(၆၅)ကြိမ်မြောက်ကရင်အမျိုးသားနေ့ ကိုဂျပန်နိုင်ငံတွင်(၉)ကြိမ်မြောက်ကိုKNL-JAPANမှKAREN NATIONAL DAY DINNER ကိုကျင်းပပြုလုပ်

(၆၅)ကြိမ်မြောက်ကရင်အမျိုးသားနေ့ ကိုဂျပန်နိုင်ငံတိုကျိုမြို့ တွင်၃-၂-၂၀၁၃နေ့တွင်(၉)ကြိမ်မြောက်ကိုKNL-JAPANမှKAREN NATIONAL DAY DINNER  ကိုဦးစီးကျင်းပပြုလုပ်ခဲ့သည်။
ထိုအခမ်းအနားကိုအခမ်းအနားမှူးအဖြစ်စောဘလှသိန်းမှဆောင်ရွက်ပြီး ကရင်အမျိုးသားအလံတော်
အလေးပြုခြင်းကိုစညီညီလွင်ဦးဆောင်ပြီးကရင်အမျိုးသားသီးချင်းကိုသီဆို၍ဥက္ကဌစောကျော်ထင်ထူးမှ
အမှာစကားပြောကြားခဲ့သည်။
အခမ်အနားသို့ဂျပန်နိုင်ငံတွင်နေထိုင်နေသောကရင်လူမျိုးများအားလည်းကောင်းပြည်တွင်းကရင်များအား
လည်းကောင်းကူညီထောက်ပံ့သောဂျပန်အဖွဲ့အစည်းအသီးသီးများတက်ရောက်ခဲ့ကြသည်။
သတင်းပေးပို့သူ------------စောကစ်စင်ဂျာ

ကရင်ပြည်နယ်အတွင်းရှိ IDP များအတွက် နီပွန်ဖောင်ဒေးရှင်းမှ ဆန်အိတ်များပေးအပ်

13 Feb, 2013 6:55 PM

ဖေဖော်ဝါရီလ ၁၃ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)

ကရင်ပြည်နယ်အတွင်းပြည်တွင်းဌာနေမဲ့ ဒုက္ခသည်-IDP များအတွက် အဓိကရည်ရွယ်ပြီး ဂျပန်နိုင်ငံရှိ နီပွန်ဖောင်ဒေးရှင်းမှ စားနပ်ရိက္ခာများအဖြစ် ယမန်နေ့(ဖေဖော်ဝါရီလ ၁၂ ရက်နေ့)က ဆန်အိတ်များ ထောက်ပံ့ပေးအပ်ခဲ့ကြောင်း သိရှိရသည်။
ထောက်ပံ့ပေးအပ်မှုကို ဖားအံမြို့ရှိ ပြည်ထောင်စုကွင်းတွင် အခမ်းအနားတရပ်ပြုလုပ်၍ ပေးအပ်ခဲ့ခြင်းဖြစ်ပြီး နီပွန်ဖောင်ဒေးရှင်း ဥက္ကဌ ယိုဟီဆာဆာဝါကာ (Mr. Yohei sasawaka)၊ ကရင်ပြည်နယ်အစိုးရတာဝန်ရှိသူများ၊ ကရင်အမျိုးသားအစည်းအရုံး-KNU မှ ပဒိုစောရောဂျာခင်၊ ပဒိုစောအောင်ဝင်းရွှေတို့အပြင် ဒီမိုကရေစီအကျိုးပြုကရင့်တပ်မတော်-DKBA၊ KNU/KNLA ကရင် ငြိမ်းချမ်းရေးကောင်စီနှင့် ပြည်တွင်းဌာနေမဲ့ ကရင်ဒုက္ခသည်များဆိုင်ရာကော်မတီ-CIDKP စသည့်အဖွဲ့တို့မှ တာဝန်ရှိသူများ လည်း တက်ရောက်ခဲ့ကြသည်။
အခမ်းအနားအပြီးတွင် နီပွန်ဖောင်ဒေးရှင်းမှ ဥက္ကဌ အပါအ၀င် ပဒိုစောရောဂျာခင်၊ ပဒိုစောအောင်ဝင်းရွှေ၊ CIDKP ၏ တာဝန်ခံ စောဆဲပွယ်(စတိဗ်)တို့က ဖားအံခရိုင်၊ လှိုင်းဘွဲမြို့နယ်နှင့် ပိုင်ကျုံမြို့နယ်ရှိ တရေဖိုးကွီးရွာနှင့် ကူးလော်ဖလိုးရွာတို့တွင် IDP များအား ဆန်အိတ်ပေါင်း ၁,၄၀၀ (တစ်ထောင့်လေးရာ) သွားရောက်ပေးအပ်ခဲ့သည်ဟု သိရသည်။
KNU ကာကွယ်ရေးဌာနမှ တာဝန်ခံ ပဒိုစောရောဂျာခင်က “ကရင်ပြည်နယ်အတွင်းမှာရှိတဲ့ IDP တွေကို အဓိက ပေးတာပေါ့။ အခုလို တရားဝင်အနေနဲ့ လာပြီးတော့ ပေးအပ်တာ ပထမဆုံးပါ။ နောက်ပြီး လွတ်လွတ်လပ်လပ်နဲ့ ပေးအပ်တဲ့အခါကျတော့ ကိုယ့်ပြည်သူတွေအတွက်လည်း ၀မ်းသာရပါတယ်”ဟု ကေအိုင်စီသို့ ပြောသည်။

