမယ့် ကေဘယ်ကား တပ်ဆင်ဖို့ လာမယ့် သြဂုတ်လမှာ စတင် တည်ဆောက်သွားမယ်လို့ ဇူလိုင် ၂၇ရက်နေ့မှာ ဇွဲကပင်ဆရာတော်က မိန့်ကြားလိုက်ပါတယ်။

Tuesday, July 23, 2013

သမ္မတကြီးတကယ်ရိုးသားခဲ့ရဲ့လားဖွင့်ဟချက်

MONDAY, JULY 22, 2013



ဆောင်းပါးတပုဒ်ဖတ်ဖူးကြမှာပါ၊သမ္မတကြီးရွှေတြိဂံလိုနေရာမှာတိုင်းမှုးဖြစ်ခဲ့တာတောင်အဂတိကင်းတယ်၊သမ္မတကြီးကတော်ကမုန့်ဟင်းခါး
ရောင်းဖို့တောင်ကြံစည်ခဲ့သေးတယ်စသဖြင့်ရိုးဂုဏ်ဖွဲ့ဆောင်ပါးလေးပါ။ချီးကျူးအားကျသနားခဲ့ရပါသေးတယ်။အခုသမ္မတရာထူးရတော့ရော
အရင်အတိုင်းပဲလားဆိုတာလေးတင်ပြချင်တာပါ။တကယ်တော့ဒီတင်ပြမှုဟာစစ်အာဏာရှင်နဲ့ခရိုနီအသိုင်းအ၀ိုင်းရဲ့မြန်မာပြည်ကြီးကိုသွေး
စုတ်ဖုတ်ကောင်လိုဂုတ်သားလေးကိုက်စုတ်လိုက်ရမှအရသာရှိတာတွေနဲ့ယှဉ်ရင်ပြောပလောက်မယ်တော့မထင်ပါဖူး။အဖြစ်မှန်တခုအကြောင်း
တင်ပြခြင်းသာဖြစ်သည်။


ဒီလမ်းတဲ့တဲ့ဆင်းသွားရင် ပျဉ်းမနားမြို့ထဲရောက်တယ်။ဆန့်ကျင်ဖက် နေပြည်တော်သွားတဲ့လမ်းနံမည်ကရာဇဌာနီလမ်း၊အမြန်လမ်းမဟုတ်၊
လမ်းဟောင်းအတိုင်းလာရင်လမ်းညာဖက်မှာ ရွှေတိဂုံပုံစံ တည်ထားတဲ့ဘုရားရှိတယ်၊ဆက်သွားရင်နေပြည်တော်မရောက်ခင်လမ်းဆုံမှာသမ္မတခြံ
လို့ခေါ်တဲ့ဧက၅၀၀ကျယ်တဲ့သမ္မတပိုင်ခြံကြီးရှိပါတယ်၊ခွင့်ပြုချက်မရှိပဲအပြင်လူလာလို့မရပါဖူး၊ခွင့်ပြုချက်တခုကြောင့်အခုလိုတင်ပြနိုင်တာပါ။


ပြီးခဲ့တဲ့လလောက်ကဥရောပနိင်ငံတွေသမ္မတကြီးသွားတော့မွေးမြူရေးခြံတွေလျှောက်လေ့လာတာဘာအတွက်လဲဆိုတာလဲသိသာလာမှာပါ။
၂၁၅မိုင် အမြန်လမ်းမှာသရက်ခြံကြီးတခုကိုလည်းသမ္မတပိုင်ပါတယ်ဧကတော်တော်များပါတယ်။အဲ့ဒီခြံကထွက်တာဆိုပြီးတရုတ်သမ္မတဆီအပြင်
ကမျိူးကောင်းသရက်သီးတွေဝယ်ပြီးလက်ဆောင်ပို့ခဲ့ဖူးပါသေးတယ်။လူကြီးပိုင်းတော်တော်များများရဲ့ကိုယ်ပိုင်သတ်မှတ်ထားတာတွေ
အဲ့ဒီ မိုင် တိုင် ပတ်ဝန်းကျင် မှာအပြည့်ပါပဲ။

