တရုတ်နိုင်ငံ အနောက်တောင်ပိုင်းက ကွေ့ဂျိုး (Guizhou) ပြည်နယ်မှာ ရှိတဲ့ ကျောက်မီးသွေးတွင်း တခုမှာ ရေလွှမ်းမိုးမှု ဖြစ်ပွားရာက စနေနေ့ အစောပိုင်းမှာ တွင်းတူးလုပ်သား ၂၁ ယောက် မြေအောက်မှာ ပိတ်မိနေတယ်လို့ အစိုးရပိုင် သတင်းက ပြောပါတယ်။
Pingtang ခရိုင် Niupeng ကျောက်မီးသွေးတွင်းမှာ ရေလွှမ်းမိုးမှု ဖြစ်တဲ့အချိန်က တွင်းတူးလုပ်သား ၂၉ ယောက်ဟာ အဆိုင်း ၂ ဆိုင်းခွဲပြီး အလုပ်လုပ်နေကြတာလို့လည်း Xinhua သတင်းက ဖော်ပြခဲ့တာပါ။ ဒီအထဲက ၈ ယောက်ကိုတော့ ဘေးလွတ်ရာ ကယ်ဆယ်နိုင်ခဲ့ပါတယ်။ တရုတ်နိုင်ငံရဲ့ ကျောက်မီးသွေးတွင်းတူး လုပ်ငန်းတွေဟာ ကမ္ဘာပေါ်မှာ အန္တရာယ်အကြီးမားဆုံးအဖြစ်နဲ့ နှစ်စဉ်တွင်းတူးသမား ထောင်ချီသေဆုံးလေ့ရှိပါတယ်။
တရုတ်နိုင်ငံမှာ ကျောက်မီးသွေး လိုအပ်ချက်တွေ အကြီးအကျယ် ရှိနေတာနဲ့အမျှ ကျောက်မီးသွေး တူးဖော်ရေးလုပ်ငန်းရှင် အများအပြားဟာ ဘေးအန္တရာယ် ကင်းရှင်းရေး အတွက် ပြဋ္ဌာန်းထားတဲ့ လုပ်ထုံးလုပ်နည်းတွေကို မကြာခနဆိုသလို လျစ်လျူရှုတာ ကျင့်သုံးဖို့ ပျက်ကွက်တာတွေလည်း ရှိပါတယ်။
No comments:
Post a Comment