အလားတူ DKBA နှင့် KNU/KNLA ငြိမ်းချမ်းရေးကောင်စီတို့အပြင် အခြားအဖွဲ့အစည်းများထံသို့တဆင့် IDP များအတွက် ဆန် အိတ် ၄၀၀စီ ပေးအပ်ခဲ့ပြီး KNU ခရိုင် ၇ခုရှိသည့်အနက် ခရိုင်တစ်ခုလျှင် IDP များအတွက် ဆန်အိတ် ၂,၄၀၀ ပေးသွားရန် ရှိသ ကဲ့သို့ ဆေးဝါးများလည်းပေးရန် စီစဉ်ထားကြောင်းလည်း နီပွန်ဖောင်ဒေးရှင်း ဥက္ကဌမှ ပြောသွားခဲ့သည်ဟု ပဒိုစောရောဂျာခင်က ပြန်လည်ပြောဆိုသည်။
KNU နိုင်ငံခြားရေးတာဝန်ခံ ပဒိုစောအောင်ဝင်းရွှေကလည်း “အခုက နီပွန်အနေနဲ့ နောက်လာမယ့် အကြိမ်တွေမှာ သူတို့ကိုယ် တိုင် မဟုတ်ဘဲ KNU ကနေတဆင့် ခရိုင်အသီးသီးမှာရှိတဲ့ တာဝန်ရှိသူတွေ၊ ပြီးတော့ CIDKP စတဲ့အဖွဲ့တွေနဲ့ ပူးပေါင်းပြီးတော့ IDP တွေရဲ့လက်ထဲအရောက်ပို့ပေးဖို့ကို စီစဉ်ထားပါတယ်”ဟု ပြောသည်။
မြန်မာနိုင်ငံ၊ တိုင်းရင်းသားဒေသအတွင်းရှိ ဒုက္ခသည်များအတွက် အကူအညီပေးရန် နီပွန်ဖောင်ဒေးရှင်းနှင့် မြန်မာအစိုးရတို့က သဘောတူညီထားပြီး ၂၀၁၂ခုနှစ်၊ ဒီဇင်ဘာလကလည်း ဆန်တန်ချိန် ၅၀နှင့်အတူ ဆေးဝါးများ၊ ဆေးသေတ္တာများကို မွန်ပြည် သစ်ပါတီ-NMSP ထံသို့ ပေးအပ်ခဲ့ပြီးဖြစ်သည်။
နီပွန်ဖောင်ဒေးရှင်းသည် ပညာရေး၊ ကျန်းမာရေးလုပ်ငန်းများတွင် အကူအညီပေးလေ့ရှိပြီး မြန်မာနိုင်ငံတွင် အဆိုပါဖောင်ဒေး ရှင်းမှ ကူညီထောက်ပံ့ပေးမှု လုပ်ငန်းမှာ ၄၀ကျော်ရှိကြောင်း သိရသည်။

၆၅နှစ်မြောက် ကရင့်အမျိုးသားနေ့ တွင် လူထုလှုပ်ရှားမှု ပါဝင်လာ

12 Feb, 2013 12:49 AM

ဖေဖော်ဝါရီလ ၁၁ရက်၊ ၂၀၁၃ခုနှစ်။ စောခါးစူးညား၊ စဖန်းရှောင်း (ကေအိုင်စီ)

၆၅နှစ်မြောက် ကရင့်အမျိုးသားနေ့ လှုပ်ရှားမှု 

ကရင်အမျိုးသားအစည်းအရုံး-KNU ထိန်းချုပ်နယ်မြေ ကရင်ပြည်နယ်၊ လှိုင်းဘွဲမြို့နယ်အတွင်းရှိ တပ်မဟာ(၇)ဌာနချုပ်၌ ယနေ့ ဖေဖော်ဝါရီလ ၁၁ရက်နေ့တွင် ကျရောက်သည့် ၆၅နှစ်မြောက် ကရင့်အမျိုးသားနေ့ အခမ်းအနားတွင် လူထုလှုပ်ရှားမှုများနှင့်တွဲ ၍ ပြုလုပ်ကျင်းပခဲ့ကြသည်။
အဆိုပါအခမ်းအနား တက်ရောက်သူ ကရင်အမျိုးသမီး နော်အဲမိုးက “ကရင်အမျိုးသားနေ့ကို လာတက်ခွင့်ရတာ ၀မ်းသာတယ်။ ဒီနေရာမှာ အရင်က တော်လှန်ရေးနေ့တို့၊ အာဇာနည်နေ့တို့လုပ်တာ ကျမအမြဲလာတာပဲ။ ဒီနေ့က အမျိုးသားနေ့ဆိုတော့ ထူး ခြားတယ်။ အရင်က ဒီလိုလုပ်တာ မတွေ့ရဘူးလေ”ဟု ကေအိုင်စီသို့ ပြောသည်။
မနက် ၇နာရီမှ ၉နာရီအထိ ကျင်းပသည့် ယင်းအခမ်းအနားတွင် KNU ဥက္ကဌ ဗိုလ်ချုပ်ကြီးစောမူတူးစေးဖိုးနှင့် အခြားထိပ်ပိုင်း ခေါင်းဆောင်အချို့ အပါအ၀င် လူထုပရိဿတ် တစ်ထောင်ကျော်က ကရင်အမျိုးသားအလံများနှင့် ဆိုင်းဘုတ်များ ကိုင်ဆောင် ၍ “ကရင်ပြည် ချက်ချင်းပေး၊ ကရင်တစ်ကျပ် ဗမာတစ်ကျပ် ချက်ချင်းပြ၊ ပြည်တွင်းစစ် အလိုမရှိ၊ လူမျိုးရေးအဓိကရုဏ်း အလိုမ ရှိ” စသည့် ကရင်အမျိုးသားနေ့ တောင်းဆိုချက်လေးရပ်ကို ကရင်ဘာသာဖြင့် ကြွေးကြော် ချီတက်ကာ ဆန္ဒထုတ်ဖော်ခဲ့ကြ သည်။
ဗိုလ်ချုပ်ကြီး စောမူတူးစေးဖိုးက “ဒီမနက် လူထုတွေ ကရင်အမျိုးသားနေ့ကို တက်လာတာ တွေ့ရတော့ ၀မ်းသာတယ်။ နောက် ပြီး ကျနော်တို့ ကရင်အမျိုးသားနေ့မှာ ဒီကြွေးကြော်သံတွေဟာ ကရင်အမျိုးသားလုံးအတွက် အရေးကြီးတယ်။ ဘာဖြစ်လဲဆို တော့ ကရင်တွေရဲ့ ဖိနှိပ်ချုပ်ချယ်ခံရမှုတွေ၊ အမြစ်ပြုတ်အနိုင်ကျင့်ခံရမှုတွေ ဖြစ်ခဲ့လို့ ဒီလှုပ်ရှားမှုတွေ ပေါ်လာတာ ဖြစ်တယ်” ဟု မိန့်ခွန်းပြောဆိုခဲ့သည်။
