Sunday, July 24, 2011
ကျိမ်စာများသင့်နေတာလား ကိုရွှေထိုင်းရယ်
တတိယမြောက် ထိုင်းလေယဉ်ထပ်မှာပျက်ကျတယ်လို့ သတင်းထွက်လာတော့ တကယ်ပဲစိတ်ဝင်စားမိသွားပါသည်။ ဘာရယ်လို့ တော့မဟုတ်ဘူး။ ရာဇ၀င်ထဲက ကရင့်အလှဘုရင်မလေး မူယယ်ဖဲ အကြောင်းကို သွားသတိယမိပါတယ်။ ကရင်လူမျိူးတိုင်းက ထို မူယယ်ဖဲ မင်းသမီးလေးရဲ့ အကြောင်းကို ကောင်းမွန်စွာသိထားကြပါတယ်။ မူယယ်ဖဲ လို့ အများသိထားတဲ့ ငွေရောင်မင်းသမီးလေးနဲ့ ပါတ်သက်ပြီး စကောကရင်ဘာသာဖြင့် ဗီဒီယိုဇတ်လမ်းရိုက်ကူးထားတာလည်းရှိပါတယ်။ အကြောင်းအမျိူးမျိူးကြောင့် ကျနော်တို့ မူယယ်ဖဲ ဇတ်ကြောင်းကို ဒီနေရာမှာ အကျယ်တ၀င့် မဖေါ်ပြလိုပါဘူး။ တာပေမယ့် ထိုင်း သုံးစင်းမြောက်လေယဉ်ပျက်ကျတာ ရိုးရိုးလေးတော့ မဟုတ်ဘူးလို့  ပြောပါရစေ။ မူယယ်ဖဲ ရဲ့ဝိညာဉ် ကရင်လူမျိူးတွေနဲ့ အတူ ရှင်သန်နေဆဲပဲလားလို့ ပါ။မဲဆောက်မြို့ နားက စစ်သူကြီး ဖားဂေါ် ရုပ်ထုကို လည်း စနစ်တကျပူဇော်ပသလိုက်အုံး မဟုတ်ရင် ထပ်ပြီး မထင်မှတ်တာတွေ ကြုံတွေနေရပါအုံးမယ် ကိုရွှေထိုင်းတို့ ရေ……
၃ စင်းမြောက် ထိုင်းရဟတ်ယာဉ် မြန်မာနယ်စပ်မှာ ပျက်ကျပြန်
ထိုင်းတော်ဝင် လေတပ်မှ Bell 212 (ဓာတ်ပုံ - Flickr)
တပတ်အတွင်းမှာ ၃ စင်းမြောက်အဖြစ် Bell 212 ရဟတ်ယာဉ် တစင်း ထိုင်း-မြန်မာ နယ်စပ်မှာ ထပ်ပြီး ပျက်ကျပြန်ပြီလို့ ထိုင်းစစ်တပ်က ပြောလိုက်ပါတယ်။ ဇူလိုင်လ ၁၆ ရက်နေ့မှာ တစင်း၊ ဇူလိုင်လ ၁၉ ရက်နေ့မှာ ဘလက်ဟော့ခ် ရဟတ်ယာဉ် တစင်း ပျက်ကျခဲ့ပြီး ပါသွားသူအားလုံး သေဆုံးခဲ့ပါတယ်။
စစ်တပ်က ပြောခွင့်ရပုဂ္ဂိုလ် ဗိုလ်မှူး ဆန်စန်း ကဲအိုကမ်နာ့ဒ်က ဒီနေ့ပျက်ကျတဲ့ ရဟတ်ယာဉ်ဟာ ဘလက်ဟော့ခ်ပျက်ကျလို့ သေဆုံးသွားသူတွေရဲ့ အလောင်းကို သွားသယ်ရင်း ပျက်ကျတာပါလို့ ပြောပါတယ်။
သစ်ခိုးခုတ်တာတွေကို သွားဖမ်းတဲ့ လေယာဉ်ဟာ ဇူလိုင်လ ၁၆ ရက်မှာ မြန်မာနယ်စပ်အနီး ပျက်ကျတယ်။ အဲဒီပျက်ကျရာမှ သေဆုံးသူ ၅ ဦးကို သယ်ယူဖို့ သွားတဲ့ ဘလက်ဟော့ခ်ဟာ ပျက်ကျပြီး ၉ ဦးသေဆုံးတယ်။ ပျက်ကျတဲ့ ဘလက်ဟော့ခ်ကို မြန်မာစစ်တပ်အကူအညီနဲ့ ထိုင်းစစ်တပ်က ရှာဖွေခဲ့ရပါတယ်။ အခုတခါ အဲဒီသေဆုံးသူ ၉ ဦးကို အလောက်သွားကောက်တဲ့ ရဟတ်ယာဉ် ထပ်ပျက်ကျပြန်တာ ဖြစ်ပါတယ်။
ဒီနေ့ပျက်ကျတဲ့ ရဟတ်ယာဉ်ဟာ ရာသီဥတု ဆိုးဝါးမှုကြောင့် အရင်ပျက်ကျတဲ့ ရဟတ်ယာဉ်တွေ အနီး ထိုင်း-မြန်မာနယ်စပ်က တောထဲကိုပဲ ပျက်ကျတာဖြစ်ပြီး ၃ ဦးသေကာ စစ်သားတဦး အသက်ရှင်တယ်လို့ သိရပါတယ်။ ဒီနေ့ပျက်ကျတဲ့ ရဟတ်ယာဉ်က ဘာကြောင့်ဆိုတာတော့ ရှင်းရှင်းလင်းလင်း မသိရသေးပါဘူး။
ထိုင်းရုပ်သံများမှာက ထုတ်လွှင့်ချက်မှာ မြင်ရတာကတော့ ဒီနေ့ အဲဒီဝန်းကျင်မှာ ရာသီဥတုကောင်းနေပြီး ပျက်ကျတဲ့ နေရာကို တောထဲက ပြေးသွားနေတဲ့ အရပ်ဝတ်နဲ့လူတွေကိုလည်း မြင်နေရပါတယ်။ ရဟတ်ယာဉ်ဟာ မီးလောင်နေပြီး အသက်ရှင်ကျန်တဦးကို အဲဒီနေရာက သယ်ထုတ်ဖို့ ကြိုးစားနေတာ မြင်နေရပါတယ်။
No comments:
Post a Comment