Monday, November 26, 2012

ရက်စက်မှုသတင်းများ


ပြီးခဲ့တဲ့လက အထူးအဆန်းသတင်းတပုဒ် ကြည့်လိုက်ရတယ်.. အတော်ကိုထူးဆန်းအံ့သြဖို့ကောင်းလိုက်တာ .. ဘွဲ့ရ ပညာတတ် လူကြီးတယောက်ဖြစ်ပေမဲ့.. သူ့ရဲ့သားသမီးနဲ့ပတ်သက်ရင် ဘာအသိဥာဏ်တွေ တတ်ထားတဲ့ ပညာတွေ ကင်းမဲ့ကုန်သလား မပြောတတ်တော့ပါဘူး...
ဖြစ်ပုံက ဂလို ပါ... အိမ်ထောင်သည် ညီအကို ၂ ယောက် တအိမ်ထဲ မိဘနဲ့ အတူနေကြတယ်..
သူတို့ကိုယ်စီမှာ သားသမီးတွေနဲ့ပါ .. ညီ ရဲ့သားငယ်လေးက ၁ နှစ်အရွယ်လေး .. အဖွားက ကလေးကို အချစ်ပိုပုံရတယ်.. အဲဒါကိုချွေးမ အကြီးက မကျေနပ်ဘူး.. ကြာလာတော့ အဖွားက အဲဒိမြေးကို ဘဲချစ်တယ်..သူ့ကလေးတွေကျမချစ်ဘူး မတရားဘူးဆိုပြီး ကလေးအပေါ် မကာင်းတဲ့စိတ်တွေ အူတိုတဲ့စိတ်တွေပေါ်လာပီး... သူဘာတွေလုပ်မိတယ် ထင်ပါသလဲ.....
ဆေးရုံကြီးကို အရေးပေါ်ကလေးတယောက်ရောက်လာလုိ့ တာဝန်ခံ ဆရာဝန် နဲ့ နာ့ပ်စ် တွေ အလုပ်ရှုပ်ကုန်ပါတယ် .. ကလေးက သတိလစ်နေပါပြီ .. ၊ ကလေးကို စမ်းသပ် ပြီး ဓါတ်မှန်ရိုက်တော့ အရွယ်နဲ့မလိုက်အောင် အနှိပ်စက်ခံထားရတာတွေ့လိုက်ရတယ်...
ဓါတ်မှန်ရဲ့အဖြေက ကလေးရဲ့ ခေါင်းပေါ်မှာ လက်ချုပ်အပ် ၃ ချောင်း ထိုးစိုက်ထားတယ် .. နား ၂ ပေါက် နဲ့ နှာခေါင်းပေါက်တွေ ထဲမှာ စူပါဂလူး ၃ စက္ကန့်အမြန်ကပ် ကော်ရည်တွေထဲ့ထားတယ်... ကဲ...
ကလေးက သတိလစ်နေတာ ၂ ရက်ရှိနေပြီ.. ဆရာဝန်တွေရဲ့အပြောကတော့.. အဲဒိကလေး.. ရုက္ခဗေဒလူသားဖြစ်နိုင်တယ်တဲ့လေ.... မဟုတ်ရင်လဲ ဦးဏှောက်ပျက်နိုင်တယ်တဲ့ .. ၊
တော်တော်ခက်တဲ့လူကြီးတွေ ဘာမှမသိနားမလည်တဲ့ ကလေးတွေကို ရက်စက်လိုက်ကြတာ .. ကလေးက ကြားထဲကနေ ဓါးစာခံဖြစ်ရတယ်လို့ ... အဲဒိချွေးမကို တရားစွဲအရေးယူထားပါတယ်..
ကလေးရဲ့သတင်းကတော့ ထပ်မကြားရတော့ပါဘူး .. ။။။။
နောက်သတင်းတခုကတော့ ကြာပါပီ မနှစ်ကဖြစ်ခဲ့တာပါ..
လင်မယား၂ယောက် ခေါက်ဆွဲဆိုင်ဖွင့်ပြီးစီးပွါးရှာကြတယ်.. မနက်စောစော ဆိုင်ဖွင့်ဖို့ပြင်ဆင်နေကြတုန်း.. စကားများကြလေရော.. တဖြေးဖြေးနဲ့ စကားသံတွေကကျယ်လာကြတော့ သူတို့ရဲ့ ၁၀လ အရွယ် သမီးငယ် လေးက အလန့်တကြားနဲ့ အော်ငို .. ယောက်ျားက ကလေးကိုပါမဲပါလေရော.. နားငြီးတယ်..မငိုနဲ့လို့ အော်ဟောက်တော့တာပါ...