ဆက်လက်၍ ကရင်လူမျိုးများအနေဖြင့် ယင်းကြွေးကြော်သံကဲ့သို့ ကိုယ်ပိုင်လွတ်လပ်ခွင့်၊ တန်းတူအခွင့်အရေး၊ ချစ်ခင်စွာ နေ ထိုင်ခြင်းနှင့် ငြိမ်းချမ်းခြင်းကို လိုချင်ကြကြောင်းလည်း ဥက္ကဌ စောမူတူးစေးဖိုးက ပြောဆိုသည်။
အလားတူ KNU ဒူးပလာယာခရိုင်၊ တပ်မဟာ(၆)ရှိ ကျုံဒိုး၊ ကြာအင်းဆိပ်ကြီး၊ ကော့ကရိတ်မြို့နယ် စသည့်မြို့နယ်များအပြင် ဖာပွန်ခရိုင်၊ တပ်မဟာ(၅)နယ်မြေ သေ့ခါးထာ့နေရာ၌လည်း မြို့နယ်အသီးသီးရှိ ကျေးရွာများ စုပေါင်းကာ ၆၅နှစ်မြောက် ကရင် အမျိုးသားနေ့တွင် လူထုရာနှင့်ချီ၍ တက်ကြွစွာ ပါဝင်လှုပ်ရှားခဲ့ကြသည်။
ကျုံဒိုးမြို့နယ် ဖားသိန်ကျေးရွာ၌ ပြုလုပ်သည့် ကရင်အမျိုးသားနေ့ အခမ်းအနားတွင် KNU အပြင် နယ်ခြားစောင့်တပ်-BGF၊ ဒီမို ကရေစီအကျိုးပြု -DKBA နှင့် KNU/KNLA ငြိမ်းချမ်းရေးကောင်စီတို့လည်း တက်ရောက်ခဲ့ကြသည်။
၎င်းအခမ်းအနားသို့ တက်ရောက်သူ စောမြင့်ဦးက “အမျိုးသားနေ့အခမ်းအနားကို တက်ရတဲ့အခါကျတော့ လူထုတွေအနေနဲ့ တက်တက်ကြွကြွ ပါဝင်လာတယ်။ လွတ်လွတ်လပ်လပ် ပြောလို့ဆိုလို့ရတယ်။ နောက် လုပ်မယ်ဆိုရင် ဒီလိုပဲ စုစုစည်းစည်း လုပ်သွားစေချင်တယ်”ဟု ကေအိုင်စီသို့ ပြောသည်။
၁၉၄၈ခုနှစ်၊ ဖေဖော်ဝါရီလ ၁၁ရက်နေ့တွင် ကရင်လူမျိုးများ တန်းတူအခွင့်အရေး ရရှိစေရန် မြန်မာနိုင်ငံမြောက်ပိုင်း ကချင်ပြည် နယ်၊ မြစ်ကြီးနားမြို့မှစ၍ တောင်ပိုင်း တနင်္သာရီတိုင်း၊ မြိတ်မြို့အထိ လူထု လေးသိန်းကျော် အသံတိတ် ချီတက်ဆန္ဒထုတ်ဖော် ကာ စတင် တောင်းဆိုခဲ့ကြသည်။
အဆိုပါနေ့ကို အစွဲပြု၍ ၁၉၅၃ခုနှစ်၊ နိုဝင်ဘာလ ၂၃ရက်နေ့မှ ၂၅ရက်နေ့အထိ ဖာပွန်မြို့နယ်၌ ပြုလုပ်သည့် ကော်သူးလေ ပြည် လုံးဆိုင်ရာ ကွန်ဂရက်တွင် ဧရာတီတိုင်း၊ မြစ်ဝကျွန်းပေါ် အမှတ်(၁)ခရိုင် ဥက္ကဌ ဦးအေးကျော်က အဆိုပြုပြီး မြစ်ဝကျွန်းပေါ် အမှတ်(၁)တပ်မမှူး ဗိုလ်ချုပ်ကော်ထူးက ထောက်ခံကာ ကန့်ကွက်သူမရှိဘဲ ကရင်အမျိုးသားနေ့အဖြစ် သတ်မှတ်လာခဲ့ခြင်း ဖြစ် သည်။