ဧက၅၀၀ကျယ်တဲ့သမ္မတခြံကြီးထဲမှာဘာတွေရှိလည်းဆိုတော့ဆန်စက်က၂လုံးရှိ၊စပါးစိုက်ခင်း၊သစ်ခွနဲ့နဂါးမောက်အပါအ၀င်စိုက်ခင်းများ၊
နွားဝက်ကြက်မွေးမြူရေးခြံကြီးများ၊ဆန်ဂိုထောင်များရှိပါတယ်။ သစ်ခွခြံဆိုကုန်ကျငွေသိန်း ၃၀၀ ကျော်လောက်ရှိမယ်။

ဆန်စက်ဆို ဒေါ်လာသန်းနဲ့ချီကုန်တာစိုက်ခင်းတွေကလည်းမနည်းမနောဘဲနဂါးမောက်တို့ နေကြာ ပုလဲသွယ်ဆိုတဲ့စပါးမျိုးတွေ
နွားတင်းကုတ်ဆို ရွာကဟာတွေမျက်စေ့ထဲသွားမမြင် နဲ့ ဟင်ဂလန်သံချောင်းတွေ နဲ့တိုင်ထောင်ပြီး အလူမီနီယံသွပ်မိုးထားတာ၊

ဒါက ခရမ်းသီး သခွား မွှေးသီး အသီးအနှံတွေပျိုးဖို့အ ဆောက်အဦးတွေ၊

ဆန်စက်တလုံးကိုအသီးအနှံထားဖို့အအေးခန်းအဖြစ်စကာင်္ပူကအင်ဂျင်နီယာတွေလာဆင်ပေးနေတာပါ။

တကယ်တော့သမ္မတလဲပိုင်ဆိုင်မှုဆိုတာရှိနိုင်ပါတယ်။ဒါပေမယ့်ဘယ်သူပေးတဲ့ဆုလာဒ်ဆိုတာတော့အားလုံးသိကြမှာပါ။
သမ္မတလုပ်လိုက်လို့ရတဲ့ဆုလာဒ်ဆိုတာကလဲအရင်စစ်အာဏာရှင်လက်ထက်မှာမထူးခြားပေမယ့်ပိုင်ဆိုင်မှုပြရတဲ့ဒီမိုကရေစီ
အစိုးရလက်ထက်မှာတော့ထောက်ပြစရာပါ။ဒီထက်ထူးခြားတာကရွှေသံလွင်ကျော်ဝင်းကတာဝန်ခံဆောက်လုပ်တယ်ဆိုပြီးနာမည်
ခံထားပေမယ့်ပြည်သူပိုင်စီမံကိန်းများသာတည်ဆောက်ရတဲ့ဆည်မြောင်းဦးစီးဌာနကလူရောငွေရောအကုန်ခံလုပ်ပေးနေတာပါပဲ။
ဘယ်လိုစာရင်းပြမလဲဆိုတာတော့စောင့်ကြည့်ရမှာပါ။ဝန်ထမ်းအခေါ်တော့(BLACK)လုပ်ပေးတယ်ခေါ်တာပေါ့။
ရွှေသံလွင်ကျော်ဝင်းကတာဝန်ခံဆောက်လုပ်တယ်ဆိုရင်လည်းအပြင်လူငှားလုပ်သင့်ပါတယ်။အစိုးရ၀န်ထမ်းတွေက
တဦးတယောက်ပိုင်ခြံကိုဝန်ထမ်းနေတာမြင်မကောင်းပါဖူး။
ဒီကြားထဲ ၀န်ကြီးအတွက်ကဘယ်နှစ်ဧကသမ္မတသားမက်အတွက်ကဘယ်နှစ်ဧကအဲ့လိုဝယ်ပေးရတာလည်းရှိသေးတယ်
ပြောချင် တာက တော့မတရားတွေသုံးနေတာဒီတသက်မ ပြောနဲ့နောင်ဘ၀တောင် စားမကုန်ဘူးနိုင်ငံတော်အတွက် 
သုံးတာဆိုဘယ်လောက်ကောင်းမလဲ။အဲဒါပါပဲ။

ဒီပုံကတော့သမ္မတခြံထဲကကော်ဖီဆိုင်ပါ။အခုမှဖွင့်စဆိုတော့သောက်တဲ့သူကကျွန်တော်တယောက်ထဲပါပဲ။
နောက်တခါသွားလည်ရင်တော့အငြိမ်းစားသမ္မတကြီးကတော်ရဲ့မုန်ဟင်းခါးလက်ရာလေးစားရကောင်းပါရဲ့ဗျာ....။


(ရဲရင့်ငယ်)
(၂၂-၇-၂၀၁၃)



1 အကြံပြုခြင်း:

Anonymous said...

လူ ရိုး သည် သ ချိုင်း ကုန်း မှာ ရှိ သည်

“အစိုးရနှင့် KNU ရဲ့လက်ရှိလုပ်နေတဲ့ အပစ်ရပ်စဲရေး အပေါ် စောကနဲမီ ၏အမြင်များ” (ရုပ်သံ)


မလေးရှားရောက်ကရင်လူမျိူးများနှင့် တွေ့ဆုံမေးမြန်းခန်းမှဖြစ်ပါသည်။ စောကနဲမီသည် လက်ရှိတွင် ကေအဲန်ယူကိုယ်စားလှယ်(Australia) နှင့် ENO ဥက္ကဌ (Australia)စသည်တာဝန်များကို ထမ်းဆောင်လျက်ရှိပါသည်။



KNU နှင့် Geneva Call စာချုပ်ချုပ်ပွဲ (ရုပ်သံ)




လိင်မှုဆိုင်ရာ အကြမ်းဖက်မှုနှင့် ကလေးစစ်သား အသုံးပြုမှု ရပ်တန့်သည့် စာချုပ် KNU နှင့် Geneva Callတို့ လက်မှတ်ထိုး (ထုတ်ပြန်ကြေငြာချက်)


၁၈ နှစ်အောက်ကလေး ကျနော်တို့ လက်နက်ကိုင်အဖွဲ့ထဲမှာ မရှိဘူး

 July 23, 2013 

ကရင်အမျိုးသားအစည်းအရုံးက စစ်ပွဲအတွင်းမှာ ကလေးစစ်သား အသုံးမပြုရေးနဲ့ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတားမြစ်ခြင်း သဘောတူညီချက် စာချုပ်ကို ဆွစ်ဇာလန်နိုင်ငံ အခြေစိုက်  ဂျီနီဗာ ကော် (Geneva Call) အဖွဲ့နဲ့ ဇူလိုင် ၂၁ ရက်နေ့မှာ လက်မှတ် ရေးထိုးခဲ့ပါတယ်။

ကေအန်ယူအနေနဲ့  ကလေးစစ်သား အသုံးမပြုရေးနဲ့ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှု တားမြစ်ခြင်းအတွက် ပထမဆုံးအကြိမ် လက်မှတ်ထိုးတာ ဖြစ်ပါတယ်။
ဒီလက်မှတ်ထိုးပွဲကို ကရင်ပြည်နယ် ဘားအံမြို့က ဇွဲကပင်ဟိုတယ်မှာ Geneva Call  အဖွဲ့က တာဝန်ရှိသူ ၄ ဦး ကေအန်ယူဘက်က စစ်ဦးစီးချုပ်အပါအ၀င် အဖွဲ့ဝင် ၄ ဦးတို့ တက် ရောက်ခဲ့ပါတယ်။

ဒါ့အပြင် ပြည်နယ်ဝန်ကြီးချုပ်နဲ့ အဖွဲ့ဝင်တွေ နိုင်ငံတကာသံတမန်တွေလည်း တက်ရောက်ခဲ့ပါတယ်။  ကေအန်ယူအနေနဲ့  ၂၀၀၄ ခုနှစ်က စပြီး အသက် ၁၈ နှစ်မပြည့်သေးတဲ့ ကလေးတွေကို အသုံးမပြုဖို့ ညွှန်ကြားခဲ့ပြီး ဒီလိုလက်မှတ်ထိုးတာဟာ သူတို့ရဲ့စစ်စည်းကမ်း ပိုမိုခိုင်မာအောင် လက်မှတ်ရေးထိုးတာလို့ ကေအန်ယူရဲ့ အထွေထွေအတွင်းရေးမှူးချုပ် ပဒိုစောကွယ်ထူးဝင်းက ပြောပါတယ်။

ပဒိုစောကွယ်ထူးဝင်းကို ဒီဗွီဘီက ဆက်သွယ်မေးမြန်းထားပါတယ်။

ပဒိုစောကွယ်ထူးဝင်း

ဘာကြောင့် ဒီစာချုပ်ကို လက်မှတ်ရေးထိုးရတာလဲ။

“ကျနော်တို့ စစ်စည်းကမ်းဥပဒေမှာရော၊ ကရင်လူ့အဖွဲ့အစည်းထဲမှာလည်း အမျိုးသမီးနဲ့ ပတ်သက်ပြီးတော့ လိင်ခွဲခြား ဆက်ဆံမှုတွေဟာ မရှိသလောက်ပဲလို့ ပြောလို့ရပါတယ်။ ဒါပေမယ့် နိုင်ငံတကာရဲ့ စံနှုန်းနဲ့အညီ နောက်ပြီးတော့ ကျနော်တို့ကို ကုလသမဂ္ဂကလည်း ကလေးစစ်သားကို အသုံပြုနေတဲ့ အဖွဲ့အစည်းထဲမှာ ထည့်ထားတယ်။ ဒီတော့ ကျနော်တို့ရဲ့ စစ်စည်းကမ်းကို ပိုခိုင်မာဖို့အတွက်၊ လေးနက်ဖို့အတွက် Geneva Call နဲ့ လက်မှတ်ထိုးတယ်။ နောက်ပြီးတော့ အကောင်အထည်ဖော်တဲ့နေရာမှာလည်း ပိုပြီးတော့ တိကျဖို့အတွက် ဆိုလိုတာက ကျနော်တို့က ဒါကို ချိုးဖောက်လို့ လက်မှတ်ထိုးတာတော့ မဟုတ်ဘူး၊ ဒါပေမယ့် အကောင်အထည်ဖော်တဲ့နေရာမှာ ၁ အချက် ကျနော်တို့ရဲ့ အဖွဲ့အစည်းအတွင်းမှာရော၊ လူ့အဖွဲ့အစည်းတွင်းမှာ ဒီကိစ္စ ပိုမိုပြီးတော့ တာဝန်ယူမှုအပိုင်းမှာ များလာဖို့အတွက် လက်မှတ်ထိုးတာ ဖြစ်တယ်။ နောက်တခုကလည်း တခြား လက်နက်ကိုင် အဖွဲ့အစည်းတွေကလည်း ကျနော်တို့နဲ့အတူ ဒီလို တာဝန်ယူမှု ရှိလာအောင် ကြိုးစားတဲ့ အချက်တချက်လည်း ပါမှာပေါ့။”

လက်မှတ်ရေးထိုးခြင်းအားဖြင့် ကေအန်ယူအနေနဲ့ ဘယ်လို အကျိုးရလဒ်တွေရမှာလဲ။

“၁ အချက်ကတော့ ကျနော်တို့ရဲ့ ရပ်တည်မှု ပိုမိုပြီးတော့ ခိုင်မာလာဖို့အတွက်။ နောက် ကတိခံဝန်ခြင်းပြုတယ်ဆိုတဲ့ အနေအထားမှာ ပညာပေးမှုတွေ လုပ်လာရမယ့် အပိုင်းတွေရှိတော့  ကျနော်တို့ လူ့အဖွဲ့အစည်းအတွင်းမှာ ပိုမိုပြီး လိုက်နာလာမယ်ဆိုရင်၊ ကလေးသူငယ်တွေရဲ့ အခွင့်အရေး ကာကွယ် ထိန်းသိမ်း မြှင့်တင်တဲ့အပိုင်း ရှိလာရင်တော့ ကျနော်တို့ရဲ့လူမျိုးတွေရဲ့ ကလေးသူငယ်တွေ အကျိုးပိုရှိလာမှာပေါ့။ နောက်တချက် အမျိုးသမီး အခွင့်အရေးပေါ့လေ။ ကျနော်တို့ရဲ့ အဖွဲ့အစည်းထဲမှာလည်း ဒီလို တာဝန်ယူမြှင့်တင်ခြင်းအဖြင့် အမျိုးသမီးတွေရဲ့ အခွင့်အရေး တိုးတက်မှုတွေ ရှိလာမှာပေါ့။ တခြား အဖွဲ့အစည်းတွေကလည်း လုပ်ဆောင်လာတဲ့အပေါ်မှာ အများကြီး လုပ်ဆောင်မယ်ဆိုလိုရှိရင်လည်း ပိုပြီးတော့ အကျိုးရှိလာမယ်လို့ မျှော်လင့်တယ်။ ကျနော်တို့ အဖွဲ့အစည်းသာမကဘူး၊ လူမျိုးအတွက်လည်း အကျိုးရှိမယ်လို့ မျှော်လင့်တယ်။

လတ်တလာမှာ ကေအန်ယူအဖွဲ့အစည်းအတွင်း ကလေးစစ်သားတွေ ရှိနေသေးလား။
“ကျနော်တို့ ၂၀၀၄ ခုနှစ်ကတည်းက ကရင်အမျိုးသား လွတ်မြောက်ရေး တပ်မတော် (ကေအန်အယ်လ်အေ)ရဲ့ စစ်စည်းကမ်းထဲမှာ စစ်ဥပဒေမှာကိုက အသက် ၁၈ နှစ်အောက် ကလေးတွေကို လက်မခံဘူးဆိုတာ ပြဋ္ဌာန်းချက် ရှိပြီးသားဖြစ်တယ်။ ဒါပေမယ့် ကျနော်တို့ သိတဲ့အတိုင်းပဲ ပြည်တွင်းစစ်ရဲ့ သက်ရောက်မှုအတွက် တချို့ ကလေးတွေဟာ ဒီဒဏ်တွေကို မခံနိုင်တဲ့အတွက်ကြောင့် ဆက်သွယ်လာပြီးတော့ အဖွဲ့အစည်းထဲကို ၀င်လာတာရှိတယ်။ လက်တွေ့လုပ်ဆောင်တဲ့နေရာမှာကျတော့ တပ်ထဲမသွင်းဘဲနဲ့ ကျနော်တို့ ကျောင်းတွေကိုပို့ ပို့ပြီးတော့ အသက်ပြည့်ပြီးမှ  စစ်မှုထမ်းတာပဲ ရှိတယ်။  ဒါပေမယ့် တချို့တလေတော့ ရှိမှာပေါ့နော်။ လိုက်နာဖို့ ဒါ အားနည်ချို့ယွင်မှုရှိတဲ့အပေါ်မှာ ၁ မှုစ၊ ၂ မှုစနဲ့ တခု၊ နှစ်ခုလောက်တော့ရှိမှာပေါ့။ ဒီဟာကို အကြောင်းပြပြီးတော့ ကျနော်တို့ကို ကလေးစစ်သား အသုံးပြုတဲ့ အဖွဲ့အစည်းထဲမှာ ရေးသားတာတွေရှိမယ်။ ဒါက အဖွဲ့အစည်း တခုလုံးအနေနဲ့ လုပ်တာ မဟုတ်ဘူး။ ဒါက စည်းကမ်းလိုက်နာမှု မပြည့်ဝတဲ့ အပိုင်းမှာ ပေါ်လာတဲ့ ပြဿနာတွေလည်း ရှိမယ်။ အခုလက်ရှိမှာတော့ ကျနော်တို့ ပြောရမယ်ဆိုလို့ရှိရင် အသက် ၁၈ နှစ်အောက် ကလေးဟာ ကျနော်တို့ လက်နက်ကိုင် တပ်ဖွဲ့ထဲမှာ မရှိဘူးလို့ ကျနော် ရဲရဲပြောရဲတယ်။