လင်မယား စကားများရာကနေ .. ကလေးဖက်ကိုလှဲ့ကြရောအဖေကအော်လေ သမီးလေးကငိုလေ .. အမေကလဲ ယောက်ျားကို .. ကလေးကိုမမဲနဲ့ ကလေးနဲ့မဆိုင်ဘူး ဆိုပြီးရန်တွေ့ ... သမီးလေးက ငိုရင်းသူတို့ရှိရာကို ယိုင်တိယိုင်တိုင်လေးလျှောက်လာတယ် ...
ယောက်ျားက ဟင်းချိုအတွက် အိုးကြီးတလုံးထဲရေထဲ့ပြီးကျိူနေတာ.. အိုးထဲကရေတွေက ပွက်ပွက်ဆူနေပြီ.... ကလေးက ငိုရင်း အမေဆီကိုလာတယ်.. အဖေကနားငြီးတယ် တိတ်ဆိုပီးအော်.. အော်လေ ပိုငိုလေ.. နောက်တော့ အဖေက
နင်ဆက်ငိုနေရင် ဒီအိုးကြီးထဲပစ်ချလိုက်မှာနော်.. တိတ်တော့ .. တဲ့
အမေက အောင်မာ.. ရှင်ပစ်ချရဲရင်ပစ်ချလိုက်လေ.. သတ္တိရှိရင် ပစ်ချလိုက်စမ်းပါ ဆိုတော့...
ဆေးရုံကို အရေးပေါ် မီးပူလောင်တဲ့ ၁၀ လသားကလေး သဘက်ကြီးနဲ့ပတ်ထားပြီး
ရောက်လာတော့ ဆရာဝန် နာ့ပ်စ် တွေ အလုပ်တွေရှုပ်ကုန်ပါလေရော... ကလေးရဲ့ တကိုယ်လုံး အပူလောင်ဒဏ်ရာတွေ အသားနီတွေတောင်လန်လို့.. ကလေးကလဲ နာတယ် နာတယ်နဲ့ငိုငြီးနေတာ.. မကြည့်ရက်စရာပါဘဲ...
ကလေးအဖေက တကယ်ဘဲ ပွက်ပွက်ဆူနေတဲ့ အိုးကြီးထဲကို ပစ်ချလိုက်တာကိုး...
ကျမ မျက်လုံးမှိတ်ပီး ပုံဖော်ကြည့်လိုက်တယ်.. အမလေးလေး.. ရေပွက်ပွက်ဆူအိုးထဲ ပစ်ထဲ့လိုက်ရင် ..
ကျမရဲ့တကိုယ်လုံး ရေပူတွေထိတာ .. တီကောင်ကိုဆားနဲ့တို့တာထက်တောင် ဆိုးနေမှာ .. ကျမ မတော်တဆ အသေးစား အပူလောင်ဖူးပါတယ် .. တော်တော်ခံစားရတာပါ.. တကိုယ်လုံးဆို ဘယ်လိုနေမလဲနော်.. ..
ကလေးအမေက ကလေးကို အိုးထဲကနေ ဆယ်ယူပီး ရေအေးနဲ့လောင်းတယ် ပီးတော့
အ၀တ်တွေကိုချွတ်တာ အရေပြားတွေ အ၀တ်မှာကပ်ပါကုန်တယ် ..သဘက်ကြီးနဲ့ပတ်ပြီး ဆေးရုံကိုအမြန်ဆုံးလာပို့ပေမဲ့.. ကလေးက ၃ ရက်မြောက်မှာ ဆုံးသွားပါတယ်.. ကလေးအဖေကတော့ အပြစ်လွတ်တယ်တဲ့.. ဒေါသကြောင့်ဖြစ်တာ ကြိုတင်ကြံစည်ထားတာလဲမဟုတ် .. လူသတ်မှုလဲမမြည်ဘူးတဲ့ ... ကဲ....
လူကြီးတွေရဲ့ ဒေါသတွေ မနာလို သ၀န်တိုမှုတွေ အပြစ်မဲ့တဲ့ ကလေးတွေအပေါ်ကို
မကျရောက်ကြပါစေနဲ့ လို့......
ပန်းသခင်

No comments: