မိတ်ဆွေတယောက် ပေးလိုက်ပြီး ခွေအဖုံးမှာတော့
ဒီကေဘီအေ ၀ါဒဖြန့်လို့ ရေးထားပါတယ်။ ဒီခွေ ယူကျူ့ပေါ် မတင်ခင် အချိန်ထိ
ယခုခွေနဲ့ ပတ်သက်ပြီး ကေအဲန်ယူ ဗဟိုက ပဒိုတယောက်နဲ့ ဖုန်းစကား
ပြောပါသေးတယ်။ သူပြောတာက တီမသေ ကနေ ၀ါဒဖြန့်ပြီး ရိုက်တာလို့ ပြောပါတယ်။
သူပြောတာ အခုခွေလား တခြားခွေလား ဆိုတာတော့ အတည်ပြုလို့တော့ မရပါဘူး။
ဒါပေမယ့် ဒီခွေ တခုလုံးကို ခြုံပြီး
ကြည့်ရင် ဖြစ်ပျက်တဲ့ အချိန်က ဘိုချုပ်မြ ရန်ကုန်ဆင်းပြီး ငြိမ်းချမ်းရေး
စကားပြောနေချိန် ၂၀၀၄/၂၀၀၅ခုနှစ် ပတ်ဝန်းကျင်ကလို့ ယူဆလို့ ရပါတယ်၊
နေရာလည်း တပ်မဟာ ၁၊၂၊ ၃ထဲကပဲ ဖြစ်ဖို့ များပါတယ်။ ဒီခွေက ခုနက ပဒို
ပြောသလို လုပ်ကြံတာလား အမှန်အကန်လား ဆိုတာကတော့ အားလုံး သုံးသပ်ပြီး
အတည်ပြုကြပါ။ နောက်ပြီး ဘာဆက်လုပ် သင့်လည်း ဆိုတာလည်း အကြံပေးကြပါ၊
ဒီခွေတင် လိုက်တာနဲ့ ပတ်သက်ပြီး လက်ရှိ
ကေအဲန်ယူနဲ့ နားလည်မှုယူထားတဲ့ ဒီကေဘီအေ အဖွဲ့တွေ၊ ဘာသာကွဲပြားနေတဲ့
ကရင့်တော်လှန်ရေး သမားတွေနဲ့ ကရင်လူထုတွေ ကြားထဲ
ပြသာနာပိုကြီးထွားစေချင်တဲ့ စိတ်ဆန္ခအလျင်း မရှိပါဘူး။ ချေးခြောက်
ရေနူးနေတာလည်း မဟုတ်ပါဘူး။ မိမိတို့ ကရင်လူမျိုးတွေထဲမှာ ဘာသာရေးနဲ့
ပတ်သက်ပြီး ပြသာနာ ရှိနေတယ်ဆိုတာ မီးမောင်း ထိုးပြချင်လို့ပါ။ အနာကို
သိဖို့လိုပါတယ်။ အနာကို မသိရင် ဆေးကုလို့ မရတာတော့ပဲ အနာရင့်လာရင်
ကုမရတော့တဲ့ အခြေအနေမျိုး ဖြစ်လာနိုင်ပါတယ်။
ဒါကြောင့် မိမိတို့ ကရင်အမျိုးသားတွေ
ကြားထဲမှာ ဘာသာ ယုံကြည်မှု အမျိုးမျိုးရှိပြီး ကိုယ့်ဘာသာမှ ကိုယ့်ဘာသာ
အစွန်းရောက်ပြီး တခြားဘာသာကို အပြန်အလှန် လေးစားမှု မရှိကြရင် စည်းလုံး မှု
မရှိနိုင်တာကို နားလည်းထားဖို့ လိုပါတယ်။ ၉၄ကေအဲန်ယူ ဒီကေဘီအေ ကွဲကြတဲ့
အချိန် ဘာသာရေး ပယောဂတွေကနေ စတင်လာခဲ့တာပါ၊ အဲဒါကို ဘာသာရေ ပြသာနာလို့
မမြင်ပဲ ရန်သူရဲ့ ထိုးခွဲမှုတခုကိုပဲ လက်ညှိးထိုး စွတ်စွဲပြီး ကိုယ့်မှာ
ရှိနေတဲ့ ပြသာနာကို ရန်သူရဲ့ လုပ်ရပ်ဆိုပြီးတော့ပဲ အမြဲတမ်း ပြောဆို
အပြစ်ဖို့ ခဲ့ကြပါတယ်။ အဲဒီလို ပြောလိုက်လို့ ကိုယ့်မှာ ရှိနေတဲ့
ပြသာနာတွေကို ဖုံးဖိသလို ဖြစ်သွားစေသလို အဖြေမှန်ကိုလည်း
မရှာနိုင်ခဲ့ကြပါဘူး။
ဒါကြောင့်လည်း ကျနော်တို့တွေ သင်ခန်းစာ
မယူနိုင်ပဲ တော်လှန်ေ၇း နယ်မြေကနေ တဆင့် ဒုက္ခသည်စခန်း၊ အဲဒီကနေတဆင့်
တတိယနိုင်ငံအထိ အဲဒီ ပြသာနာတွေ ပါလာခဲ့ပါတယ်။ ကျနော်တို့ ကရင်တွေကြားထဲမှာ
ဘာသာရေးနဲ့ပတ်သက်ပြီး နားလည်မှုယူဖို့ အတော်ကြိုးစားရအုံးမှာ ဖြစ်ပါတယ်။
ယနေ့ တတိယနိုင် ငံရောက်နေတဲ့ ကရင့်လူမှု အဖွဲ့အစည်းတွေ ကြားထဲမှာလည်း
ဘာသာရေးကို အခြေခံပြီး ကွဲကြတာတွေ များပါတယ်၊ ဘာသာတခုထဲမှာတင် ဂိုဏ်းမတူပဲ
မှိုလိုပေါက်ပြီးကွဲနေတဲ့ နိုင်ငံတကာက ကရင်အဖွဲတွေ ကရင်တော်လှန်ရေးထဲက
အကွဲအပြဲထက်ပင် ပိုတောင် များပါသေးတယ်။ မယုံရင် ကရင်တွေ ရောက်နေတဲ့
နိုင်ငံတော်တော် များများကို လိုက်လေ့လာကြည့်ပါ။
ဒါကို ကြည့်ခြင်းအားဖြင့် တော်လှန်ရေးကနေ
ရှိနေတဲ့ ပြသာနာတွေဟာ ဒုက္ခသည် စခန်းတွေကနေတဆင့် တတိယနိုင်ငံကို
လိုက်ပါလာသလို သင်ခန်းစာယူပြီး ပြုပြင်ပြောင်းလဲ၊ နားလည်မှုတွေ
ရှိလာရမယ့်အစား ပြသာနာပိုလို့ပင် ကြီးထွားတာကို တွေ့ရပါတယ်။ ငယ်ငယ်တည်းကနေ
ဘာသာရေးမှိုင်း တိုက်ခံထိတဲ့ လူငယ်အတော်တော် များများလည်း ရှိလာပြီး အနာဂတ်
အမျိုးသား ပန်တိုင် ချီတက်ရာတွင် အနှောင့်အယှက်တွေ ရှိလာနိုင်ပါတယ်။
နောက်ပြီး အမျိုးသားရေးထက် ဘာသာရေးကို နံပါတ်၁ ထားချင်တဲ့လူ ရာခိုင်နှုန်း
များလာပါတယ်၊
တနှစ် တကြိမ် ကရင့် နေ့ထူးနေ့မြတ်ကိုပင်
ပုံမှန် သွားနေကျ ဘာသာေ၇းကိစ္စနဲ့ တိုက်ဆိုင်သွားရင်တောင်
ကရင့်နေ့ထူးနေ့မြတ် ရက်တွေကို မသွားတဲ့လူတွေလည်း များလာပါတယ်။
လူမျိုးချင်းအတူတူ ဘာသာကွဲပြီး အိမ်ထောင်ပြုကြတဲ့အခါ အခက်အခဲအမျိုးမျိုးကို
ရင်ဆိုင် ပေါင်းစပ်ခဲ့ရသော်လည်း လူမျိုးခြားပြီး ဘာသာတူတွေ
အိမ်ထောင်ပြုတဲ့ အခါမှာတော့ လျောလျောလျှုလျု ဖြစ်တာကို အံသြစွာ
တွေ့ခဲ့ရပါတယ်။
ရေခြားမြေခြားမှာ ကိုယ့်လူမျိုး
တည်တံ့ဖို့ ထိမ်းသိမ်းရမယ့်အချိန်မှာ ဘာသာတူရင် ပြီးရောဆိုပြီး
သားသမီးတွေကို တခြားလူမျိုးလက်ထဲ တာဝန်မဲ့စွာ ထိုးအပ်ပြီး
မျိုးရိုးထိမ်းသိမ်းမှု ပျက်ကွက်လာကြပါပြီး။ ယနေ့ ကျနော်တို့လို
အဖိနှိမ့်ခံ လူမျိုးတွေ လိုအပ်နေတာက စည်းလုံး ညီညွတ်မှုပါ၊
စည်းလုံးညီညွတ်မှု မရှိရင် ဖိနှိမ့်ခံဘ၀ကနေ ရုန်းထွက် နိုင်မှာ မဟုတ်ပါဘူး။
စည်းလုံးဖို့အတွက် အမျိုးသားရေး အကျိုးစီးပွား တခုကိုပဲ ကြည့်ပြီး
တခြားအရာတွေကို ဘေးမှာ ခဏတာ ထားပြီး အမျိုးသားရေးကို နံပါတ် ၁နေရာမှာ
အားလုံး ပြန်ထားဖို့ လိုအပ်နေပြီးလို့ ယူဆမိပါတယ်
ဒီမှတ်တမ်းထဲက စကားပြောသွားတဲ့ သူဟာ တချိန်က ဒီကေဘီအေ၇ဲ့ စစ်ဦးစီးချုပ်ဖြစ်သူ ဗိုလ်ချုပ်ကျော်သန်းဖြစ်ပြီး ယခု ဒီကေဘီအေ နယ်ခြားစောင့်တပ် အသွင် ပြောင်းသွားချိန်မှာ အကြံပေးသူ တယောက်အဖြစ် ပါဝင်ခဲ့ပါတယ်။ သူပြောတဲ့ ကရင်ဘာသာလို အကြောင်းအရာတွေကို ဗမာဘာသာလို ဆက်လက်ဘာသာပြန်ပြီး တင်ပြပေးပါအုံးမယ်။
လေးစားစွာဖြင့်
အဲခေါင်သောင့်
No comments:
Post a Comment