ကလေးစစ်သား အသုံးပြုတဲ့အထဲမှာ ကေအန်ယူက ပါဝင်နေတယ်ဆိုတဲ့ ကုလသမဂ္ဂ မှတ်တမ်းထဲမှာ ရှိနေတဲ့ အခါကျတော့ ဒီမှတ်တမ်းတွေ ပယ်ဖျက်အောင် ကေအန်ယူအနေနဲ့ ဘာတွေ ဆက်လုပ်မလဲ။

“အမှန်ပြောရမယ်ဆိုရင် ကျနော်တို့ အဲဒီ ကုလသမဂ္ဂ ကလေးသူငယ်များရန်ပုံငွေအဖွဲ့ (ယူနီဆက်ဖ်) နဲ့ ဆက်သွယ်မှုဟာ လွန်ခဲ့တဲ့ ဥက္ကဋ္ဌဟောင်း ဖြစ်တဲ့ ပဒိုဘသင်မှာ ဆက်သွယ်မှုရှိပြီးသား။ အဲဒီကတည်းက ယူနီဆက်ဖ်က ပြင်ဆင်ထားတဲ့ ကျင့်ဝတ်နဲ့ စည်းကမ်းတွေကို လိုက်နာဖို့အတွက် အခုကျနော်တို့ Geneva Call မှာ လုပ်သလို့ပဲ။ ဒါကို ကျနော်တို့ လက်မှတ်ထိုးပြီးတော့ လုပ်လာခဲ့တာ ရှိတယ်။ အဲဒီနောက်ပိုင်းမှာ ကျနော်တို့ အဲဒီကိစ္စနဲ့ ပြန်လည် ဆက်သွယ်တာ မရှိဘူး၊ ကျနော် ဆိုလိုချင်တာက ကလေးစစ်သား အသုံးပြုမှုကို ကျနော်တို့က ပိတ်ပင် တားဆီးတယ်၊ ကတိခံဝန်မှုလုပ်တာ ဟိုလွန်ခဲ့တဲ့ ၂၀၀၇ ခုနှစ်ကတည်းက။ အဖွဲ့အစည်းအတွင်းမှာ ဒါကို သတ်မှတ်ထားတဲ့ စာရင်းထဲက ပယ်ဖျက်ဖို့အတွက် ကျနော်တို့က တခြားအဖွဲ့အစည်းတွေနဲ့ ပူးပေါင်းလုပ်ဆောင်သွားမယ်၊ Geneva Call နဲ့သာမကဘူး ကျန်တဲ့ တခြားအဖွဲ့အစည်းတွေ ယူနီဆက်ဖ်၊ လူမှုအဖွဲ့အစည်းတွေနဲ့ ပူးပေါင်းဆောင်ရွက်သွားပြီးတော့ တကယ့် ကျနော်တို့က ကလေးစစ်သား အသုံးမပြုဘူးဆိုတဲ့ အနေအထား ပေါ်လာအောင် သူတို့နဲ့ လုပ်ဆောင်သွားမှာပဲ။ အမှန်ဆိုလို့ရှိရင်လည်း ဒီကလေးစစ်သား အသုံးပြုမှုဆိုတဲ့ စာရင်းထဲမှာသွင်းတာကလည်း တခုလုံး အတိုင်းအတာမဟုတ်ဘူး။ ဆိုလိုချင်တာက တချို့နှစ်မှာဆိုရင် ဖြစ်ပျက်တဲ့အဖြစ်အပျက် တခု၊ နှစ်ခုအပေါ်မှာ အခြေခံပြီးတော့ ကျနော်တို့ကို တစုံလုံး သတ်မှတ်ထားတဲ့ အနေထားမျိုးတော့ ရှိ်မယ်။ အခုတော့ မရှိတော့ဘူးလို့ ကျနော်တို့ ပြောလို့ရတယ်။ ကျနော်တို့ရဲ့ စာရင်းကို ဖယ်ဖို့အတွက် ကြိုးစားရမယ်၊ တခြားအဖွဲ့အစည်းနဲ့ ပူးပေါင်းဆောင်ရွက်သွားမယ်လို့ ရည်မှန်းထားတယ်။”

ဖြည့်စွက် ပြောလိုတာ ရှိဦးမလား။

“ပြောစရာတော့ များများမရှိဘူးပေါ့လေ။ ဒါပေမယ့် တခုရှိတာက ကျနော်တို့ ကလေးသူငယ်တွေ အခွင့်အရေး၊ ကာကွယ် ထိန်းသိမ်းမြင့်တင်တဲ့နေရာမှာ အမျိုးသမီးတွေ လိင် အခြေခံ ခွဲခြားဆက်ဆံမှုတို့၊ အကြမ်းဖက်ဆက်ဆံမှုတို့ ဒါတွေဟာ ကျနော်တို့ အဖွဲ့အစည်းအခုတည်နဲ့တော့ လုပ်ဆောင်လို့တော့ ပြည့်စုံမှာ မဟုတ်ဘူး။ ကျန်တဲ့ အဖွဲ့အစည်းတွေ နောက် ကျန်တဲ့ လက်နက်ကိုင်အဖွဲ့အစည်းတွေရော၊ တာဝန်ရှိတဲ့ အစိုးရနဲ့ ကျနော်တို့ လူမှု့ အဖွဲ့အစည်းတွေရော ထိန်းသိမ်းတာဝန်ယူ လုပ်ဆောင်ကြမှ ပိုမို ပြည့်စုံမယ့် အနေအထားမှာ ရှိတယ်။”

Sunday, July 21, 2013

ကရင်အမျိုးသားမန်းဘခိုင်မိသားစုများနှင့် အာဇာနည်နေ့ (ဓါတ်ပုံ)

ဘွဲ့လက်မှတ်တုဖြင့် Work Permit လျှောက်ထားသူ မြန်မာ ၂၀ ကျော် စင်ကာပူ အစိုးရ အရေးယူ


ဘွဲ့လက်မှတ် အတုဖြင့် အလုပ် လုပ်ခွင့် (Work Permit) လျှောက်ထား သူ မြန်မာနိုင်ငံသား ၂၁ဦးကို စင်ကာပူနိုင်ငံ အစိုးရက ဇူလိုင်လ ၁၇ရက်နေ့ တွင် အရေးယူထားကြောင်း စင်ကာပူနိုင်ငံ အလုပ်သမား ဝန်ကြီးဌာန (MOM) ထုတ်ပြန်ချက်ကို ကိုးကားကာ စင်ကာပူ သတင်း ဌာနများက ဖော်ပြ သည်။

အလုပ် လုပ်ခွင့် (Work Permit) လာရောက် လျှောက်ထားသည့် နိုင်ငံခြား သား ၂၅ဦးအနက် မြန်မာ ၂၁ဦး ပါဝင်ပြီး အိန္ဒိယ နိုင်ငံသား သုံးဦး၊ ဖိလစ်ပိုင် နိုင်ငံသား တစ်ဦး ပါဝင်ကြောင်း၊ ယင်းနိုင်ငံခြားသား ၂၅ဦးအနက် ၂၀ဦးကို ထောင်ဒဏ်တစ်လ ပြစ်ဒဏ် ချခဲ့ပြီး ငါးဦးကို စင်ကာပူ ဒေါ်လာ ၅၀၀၀ ဒဏ် ရိုက်ခဲ့ကာ ဒဏ်ငွေ မဆောင်လိုပါက ရက် ၂၀ ထောင်ဒဏ် ကျခံရမည်ဖြစ်ကြောင်း အဆိုပါ သတင်း ဌာနများတွင် ဖော်ပြသည်။

အဆိုပါ နိုင်ငံခြားသား ၂၅ဦးမှာ ၂၀၁၂ခုနှစ်အတွင်း အလုပ် လုပ်ကိုင်ခွင့် လျှောက်ထားရာတွင် တက္ကသိုလ် ဘွဲ့လက်မှတ် အတုများကို ထည့်သွင်း တင်ပြခဲ့ပြီး ၎င်းတို့ အားလုံးမှာ ဘွဲ့ တစ်စုံတစ်ရာ ရရှိခြင်း မရှိသည်ကို စစ်ဆေး တွေ့ရှိသဖြင့် ယခုနှစ် မေလအတွင်း ဖမ်းဆီးခဲ့ကြောင်း MOM က ထုတ်ပြန်ထားသည်။

စင်ကာပူ အစိုးရ၏ ခွင့်ပြုချက်ဖြင့် အဆိုပါ နိုင်ငံခြားသားများသည် အရောင်းဌာန၊ စားဖိုမှူး၊ ဆံသ စသည့် လုပ်ငန်းများ လုပ်ကိုင်နေသူ များ ဖြစ်ပြီး အလုပ်သက်တမ်း တစ်နှစ် မပြည့်သေးမီ ဖမ်းဆီးခံ ရခြင်း ဖြစ်ကြောင်း ယင်းထုတ်ပြန်ချက်တွင် ပါရှိသည်။

ဘွဲ့လက်မှတ် အတုနှင့် အစစ်ကို အွန်လိုင်းတွင်လည်း စစ်ဆေးနိုင်ပြီး သံသယရှိပါက သက်ဆိုင်ရာ သံရုံးနှင့် ဆက်သွယ် စစ်ဆေးကြောင်း၊ အဆိုပါ ဘွဲ့လက်မှတ် အတုများကို စင်ကာပူနိုင်ငံရှိ City Hall တွင် စင်ကာပူ ဒေါ်လာ ၁၀၀ ဝန်းကျင်ဖြင့် အလွယ်တကူ ပြုလုပ်နိုင်ကြောင်း၊ ပညာ အရည်အချင်း အထောက်အထားများ စစ်ဆေးရာတွင် ပါမစ် စတင် လျှောက်ထားချိန်တွင် တစ်ကြိမ် စစ်ဆေးပြီးအခါ အားလျော်စွာ ထပ်မံ စစ်ဆေးလေ့ရှိကြောင်း စင်ကာပူနိုင်ငံရှိ အဆောက်အအုံ ပြုပြင် ထိန်းသိမ်းရေး လုပ်ငန်း တစ်ခုတွင် လုပ်ကိုင်နေသည့် မြန်မာနိုင်ငံသား စက်မှု အင်ဂျင်နီယာ တစ်ဦးက ပြောကြားသည်။

“ကျွန်တော် ဒီမှာ လုပ်နေတာ ၂ နှစ် ကျော်ပြီ။ ဇန်နဝါရီတုန်းက တစ်ခါ စစ်ခံရတယ်” ဟု ၎င်းက ဆိုသည်။

“စင်ကာပူကို အလုပ်လုပ်ဖို့ လာရင် ကိုယ်တကယ် တတ်တဲ့ အရည်အချင်းနဲ့ တကယ်ရတဲ့ ဘွဲ့ကို အစစ်အမှန်ပြပြီး လျှောက်တာ အကောင်းဆုံးပဲ။ စင်ကာပူမှာ လိမ်လျှောက်လို့ မရဘူး။ လိမ်တာမိရင် ကာယကံရှင်ရော၊ နိုင်ငံရော သိက္ခာကျတယ်” ဟု အင်ဂျင်နီယာဘွဲ့ဖြင့် စင်ကာပူတွင် ၁၂ နှစ်ကျော် နေထိုင် အလုပ် လုပ်ကိုင်နေသူ တစ်ဦးက ပြောကြားသည်။

The Voice Weekly